Yāfó 4:11 - Ṅmãle̱ Kroṅkroṅ Le̱

¹¹ Iehowa egbe emlila le̱ nā; efo̱se emlifũ ní nā wa ke̱ eſie ši, ni eše̱re la ye̱ Zion ni no ešă ešišitōi le̱.

ŊMALƐ KRƆŊKRƆŊ LƐ

¹¹ Yehowa gri kɛ mlila ni naa wa ni efã emlifu lɛ kɛ eshishi fɛɛ eshwie Zion nɔ; ni eshã maŋ lɛ kɛmɔ eshishitoo lɛ diɛŋtsɛ.

Yāfó 4:11 ပူးပေါင်းရင်းမြစ်များ

Yesaia 51:20

Obii le̱ eto̱ *biti; ame̱kãmo̱kãmo̱ ši ye̱ blohũi le̱ fẽ akodši ano̱ tamo̱ bāyelo̱ ní adūle̱ ye̱ tšõne mli, ni ame̱yimo̱ obõbõ ke̱ Iehowa mlila ke̱ o-Nyoṅmo̱ le̱ kāmo̱ le̱. *Yāfó 2,11. 19.

Yeremia 13:14

Ni mamõmo̱ame̱ matſiatſia ame̱he, tše̱mei ke̱ bii fẽ, Iehowa kē̱; minaṅ mo̱bo̱, ni mikõṅ mifliṅ, ni mimũsũṅ etšõṅmi ye̱ ame̱fitemo̱ le̱ hewo̱.

Yeremia 17:27

Ši ke̱dši nyeboṅmi toi, ní nyeafe hedšō̱mo̱gbĩ le̱ kroṅkroṅ, ni nyekatĕre dšatšu ko dšatšu ko ke̱-mītšṍ Ierusalem agbói le̱ amli ye̱ hedšō̱mo̱gbĩ le̱ no̱ le̱: no le̱ maše̱re la ye̱ egbói le̱ amli, ni eešã Ierusalem mõdši le̱, ni anyẽṅ agbe.

Yeremia 21:14

ni mawonye nyõmo̱ ye̱ nyenifemo̱nii le̱ ayibii le̱ anā, Iehowa kē̱, ni maše̱re la ye̱ ekō le̱ mli, ni eešã nibii fẽ ní ebo̱lele̱ ke̱-kpe le̱!

Yeremia 36:7

ekole̱ *ame̱ke̱ ame̱faikpamo̱ aaſie Iehowa hĩe, ni ame̱teṅ mofẽmo aakpale ke̱-dše̱ egbe̱ fõṅ le̱ no̱; edšake̱ mlifũ ke̱ mlila ní Iehowa ewie ye̱ ne̱ke̱ maṅ ne̱ he le̱ da naakpa. *K. 3.

Yeremia 7:20

Nohewo̱ le̱, bo̱ni Nuṅtšo̱ Iehowa kē̱ ne̱: Na, aafo̱se mimlifũ ke̱ mimlila aſie ne̱ke̱ šihĩle̱he ne̱ no̱, gbomei ke̱ koloi ano̱, ṅãno̱ tšei ke̱ šikpoṅ le̱ no̱ nibānii le̱ ano̱, ni eetšo ní anyẽṅ agbe.

Yāfó 2:1

Kwe̱ bo̱ni Iehowa eṅõ atatu eha Zion biyō le̱ he ye̱ emlifũ le̱ mli! Ṅwei po edše̱ eṅõ Israel hefe̱o le̱ etſa šikpoṅ, ni emlifũ gbĩ le̱ no̱ le̱ ekaii *enādšiaši măṅō le̱. *1 Kron. 28,2.

Yāfó 2:17

Iehowa yiṅ ní eto le̱ efe; ehã ewiemo̱ ní ewo he kitã ke̱-dse̱ blema bēbe le̱ eba mli; etšire̱ etſia ši ni enaa mo̱bo̱; ebo henye̱lo̱ le̱ eyeo yō̱; ewo haolo̱i le̱ aklonto le̱ no̱!

