Romabii 8:31 - Ṅmãle̱ Kroṅkroṅ Le̱

³¹ Bĕle̱ té wo̱o̱kē̱ tēṅ ye̱ nii ne̱ ahewo̱ṅ? Ké̱ Nyoṅmo̱ ye̱ wo̱se̱ le̱, namo aate ši awowo̱? Lal. 118,6.

ŊMALƐ KRƆŊKRƆŊ LƐ

³¹ Belɛ te wɔɔkɛɛ tɛŋŋ yɛ nii nɛɛ ahewɔŋ? Kɛ Nyɔŋmɔ yɛ wɔsɛɛ lɛ, namɔ aaate shi awo wɔ?

Romabii 8:31 ပူးပေါင်းရင်းမြစ်များ

1 Mose 15:1

Sädši ne̱ ase̱ le̱ Iehowa wiemo̱ ba Abram ṅõ ye̱ ninā mli ake̱: Kāše gbeyei, Abram; midši *otše̱ṅ ke̱ oṅyõmo̱wo ni fá naakpa. *Lal. 3,4; 84,12; 119,114.

1 Maŋtsɛmɛi 8:57

Iehowa, wo̱-Nyoṅmo̱ le̱, ke̱wo̱ ahĩ ši, take̱ bo̱ni eke̱ wo̱tše̱mei le̱ hĩ ši le̱ Ekašīwo̱ ni esā ekakwawo̱ hũ!

2 Maŋtsɛmɛi 6:16

Ni ehere no̱ ake̱: Kāše gbeyei; edšake̱ mei ní ke̱wo̱ yo̱ le̱ fá fè mei ní ke̱ame̱ yo̱ le̱. 2 Kron. 32,7.

1 Kronika 19:15

Ni beni Amonbii le̱ na ake̱ Arambii le̱ edšo foi le̱, ke̱ke̱ ni ame̱ hũ ame̱dšo foi ye̱ enyemi Abišai hĩe ni ame̱yabote mã le̱ṅ. Ni Ioab kũ ese̱ ke̱-ba Ierusalem.

1 Kronika 5:22

Ni mei pī nyõnyõi, edšake̱ Nyoṅmo̱ ṅō ta le̱ dše̱. Ni ame̱hĩ ši ye̱ ame̱nãdšiaṅ ke̱-yaši nomṅõ be le̱ṅ.

Lalai 118:6

Iehowa ye̱ mise̱, mišee gbeyei; meni gbomo aanyẽmi afe? Lal 56,5. Heb 13,6.

Lalai 46:11

Nyefea diō ni nyenáa nyelea ake̱ midši Nyoṅmo̱; aawó mino̱ godšō ye̱ dšeṅmãdši ateṅ, aawó mino̱ godšō ye̱ šikpoṅ le̱ no̱!

Lalai 46:7

Dšeṅmãdšì le̱ feo̱ hō, maṅtše̱yelii le̱ didãa: Ewoo̱ egbē, ni šikpoṅ le̱ sẽreo̱.

Lalai 56:11

Nyoṅmo̱ mli ní midšieo̱ ewiemo̱ le̱ yi ye̱, Iehowa mli ní midšieo̱ ewiemo̱ le̱ yi ye̱.

Lalai 56:4

Be mli ní mi mišeo̱ gbeyei le̱, bo noṅṅ ono̱ mike̱ mihĩe fõo̱.

Lalai 56:9

Okaneo̱ mitšomlomo̱i le̱, oke̱ mihĩe-yāfónui awo oto̱ le̱ mli! Ani ame̱be̱ owolo le̱ mli?

Yesaia 41:10

Kāše gbeyei, ši mi, mike̱o yo̱! Kākwe̱kwē̱ ohe, ši midsi o-Nyoṅmo̱ le̱! Mawadšeo, ni maye mabuao; ni mahĩe omli ke̱ midšale̱ ninedšŭrõ le̱. 43,1.

Yesaia 54:17

Tawūnii ní asõo̱ ašio̱o le̱ eko eko nyẽṅ noko afe, ni lile̱i-fē-lile̱i ní aate ši ni eke̱o akodšo le̱, oobule̱ fo̱. Ene̱ dši Iehowa tšũdši le̱ agbošinii, ke̱ ame̱-dšale̱ ní dše̱ mideṅ, Iehowa kē̱!

