Romabii 10:18 - Ṅmãle̱ Kroṅkroṅ Le̱

¹⁸ Ši mīkē̱ ake̱: Aso nu ame̱nuu? Le̱le̱ṅ ake̱ *ame̱gbē edšidše ke̱-te šikpoṅ mū le̱ fẽ no̱, ni ame̱wiemo̱i le̱ eše̱ dšeṅ nāgbēhei le̱. *Lal. 19,5.

ŊMALƐ KRƆŊKRƆŊ LƐ

¹⁸ Shi miibi akɛ, “Aso nu amɛnuuu?” Anɔkwale mli lɛ amɛnu, tamɔ bɔ ni ŋmalɛ lɛ kɛɔ akɛ, “Amɛgbee ejije kɛtee shikpɔŋ muu lɛ fɛɛ nɔ. Ni amɛwiemɔi lɛ eshɛ jeŋ naagbeehei lɛ.”

Romabii 10:18 ပူးပေါင်းရင်းမြစ်များ

1 Maŋtsɛmɛi 18:10

*Gbĩĩabo̱ ni Iehowa, o-Nyoṅmo̱ le̱, hĩe kã ne̱, dšeṅ maṅ ko maṅ ko be̱ le̱, maṅtše̱yeli ko maṅtše̱yeli ko hũ be̱ ní minuṅtšo̱ tšũko ni ayatao bo ye̱ mli; ni kē̱ ame̱kē̱ ake̱: Ebe̱ bie̱! le̱, ehãa nakai maṅtše̱yeli le̱ lo nakai maṅ le̱ kãmoo̱ kitãi ake̱ ame̱nakoö. *17,12.

Lalai 19:4

Sane dšadšemo̱ ko be̱ ni wiemo ko hũ be̱, ni anuu ame̱gbē ye̱ mli.

Lalai 22:27

*Amanenalo̱i le̱ aaye nii, ni ame̱-atō̱ro̱; Iehowa se̱gbe̱taoloi le̱ aadšie eyi; nyetšui yi aná wala ke̱-ya nãno̱! *Lal. 69,33.

Lalai 98:3

Ekai emo̱bo̱nale̱ ke̱ eno̱kwayeli le̱ ehã Israel we le̱; šikpoṅ le̱ nāgbēhei le̱ fẽ ena wo̱-Nyoṅmo̱ le̱ yiwalaheremo̱ le̱. Ies 52,10.

Yesaia 24:16

Wo̱nu lalai ke̱-dše̱ šikpoṅ le̱ nāgbẽ-hei le̱ ake̱: Dšalo̱ le̱ hĩe aaba nyam! Ši mi le̱ mikē̱: Mītã lō, mĩtã lō! kpóo hãmil kũtũmpo̱foi miye kũtũmpo̱o, kũtũmpo̱foi miye kũtũmpo̱o pi!

Yesaia 49:6

ekē̱ ake̱: Efáá ake̱ oofe mitšũlo̱, ni ote Iakob akutšei le̱ aši, ní oke̱ Israel mei ni abă ame̱yi le̱ akũ se̱ ke̱-ba; ši moṅ *miṅõo mife dšeṅmãdši le̱ hũ ala, koni otšṍ miyiwalaheremo̱ ke̱-yaši šikpoṅ le̱ nāgbēhe le̱! *42,6; 60.3. Luk. 2,62. Bo̱f. 18,47.

Yesaia 52:10

Iehowa *edšie enine kroṅkroṅ le̱ he ye̱ dšeṅmãdši le̱ fẽ ahĩe, koni šikpoṅ le̱ nāgbēhei le̱ fẽ ana wo̱-Nyoṅmo̱ le̱ yiwalaheremo̱ le̱. *53,1.

Yeremia 16:19

Iehowa, mihewale̱ ke̱ mō̃ ní wa ke̱ mibobāhe ye̱ fĩmo̱ gbĩ no̱! bo noṅṅ oṅõ dšeṅmãdši le̱ aadše̱ šikpoṅ le̱ nāgbēhei aba abakē̱ ake̱: Wo̱tše̱mei le̱ agbošinii ní ame̱ná le̱, amale ke̱ke̱ ni, ke̱ yakayakanii ní se̱námo̱ ko be̱ṅ!

Mateo 24:14

Ni aasie̱ maṅtše̱yeli le̱ he sanekpakpa ne̱ atšõ *dše ne̱ṅ fẽ, ní ake̱-ye dšeṅmãdši le̱ fẽ †odase; ni no dãni nāgbē le̱ aaba. *28,19. †10,18.

Mateo 26:13

Le̱le̱ṅ, mīkē̱nye ake̱: Hefẽhe ní aadšadše sanekpakpa ne̱ ye̱, ye̱ dšeṅ fẽ le̱, aatšĩ noni yō ne̱ fe ne̱ hũ tã aṅõ-kaile̱.