Yāfó 2:3

Eflo̱ Israel aklontoi fẽ ye̱ mlifũ ní nā wa mli; esu eninedšũrò ewoṅ ye̱ benye̱lo̱ le̱ hĩe, ni ešā Iakob tamo̱ la ni tšoo̱ plamplam ní šãa nii ke̱-kpeo̱.

Yāfó 2:4

*Edo̱ egãi mli tamo̱ henye̱lo̱; edamo̱ ši ke̱ eninedšũrõ tamo̱ haolo̱, ní ekpãtã nii fẽ ni feo̱ hĩṅme̱i ako̱no̱ le̱ hĩe; efo̱se emlifũ le̱ tamo̱ la ye̱ Zion biyō le̱ bū le̱ mli. *Lal. 7,13.

Yāfó 2:8

Iehowa eto eyiṅ ake̱ eekpätä Zion biyō le̱ gbogbo le̱ hĩe; eṅmẽ kpã ke̱, esuko enine ewoko mli ní efõle̱ plenēmo̱; ehã kpoku ke̱ gbogbo fẽ miye ṅko̱mo̱, ame̱fẽ ame̱gbo̱dšo̱,

Yāfó 4:22

Zion biyō, *agbe onišaianii ke̱ ahe nyõmo̱wo ke̱ nā; eṅõṅo ke̱-yaṅ nom mli doṅṅ *lo Edom biyo̱; eebasra onišaianii ke̱, eedšie ohe ešai le̱ akpo! *Ies. 40,2.

Ezekiel 22:31

Nohewo̱ le̱ mifo̱se mimlila le̱ miſie ame̱no̱, mike̱ mimlifũ la le̱ plenēame̱, mihã ame̱gbe̱ le̱ bua ame̱yiteṅ! Nuṅtšo̱ Iehowa kē̱. 21,36.

Ezekiel 36:18

Nohewo̱ le̱ mifo̱se mimlila miſie ame̱no̱ ye̱ lá ni ame̱fo̱se ame̱ſie ši ye̱ šikpoṅ le̱ no̱ le̱ ke̱ ame̱wo̱dši ní ame̱ke̱-bulele̱ le̱ hewo̱.

Ezekiel 6:12

Moni yo̱ se̱ šoṅṅ le̱ aagbo ye̱ gbĕle-hela nā, ni moni be̱ṅke̱ hũ aanyõ ye̱ klante nā, ni moni eſe̱ ní abā eyi le̱ aagbo ye̱ hõmo̱ nā, ni maṅmẽ mimlifũ le̱ gbe̱ ke̱-aba ame̱no̱.

Daniel 9:12

Ni eye ewiemo̱i le̱ ni ewie ešiwo̱ ke̱ wo̱kodšolo̱i le̱ ní kodšowo̱ le̱ ano̱, ake̱-ni eke̱ efõṅ kpeteṅkple eba wo̱no̱ le̱; edšake̱ ṅwei šiši fẽ le̱ afeko noni afe Ierusalem ne̱ eko pẽṅ.

3 Mose 26:28

no le̱ mi hũ madše nyehe tše̱i ye̱ mlila nā, ni magbla nyetoi šii kpawo ye̱ nyehe ešai le̱ ahewo̱.

Zefania 2:2

dãni akpo̱ le̱ afo̱, ni gbĩ le̱ aho tamo̱ tutū; dãni Iehowa mlifũ ni nā wa le̱ aba nyeno̱, dãni Iehowa mlifũ gbĩ le̱ aba nyeno̱!

Zakaria 1:6

Ši kẽle̱ miwiemo̱i le̱ ke̱ mikpo̱i le̱ ní mitu miwo mitšũdši gbalo̱i le̱ adeṅ le̱, ani ame̱ninaa nyetšemei le̱ ní ame̱akpale ni ame̱akē̱ ake̱: Boni Iehowa Zebaot dſẽṅ ake̱ eefewo̱ ye̱ wo̱gbè̱i ke̱ wo̱nifemo̱nii le̱ anā le̱, nakai pe̱ eke̱wo̱ ye ne̱?

Luka 21:22

Edšake̱ *oweletō̱ gbĩĩ le̱ ne̱, koni nibii fẽ ní aṅmã le̱ aba mli. *Ier. 5,29.