Yeremia 21:4 - Ṅmãle̱ Kroṅkroṅ Le̱

⁴ Bo̱ni Iehowa, Israel Nyoṅmo̱ le̱, kē̱ ne̱: Na, tawūnii ní yo̱ nyedeṅ ní nyehĩe nyeke̱ Babel maṅtše̱ le̱ ke̱ Kaldeabii ní ebo̱ nsra ewo nyehe ye̱ gbogboi le̱ ase̱ le̱ wuo̱ le̱, mibakpale ke̱-kũ se̱, ni mabua na ke̱-ba maṅ ne̱ teṅ.

ŊMALƐ KRƆŊKRƆŊ LƐ

⁴ “Nyɛyakɛa Maŋtsɛ Zedekia akɛ bɔ ni Yehowa, Israel Nyɔŋmɔ lɛ, kɛɛ nɛ, ‘Naa, mibakpãtã tawuunii ni nyɛhiɛ yɛ nyɛdɛŋ lɛ ahiɛ, tawuunii ni nyɛhiɛ ni nyɛkɛ Babilon maŋtsɛ lɛ kɛ etabilɔi Kaldeabii ni esa nyɛyi yɛ Yerusalɛm gbogboi lɛ asɛɛ lɛ wuɔ lɛ; mibabua fɛɛ naa kɛba maŋ lɛ teŋ.

Yeremia 21:4 ပူးပေါင်းရင်းမြစ်များ

Yesaia 10:4

Eſe̱ṅ nokonoko ake̱ dša ame̱ba ame̱he ši ye̱ gbokle̱foi le̱ ateṅ, ni ame̱gbēgbē ši ye̱ mei ní enyõnyõi le̱ ateṅ! Fẽ le̱ emlifũ le̱ edšo̱ko, ní enine le̱ ekpã mli lolo. 5,35.

Yesaia 13:4

Na, āfe hō ye̱ gõdši le̱ ano̱ tamo̱ mei babaō hōfemo̱! Na, dšeṅmãdši ní ebua ame̱he nā ke̱-dše̱ maṅtše̱yelihei le̱ ahōfemo̱ ni: Iehowa Zebaot mīkane eta le̱ eto tawū.

Yesaia 5:5

Odšogbãṅ! agbe̱ne̱ mibatšõnye noni mibafe miweintrom le̱: Mibadšie ehe afãbaṅ le̱, ní koloi aye; mibakũmo̱ ehe gbogbo le̱ hũ, ní anānā no̱.

Yeremia 20:4

Edšake̱ bo̱ni Iehowa kē̱ ne̱: Na, mahã otšṍ gbeyeinõ ohã bodientše̱ ohe ke̱ onanemei le̱ fẽ, ni ame̱anyõnyõi ye̱ ame̱henye̱lo̱i le̱ aklante nā, ní oona ke̱ ohĩṅme̱ii; ni maṅõ Iuda fẽ mawo Babel maṅtše̱ le̱ deṅ, ni eeṅõame̱ nom ke̱-ate Babel, ni eegbeame̱ ke̱ klante.

Yeremia 21:3

Ke̱ke̱ ni Ieremia kē̱ame̱ ake̱: Nyeyakē̱a Zedekia ake̱:

Yeremia 32:24

Na, kpokui le̱ mīše̱ maṅ le̱ he, ni ame̱baṅõle̱, ni atu maṅ le̱ awo Kaldeabii ní ke̱le̱ wuo̱ le̱ adeṅ ye̱ klante ke̱ hõmo̱ ke̱ gbĕle-hela so̱ṅṅ nā, ni noni owie le̱ eba mli, ni na, ōna!

Yeremia 32:3

edšake̱ Iuda maṅtše̱ Zedekia eṅã́ eyi ekē̱: Mẽba ogbaä ake̱: Bo̱ni Iehowa kē̱ ne̱: Na, *mibaṅõ ne̱ke̱ maṅ ne̱ mawo Babel maṅtše̱ le̱ deṅ ní eṅõle, *21,7; 27,6.

Yeremia 32:5

ni eekpla Zedekia ke̱-ate Babel, ni eehĩ dše̱i ke̱-yaši beyino̱ ní *mabasrale̱, Iehowa kē̱; ši ké̱ nyeke̱ Kaldeabii le̱ wu le̱, ehoṅ le̱. *52,11.

