Yāfó 1:9 - Ṅmãle̱ Kroṅkroṅ Le̱

⁹ Ehe mũdši le̱ eka etade nāmũi le̱ amli; edſẽṅṅ enāgbē, nohewo̱ le̱ eba ši ni ye̱ nākpe̱; ebe̱ mīše̱dšelo̱ ko. Iehowa, kwe̱mo̱ mimanehũlũ le̱; edšake̱ henye̱lo̱ le̱ ete ehe agbo!

ŊMALƐ KRƆŊKRƆŊ LƐ

⁹ Ehe muji kpa etadei amli; shi ejwɛŋŋ bɔ ni enaagbee baatamɔ. Eshigbeemɔ lɛ yɛ gbeyei, mɔ ko mɔ ko bɛ ni shɛjeɔ emii! “Ao! Yehowa, kwɛ bɔ ni minaa amanehulu, ejaakɛ henyɛlɔi eye kunim.”

Yāfó 1:9 ပူးပေါင်းရင်းမြစ်များ

2 Samuel 16:12

Ekole̱ Iehowa aakwe̱ mimanehũlũ ne̱, ni eke̱ ekpakpa aatomi lōmo̱ ni elomoo̱mi ṅme̱ne̱ ne̱ nãdšiaṅ.

2 Maŋtsɛmɛi 14:26

Edšake̱ Iehowa na Israel amanehũlũ le̱ ake emli wa naakpa, ni moni aṅá eyi ke̱ moni ašĩle̱ tete be̱, ni bualo̱ ko be̱ hã Israel. 5 Mose 32,36.

Nehemia 9:32

Nohewo̱ le̱ agbe̱ne̱, wo̱-Nyoṅmo̱, Mawu *kpeteṅkple ni he wa ní he yo̱ gbeyei ní too̱ kpaṅmo̱ ke̱ mo̱bo̱nale̱! kā-hã amanehũlũ fẽ ní eba wo̱ ke̱ wo̱maṅtše̱mei ke̱ wo̱nukpaĩ ke̱ wo̱so̱foi ke̱ wo̱gbalo̱i ke̱ wo̱tše̱mei le̱ ke̱ omaṅ le̱ fẽ no̱, ke̱-dše̱ Ašur maṅtše̱mei le̱ ayino̱ ke̱-baši ṅme̱ne̱ le̱, mife bibiō ye̱ ohĩe! *1,5.

Lalai 119:153

Kwe̱mo̱ mimanehũlũ le̱, ni odšiemi; edšake̱ omla le̱, *mihĩe kpaa no̱. *K. 175.

Lalai 140:8

Nuṅtšo̱ Iehowa, bo dši miyiwalaheremo̱ hewale̱, bo oha miyitšo he ye̱ tawū gbĩ le̱ no̱.

Lalai 25:18

Kwe̱mo̱ mimanehũlũ ke̱ mipīmo̱ le̱, ni oke̱ mihe ešai fẽ afami!

Lalai 69:21

Ahorabō̱ ekũmo̱ mitšui ni ehã hela emõmi; ni mikwe̱ ake̱ moko ke̱mi aabaye ṅko̱mo̱ lo, ši mokomoko be̱, ke̱ *mīšedšeloi hũ, ši minaa mokomoko. *Yāfó 1,2. 9.

2 Mose 3:17

ni mikē̱ ake̱: Madšienye ke̱-dše Mizraim amanehũlũ le̱ mli ke-ya Kanaanbii ke̱ Hitbii ke̱ Amorbii ke̱ Perizbii ke̱ Hivbii ke̱ Iebusbii le̱ ašikpoṅ le̱ no̱, šikpoṅ ní fufo̱ ke̱ wò hoo ye̱ no̱ le̱.

2 Mose 3:7

*Ni Iehowa kē̱: Na mina amanehũlũ ní mimaṅ ní yo̱ Mizraim le̱ naä le̱, ni *ame̱blo̱mo̱ ní ame̱blo̱ö̱ ye̱ ame̱kplalo̱i le̱ ahĩe le̱ minu, edšake̱ mile ame̱nidō̱nii le̱. *2,23.

2 Mose 4:31

Ni maṅ le̱ he ye. Ni heni ame̱nu ake̱ Iehowa *ebasra Israelbii le̱ ni ena ame̱manehũlũ le̱, ke̱ke̱ ni ame̱mãme̱ ame̱yitšei aši ni ame̱so̱le. *3,16.

Jajelɔ 4:1

Ke̱ke̱ ni misā mina yiwale̱i fẽ ni awaä mei ayi ye̱ hũlũ šiši ne̱: ni na, mei ní awaäame̱ yi le̱ ayāfónui, ši ame̱be̱ mĩše̱-dšelo̱ ko, ni ame̱yiwalo̱i le̱ anineši wa ye̱ ameno̱, ši amehe̱ mīše̱dšelo̱ ko.

