Yeremia 2:20 - Ṅmãle̱ Kroṅkroṅ Le̱

²⁰ Edšake̱ blema bēbe odše̱ okũ opã le̱, ni otšere̱ okpãi le̱, ni okē̱ ake̱: Misúmo̱o̱ moko! edšake̱ *goṅkpo̱-fẽ-goṅkpo̱ ní kwo̱ no̱ ke̱ tšo-fẽ-tšo ni ebu kusū šiši oyakãa ši obo̱ō̱ adſamaṅ ye̱. *5,6. Ies. 57,5. Ezek. 6,13.

ŊMALƐ KRƆŊKRƆŊ LƐ

²⁰ “Blema ko beebe ni oku opã lɛ, ni otserɛ kpãi ni fimɔ bo lɛ mli, ni okɛɛ akɛ, ‘Misɔ̃mɔɔɔ mɔ ko mɔ ko!’ Shi gɔŋkpɔ fɛɛ gɔŋkpɔ yiteŋ kɛ tso fɛɛ tso ni ebu kusuu shishi oyakotoɔ shi ojaa, ni okwaa mi yɛ.

Yeremia 2:20 ပူးပေါင်းရင်းမြစ်များ

1 Maŋtsɛmɛi 12:32

Ni Ierobeam to gbĩdšũrõ ye̱ nyõṅ ni dši kpānyo̱ le̱ no̱ gbĩ ni dši gbĩ nyoṅma ke̱ enumo̱ le̱ no̱, tamo̱ gbĩdšũrõ ni ayeo̱ ye̱ Iuda le̱, ni ešã afo̱le ye̱ afo̱lešãlate̱ le̱ no̱. Nakai efe ye̱ Betel, ni ešã afo̱le ehā tšinabii ní efe le̱; ni eṅõ hei gro̱ṅṅi le̱ aso̱foi ni ewowoi le̱ eto Betel.

1 Maŋtsɛmɛi 14:23

Ši ame̱ hũ ame̱mãmo̱ hei groṅṅi ame̱hã ame̱he, ke̱ šiui ke̱ akrabatšai *ye̱ goṅkpo̱-fẽ-goṅkpo̱ ní kwo̱ no̱ ke̱ tšo-fẽ-tšo ní ebu kusū šiši. *2 Maṅ. 16,4.

Lalai 107:14

edšieame̱ ke̱-dše̱ duṅ ke̱ gbĕlehō̃ṅ le̱ mli, ni etšere̱ ame̱kpãi le̱ amlí:

Lalai 2:3

“Nyehãa wo̱kũmo̱a ame̱gbokle̱i le̱, ní wo̱tšere̱ ame̱kpãi le̱ ye̱ wo̱he wo̱ſie!” Ier. 2,20; 5,5. Luk. 19.14.

Lalai 78:58

Edšake̱ ame̱ke̱ ame̱hei groṅṅi le̱ wo emli la, ni ame̱ke̱ ame̱mãgãi le̱ hã eye awuṅā. 5 Mose 32,21.

2 Mose 19:8

Ni maṅ le̱ fẽ here no̱ šikōme ni ame̱kē̱: Nibii fẽ ní Iehowa ewie le̱ wo̱o̱fe. Ni Mose yatšĩ maṅ le̱ gbē le̱ ehã Iehowa.

2 Mose 24:3

Ni Mose ba ni ebadšadše Iehowa wiemo̱i le̱ ke̱ kodsomo̱i le̱ fẽ etšõ maṅ le̱. Ni maṅ le̱ fẽ here no̱ ke̱ gbẽ kome ni ame̱kē̱: Wiemoi fẽ ni Iehowa wie le̱, wo̱o̱fe. 19,8.

2 Mose 3:8

Ni mikpleke ši mibadšieame̱ ye̱ Mizraimbii le̱ adeṅ, ni mafãame̱ ke̱-dše̱ nakai šikpoṅ le̱ no̱ ke-ya šikpoṅ kpakpa ní da, šikpoṅ ní fufo̱ ke̱ wò hoo̱ ye̱ no̱ le̱ no̱, Kanaanbii ke̱ Hitbii ke̱ Amorbii ke̱ Perizbii ke̱ Hivbii ke̱ Iebusbii le̱ agbe̱-he le̱.