Mateo 28:19

Nohewo̱ le *nyeyaä ní nyeyafea dšeṅmãdši fẽ mikaselo̱i, nyebaptisiaame̱ nyewoa Tše̱ le̱ ke̱ Bi le̱ ke̱ Mumo̱ kroṅkroṅ le̱ gbe̱i amli, *Mar. 16,15. 16.

Mateo 4:8

Asaṅ abonsam le̱ ṅõle̱ ke̱-te goṅ kpeteṅkple ní kwo̱ ko no̱, ni eṅõ dšeṅ maṅtše̱yelihei fẽ ke̱ ame̱numnyam le̱ etšõle̱;

Marko 16:15

Ni ekē̱ame̱ ake̱: Nyeyaä dše le̱ṅ fē-kwa nyeyašie̱a sanekpakpa le̱ nyetšõa nofẽno ní abo̱ le̱. Mat 28,18-20.

Marko 16:20

Ši ame̱ le̱ ame̱dše kpo ni ame̱yašie̱ ye̱ hefẽhe, ni Nuṅtšo̱ lo̱ ke̱ame̱ *mītšu nii ni ewo wiemo̱ le̱ hewale̱ ke̱ okadii ni nyie ee̱ le̱. *Heb. 2,4.

Bɔfoi 1:8

ši moṅ kē̱ Mumo̱ kroṅkroṅ le̱ ná ba nyeno̱ le̱, nyeaná hewale̱ ni nyeatšṍmo̱ midasefoi ye̱ Ierusalem ke̱ Iudea ke̱ Samaria fẽ, ke̱-yaši šikpoṅ le̱ nāgbēhei le̱.

Bɔfoi 26:20

ši moṅ midšadše mitšõ mei ní yo̱ Damasko le̱ tšutšu, ke̱ mei ní yo̱ Ierusalem ke̱ Iudea šikpoṅ le̱ no̱ fē, ke̱ dšeṅmãdši le̱ hũ, ake̱ ame̱tšake ame̱tšui ni ame̱kpale ke̱-ba Nyoṅme̱ ṅõ ni ame̱tšu nii ni sa tšuitšakemo̱.

Bɔfoi 28:23

Ni beni ame̱tole̱ gbĩ le̱, ame̱teṅ mei pī ba eṅõ ye̱ etōhe le̱, ni edšadše Nyoṅmo̱ maṅtše̱yeli le̱ he sane etšõame̱, ni eye he odase faṅṅ, ni edše̱ Mose mla le̱ ke̱ gbalo̱i le̱ amli etao ní ame̱yĩṅ atšṍ ke̱-ba Iesu gbe̱făṅ ke̱-dše̱ lebi ke̱-baši gbe̱ke̱.

Romabii 1:8

Kleṅkleṅ le̱ mītšṍ Iesu Kristo no̱ mīda mi-Nyoṅmo̱ le̱ ši ye̱ nyefẽ nyehewo̱, ake̱ *agbaä nyehemo̱-ke̱-yeli le̱ he sane ye̱ dše le̱ṅ fẽ. *16,19. 1 Tes. 1,8.

Romabii 15:19

ye̱ *okadii ke̱ nākpe̱nii ahewale̱ mli, ye̱ Nyoṅmo̱ Mumo̱ hewale̱ mli; bo̱ni fe ní midše̱ Ierusalem mibo̱le ši āhũ ke̱-yaši Ilirikum ni mišie̱ Kristo sanekpakpa le̱ migbe nā. *Mar. 16,17.

Kolosebii 1:23

ke̱dši nyehĩe heme̱-ke̱-yeli le̱ mli ni nyedamo̱ ši šiṅṅ, ni nyetšĩṅ nyehe ke̱-dše̱ṅ sanekpakpa le̱ ni nyenu ni ašie̱o̱ atšõo̱ bō̱nii fẽ ni yo̱ ṅwei šiši le̱, ni mi Paulo misúmoo̱ ye̱ he le̱, no̱hĩekãmo̱ le̱ he le̱.

Kolosebii 1:6

noni eše̱ nyeṅõ take̱ bo̱ noṅṅ ni eyo̱ ye̱ dšeṅ mū le̱ fẽ mli, ní ewoo̱ yibii ni eſereo̱, take̱ bo̱ni efeo̱ ye̱ nye hũ nyeteṅ ke̱-dše̱ gbĩ no̱ ni nyenu ni nyená nyele Nyoṅmo̱ dromo̱ le̱ ye̱ ano̱kwale mli le̱;

1 Tesalonikabii 1:8

Edšake̱ nyeṅõ Nuṅtšo̱ le̱ wiemo̱ le̱ dše̱ ni egbe̱ eſã, dšee ye̱ Makedonia ke̱ Akaia ke̱ke̱, ši moṅ *nyehé ni nyeheo̱ Nyoṅmo̱ no̱ nyeyeo̱ le̱ edšidše ke̱-te he-fẽhe, ni ehĩaawo̱ noko kē̱mo̱ tete, *Rom. 1,8.