Romabii 15:14 - Ṅmãle̱ Kroṅkroṅ Le̱

¹⁴ Ši midientše̱ hũ miye̱ hewale̱ ye̱ no̱ ye̱ nyehewo̱, ake̱ nyedientše̱ tete nyeyimo̱ obõbō̃bõ ke̱ mlihĩle̱; ni nilē fẽ eyimo̱nye tó̱, ni nyenyẽo̱ nyewieo̱ nyetšõo̱ nyehe hũ.

ŊMALƐ KRƆŊKRƆŊ LƐ

¹⁴ Shi anyɛmimɛi, mi diɛŋtsɛ hu miheɔ miyeɔ krɛdɛɛ yɛ nyɛhe akɛ nyɛ diɛŋtsɛ hu nyɛyimɔ obɔ̃bɔ̃ɔbɔ̃ kɛ mlihilɛ; ni nilee fɛɛ eyimɔ nyɛ tɔ, ni nyɛnyɛɔ nyɛwieɔ nyɛtsɔ̃ɔ nyɛhe hu.

Romabii 15:14 ပူးပေါင်းရင်းမြစ်များ

1 Korintobii 1:5

ake nibii fẽ mli le̱ ahã nyeſere ye̱ emli, ye̱ wiemo̱-fẽ-wiemo̱ ke̱ nilē-fẽ-nilē gbe̱fāṅ;

1 Korintobii 12:8

Ši moko le̱, atšṍ Mumo̱ le̱ no̱ ahãle̱ nilē-wiemo̱; ni mokroko hũ ahãle̱ niiašiši-namo̱-wiemo̱ ye̱ nakai Mumo̱ le̱ noṅṅ nā;

1 Korintobii 13:2

Ni ke̱dši miye̱ gbale̱, ni minaä tẽmo̱nii fẽ nā, ni mile nii fẽ, ni ke̱dši miye̱ hemo̱-ke̱-yeli fẽ hũ, bo̱ni manyẽ gõdši matšire̱, ši mibe̱ suomo̱ le̱, dšikũle̱ midšee noko. Mat. 7,22; 17,20.

1 Korintobii 8:1

Agbene ye̱ *wo̱dši-afo̱lešãnii le̱ ahewo̱ le̱ wo̱le ake̱ wo̱fẽ wo̱le nii. Nilē hãa mo wóo̱ ehe no̱; ši suomo̱ le̱ hãa mo nane mõo̱ ši. *Bo̱f. 15,29.

1 Korintobii 8:10

Edšake̱ ke̱dši moko na bo ní odši nilelo̱ le̱ ake̱ otá wo̱ṅtšũ mli ōye nii le̱, ani dšee hewale̱ owoo̱ moni egbede le̱ henilē koni eyaye wo̱dši-afo̱lešãnii le̱?

1 Korintobii 8:7

Ši kẽle̱ dšee mei fẽ mli ne̱ke̱ nilē ne̱ yo̱; ši meikomei yo̱ ke̱-baši ṅme̱ne̱-ṅme̱ne̱ ni ame̱ke̱ wo̱dši ano̱ hemo̱-ke̱-yeli yeo̱ ake̱ wo̱dši-afo̱lešãnii, ni ake̱ noni ame̱henilẽ egbede hewo̱ le̱, abuleo̱le. 10,27.

2 Korintobii 8:7

Ši moṅ take̱ bo̱ni *nyetekeo̱ no̱ ye̱ nofẽno mli, ye̱ hemo̱-ke̱-yeli ke̱ wiemo̱ ke̱ nilē ke̱ mo̱deṅbō̱ fẽ ke̱ suomo̱ ní dše̱ nyemli ní eyo̱ wo̱mli le̱ mli le̱, †nyekwe̱a koni ne̱ke̱ dromo̱ ne̱ mli hũ le nyeteke no. *1 Kor. 1,5. †1 Kor. 16,1. 2.

Efesobii 5:9

Edšake̱ la le̱ yibii dši mlihĩle̱ ke̱ dšale̱ ke̱ ano̱kwale fẽ.

Filipibii 1:11

ni dšale̱ *yibii ni awoo̱ ye̱ Iesu Kristo mli le̱, ayimo̱nye obõbõ abã Nyoṅmo̱ anumnyam ke̱ yidšiemo. *Ef. 5,9.

