Yeremia 16:4 - Ṅmãle̱ Kroṅkroṅ Le̱

⁴ Gbĕle-hela ní pīo̱ mo aagbeame̱, afeṅ ame̱yăra ni afũṅame̱ hũ: ame̱atšṍ tumu ye̱ šikpoṅ le̱ no̱, ni ame̱aplenē ye̱ klante ke̱ hōmo̱ nā, ni ame̱gbohĩĩ le̱ aatšṍmo̱ ṅwei lofõdši ke̱ šikpoṅ no̱ koloi aniyenii.

ŊMALƐ KRƆŊKRƆŊ LƐ

⁴ Gbele helai baagbegbee amɛ; ayeŋ amɛhe ŋkɔmɔ, ni afuŋ amɛgbohii lɛ tete; ni amɛbaajwere shikpɔŋ lɛ nɔ tamɔ wamɔ. Amɛbaanyɔnyɔi yɛ klante kɛ hɔmɔ naa, ni amɛgbohii lɛ baatsɔ̃ niyenii ahã loofɔji kɛ jwɛiiaŋ kooloi.

Yeremia 16:4 ပူးပေါင်းရင်းမြစ်များ

2 Maŋtsɛmɛi 9:10

Ni Izebel le̱, *gbēí aayele̱ ye̱ Iezreel šikpoṅ no̱, ni anáṅ mokomoko afũle̱! Ni egble šĩnā le̱ ni edšo foi. *1 Maṅ. 21,23.

Lalai 78:64

*Ame̱so̱foi le̱ nyõnyõi ye̱ klante nā, ni ame̱kũlafoi le̱ woo yārawō po. *1 Sam. 4,17. 20.

Lalai 83:10

Femo̱ame̱ tamo̱ boni ofe Midian ke̱ Sisera ke̱ Iabin hũ ye̱ Kišon fā le̱ nā le̱! Kods. 7,22; 4,15. 21. 23.

Yesaia 18:6

Ni aašĩ fẽ ahã gõdši ano̱ lofõdši ke̱ šikpoṅ le̱ no̱ koloi: ni lofõdši le̱ aayaye latšābe ye̱ dše̱i, ni šikpoṅ le̱ no̱ koloi fẽ aayaye fẽibe ye̱ dše̱i.

Yesaia 5:25

Ene̱ hewo̱ le̱ Iehowa mli wo emaṅ le̱ la, ni ekpa enine mli ewoame, ni eyiame̱ ní gõdši kpokpo, ni ame̱gbohĩĩ le̱ fe tamo̱ bē̱mo̱nii ye̱ blohũi le̱ amli. *Fẽ le̱ emlifũ le̱ edšo̱ko; ši enine le̱, ekpã mli lolo. *9,11.

Yeremia 19:7

Ni mahã Iuda ke̱ Ierusalem adšina le̱ afe yaka ye̱ bie̱ ne̱, ni mahã ame̱nyõnyõi ye̱ klante nā ye̱ ame̱henye̱lo̱i ahĩe ke̱ mei ní taoo̱ ame̱susuma se̱gbe̱ le̱ adeṅ, ni maṅõ *ame̱gbohĩĩ le̱ mahã ṅwei lofõdši ke̱ šikpoṅ no̱ koloi ni ame̱ye; *7,33.

Yeremia 21:6

Ni matſia ne̱ke̱ mã ne̱ṅ bii, gbomei ke̱ šĩa koloi fẽ anii, ni ame̱agboi ke̱ gbĕle-hela kpeteṅkple!

Yeremia 25:33

ni mei ní Iehowa *aagbe ye̱ nakai gbĩ le̱ no̱ lo̱ aakãmo̱ ši ke̱-adše̱ šikpoṅ le̱ nāgbēhe kome ke̱-ate šikpoṅ le̱ nāgbēhe kroko le̱; afeṅ ame̱yăra, abuaṅ ame̱nā, ni asaṅ afũṅame̱: ame̱atšṍ tumu ye̱ šikpoṅ le̱ no̱. *7,33.

Yeremia 34:17

Nohewo̱ le̱ bo̱ni Iehowa kē̱ ne̱: Nye le̱ nyebokomi toi, ní nyeteṅ mofẽmo aašie̱ heyeli ehã enyemi, ní mofẽmo aašie̱ ahã enanyo. Na, mi le̱ mišie̱ heyeli mahãnye, Iehowa kē̱, ke̱-hã klante ke̱ hõmo̱ ke̱ gbĕle-hela, ni mahã agbenye aſã šikpoṅ le̱ no̱ maṅtše̱yelihei le̱ fẽ.

