Yeremia 13:10 - Ṅmãle̱ Kroṅkroṅ Le̱

¹⁰ Ne̱ke̱ maṅ fõṅ ne̱ ní ekplẽẽ miwiemo̱i le̱ atoibō, ní ame̱nyieo̱ *ame̱tšui wale̱ se̱, ni ame̱nyieo̱ nyoṅmo̱i krokomei ase̱, ni ame̱súmoo̱ame̱ ni ame̱dšáaame̱ le̱, ame̱atšṍmo̱ tamo̱ ne̱ke̱ he̱fĩnõ ní ehĩĩ hãã nokonoko doṅṅ ne̱ pe̱! *11,8.

ŊMALƐ KRƆŊKRƆŊ LƐ

¹⁰ Nɛkɛ gbɔmɛi nɛɛ efee amɛhe gbɔmɛi fɔ̃ji ni booo miwiemɔi toi. Amɛkɛ kuɛŋtimɔ feɔ nɔ ni amɛ diɛŋtsɛ amɛsumɔɔ, ni amɛyanyiɛ nyɔŋmɔi krokomɛi asɛɛ, ni amɛsɔ̃mɔ amɛ, ni amɛja amɛ moŋ. No hewɔ lɛ, amɛbaatsɔ̃ tamɔ hɛŋmɔɔ bo nɛɛ ni ehiii hãaa nɔ ko nɔ ko feemɔ dɔŋŋ lɛ.

Yeremia 13:10 ပူးပေါင်းရင်းမြစ်များ

Lalai 78:8

ni ame̱katamo̱ ame̱tše̱mei, yino̱bĩi *kaniṅkadšelo̱i ke̱ atũatšelo̱i le̱, yino̱bii ni esāā ame̱tšui ame̱too, ni ame̱mumo̱ kpe̱te̱e̱ Mawu he kpēṅṅ le̱. *5 Mose 32,5. 9.

Jajelɔ 11:9

Oblanyo, hã omī aše̱ ohe ye̱ oblahĩaṅ, ni oná tšuidšrŭrõ ye̱ oblahīaṅ gbĩī le̱ amli, ni onyie otšui gbè̱i le̱ ano̱, ke̱ nii ní ohĩṅme̱ii naä le̱ ase̱: ši ná ole ake̱ ene̱mei fẽ hewo̱ le̱ Nyoṅmo̱ ke̱o bakodšo. 8,15.

Yesaia 3:24

Ni aaba mli ake̱ fũdšē aabaye tšofã-ke̱-ṅma nãdšiaṅ, ni tãnkpē aabaye mlifĩnii nãdšiaṅ, ni yikpatā aabaye yi ní aho nãdšiaṅ, ni kpekpe aabaye atade wuyā nãdšiaṅ, ni lafladoku aabaye hefe̱o nãdšiaṅ.

Yeremia 11:10

Ame̱kpale ke̱-te ame̱blematše̱mei le̱ ní ekplẽẽ mĩwiemo̱i le̱ atoibō le̱ anišai-anii le̱ ahe, ni ame̱yanyie nyoṅmo̱i krokomei ase̱ ni ame̱súmo̱ame̱. Israel we le̱ ke̱ Iuda we le̱ fẽ eku mikpãṅmo̱ ní mi-ke̱ ame̱tše̱mei le̱ kpãṅ le̱ mli,

Yeremia 11:18

Ni Iehowa hã mile, ni miná mile hũ: no mli ohã mina ame̱nifemo̱nii le̱.

Yeremia 13:7

Ni miyiṅ mite Eufrate nā, ni mi-yatša ši, ni miko̱ he̱fĩnõ le̱ ke̱-dše̱ heni miṅõ-tē le̱; ni na, he̱fĩnõ le̱ efite, ehĩĩ hãã nokonoko doṅṅ.

Yeremia 16:12

ni nye le̱, nyefe efõṅ fè nyetše̱mei le̱; edšake̱ na, nyeteṅ mofẽmo nyiee̱ etšui fõṅ le̱ wale̱ se̱, ni nyeboomi toi: — 7,24-26.

Yeremia 16:4

Gbĕle-hela ní pīo̱ mo aagbeame̱, afeṅ ame̱yăra ni afũṅame̱ hũ: ame̱atšṍ tumu ye̱ šikpoṅ le̱ no̱, ni ame̱aplenē ye̱ klante ke̱ hōmo̱ nā, ni ame̱gbohĩĩ le̱ aatšṍmo̱ ṅwei lofõdši ke̱ šikpoṅ no̱ koloi aniyenii.

Yeremia 20:4

Edšake̱ bo̱ni Iehowa kē̱ ne̱: Na, mahã otšṍ gbeyeinõ ohã bodientše̱ ohe ke̱ onanemei le̱ fẽ, ni ame̱anyõnyõi ye̱ ame̱henye̱lo̱i le̱ aklante nā, ní oona ke̱ ohĩṅme̱ii; ni maṅõ Iuda fẽ mawo Babel maṅtše̱ le̱ deṅ, ni eeṅõame̱ nom ke̱-ate Babel, ni eegbeame̱ ke̱ klante.

Yeremia 22:21

Beni ehĩ hão le̱, miwie mitšõo, ši okē̱ ake̱: Miboo toi! Osu dši no ke̱-dše̱ oblayeiaṅ, ake̱ oboo migbē toi.