Yesaia 8:10

Nyetoa adšina, ni eefe yaka kẽ! Nyewiea wiemo̱ hũ, ni edamo̱ṅ ši; edšake̱ *Nyoṅmo̱ ke̱wo̱ ye̱! *K. 8.

Yeremia 1:19

ni ame̱ke̱o aawu, ši ame̱nyẽṅo; edšake̱ mike̱o ye̱, ní madšieo, Iehowa kē̱.

Yeremia 20:11

Ši Iehowa *ke̱mi yo̱ tamo̱ ekā̃lo̱ nī he wa; nohewo̱ le̱ mei ní waämi yi le̱ aatĕ̱re̱, ni ame̱yeṅ no̱; ame̱hĩe aagboi naakpa ke̱ nāno̱ hĩegbĕle ní hĩe edšeṅ no̱ gbĩkogbĩko, edšake̱ ame̱fee ame̱nii ke̱ nilē. *1,8. 19; 15,20.

Yeremia 42:11

Babel maṅtše̱ le̱ ní nyešeo̱le̱ gbeyei le̱, nyekašeale̱; nyekašeale̱ gbeyei, Iehowa kē̱; edšake̱ mike̱nye ye̱, koni mahere nyeyiwala, ni madšienye ke̱-dse̱ edeṅ!

4 Mose 14:9

Iehowa hĩe atua ke̱ke̱ nyekatšea, ni asaṅ nyekašea šikpoṅ le̱ no̱ bii le̱ agbeyei, edšake̱ ame̱ le̱ wo̱koyemãi ni; ame̱klo̱ edše ame̱no̱, ši wo̱ le̱ Iehowa ke̱wo̱ ye̱; nyekašeaame̱ gbeyei!

Mateo 1:23

“Na, oblayō fro le̱ aaná mũsũ, ni eefo binū, ni ame̱wole̱ gbei ake̱ Imanuel,” ešiši dši: Nyoṅmo̱ ke̱wo̱ ye̱.

Romabii 3:5

Ši ke̱dši wo̱nišaianii le̱ hãa Nyoṅmo̱ dšale̱ le̱ dšeo̱ kpo le̱, té wo̱o̱kē̱ tẽṅ? Aso Nyoṅmo̱ nõ edšaa, ke̱dši eke̱ mliſũ ba moko no̱ le̱? (Miṅwie bo̱ni gbomo wieo̱.)

Romabii 4:1

Bĕle̱ meni wo̱o̱kē̱, ake̱ wo̱tše̱ Abraham ena ye̱ helo gbe̱făṅ mo̱?

5 Mose 33:29

Adšō̱o, Israel! Namo tamo̱ bo? Maṅ ní Iehowa ehere oyiwala! Moni dši oyeli-ke̱-buamo̱ tše̱ṅ, ke̱ ogbodšē klante le̱! Ni ohenye̱lo̱i le̱ aaſie ame̱nā ši ahão; ši bo le̱ oonānā ame̱hei groṅṅi le̱ ano̱. 4,7. 8. Lal. 33,12; 144,15.

Yoshua 10:42

Ni ne̱ke̱ maṅtše̱mei ne̱ fẽ ke̱ ame̱šikpõdši le̱ Iošua ṅõ šikōme; edšake̱ *Iehowa, Israel Nyoṅmo̱ le̱, wu ehã Israel. *K. 14.

1 Yohane 4:4

Bii bibii, nye le̱ nyedše̱ Nyoṅmo̱ mli, ni nyéye ame̱no̱ kũnim; edšake̱ moni yo̱ nyemli le̱ da fẽ moni yo̱ dše le̱ṅ le̱,

1 Samuel 14:6

Ni Ionatan kē̱ oblanyo ni hĩe etawūnii le̱ ake̱: Ba ní wo̱te ne̱ke̱ fōlo̱i ne̱ asrafoi le̱ aṅõ! Ekole̱ Iehowa aatšu nii ahãwo̱; edšake̱ nokonoko etšĩĩ *Iehowa nā ake̱ eke̱ mei pī lo mei fiõ aahere yiwala! *Kodš. 7,7. 2 Kron. 14,10.