Yāfó 1:10 - Ṅmãle̱ Kroṅkroṅ Le̱

¹⁰ Henye̱lo̱ le̱ ekpã enine mli ye̱ enii fe̱fe̱dši le̱ fẽ no̱; ena ake̱ dšeṅmãdši le̱ ebote ehekroṅkroṅ le̱, *mei ní owo ame̱he kitã ake̱ ame̱kabote osafo le̱ mli le̱. *5 Mose 23,5,

ŊMALƐ KRƆŊKRƆŊ LƐ

¹⁰ Ehenyɛlɔ ekpã enine mli ewo Yuda nibiiaŋ, ni eloo ejwetri ni jara wa fɛɛ kɛtee. Ena jeŋbii bote Sɔlemɔ we lɛ, mɛi ni ogu amɛ owebii ateŋ futumɔ tete po lɛ.

Yāfó 1:10 ပူးပေါင်းရင်းမြစ်များ

2 Kronika 36:18

Ni Nyoṅme̱ we le̱ nibii fẽ, nii wa-dši ke̱ nii bibii, ke̱ Iehowa we le̱ dſetrii le̱ ke̱ maṅtše̱ le̱ ke̱ enukpai le̱ a-dſetrii le̱, elō fẽ-tſẽm ke̱-te Babel.

Nehemia 13:1

Nakai be le̱ mli le̱ akane Mose wolo le̱ ye̱ maṅ le̱ toiiaṅ, ni ana ni *aṅmã ye̱ mli ake̱ Amonnyo lo Moab-nyo akaba Nyoṅmo̱ gwabō̱ le̱ mli gbĩkogbĩko; *5 Mose 23,4-6.

Yesaia 63:18

Be fiō ke̱ke̱ omaṅ kroṅkroṅ le̱ ye no̱; — wo̱henye̱lo̱i le̱ enānā ohekroṅkroṅ le̱ no̱. Lal. 79,1.

Yeremia 15:13

Nyenii ke̱ nyedſetrii le̱, mahã aha ní awoo nyõmo̱, ye̱ nyehe ešai fẽ ní nyefe ye̱ nyekpokpai fẽ no̱ le̱ hewo̱;

Yeremia 20:5

Ni asaṅ maṅõ maṅ ne̱ nii le̱ ke̱ nii ni egbo he deṅme le̱ ke̱ *enii ní dšra wa le̱ ke̱ Iuda maṅtše̱mei le̱ adſetrii le̱ fẽ mawo ame̱henye̱lo̱i le̱ adeṅ, ni ame̱ha ni ame̱lō ni ame̱tĕre ke̱-ya Babel. *Ies. 39,6.

Yeremia 27:19

Edšake̱ boni Iehowa Zebaot kē̱ ye̱ akulašĩṅi le̱ ke̱ ṅšo̱ le̱ ke̱ adekai le̱ ke̱ nibii krokomei ní eſe̱ ye̱ ne̱ke̱ mã ne̱ṅ, 52,17.

Yeremia 27:21

edšake̱ bo̱ni Iehowa Zebaot, Israel Nyoṅmo̱ le̱, kē̱ ye̱ nibii ní eſe̱ ye̱ Iehowa we le̱ ke̱ maṅtše̱ we le̱ ke̱ Ierusalem le̱ ahewo̱ ne̱:

Yeremia 50:28

Anuo̱ mei ní dšo foi ni ame̱dše mli ke̱-dše̱ Babel šikpoṅ le̱ no̱ le̱ agbē, ni ame̱mīdšadše Iehowa, wo̱-Nyoṅmo̱ lo̱, oweletō̱, eso̱lemo̱we le̱ he oweletō̱ le̱ ye̱ Zion!

Yeremia 51:51

“Wo̱hĩe egboi, edšake̱ wo̱nu ahorabō̱; hĩešiſiemo̱ eha wo̱hĩe, edšake̱ meikpõdši eba Iehowa we le̱ hei kroṅkroṅi le̱!”

Yeremia 52:13

ni ebašã Iehowa we le̱ ke̱ maṅtše̱ we le̱ ke̱ Ierusalem šĩai le̱ fẽ ni šĩa wulu-fẽ-šĩa wulu le̱ eke̱ la šã.

Yāfó 1:7

Ierusalem amanehũlũ ke̱ haomo̱ gbĩĩ le̱ amli le̱ ekaio̱ enu fe̱fe̱dši ní eyo̱ ke̱-dše̱ blema bēbe le̱; beni emaṅ le̱ gbē haolo̱ le̱ deṅ, ní ebe̱ bualo̱ ko le̱ ehaolo̱i le̱ nale̱, ni ame̱ṅmõ ehĩekpãtãmo̱ le̱.

Ezekiel 44:7

ake̱-ní nyeṅõ gbo̱iabii ní dši tšui mli fōlo̱i ke̱ helo mli fōlo̱i le̱ ke̱-ba, ní ame̱bahĩ mihekroṅkroṅ le̱, ní ame̱bule miwe le̱, ní beni nyeke̱ mibolo ke̱ fo̱ ke̱ lá le̱ baä le̱, nyekũ mikpãṅmo̱ le mli nyefata nyenihĩnii le̱ fẽ he.

Ezekiel 7:22

Ni matšṍ mihĩe hũ ke̱-adše̱ ame̱he, ni ame̱abule midſetri le̱, ni odšotſalo̱i aabote mli, ni ame̱abulele̱.

Ezekiel 9:7

Ni esā ekē̱ame̱ ake: Nyebulea šĩa le̱, ni nyewoa kpoi le̱ ano̱ obõbõ ke̱ mei ní enyõnyõi! Nyedšea kpo! Ni ame̱dše kpo ni ame̱yatſia maṅ le̱ nii.

Marko 13:14

Ši ke̱ nyena *amaṅfõ nihĩnii le̱ ni gbalo̱ Daniel wie he le̱ ake̱ emã heni esaa ake̱ emãa le̱ (†moni kaneo̱ le̱ hã ní eyo se̱!), no le̱ mei ni yo̱ Iudea le̱ adšo foi aya gõdši le̱ ano̱; *Dan. 9,27. †Dan 12.4. 10.

5 Mose 23:3

Amonnyo lo Moabnyo akaba Iehowa gwabō̱ le̱ mli; ame̱yino̱bii ní dši nyoṅma tete akaba Iehowa gwabō̱ le̱ mli gbĩkogbĩko;

5 Mose 23:4

edšake̱ ame̱ke̱ abolo ke̱ nu ebakpeenye ye̱ gbe̱ le̱ no̱, heni nyedše̱ Mizraim nyebaä le̱, ni ame̱sā ame̱bo̱ *Bileam, Beor bi le̱, ní dše̱ Petor ye̱ Mesopotamia le̱, apā, koni ebalomo̱o. *4 Mose 22,5. 6.