Yeremia 23:17

Dāne̱ ame̱kē̱o̱ mei ní gbeo̱ mihe guo̱ le̱ ake̱: Iehowa kē̱ ake̱: Nyeaná hedšo̱le̱! Ni mofẽmo ni *nyieo̱ le̱dientše̱ etsui wale̱ se̱ le̱, ame̱kē̱o̱le̱ ake: Nõfõṅ komeflo baṅ nyeno! *7,24.

Yeremia 3:17

Nakai be le̱ mli le̱ aatsé̱ Ierusalem ake̱ Iehowa maṅtše̱sẽi; ni *dšeṅmãdši fẽ aabua amehe nā ke̱-aba dše̱i ye̱ Iehowa gbe̱i ní yo̱ Ierusalem le̱ hewo̱, ni ame̱-nyieṅ †ametšui fõṅ le̱ wale̱ se̱ doṅṅ. *Ies. 2,2-4. †Ies. 55,2.

Yeremia 35:15

Ni mitšũo̱ mitšũdši ni dši gbalo̱i le̱ fẽ ke̱-baä nyeṅõ, miteo̱ ši lebi mā̃ṅkpa mitšũo̱ame̱ ake̱: Agbe̱ne̱ nyeteṅ mofẽmo *akpale ke̱-dše̱ egbe̱ fõṅ le̱ no̱, ni nyesāa nyenifemo̱nii le̱, ni nyekanyiea ṅyoṅmo̱i krokomei ase̱, ní nyesúmo̱ame̱, ni nyeahĩ šikpoṅ ni miṅõ-hãnye ke̱ nye-tše̱mei le̱ ne̱! ši nyehãã nyetoi aba no̱ ni nyeboomi toi. *25,4-7.

Yeremia 44:16

Wiemo̱ ní owie otšõwo̱ ye̱ Iehowa gbe̱i ano̱ ne̱, wo̱boo bo toi;

Yeremia 44:5

Ši ame̱boo toi, ni asaṅ ame̱hãã ame̱-toi aba no̱ ní ame̱kpale ke̱-dše̱ amenifõdšianii le̱ ahe, ni ame̱kašã tšofã-ke̱-ṅma ame̱mīhã nyoṅmo̱i krokomei doṅṅ.

Yeremia 5:23

Ši ne̱ke̱ maṅ ne̱ hĩe atũatšemo̱ ke̱ toigbĕle tšui; ame̱tše atũa ni ame̱te;

Yeremia 7:13

Ni agbe̱ne̱ le̱, ake̱-ni nyetšu ne̱ke̱ nitšumo̱i ne̱ fẽ, Iehowa kē̱, ni *miwieo̱ mitšõo̱nye, miteo ši lebi mā̃ṅkpa miwieo̱ dā, ni nyeboo toi, ni misā mitšé̱o̱nye, ni nyeheree no̱ *Abe̱i 1,34. Ies. 65,12.

Yeremia 7:6

ke̱dši nyeyee *gbo̱ ke̱ awusã ke̱ okũlafo amim, ni nyeſiee moko ní efeko noko lá ši ye̱ bie̱ ne̱, ni nyenyiee nyoṅmo̱i krokomei ase̱, ni nyeke̱-fe nyedientše̱ nyehe efõṅ le̱: *2 Mose 22,21. 22.

Yeremia 8:5

Mēhewo̱ mo̱ ni ne̱ke̱ maṅ Ierusalem ne̱ ekpale ni ame̱ka mli kwrā ne̱? ame̱hĩe šišiumo̱ mli gbãgbā̃gbã, ame̱kplẽẽ se̱kū̃.

Yeremia 9:13

Ni Iehowa kē̱: Edšake̱ ame̱kwa mimla ní miṅõ-to ame̱hĩe le̱, ni ame̱boo mi-gbẽ toi, ni ame̱nyiee ye̱ mli,

Yeremia 9:14

ši moṅ *ame̱dientše̱ ame̱tšui wale̱ se̱ ame̱nyieo̱, ke̱ Baalim ní ame̱tše̱mei le̱ tšõame̱ le̱, *7,24.

Yeremia 9:6

Šišiumo̱ teṅ ošihĩle̱he yo̱, šišiumo̱ hewo̱ le̱ ame̱kplẽẽ ake̱ ame̱alemi! Iehowa kē̱.

4 Mose 14:11

Ni Iehowa kē̱ Mose ake̱: Mẽ beyino ne̱ke̱ maṅ ne̱ aafõ mihe guo gbē? ni mẽ beyino̱ ame̱ahe mino̱ ame̱ye ye̱ okadii fẽ ní mife ye̱ ame̱teṅ le̱ ahewo̱?

Bɔfoi 7:51

Nye *kue̱ṅwalo̱i ke̱ †tšuiiaṅ ke̱ toiiaṅ fōlo̱i! nye le̱, dāne̱ nyekũo̱ Mumo̱ kroṅkroṅ le̱ nā; bo̱ni nyetše̱mei le̱ fe le̱, nakai nye hũ nyefeo̱. *2 Mose 32,9. †5 Mose 26,41.

Hebribii 12:25

Nyekwe̱a ni ahĩa, koni nyekakwa moni wieo̱ le̱; edšake̱, ké̱ *mei ní kwa moni wie tšõame̱ ye̱ šikpoṅ le̱ no̱ le̱ ahe edšee mli le̱, bĕle̱ ke̱dši wo̱kpale ke̱-dše̱ moni dše̱o̱ ṅwei wieo̱ le̱ he le̱, wo̱ moṅ wo̱he edšeṅ mli ko̱kō̱ko̱; *2,2; 10,28. 29.