Yāfó 5:7 - Ṅmãle̱ Kroṅkroṅ Le̱

⁷ Wo̱tše̱mei le̱ efe eša, ni ame̱be̱, ni wo̱ moṅ wo̱tĕre amenišaianii le̱. 2 Mose 20,5. Ier. 31,29. Ezek. 18,2.

ŊMALƐ KRƆŊKRƆŊ LƐ

⁷ Wɔtsɛmɛi lɛ fee esha, ni amɛho amɛtee; ni wɔ moŋ amɛsɔ̃ ebatere wɔ.

Yāfó 5:7 ပူးပေါင်းရင်းမြစ်များ

1 Mose 42:13

Ni ame̱kē̱: Otšũdši le̱ nyemimei nyoṅma ke̱ enyo̱ ni, nū kome bii dšiwo̱ ye̱ Kanaan šikpoṅ le̱ no̱; ni na, gbekẽ le̱ ye̱ wo̱tše̱ ṅõ amrõ ne̱, ni mokome be̱.

1 Mose 42:36

Ni ame̱tše̱ Iakob kē̱ame̱ ake̱: Nyekpakpā mibii ye̱ mihe: Iosef be̱, ni Simeon be̱, ni nyebaṅõ Benyamin hũ ke̱-ya; ene̱mei ne̱ fẽ le̱ mino̱ kã!

Hiob 7:21

Ni mẽba oke̱ mino̱tõmo̱ le̱ efaami, ni odšie minõša le̱ ke̱-ya? Ši agbe̱ne̱ le̱ sũ mli mibakã, ni kē̱ ōtaomi le̱, mibe̱ doṅṅ.

Hiob 7:8

Moni enami le̱ hĩṅme̱i enaṅmi doṅṅ; obĩṅme̱ii dſere mino̱, ši mihe.

2 Mose 20:5

Kādšáame̱, ni kāsúmo̱ame̱ hũ; edšake̱ *mi, Iehowa, o-Nyoṅmo̱ le̱, midši Nyoṅmo̱ awuṅãyelo̱ ní woo̱ tše̱mei atõmo̱i anyõmo ke̱-tšṍo̱ bii ano̱ ke̱-yašio yino̱bii ní dši etẽ ke̱ yino̱bii ní dši edſe̱ ní nye̱o̱mi le̱ ano̱; *34,7. Ier. 31,29. 30. Ezek. 18,2. 3. 20.

Yeremia 14:20

Iehowa, wo̱le wo̱nifõdšianii le̱ ke̱ wo̱tše̱mei le̱ anišaianii le̱; edšake̱ wo̱fe eša wo̱šio! K. 7.

Yeremia 16:11

no le̱ kē̱me̱ame̱ ake̱: Edšake̱ nyetše̱mei le̱ kwami, Iehowa kē̱, ni ame̱ya-nyie nyoṅmo̱i krokomei ase̱, ni ame̱súmo̱ame̱, ni ame̱dšáame̱, ši mi le̱ ame̱kwami, ni mimla le̱ hũ ame̱yee no̱,

Yeremia 16:12

ni nye le̱, nyefe efõṅ fè nyetše̱mei le̱; edšake̱ na, nyeteṅ mofẽmo nyiee̱ etšui fõṅ le̱ wale̱ se̱, ni nyeboomi toi: — 7,24-26.

Yeremia 31:15

Bo̱ni Iehowa kē̱ ne̱: *Anu gbē ko ye̱ Rama, yărawō ke̱ yāfó ni mli wa; Rahel mīfó ebihĩĩ le̱, ni ekplẽẽ mīše̱dše-mo̱ ye ebihĩĩ le̱ ahewo̱, edšake̱ ame̱be̱! *Mat. 2,18.

Yeremia 31:29

Nakai gbĩĩ le̱ ano̱ le̱ ame̱kē̱ṅ doṅṅ ake̱: Tše̱mei le̱ eye weinyibii ṅmlikitii, ni bii le̱ moṅ anyãnyõdši eſã! Yāfó 5,7. Ezek. 18,2

Ezekiel 16:58

Onyenyeṅtſibō̱ ke̱ onihĩnii le̱, bo otĕre, Iehowa kē̱.

Ezekiel 18:2

Té nyesuauo̱ tēṅ ní nyebuo̱ abe̱ ne̱ ye̱ Israel šikpoṅ le̱ no̱ ake̱: *“Tše̱mei le̱ yeo̱ weinyibii ṅmlikitii, ni bii le̱ moṅ anyãnyõdši ſãa” le̱? *Ier. 31,29.

Zakaria 1:5

Nyetše̱mei le̱, nẽgbe̱ ame̱yo̱? ni gbalo̱i le̱, ani ame̱hĩo̱ ši ke̱-yaä nāno̱?

4 Mose 14:18

Iehowa le̱ emli fũũ mrã ni emo̱bo̱nale̱ hũ fá, eṅōo̱ no̱tõmo̱ ke̱ efõṅfemo̱ efaä, ši kẽle̱ ehãã no̱tõlo̱ aṅõ ehe aye, ewoo tše̱mei atõmo̱i anyõmo̱ ke̱-tšṍo̱ bii ano̱ ke̱-yašio̱ yino̱bii ní dši etẽ ke̱ mei ní dši edſe̱ le̱ no̱. 2 Mose 34,6.