Yeremia 2:19 - Ṅmãle̱ Kroṅkroṅ Le̱

¹⁹ Bodientše̱ onifõdšianii aagbla otoi, ni ose̱se̱yā le̱ hũ aakã ohĩe; hewo̱ le̱ ná ole ni oyo ake̱ kwa ni okwa Iehowa, o-Nyoṅmo̱ le̱, ke̱ migbeyeišemo̱ ní be̱ omli le̱ edši nõfõṅ ke̱ noni dšōo̱, Nuṅtšo̱, Iehowa Zebaot, kē̱!

ŊMALƐ KRƆŊKRƆŊ LƐ

¹⁹ Bo diɛŋtsɛ onifɔɔjianii lɛ baagbala otoi, ni kwamɔ ni okwa mi lɛ baabu bo fɔ. Na ole, ni oyoo akɛ kwamɔ ni okwa mi, Yehowa, oNyɔŋmɔ lɛ, nɔ fɔŋ ni, ni ebaajoo ehã bo. Mihe gbeyeishemɔ bɛ omli. Mi, Nuŋtsɔ Nyɔŋmɔ, Taiatsɛ, mikɛɛ.”

Yeremia 2:19 ပူးပေါင်းရင်းမြစ်များ

1 Maŋtsɛmɛi 18:18

Ni ehere no̱ ake̱: Mihaoko Israel, ši moṅ bo ke̱ otše̱ we le̱ ni, ake̱ noni nyekwa Iehowa kitãi le̱, ni *oyanyie Baalim se̱ le̱! *18,31. 32.

2 Kronika 12:5

Ke̱ke̱ ni gbalo̱ Šemaia ba Rehabeam ke̱ Iuda onukpai ní ebua ame̱he nā ke̱-ba Ierusalem ye̱ Sišak hewo̱ le̱ aṅõ, ni ebakē̱ame̱ ake̱: Bo̱ni Iehowa kē̱ ne̱; Nyekwami, nohewo̱ le̱ mi hū miṅmē̃ nyehe miwo Šišak deṅ!

2 Kronika 21:10

Ni Edom tše Iuda hĩe atũa ke̱-baši ṅme̱ne̱. No be le̱ mli noṅṅ Libna hũ tše ehĩe atũa; edšake̱ ekwa Iehowa, etše̱mei a-Nyoṅmo̱ le̱.

2 Kronika 25:16

Ši eba mli ake̱, beni eke̱le̱ wieo̱ le̱, maṅtše̱ le̱ kē̱le̱ ake̱: Ani wo̱wo bo maṅtše̱ ṅāwolo̱ lo? Fõmo̱! mẽba oohã atſiao nii? Ni gbalo̱ le̱ fõ ni ekē̱: Ake̱-ni ofe ne̱ ni oboo miṅāwō le̱ toi ne̱, mile ake̱ Nyoṅmo̱ eto eyiṅ ake̱ eekpãtã ohĩe!

Lalai 36:1

Iehowa tšũlo̱ David lala ní eke̱-hã lalatše̱ nukpa le̱.

2 Mose 33:6

Ni Israelbii le̱ kplo̱ ame̱hewulamo̱nii le̱ ye̱ ame̱he ye̱ Horeb goṅ le̱ he. Iona 3,6.

Abe̱i 1:31

hewo̱ le̱ ame̱aye ame̱gbe̱ le̱ mli yibii, ni ame̱atŏ̱ro ke̱ ame̱ṅāi ni ame̱totoi le̱. Ies. 3,10. 11.

Abe̱i 1:32

Edšake̱ noni mei ni náko dſẽṅmo̱ le̱ kpaleo̱ ke̱-yaä he le̱ noṅṅ aagbeame̱, ni dſẽṅmo̱ ní kwašiai dſẽṅo̱ ake̱ ame̱ye̱ ſeſēſe le̱ aakpãtã ame̱hĩe. 8.36.

Abe̱i 5:22

Mofõṅ le̱, le̱dientše̱ enišaianii le̱ noṅṅ aadũle̱, ni ehe eša kpãi le̱ noṅṅ ake̱-afĩle̱.

Yesaia 3:9

Ame̱hĩe su yeo̱ odase šio̱ame̱, ni ame̱gbaä amehe ešai hũ tamo Sodom, ame̱ke̱-tēē. Kpóo hã ame̱susuma! edšake̱ *amefe ame̱dientše̱ amehe efõṅ. *Hos. 13,9.