Yesaia 1:21

Té fe tẽṅ ní maṅ ní yeo ano̱kwa le̱ etšṍ ehe adſamaṅ ne̱? Sá le̱ emli eyi obo ke̱ dšale̱ saneyeli; dšale̱ hũ hĩ ši ye̱ mli; ši agbe̱ne̱ *awuyelo̱i so̱ṅṅ! *Mat. 23,37.

Yesaia 10:27

Ni aaba mli ye̱ nakai gbĩ le̱ no̱ ake̱ aadšie edšatšu le̱ ye̱ okõṅ ne̱ ke̱ epã le̱ hũ ke̱-adše̱ okue̱ no̱; ni apã le̱ aafite ye̱ fo̱ ní ewo le̱ hewo̱.

Yesaia 14:25

ake̱ makũ Ašur mli ye̱ mišikpoṅ le̱ no̱, ni manānā eno̱ ye̱ migõdši le̱ ano̱, ni epã le̱ aadše ame̱no̱, ni edšatšu le̱ hũ adše ame̱kue̱ no̱.

Yesaia 9:4

[5.] Aspatre-fẽ-aspatre ní tawulo̱i woo̱ ke̱-šimoo̱ ši ye̱ ta gidigidifemo̱ mli le̱ ke̱ atade ní wuo̱ ši ye̱ lá mli le̱, šã abašã, ni eetšṍ la niyenii.

Yeremia 13:27

Mina onihĩnii ke̱ ogblãfitemo̱ ke̱ onyenyeṅtſibō̱ ke̱ odſamaṅbō̱ ní yo̱ nyãṅemo̱ le̱, ye̱ ṅãno̱ goṅkpo̱i le̱ ano̱. Kpóo hao, Ierusalem! atšūṅ ohe; mẽ beyino noṅṅ ebakã he ke̱-yaši?

Yeremia 17:2

bo̱ni ame̱bii le̱ kaio̱ ame̱fo̱lešãlate̱i le̱ ke̱ ame̱krabatšai le̱ ye̱ tšei kusukusui le̱ ašiši ye̱ goṅkpo̱i groṅṅi le̱ ano̱ le̱.

Yeremia 2:31

Nye ne̱ke̱ yino̱bii! nyekwe̱a Iehowa wiemo̱ le̱! Ani mitšṍ ṅãno̱ mihā Israel alo šikpoṅ ní eno̱ ewo duṅ kpī? Mẽhewo̱ mo̱ ni mimaṅ le̱ kē̱o̱ ake̱: Wo̱ye wo̱he! ni wo̱baa oṅõ doṅṅ ne̱?

Yeremia 3:13

Ná onišaianii le̱ ole ke̱ke̱, ake̱ otõ Iehowa, o-Nyoṅmo̱ le̱, no̱, ni oyakpa ši ye̱ ogbè̱i le̱ ano̱ ke̱-nyie meikpõdši ase̱, ye̱ tšo-fẽ-tšo ní ebu kusū šiši, ni nyeboko migbē toi! Iehowa kē̱.

Yeremia 30:8

Ni aaba mli ye̱ nakai gbĩ le̱ no̱, Iehowa Zebaot kē̱, ake̱ makũmo̱ *epã le̱ ke̱-adše̱ okue̱, ni matšere̱ okpãi le̱, ni meikpõdši yeṅo nyṍṅ doṅṅ; *27,12.

Yeremia 5:5

mate gbomei agboi le̱ aṅõ, ní mike̱ame̱ ayawie; edšake̱ ame̱ le̱ ame̱le Iehowa gbe̱ le̱ ke̱ ame-Nyoṅmo le̱ kodšomo le̱. Ši mene̱mei fẽ hũ *ekũmo̱ apã le̱, ni ame̱tšere̱ kpãi le̱. *2,20.

Ezekiel 16:28

Osā oke̱ Ašurbii le̱ bũ bo̱ adſamaṅ, edšake̱ oto̱o̱; ni oke̱ame̱ bo̱ adſamaṅ, ši kẽle̱ eše̱e̱ onā.

Ezekiel 16:31

ni ofeo̱ okoi ye̱ ṅmaṅmaša-fẽ-ṅmaṅmaša no̱, ni ofeo̱ ohei groṅṅi le̱ ye̱ blohũ-fẽ-blohũ mli; ni ofee tamo̱ adſamaṅ tete, ake̱-ní okpōo̱ nyõmo̱wo le̱; K. 24. 25.

Ezekiel 16:41

Ni ame̱ke̱ la aašã ošĩai le̱, ni ame̱-akodšoö ye̱ yei babaō ahĩe; ni mahã ofo adſamaṅbō̱, ni owoṅ nyõmo̱ doṅṅ.

