Yeremia 21:9 - Ṅmãle̱ Kroṅkroṅ Le̱

⁹ Moni aahĩ mã ne̱ṅ le̱, eegbo ye̱ klante ke̱ hõmo̱ ke̱ gbĕle-hela nā; šĩ mo moṅ ní aadše kpo, ní eyagbē Kaldeabii ní ebo̱ nsra ewo nyehe le̱ adeṅ le̱, eyi aaná wala, ni esusuma aatšṍ hānõ ahãle. 38,2.

ŊMALƐ KRƆŊKRƆŊ LƐ

⁹ Mɔ fɛɛ mɔ ni aaahi maŋ nɛɛ mli lɛ, ebaagbo yɛ ta mli loo kɛtsɔ̃ hɔmɔ nɔ loo kɛtsɔ̃ gbele hela nɔ. Shi mɔ ni baaje kpo eya koni ekɛ ehe ayahã Babilonbii ni ebasa nyɛyi yɛ nyɛmaŋ lɛ mli lɛ, ehiɛ aaakã ni ewala aaatsɔ̃ tamɔ ahuutoonii ni ena yɛ ta lɛ mli.

Yeremia 21:9 ပူးပေါင်းရင်းမြစ်များ

Yeremia 14:12

Ke̱dši ame̱hĩ ṅmā̃ le̱, miboṅ ame̱-blo̱mo̱ toi; ni ke̱dši ame̱šã šā̃-afo̱le ke̱ niyenii-afo̱le hũ, minaṅ ame̱he tšui: ši moṅ klante ke̱ hõmo̱ ke̱ gbĕle-hela mike̱-aplenēame̱ kwrā! Ies. 58,8. Ier. 6,20.

Yeremia 21:7

Ni no se̱ le̱, Iehowa kē̱, madšie Zedekia, Iuda maṅtše̱ le̱, ke̱ etšũdši le̱ ke̱ maṅ le̱ ke̱ mei ní eſe̱ ye̱ mã ne̱ṅ ní ame̱dše gbĕle-hela ke̱ klante ke̱ hõmo̱ le̱ mli le̱, mawo Nebukadnezar, Babel maṅtše̱ le̱, ke̱ ame̱henye̱lo̱i le̱ ke̱ mei ní taoo̱ ame̱susuma se̱gbe̱ le̱ adeṅ, ni eegbeame̱ ye̱ klante nā, ekõṅ efliṅ, ni enaṅame̱ mo̱bo̱, ni emũsũṅ hũ etšõṅle̱.

Yeremia 24:10

Ni mahã klante ke̱ hõmo̱ ke̱ gbĕle-hela abote ame̱teṅ ke̱-yaši beyino̱ ní ame̱atã kwrā ye̱ šikpoṅ ní miṅõ-hãame̱ ke̱ ame̱tše̱mei le̱ no̱.

Yeremia 27:11

Ši dšeṅmaṅ ní aaṅõ ekue̱ awo Babel maṅtše̱ le̱ apã le̱ šiši ni esúmo̱le̱ le̱, ma-hã ehĩ ešikpoṅ le̱ no̱, ní ehũ no̱, ni ehĩ no̱, Iehowa kē̱.

Yeremia 27:12

Ni miwie ne̱ke̱ wiemo̱i ne̱ fẽ mitšõ Zedekia, Iuda maṅtše̱ le̱, ni mikē̱: Nyeke̱ nyekue̱ awoa Babel maṅtše̱ le̱ apã le̱ šiši ni nyesúmo̱ale̱ ke̱ emaṅ le̱, ni nyeyi aná wala!

Yeremia 27:13

Mẽba ni oke̱ omaṅ le̱ aagboi ye̱ klante ke̱ hõmo̱ ke̱ gbĕle-hela nā, take̱ bo̱ni Iehowa ewie ye̱ dšeṅmaṅ ní súmo̱ṅ Babel maṅtše̱ le̱ he le̱?

Yeremia 38:2

Bo̱ni Iehowa kē̱ ne̱: Moni aahĩ mã ne̱ṅ le̱, eegbo ye̱ klante ke̱ hõmo̱ ke̱ gbĕle-hela nā; ši moni aadše kpo ke̱-ate Kaldeabii le̱ aṅõ le̱, aahere eyiwala, ni esusuma aatšṍ tamo̱ hānõ ahãle̱, ni eyi aaná wala! 21,9.

Yeremia 38:3

Bo̱ni Iehowa kē̱ ne̱: Tu kẽ aatu ne̱ke̱ maṅ ne̱ awo Babel maṅtše̱ le̱ ta le̱ deṅ, ni ame̱aṅõle̱!

Yeremia 39:18

ši mahã odše mli kẽ, ni *onyõṅ ye̱ klante nā; ši osusuma aatšṍ hānõ ahão, edšake ohĩe kã mino̱, Iehowa kē̱. *Hiob 5,20.

Yeremia 45:5

Ni bo le̱ nii wudši otaoo̱ ohã ohe? Kātao! Edšake̱ na, mike̱ efõṅ aaba helo fiā no̱, Iehowa kē̱; ši maṅõ *osusuma mahão ake̱ hānõ ye̱ hefẽhe ní ootšṍ. *39,8; 43,6.

Ezekiel 5:12

Omlidšãi etẽ mli ekome aagboi ke̱ gbĕle-hela, ame̱aaplenē ke̱ hõmo̱ ye̱ oteṅ, ni mlidšãi etẽ mli ekome aanyõnyõi ye̱ klante nā ke̱-abo̱leo ke̱-akpe, ni magbe̱ mlidšāi etẽ mli ekome hũ maſã kō̱yo̱i fẽ amli, ni magbla klante ke̱-nyie amese̱. K. 2.