Yeremia 23:2 - Ṅmãle̱ Kroṅkroṅ Le̱

² Nohewo̱ le̱ bo̱ni Iehowa, Israel Nyoṅmo̱ le̱, kē̱ ye̱ kwe̱lo̱i ni lè̱o̱ mimaṅ le̱ hewo̱ ne̱: Nyegbe mitōi le̱ nyeſã, ni nyeſieame ke̱-te, ni nyeyataooame̱: na, mibawonye nyeniſemo̱nii fõdši le̱ ahe nyõmo̱! Iehowa kē̱.

ŊMALƐ KRƆŊKRƆŊ LƐ

² Bɔ ni mi, Yehowa, Israel Nyɔŋmɔ lɛ, mikɛɔ yɛ lumɛi ni kwɛɔ miwebii lɛ anɔ lɛ ahe nɛ, ‘Nyɛkuraaa miwebii lɛ, ni nyɛgbɛ amɛ nyɛshwã, ni nyɛshwie amɛ kɛtee. No hewɔ lɛ, naa, mi Yehowa, mikɛɛ akɛ mibawo nyɛ nyɛnifeemɔnii fɔ̃ji lɛ ahe nyɔmɔ.

Yeremia 23:2 ပူးပေါင်းရင်းမြစ်များ

2 Mose 32:34

Nohewo̱ le̱ agbe̱ne̱ ya, ní oyakpla maṅ le̱ ke̱-ya heni mike̱o ewie he le̱; na, *mibo̱fo le̱ aanyie ohĩe; ši kẽle̱ gbĩ no̱ ní mabasraame̱ le̱, masra ame̱he eša le̱ hũ ye̱ ame̱no̱. *33,2. 12. 14.

Yeremia 10:21

Edšake̱ tōkwe̱lo̱i le̱ etšṍmo̱ koloi, ni ame̱bii Iehowa ši, nohewo̱ le̱ ehĩĩ hããame̱, ni ame̱tōikui le̱ fẽ egbe eſã.

Yeremia 11:22

Nohewo̱ le̱ bo̱ni Iehowa Zebaot kē̱ ne̱: Na, mibawoame̱ nyõmo̱ kẽ: oblahīĩ le̱ aagboi ye̱ klante nā, ame̱bihĩĩ ke̱ ame̱biyei le̱ aagboi ke̱ hõmo̱,

Yeremia 13:17

Ši ké̱ nyeboo toi le̱, misusuma aafó ye̱ tēmo̱ mli ye̱ nyehewō le̱ hewo̱, ni *mihĩṅme̱i aafó āhũ, ni emli aaho nu; edšake̱ aṅõ Iehowa tōiku le̱ nom. *9,1.

Yeremia 13:20

Holemo̱ ohĩṅme̱ii ano̱ ni okwe̱ mei ní dše̱ kōyigbe̱ baä ne̱: nẽgbe̱ tōiku ní aṅõ-hão le̱, onumnyam tōiku le̱ yo̱?

Yeremia 13:21

Ké̱ ewo mei, ní bodientše̱ otšo̱se-ame̱ ake̱ onanemei le̱, onukpai ye̱ ono̱ le̱, té obakē̱ tēṅ? Ani kō̃mo̱ etaṅ ohe tamo̱ yō ní bafo?

Yeremia 17:10

Mi, *Iehowa, mitaoo̱ tšuiṅ, mikaã sabai mikwe̱o̱, koni †mahã mofẽmo ye̱ egbè̱i ke̱ enifemo̱nii ayibii le̱ anā! *Lal. 7,10. †Rom. 2,6.

Yeremia 21:12

David we, bo̱ni Iehowa kē̱ ne̱: Nyekodšoa dšale̱ nā dā lebi, ni *nyedšiea moni ahaäle̱ le̱ ke̱-dše̱a amimyelo̱ le̱ deṅ, koni †mimlila le̱ akadše kpo tamo̱ la, ní etšo ní moko nyẽẽ agbe, ye̱ nyenifemo̱nii fõdši le̱ ahewo̱! *22,3. †7,20.

Yeremia 23:34

Ni gbalo̱ le̱ ke̱ oso̱fo le̱ ke̱ maṅ le̱ ní kē̱o̱ ake̱: Iehowa dšatšu le̱! mawo nakai gbomo le̱ ke̱ ewe le̱ nyõmo̱.