Yeremia 34:20

maṅõame̱ mawo ame̱henye̱lo̱i le̱ ke̱ mei ní taoo̱ ame̱susuma se̱gbe̱ le̱ adeṅ, ni *ame̱gbohĩĩ le̱ aatšṍmo̱ ṅwei lofõdšĩ ke̱ šikpon no̱ koloi aniyenii. *7.33.

Yeremia 36:30

Nohewo̱ le̱ bo̱ni Iehowa kē̱ ye̱ Iuda maṅtše̱ Iehoiakim le̱ hewo̱ ne̱: Enáṅ mo-ko ní atá David maṅtše̱sẽi le̱ no̱, ni aaše̱ *egbonyo le̱ afõ ní latšā atšale̱ ſane ni fẽi ayele̱ nyōṅ. *22.12.

Yeremia 44:12

Ni maṅõ Iuda mei ní eſe̱, ní dšie ame̱hĩe ame̱ka Mizraim šikpoṅ le̱ ní ame̱-yato gbo̱ ye̱ dše̱i le̱, ni ame̱fe ame̱atã; ame̱anyõnyõi ye̱ Mizraim šikpoṅ le̱ no̱: ame̱atã ye̱ *klante ke̱ hõmo̱ nā, ame̱ agboi ye̱ klante ke̱ hõmo̱ nā ke̱-adše̱ mo bibiō no̱ ke̱-yaši mo wulu no̱, ni ame̱-atšṍ kitãkãmo̱nõ ke̱ nākpe̱nõ ke̱ lōmo̱ ke̱ ahorabō̱. *29,17. 18.

Yeremia 44:27

Na, mīši ame̱he kpe ye̱ efõṅ gbe̱ ni dšee ekpakpa gbe̱, ni Iudafoi fẽ ni yo̱ Mizraim šikpoṅ le̱ no̱ le̱ aaplenē ye̱ klante ke̱ hõmo̱ nā ke̱-yaši beyino ní ame̱atāãkwrā!

Yeremia 7:33

ni ne̱ke̱ maṅ ne̱ gbohĩĩ le̱ aatšṍmo̱ ṅwei lofõdši ke̱ šikpoṅ no̱ koloi aniyenii, ni mokomoko eſieṅame̱. 19,7; 9,21.

Yeremia 9:22

Kē̱mo̱ ake̱: Bo̱ni Iehowa kē̱ ne̱: Gbomei *agbohĩĩ aaſie ši tamo̱ ṅmõ mli tumu, lo tamo̱ ṅmā̃ nyaṅkũi ye̱ ṅmā̃kpalo̱i ase̱, ni mokomoko be̱ ní aabua nā! *7,33.

Yāfó 4:9

Mei ní nyõnyõi ye̱ klante nā le̱ anõ hi fè mei ni gboi ye̱ hòmo̱ nā le̱; edšake̱ mene̱mei le̱, ṅmõši nibānii ní ame̱náá hewo̱ le̱, ame̱hoo̱ ši tamo̱ mei ní agbulo̱ame̱.

Ezekiel 24:21

Kē̱me̱ Israel we le̱ ake̱: Bo̱ni Nuṅtšo̱ Iehowa kē̱ ne̱: Na, mibabule mihekroṅkroṅ le̱, ni dši nyehewale̱ hewo le̱ ke̱ nyehĩṅme̱ii atšuihenõ le̱ ke̱ nyesusumai ahedō̱nii le̱, ni nyebihĩĩ ke̱ nyebiyei le̱ ní nyešĩ le̱ aanyõnyõi ye̱ klante nā.

Ezekiel 5:12

Omlidšãi etẽ mli ekome aagboi ke̱ gbĕle-hela, ame̱aaplenē ke̱ hõmo̱ ye̱ oteṅ, ni mlidšãi etẽ mli ekome aanyõnyõi ye̱ klante nā ke̱-abo̱leo ke̱-akpe, ni magbe̱ mlidšāi etẽ mli ekome hũ maſã kō̱yo̱i fẽ amli, ni magbla klante ke̱-nyie amese̱. K. 2.

Zefania 1:17

Ni mahao gbomei le̱, ni ame̱anyie tamo̱ ſilafoi, edšake̱ ame̱fe eša ame̱ši Iehowa; ni aafo̱se ame̱lá aſĩe ši tamo̱ mlu, ke̱ ame̱helo hũ tamo̱ se̱bo.

5 Mose 28:22

Iehowa aaha lōtā̃-wulo̱mo̱ ke̱ atiridī ke̱ fulu ke̱ he-ladō̱ ke̱ klante ke̱ latšā ke̱ *nibii aṅãlãmo̱ aba ono̱, ni ame̱anyie ose̱ ke-yaši beyino ní ohĩe aakpãtã. *1 Maṅ. 17,7.

5 Mose 28:26

Ogbonyo aatšṍ ṅwei lofõdši ke̱ ṅãṅ koloi aniyenii, ni anáṅ moko aſieame̱.