Ezekiel 20:28

Edšake̱ beni mike̱ame̱ ba šikpoṅ ní miwó minine no̱ ake̱ maṅõ-hãame̱ le̱ no̱ le̱, goṅkpo̱-fẽ-goṅkpo̱ ní kwo̱ lo tšo kusũ-fẽ-tšo kusū ní ame̱ana le̱, ame̱yašãa ame̱gbē-afo̱lei le̱ ye̱ dše̱i, ni ame̱ke̱ ame̱mlilawō nikēnii le̱ yakeo̱ ye̱ dše̱i; dše̱i noṅṅ ame̱hãa ame̱tšofãi le̱ dšeo̱ ṅma ye̱, ni ame̱yeo̱ ame̱ṅkpai ye̱ dše̱i.

Ezekiel 23:5

Ni Ohola dše mise̱ yabo̱ adſamaṅ, ni ehĩe tšu esuolo̱i le̱ ano̱, ye̱ Ašurbii ni be̱ṅke̱o̱le̱ le̱ ano̱,

Hosea 1:2

Beni Iehowa ke̱ Hošea Hi wiemo̱ le̱, Iehowa kē̱ Hošta ake̱: Yaṅõ *yō adſa-maṅ ke̱ adſamaṅbii ohã ohe! Edšake̱ šikpoṅ le̱ edše Iehowa se̱ eyabo̱ adſamaṅ. *8,1.

Hosea 2:5

[8.] koni mikadšie eyayaiaṅ mifõ ši, ni mike̱le̱ damo̱ ši tamo̱ gbĩ ní afo̱le̱ le̱, ni mifele̱ tamo̱ ṅano̱, ni mike̱le̱ damo̱ ši tamo̱ šikpoṅ gbĩṅ ko, ní mike̱ kũmai gbele̱;

Hosea 3:3

Ni mikē̱le̱ ake̱: Hĩ ši ohãmi gbĩĩ pī, kābo̱ adſamaṅ ni kāgbã nū ko nū ko, ni mi hũ mahĩ ši mahão.

Hosea 4:13

*Gõdši le̱ ayiteaṅ ame̱šãa afo̱le ye, ni goṅkpo̱i le̱ ano̱ ame̱šãa tšofa-ke̱-ṅma ye̱, ye̱ odum ke̱ onyãi ke̱ papao šiši, edšake̱ ame̱šišihō̃ṅ le̱ hĩ, hewo̱ le̱ nyebiyei le̱ bo̱ö̱ adſamaṅ, ni nyebihĩĩ aṅãmei le̱ fiteo̱ gblã. *Ezek. 6,13.

Hosea 9:1

Israel, kãnyã́, ní omli mīflio tamo̱ mãdšimãdši le̱! Edšake̱ odše o-Nyoṅmo̱ le̱ se̱ *oyabo̱ adſamaṅ, osumo̱ nyõmo̱wo ye̱ ṅmā̃gbēmo̱he-fẽ-ṅmā̃gbẽmo̱he. *1,2.

3 Mose 26:13

Midši Iehowa, nye-Nyoṅmo̱ le̱, moni dšienye ke̱-dše̱ Mizraim šikpoṅ le̱ no̱, koni nyekafe ame̱nyṍdši doṅṅ, ni mikũmo̱ nyepã-tšei le̱, ni mihã nyenyie trõmō̃ le̱.

Nahum 1:13

Ši agbe̱ne̱ makũmo̱ epã le̱ mli ke̱-adše̱ ohe, ni matšĕre̱ okpãi le̱.

5 Mose 12:2

Kpãtãmo̱ nyekpãtãa *hei fẽ ní dšeṅmãdši ní nyeyaſie le̱ dšáa ame̱nyoṅmo̱i le̱ ye̱ le̱ ahĩe, gõdši groṅṅi ano̱ dšio, goṅkpo̱i ano̱ dšio, tšei ní ebu kusū ašiši dšio; *7,5. 25.

5 Mose 15:15

Ni okai ake̱ *bo hũ oyatšṍ nyṍṅ ye̱ Mizraim šikpoṅ le̱ no̱, ni Iehowa kpõo, nohewo̱ ni miwoo̱o ne̱ke̱ kitã ne̱ ṅme̱ne̱ gbĩ ne̱. *5,15.