Yesaia 5:5

Odšogbãṅ! agbe̱ne̱ mibatšõnye noni mibafe miweintrom le̱: Mibadšie ehe afãbaṅ le̱, ní koloi aye; mibakũmo̱ ehe gbogbo le̱ hũ, ní anānā no̱.

Yesaia 50:1

Bo̱ni Iehowa kē̱ ne̱: Nẽgbe̱ nyenye *mligblamo̱wolo ní mike̱-ſiele̱ yo̱? alo minyõdšiatše̱mei lo̱ ateṅ namo †mihõnye mihã? Na, nyenišaianii le̱ ahewo̱ ahõnye, ni nyeno̱tõmo̱i le̱ ahewo̱ aſie nyenye. *5 Mose 24,1. Ies 54,6. †52,3.

Yeremia 1:16

Ni makodšoame̱ ye̱ ame̱nifõdšianii le̱ fẽ hewo, ake̱-ni ame̱kwami, ni ame̱yašã tšofãi-ke̱-ṅmai ame̱hã nyoṅmo̱i krokomei, ni ame̱dšá ame̱dientše̱ ame̱ninenā nitšumo̱i le̱.

Yeremia 13:22

Ni ké̱ okē̱ ye̱ otšui mli ake̱: Mẽhewo̱ ne̱ke̱ nii ne̱ ba mino̱? le̱, — onišaianii babaō le̱ hewo̱ ni awó otade *nāmũi le̱ ano̱, ni ahã onane tšitšii na nõ. *Ies. 47,2. 3. Ezek. 16,37.

Yeremia 2:17

Ani dšee bodientše̱ otao ene̱ ohã ohe, ake̱-ní okwa Iehowa, o-Nyoṅmo̱ le̱, beni ekplaäo ke̱-tšṍ gbe̱ le̱ no̱ le̱? Hos. 13,9.

Yeremia 3:22

Nyekũa nyese̱, nye bii se̱se̱yalo̱i, matšá nyese̱se̱yā le̱! *Na, wo̱mība oṅõ, edšake bo dši Iehowa, wo-Nyoṅmo le̱. *Hos. 6,1.

Yeremia 4:18

Ogbe̱ ke̱ onifemo̱nii le̱ feo ene̱ ne̱: onifõdšianii le̱ dši noni hã edšō, ni eše̱ otšui mli tō̃ ne̱.

Yeremia 5:22

Aso nyešeemi gbeyei? Iehowa kē̱, ni nyehe kpokpoo ye̱ mihĩe? *mi moni mike̱ šia fo hũsũ miwo ṅšo̱ he, ní dši nāno̱ afābaṅ ní enyẽṅ eteke le̱; ni ké̱ ešo̱kẽi le̱ fe hãmãhãmã tete le̱, kẽle̱ ame̱nyẽṅ no̱ ame̱tšṍ; kē̱ ame̱hū̃ tete le̱, ame̱nyẽṅle̱ ame̱teke. *Hiob 38,8-11.

Yeremia 5:24

ni ame̱kē̱ē̱ ye̱ ame̱tšuii amli ake̱: Nyehãa wo̱sea Iehowa, wo̱-Nyoṅmo̱ le̱, gbeyei, ši le̱ *ehãa nyoṅmo̱ ne̱o̱ gbo ke̱ agbie̱nā ye̱ ebe mli, le̱ ebāa nikpamo̱ otšii ní ato le̱ ayi ehãawo̱! *Bo̱f. 14,17.

Yeremia 5:6

Nohewo̱ le̱ kō mli dšata aagbeame̱, ni ṅãno̱ klaṅ aakpãtã ame̱hĩe, kōtše̱ aawo ká ye̱ ame̱mãdši le̱ ahe; mofẽmo ní aadše mli adše kpo le̱, aatšere̱ emli; edšake̱ ame̱no̱tõmo̱i le̱ fá tšṍ, ni ame̱se̱se̱yāi le̱ wa tšṍ! 3 Mose 26,22.

Yeremia 7:19

Ani mi ame̱hãa edo̱ö̱? Iehowa kē̱; ani dšee ame̱dientše̱ ame̱he, beni afe ní ame̱hĩe agboi?