Yesaia 3:8

Ši Ierusalem edſa, ni Iuda hũ ebutu, edšake̱ ame̱ke̱ ame̱lile̱i ke̱ ame̱nifemo̱nii ete ši ewo Iehowa, koni ame̱tše enumnyam hĩṅme̱ii le̱ ahĩe atũa.

Yesaia 37:17

Gbo otoi ši, Iehowa, ni onu; gblemo̱ ohĩṅme̱ii, Iehowa, ni okwe̱! ni onu Sanherib wiemo̱i fẽ ní etšũ ake̱-basopa Nyoṅmo̱ hĩekãlo̱ le̱!

Yesaia 37:23

Namo ahora obo̱ ni owie musubō̱ wiemo̱i ošile̱ lo̱? namo no̱ owó ogbē no̱ ye̱ ni ohole ohĩṅme̱ii ano̱ ke̱-te ṅwei ye̱ le̱? Israel Mokroṅkroṅ le̱ ni!

Yesaia 37:29

Ake̱-ni ogri owomi ni *oſā̃ le̱ ekwo̱ ke̱-baše̱ mitoiiaṅ hewo̱ le̱, mike̱ mikpoṅ aawo ogugõṅ, ni mike̱ mimanyofle̱ le̱ aawo odāṅ, ni makpaleo ke̱-kũ se̱ ke̱-tšṍ gbe̱ ní otšṍ no̱ ke̱-ba le̱ no̱! *5 Mose 32,27.

Yesaia 37:4

Ekole̱ Iehowa, o-Nyoṅmo̱ le̱, enu Rabšake, moni enuṅtšo̱, Ašur maṅtše̱ le̱, tšũ le̱ ní ebasopa Nyoṅmo̱ hĩekãlo̱ le̱, wiemo̱i le̱, ni ebakã ehĩe ye̱ wiemo̱i ni Iehowa, o-Nyoṅmo̱ le̱, enu le̱ ahewo̱: nohewo̱ le̱ wó ofaikpamo̱ le̱ no̱ ohã mei ní eſe̱ ní yo̱ le̱!

Yesaia 40:2

Nyeke̱ *Ierusalem awiea tšuidšŭrõ nā, ni nyedšadšea nyetšōale̱, ake̱ agbe etawū be le̱ nā, ake̱ ake̱ enišaianii le̱ efale̱, ake̱ ená †toi enyo̱ ke̱-dše̱ Iehowa deṅ ye̱ ehe ešai le̱ fẽ hewo! *Hos. 2,16. †Zak. 9,12.

Yesaia 47:7

ni okē̱: Mafe awura ke̱-yaši nāno̱! hewo̱ le̱ oke̱ nii ne̱ woo otšuiṅ, ni odſẽṅṅ enãgbēhe.

Yesaia 51:19

Ne̱ke̱ *nibii enyo̱ ne̱ eba ono̱; namo aayeo ṅko̱mo̱? Fitemo̱ ke̱ hĩekpãtãmo̱, ke̱ hõmo̱ ke̱ klante; té mafe tēṅ maše̱dše omī hũ? *47,9.

Yesaia 54:11

Bo ní onii yo̱ mo̱bo̱ ní ahum tſaäo ni aše̱dšee omī! Na, mi le̱, ma-tſa ote̱i le̱ ke̱ wulamo̱, ni mato ošiši ke̱ safiro-te̱i;

Yeremia 13:27

Mina onihĩnii ke̱ ogblãfitemo̱ ke̱ onyenyeṅtſibō̱ ke̱ odſamaṅbō̱ ní yo̱ nyãṅemo̱ le̱, ye̱ ṅãno̱ goṅkpo̱i le̱ ano̱. Kpóo hao, Ierusalem! atšūṅ ohe; mẽ beyino noṅṅ ebakã he ke̱-yaši?

Yeremia 16:7

ni akũmo̱ṅ abolo ahãṅame̱ ye̱ yăra-femo̱ mli, ní ake̱-še̱dše ame̱mī ye̱ moni egbo le̱ hewo̱, ni asaṅ ahãṅame̱ mīše̱-dšemo̱ kpulu ame̱nuṅ ye̱ ame̱tše̱ lo ame̱-nye hewo̱.

Yeremia 2:34

Anaä ohĩafoi ní efeko noko le̱ asusumai le̱ alá ye̱ otade nāmūi le̱ amli; dšee nifĩfĩaṅ mina ene̱ ye̱, ši moṅ hefẽhe.

Yeremia 48:26

Nyehãa *eto̱a dā̃, edšake̱ ewó ehe no̱ eši Iehowa, ni Moab aakoklo ši ye̱ eſē mli, ni le̱ hũ eetšṍ ṅmlõnõ! *25,15.

Yeremia 5:31

gbalo̱i le̱ gbaä apasa gbale̱, ni oso̱foi le̱ hũ fataä ame̱he ke̱-feo̱, ni mimaṅ le̱ hũ mīsumo̱ nakai. Enāgbẽ mli le̱, ti nyebafe tẽṅ?