5 Mose 26:17

Ṅme̱ne̱ ogba mli okē̱ Iehowa ake̱ le̱ dši o-Nyoṅmo̱, ni oonyie egbèi le̱ ano̱, ni ooye ekpo̱i ke̱ ekitãi ke̱ emlai le̱ ano̱, ni oobo egbē toi.

5 Mose 4:20

Ši nye le̱, Iehowa eṅõnye, ni edšienye ke̱-dše̱ dade flõnõ le̱ mli, ke̱-dše̱ Mizraim, koni nyefe *no̱yeli maṅ nyehãle̱, tamo̱ bo̱ni nyeyo̱ ṅme̱ne̱ gbĩ ne̱ le̱. *3 Mose 19,5. 6.

5 Mose 4:34

Alo Nyoṅmo̱ eka ni eba ebadšie dšeṅmaṅ ko ke̱-dše̱ dšeṅmaṅ kroko mli ye̱ *kāi anā, ke̱ okadii anā, ke̱ nākpe̱nii anā, ke̱ tawū nā, ke̱ ninešiwale̱ nā, ke̱ nine ní akpã mli nā, ke̱ gbeyeinii wudši anā, tamo̱ bo̱ni Iehowa, nye-Nyoṅmo̱ le̱, fe hãnye ye̱ Mizraim ye̱ nyehĩṅme̱iaṅ le̱ lo? *7,19.

5 Mose 5:27

Bo moṅ tši obe̱ṅke̱ ni obo nofẽno ní Iehowa, wo̱-Nyoṅmo̱ le̱, aakē̱ toi, ni obakē̱wo̱ nii fiā ní Iehowa, wo̱-Nyoṅmo̱ le̱, ke̱o aawie le̱, ni wo̱o̱bo toi ní wo̱fe.

Yoshua 1:16

Ni ame̱to he ame̱hã Iošua ake̱: Nofẽno ní owoo̱wo̱ he kitã le̱, wo̱o̱fe, ni hefẽhe ní otšũo̱wo̱ le̱, wo̱o̱te.

Yoshua 24:24

Ni maṅ le̱ kē̱ Iošua ake̱: Iehowa, wo̱-Nyoṅmo̱ le̱, wo̱o̱súmo̱, ni le̱ egbe toi wo̱o̱bo!

Yoshua 24:26

Ni Iošua ṅmã ne̱ke̱ sãdši ne̱ fẽ ewo Nyoṅmo̱ mlawolo le̱ mli; ni ewó te̱ kpeteṅkple ko emã dše̱i, ye̱ *tšo kple le̱ ni mã Iehowa hekroṅkroṅ le̱ šiši. *1 Mose 35,4. Kods. 9, 6.

Kpojiemɔ 17:1

Ni *bo̱foi kpawo le̱ ní hĩe to̱i kpawo le̱ ateṅ mokome ba ni eke̱mi bawie eke: Ba, ní matšõo adſamaṅ kpeteṅkple le̱ ní tá nui babaō le̱ ano̱ le̱ kodšomo le, *15,1.

Kojolɔi 10:6

Ni Israelbii le̱ fe efõṅ ye̱ Iehowa hĩe ekoṅ, ni ame̱yasúmo̱ Baalim ke̱ Aštarot ke̱ Aram nyoṅmo̱i le̱ ke̱ Zidon nyoṅmo̱i le̱ ke̱ Moab nyoṅmo̱i le̱ ke̱ Amonbii le̱ anyoṅmo̱i le̱ ke̱ Filistibii le̱ anyoṅmo̱i le̱, ni ame̱kwa Iehowa, ni ame̱súmo̱o̱le̱.

Kojolɔi 2:11

Ke̱ke̱ ni Israelbii fe efõṅ ye̱ Iehowa hĩe, ni ame̱yasúmo̱ Baalim.

Kojolɔi 2:13

Ni beni ame̱šĩ Iehowa, ni ame̱yasúmo̱ Baal ke̱ Aštarot le̱,

1 Samuel 12:10

Ni ame̱sā ame̱blo̱ ame̱tšé̱ Iehowa ni ame̱kē̱: Wo̱fe eša, edšake̱ wo̱kwa Iehowa, ni wo̱yasúmo̱ Baalim ke̱ Aštarot; ši agbe̱ne̱ le̱ dšiemo̱wo̱ ke̱-dše̱ wo̱henye̱lo̱i le̱ adeṅ, ni wo̱o̱súmo̱o!