Yeremia 44:22

Iehowa nyẽẽ nyenifemo̱nii fõdši ke̱ nihĩnii ní nyefe le̱ doṅṅ le̱, nohewo̱ nyešikpoṅ le̱ etšṍ amaṅfõ ke̱ nākpe̱nõ ke̱ lōmo̱, ni mokomoko be̱ dše̱i, tamo̱ bo̱ni yo̱ ṅme̱ne̱ ne̱!

Yeremia 5:29

Aso mikawo ene̱mei ahe nyõmo̱ lo? Iehowa kē̱; alo misusuma akato̱ ehe owele ye̱ dšeṅmaṅ ni tamo̱ ne̱ke̱ ne̱ no̱? K. 9.

Yeremia 5:9

Aso *mikawo ene̱mei ahe nyõmo̱ lo? Iehowa kē̱; alo misusuma akato̱ ehe owele ye̱ dšeṅmaṅ ní tamo̱ ne̱ke̱ ne̱ no̱? *K. 29.

Yeremia 8:12

Kē̱ ame̱fe nihĩnii le̱, agbeo̱ ame̱hĩe: ši ame̱hĩe gboii komeflo, ni ame̱lee noni dši hĩegbĕle; hewo̱ le̱ ame̱anyõnyõi ye̱ mei ní enyōnyõi le̱ ateṅ: be mli ni mabasraame̱ le̱ ame̱agbēgbē ši, Iehowa kē̱.

Ezekiel 34:5

Ni agbe̱ame̱ aſã, edšake̱ tōkwe̱lo̱ ko be̱, ni ame̱tšṍmo̱ ṅāṅ koloi fẽ aniyenii, ni agbe̱ame̱ aſã. Mat. 9,36.

Hosea 2:13

[11.] Ni mahã emliflimo̱ le̱ fẽ se̱ afo, egbĩĩ dšudši, enyõdšĩ hēi ke̱ ehe-dšō̱mo̱gbīĩ ie̱ ke̱ egbĩdšũrõyelii le̱ fẽ-kwa.

Mika 7:4

Moni hĩ fè fẽ ye̱ ame̱teṅ le̱, etamo̱ kpitikpiti; moni dši ano̱kwafo fè fẽ le̱, fãṅ ṅmei afãbaṅ. Obulo̱i agbĩ le̱ ní dši osramo̱ le̱ mība! agbe̱ne̱ ame̱dšidšāmo̱ le̱ eše̱!

Zakaria 10:3

Mimli ewo *tōkwe̱lo̱i le̱ la, ni mawo tōkpakpoi le̱ anyõmo̱; edšake̱ Iehowa Zebaot ebasra etōiku le̱ ní dši Iuda we le̱, ni eeṅõame̱ efe tamo̱ ekpo̱ṅo̱ ní he yo̱ fe̱o ye̱ ta mli. *11,5.

Zakaria 11:16

Edšake̱ na, matē tōkwe̱lo̱ ko ši ye̱ šikpoṅ le̱ no̱, moni ediṅ nii ní lādšeo̱ le̱ ase̱, ni etaoṅ nii ní egbe̱ eſã le̱, ni etšáṅ nii ní ekũmo̱ le̱, ni elè̱ṅ noni yo̱ hewale̱ le̱; ši eeye nii ní ewo fo̱ le̱ alō, ni eegbla ame̱koklotoi amli.

Mateo 25:36

minyie yayai, ni nyewomi atade; mihe ye, nĩ nyebasrami; awomi tšũṅ, ni nyeba miṅõ.

Mateo 25:43

gbo̱ dšimi, ni nyehãã mabato nyeṅõ; minyie yayai, ni nyewoomi atade; mihe ye ni asaṅ awomi tšũṅ, ni nyebasraami.

Yakobo 1:27

Nyoṅmo̱ dšãmo̱ ni he tše ni ehe be̱ mũdši ko ye̱ Nyoṅmo̱ ke̱ tše̱ le hīe dši ene̱, ake̱ mo asra awusãi ke̱ okũlafoi ye̱ ame̱manehũlũ le mli, ni eto ehe ke̱-dše̱ dše ne̱ṅ koni ekawo ehe mũdši.