Yeremia 50:29

Nyetšé̱a gãitšẽlo̱i le̱ nyewoa Babel be, mei ni dŏ̱ro̱ö̱ gãi le̱ fẽ! Nyeboa nsra nyewoa ehe ke̱-kpea! Nyekahãa mokomoko mīdšea mli! *Nyewoale̱ nyõmo̱ ye̱ enitsumo̱ le̱ nā! Bo̱fẽbo̱ ní efe le̱, nyefeale̱ nakai noṅṅ; edšake̱ ewó ehe ye̱ Iehowa no̱, ye̱ Israel Mokroṅkroṅ le̱ no̱! *K. 15.

Yāfó 1:17

Zion egbe̱ enidšiaṅ, bi mīše̱dšelo̱ ko be̱ hãle̱. Iehowa efã́ Iakob henye̱lo̱i le̱ ní ame̱bo̱lele̱ ke̱-kpe; Ierusalem etšṍ tamo̱ *nyãṅemo̱ noko ye̱ ame̱teṅ. *K. 8.

Yāfó 1:21

Ame̱nu ake̱ mīdõmo̱ ntšo̱i: mokomoko be̱ ní še̱dšeo̱ mimī; mihenye̱lo̱i le̱ fẽ enu mimanehũlũ le̱ he, ame̱mĩnyã́ ake̱ bo ofe. Oohã gbĩ ní ošie̱ le̱ aba, ní *ame̱atšṍmo̱ tamo̱mi. *4,21.

Yāfó 2:13

Mẽ odase maye mahão, meni he maṅõo mato, Ierusalem biyō? Meni mike̱-ato ohe, ni mike̱-še̱dše omī, Zion biyō oblayō? Edšake̱ opilamo̱ le̱ da tamo̱ ṅšo̱; namo aanyẽo atšá?

Yāfó 4:1

Kwe̱ bo̱ni šika le̱ edĩ tū̃, ní šika ṅmīṅmi le̱ etšake! Aše̱re̱ hekroṅkroṅ le̱ te̱i le̱ aſie ši ye̱ blohũ-fẽ-blohũ kóṅ! 1,6. 10.

Yāfó 5:1

Iehowa, kaimo̱ noni eba wo̱no̱ le̱; kwe̱mo̱ ní ona wo̱hora ní abo̱ö̱wo̱ le̱!

Hosea 2:14

[12.] Ni mafite eweintšei ke̱ egbã-mitšei le̱ ní ekē̱o̱ ye̱ he ake̱: “Minikē-nii ní misuolo̱i le̱ ke̱mi ne̱!” le̱, ni maṅõame̱ mafe kō, ni ṅãṅ koloi aaye.

Zefania 2:10

Ene̱ ame̱aná ye̱ ame̱hewō le̱ hewo̱, edšake̱ ame̱bo̱ Iehowa Zebaot maṅ le̱ ohora, ni ame̱wó ame̱he no̱ ye̱ ame̱no̱.

Yohane 11:19

Ni Iudafoi le̱ ateṅ mei pī éba Marta ke̱ Maria mei aṅõ, koni ame̱bayeame̱ ṅko̱mo̱ ye̱ ame̱nyeminū le̱ gbĕle le̱ hewo̱.

5 Mose 26:7

ni wo̱blo̱ wo̱tšé̱ Iehowa, wo̱tše̱mei le̱ a-Nyoṅmo̱ le̱, ni Iehowa bo wo̱gbē toi, ni ena wo̱haomo̱ ke̱ wo̱deṅmegbomo̱ ke̱ nyṍṅ ní ayeo̱wo̱ le̱.

5 Mose 32:27

ké̱ dšee henye̱lo̱i le̱ ahĩyeli mišeo̱, ake̱ aleenõ ame̱haolo̱i le̱ aatšé̱le̱ ekroko, ni ame̱akē̱: Wo̱, wo̱nineši wa, ši dšee Iehowa fe nii ne̱ fẽ!

5 Mose 32:29

Ame̱le nii kũle̱, ame̱ayo ene̱ se̱, ni ame̱adſẽṅ ame̱nāgbē he!

1 Petro 4:17

Edšake̱ be ni abadše kodšomo̱ šiši ke̱-dše̱ Nyoṅmo̱ *we le̱ eše̱ etã; ši ke̱ wo̱no̱ tšutšu edše̱ le̱, mei ní boo Nyoṅmo̱ sanekpakpa le̱ toi le̱, té ame̱nāgbē aafe tēṅ? *Ezek. 9,5. Ier. 25,29.

1 Samuel 1:11

Ni ewo ši ni ekē̱: Iehowa Zebaot! Ke̱dši ookwe̱ oweyō amanehũlũ ne̱, ni ookaimi, ni ohĩe kpaṅ oweyō no̱, ši moṅ oohã oweyō binū le̱, no le̱ maṅõle̱ ma-hã Iehowa ewala gbĩĩ fẽ, ni *asōyi nā esaṅ eyiteṅ. *4 Mose 6,2-21.