Yeremia 8:5

Mēhewo̱ mo̱ ni ne̱ke̱ maṅ Ierusalem ne̱ ekpale ni ame̱ka mli kwrā ne̱? ame̱hĩe šišiumo̱ mli gbãgbā̃gbã, ame̱kplẽẽ se̱kū̃.

Ezekiel 23:30

Aafeo ene̱mei, edšake̱ oyabo̱ adſamaṅ ke̱-nyie dšeṅmãdši le̱ ase̱, ni oke̱ ame̱wo̱dši le̱ ebule ohe.

Ezekiel 39:24

Bo̱ni ame̱mũdšinii ke̱ ame̱no̱tõmo̱i le̱ yo̱ le̱, nakai mifeame̱, ni miṅõ mihĩe mitēame̱.

Hosea 11:7

Ši mimaṅ le̱ fo̱ö̱ se̱se̱yā; ni ké̱ ātšé̱ame̱ ke̱-ya ṅwei le̱, ame̱teṅ mokomoko wóó ehe no̱.

Hosea 13:9

Israel, *noni kpãtãa ohĩe dši ake̱ ote ši owomi ní dši oyeli-ke̱-buamo̱ le̱! *Ier. 9,17.

Hosea 14:1

Samaria aatĕre le̱dientše̱ esõ; edšake̱ etše e-Nyoṅmo̱ le̱ hĩe atũa. Ame̱anyõnyõi ye̱ klante nā; aaṅõ ame̱bifabii le̱ atſia ši, aagblagbla ame̱yeiho̱lo̱i le̱ amli.

Hosea 4:16

Edšake̱ Israel toi wa tamo̱ tšinayō ní toi wa; agbe̱ne̱ Iehowa aalè̱ame̱ tame̱ alè̱o̱ tōhi ye̱ he ní lē̱.

Hosea 5:5

Ni Israel hewō le̱ mīye odase ye̱ ehĩe, ni Israel ke̱ Efraim aagbē ši ye̱ ame̱nišai-anii le̱ amli; Iuda hũ ke̱ame̱ aagbē ši.

Hosea 7:2

Ni ame̱dſẽṅṅ ye̱ ame̱tšui mli ake̱ mikaio̱ amanifõdšianii le̱ fẽ. Agbene̱ ame̱nifemo̱nii le̱ ebo̱leame̱; ame̱ye̱ mihĩe!

Hosea 9:1

Israel, kãnyã́, ní omli mīflio tamo̱ mãdšimãdši le̱! Edšake̱ odše o-Nyoṅmo̱ le̱ se̱ *oyabo̱ adſamaṅ, osumo̱ nyõmo̱wo ye̱ ṅmā̃gbēmo̱he-fẽ-ṅmā̃gbẽmo̱he. *1,2.

Amos 8:10

Ni mahã nyegbĩĩ dšudši le̱ atšṍ ṅko̱mo̱yeli, ni nyelalai fẽ atšṍmo̱ yāfó lalai, ni mike̱ kpekpe aaṅmõ he̱-fē-he̱, ni mahã mofẽmo yiteṅ akpa, ni mahã atšṍ *tamo̱ hi kome he ṅko̱mo̱yeli, ni enāgbē hũ aatamo̱ aw̌ere̱hō gbĩ. *Ier. 6,26.

Mika 1:5

Iakob mlatõmo̱ le̱ ke̱ Israel we le̱ he ešai le̱ ahewo̱ ni ene̱mei fẽ baä ne̱. Mẽ dši Iakob mlatõmo̱ le̱? *ani dšee Samaria ni? ni mẽ dši Iuda hei groṅṅi le̱? ani dšee Ierusalem ni? *Ier. 23,13. 14.

Zakaria 7:11

Ši ame̱kplēē toibō, ni ame̱w̌i ame̱kõṅ hũ, ni ame̱tšĩmo̱ ame̱toii, koni ame̱kanu;

Romabii 3:18

Nyoṅmo̱ gbeyeišemo ko be̱ ame̱hĩe.” Lal. 36,2.

Kojolɔi 10:13

Ši nye le̱ nyekwami, ni nyeyasúmo̱ nyoṅmo̱i krokomei kẽ; nohewo̱ le̱ mihereṅ nyeyiwala doṅṅ.