Filipibii 1:7

take̱ bo̱ni sa bãmi ake̱ midſẽṅo̱ ene̱ ye̱ nyefẽ nyehewo̱ le, edšake̱ mikpãi ke̱ sanekpakpa le̱ hefãmo̱ ke̱ eno̱mĩmã mli fẽ le̱ nyekã mitšui no̱, ake̱-ni mike̱ nyefẽ le̱ dromo̱ le̱ niyelo̱i dšiwo̱ le̱,

Kolosebii 3:16

Nyehãa Kristo wiemo̱ le̱ ahĩa nyemli babaō ye̱ nilē-fē-nilē mli; ni nyetšõa nyehe nii ni nyewiea nyetšõa nyehe ye̱ *saṅkũtſãi ke̱ yidšiemo̱lalai ke̱ mumo̱ṅ-lalai amli, ni nyeke̱ šidã alaā ye̱ nyetšuii amli nyehãa Nyoṅmo̱; *Ef. 5,19.

1 Tesalonikabii 5:11

Hewo̱ le̱ nyetšé̱a nyetšui nyeṅmẽa nyemli, ni *mo ahã enanyo nane amõ ši, take̱ bo̱ noṅṅ ni nyefeo̱ le̱. *Iud. 20.

1 Tesalonikabii 5:14

Ši wo̱mĩkpanye fai, anyemimei, *nyewiea nyetšõa mei ni be̱ gbé̱dšiano̱ le̱; nyeše̱dšea mei ni tšui fãa le̱ amĩ; nyeherea mei ni feo̱ gbedē le̱; nyetoa nyetšui ši nyehãa mei fẽ. *2 Tes. 3,15.

2 Tesalonikabii 1:11

Ene̱hewo̱ hũ ni wo̱so̱leo̱ dā wo̱-hãanye, koni wo̱-Nyoṅmo̱ le̱ ahã nyesa tšé̱mo̱ le, ni ehã emlihĩle̱ taomo̱nii le̱ fẽ ke̱ hemo̱-ke̱-yeli nitšumo̱ le̱ ayi obõ ye̱ hewale̱ mli,

2 Timoteo 1:5

edšake̱ mihĩe ye̱ ohemo̱-ke̱-yeli ni apasa be̱ mli le̱ no̱; noni tšutšu ni eyo̱ onã́ Loise ke̱ onye Eunike mli, ni miyo̱ hewale̱ ye no̱ ake̱ eye̱ bo hũ omli le̱. Bof. 16,1.

Filemon 1:21

Ake̱-ni mihĩe kã ono̱ ake̱ oobomi toi hewo̱ miṅmão ne̱, edšake̱ mile ake̱ oofe fẽ beni mikē̱o̱ ne̱ tete.

Hebribii 5:12

edšake̱ nye ní kũle̱ esa ake̱ nyetšṍmo̱ tšõlo̱i moṅ ye̱ be le̱ nā le̱, ehĩa ake̱ atšõnye Nyoṅmo̱ wiemo̱i le̱ amli šišidšē nibii le̱ ekoṅ, ni nyetšṍmo̱ mei ni *fufo̱ ehĩaame̱, ni dšee niyenii kpakpa. *1 Kor. 3,1-3.

Hebribii 6:9

Ši wo̱suomo̱mei, tše̱ wo̱mīkē̱ ne̱ke̱ moṅ, ši kẽle̱ wo̱hĩe kã nyeno ake̱ nyesãdši hĩ fè nakai, ni yiwalaheremo̱ aanyie se̱.

2 Petro 1:12

Nohewo̱ le dãne̱ mike̱ mihe efõṅ ši ni makainye ye̱ ne̱ke̱ nii ne̱ ahewo̱, tše̱ nyele momo ni nyenane emõ ši ye̱ ano̱kwale ni yo̱ le̱ mli.

1 Yohane 2:21

Dšee ake̱ nyelee ano̱kwale le̱ hewo̱ miṅmãanye ne̱, ši moṅ edšake̱ nyele, ni nyele ake̱ amale komeflo dše̱e̱ ano̱kwale le̱ mli.