Yeremia 33:5

Ame̱mība ní ame̱ke̱ Kaldeabii le̱ abawu, ši ame̱ke̱ gbomei ní migbe ye̱ mimliſũ ke̱ mimlila mli, mei ni ame̱nifõdšianii so̱ṅṅ hewo̱ miṅõ mihĩe mitẽ ne̱ke̱ maṅ ne̱ le̱, agbohĩĩ aawoame̱ obõ to̱.

Yeremia 35:17

Nohewo̱ le̱ bo̱ni Iehowa, Zebaot Nyoṅmo̱, ní dši Israel Nyoṅmo̱ le̱, kē̱ ne̱: Na, mike̱ efõṅ fẽ ní miwie ye̱ Iuda ke̱ Ierusalembii le̱ fẽ he le̱ aaba ame̱no̱, edšake̱ *miwie mitšõame̱, ni ame̱boo toi, ni mitšé̱ame̱ ni ame̱heree no̱. *7,13.

Yeremia 39:3

ke̱ke̱ ni Babel maṅtše̱ le̱ lume̱i le̱ fẽ ba ni ame̱batrá teṅ koi le̱ ši: Nergal-Šarezer, Samgár-Neho, Sarsekím, piafoi le̱ atše̱ le̱, Nergal-Šarezer, Magifoi le̱ atše̱ le̱, ke̱ Babel maṅtše̱ le̱ lume̱i ní eſe̱ le̱ fẽ.

Yeremia 52:18

Ni kukwe̱ii le̱ ke̱ lōmo̱nii le̱ ke̱ kaklai le̱ ke̱ lalakãi le̱ ke̱ atoi le̱ ke̱ akō̱ble nibii le̱ fẽ ni ake̱-súmoo̱ le̱, ame̱kō̱lo̱ ke̱-te;

Yāfó 2:3

Eflo̱ Israel aklontoi fẽ ye̱ mlifũ ní nā wa mli; esu eninedšũrò ewoṅ ye̱ benye̱lo̱ le̱ hĩe, ni ešā Iakob tamo̱ la ni tšoo̱ plamplam ní šãa nii ke̱-kpeo̱.

Yāfó 2:5

Nuṅtšo̱ le̱ etšṍ tamo̱ henye̱lo̱; eplenē Israel, eplenē emõdši fe̱fe̱dši le̱ fẽ, efite emõdši ní wa le̱, ni ehã ṅko̱mo̱yeli ke yāfá efá ehã Iuda biyō le̱.

Yāfó 2:7

Nuṅtšo̱ le̱ eše̱ efo̱lešãlate̱ le̱ efõ enyāṅe ehekroṅkroṅ le̱; eṅõ emõdši fe̱fe̱dši le̱ ahe gbogboi le̱ ewo henye̱lo̱ le̱ deṅ; ame̱mīblo̱ ye̱ Iehowa we le̱ tamo̱ eblo̱ō̱ ye̱ *gbĩdšũrõ ko no̱. *K. 22

Ezekiel 39:3

Ni matſa ogãitšo le̱ ke̱-adše onine-abe̱ku, ni mahã ogãimlibii le̱ adše onine-dšŭrõ aſie ši.

Hosea 9:12

Ši ké̱ ame̱lè̱ ame̱bii le̱ tete le̱, makpakpāame̱, ni eſe̱ṅ moko; ši ame̱ le̱, ke̱dši midše amehe le̱, kpóo hãame̱!

Zakaria 14:2

Ni mabua *dšeṅmãdši fẽ nā mawo Ierusalem he ní ame̱ke̱le̱ abawu, ni aaṅõ maṅ le̱, ni aaha šĩai le̱, ni yei le̱, aatoame̱ kebonā, ni maṅ le̱ fã aadše kpo ke̱-ate nomṅō̃ mli, ni maṅ le̱ mli mei ní aaſe̱ le̱ aplenēṅame̱ ye̱ mã le̱ṅ. *12,3.

Mateo 22:7

Ši beni maṅtše̱ le̱ nu le̱, emli fũ, ni etšũ etabilo̱i, ni ame̱yagbe ne̱ke̱ awuyelo̱i ne̱, ni ašã ame̱maṅ le̱. 24,2.