Kpojiemɔ 3:7 - Ṅmãle̱ Kroṅkroṅ Le̱

⁷ Ni Filadelfia asafo le̱ bo̱fo le̱, ṅmã oyahāle̱ ake̱: Nii ni mokroṅkroṅ le̱, ano̱kwafo le̱, moni *hĩe David samfe le̱, moni gbleo̱ ni moko ṅã́ã́, ni eṅã́a hũ ní moko gblee le̱, kē̱ ne̱: *Ies 22,22.

ŊMALƐ KRƆŊKRƆŊ LƐ

⁷ “Ni Filadelfia asafo lɛ bɔfo lɛ; ŋmaa oyahã lɛ akɛ, “Nii ni mɔ krɔŋkrɔŋ lɛ, anɔkwafo lɛ, mɔ ni hiɛ David samfee lɛ, mɔ ni gbeleɔ ni mɔ ko ŋaaa, ni eŋaa hu ni mɔ ko gbeleee lɛ kɛɛ nɛ,

Kpojiemɔ 3:7 ပူးပေါင်းရင်းမြစ်များ

Hiob 11:10

Ke̱dšĩ etšẽ ke̱-ba, ni emõo ewo tšũṅ, ni etšē̱o kodšomo̱ le̱, namo aanyẽ enā atšĩ?

Hiob 12:14

Na, ekũmoo̱ eſĩeo̱ ši, ni anyẽẽ atſa, eṅã́a mo yi, ni anyẽẽ agble.

Lalai 145:17

Iehowa *dša ye̱ egbè̱i fiā mli, ni drolo̱ dšile̱ ye̱ enitšumo̱i fiā mli. *5 Mose 32,4.

Lalai 16:10

Edšake̱ ošĩṅ misusuma ohãṅ gbohĩĩadše, ohāṅ omokroṅkroṅ le̱ ana lādšemo̱bu le̱. Bo̱f. 2,26-32; 13,35-37.

Lalai 89:18

Edšake̱ bo dši ame̱hewale̱ le̱ nyam, ni odromo̱ le̱ oke̱-wóo̱ wo̱klonto le̱ no̱.

Yesaia 22:22

Ni maṅõ David we le̱ samfē le̱ mafõ ekōṅ no̱, ni ké̱ *egble le̱, moko be̱ ni aaṅã́, ni ké̱ eṅã́ le̱, moko be̱ ní aagble. *Kpods. 3,7.

Yesaia 30:11

Nyedšea gbe̱ le̱ no̱, ni nyegbaä ke̱-dšea tempõṅ le̱ no̱; nyehãa Israel Mokroṅkroṅ le̱ adšea wo̱hĩe kwrā!

Yesaia 41:14

Kāšegbeyei, bo gõgõmi Iakob, nye Israelbii ni nyeyi fáá! *maye mabuao, Iehowa kē̱, ni okpõlo̱ dši Israel Mokroṅkroṅ le̱. *43,3.

Yesaia 41:16

Ooša ame̱mli, ni kō̱yo̱ aalōame̱ ke̱-ate, ni lasũogbĕle aagbe̱ame̱ aſã; ši bo le̱, omli aaflio ye̱ Iehowa mli, ni ooſā ofõ Israel Mokroṅkroṅ le no̱.

Yesaia 41:20

koni ame̱fẽ-tſẽm ame̱na ni ame̱le ni ame̱ke̱-to ame̱tšuiṅ ni ame̱dſẽṅ he, ake̱ Iehowa nine fe ene̱, ni Israel Mokroṅkroṅ le̱ bo̱.

Yesaia 47:4

Wo̱kpõlo̱ le̱, Iehowa Zebaot dši egbe̱i, Israel Mokroṅkroṅ le̱!

Yesaia 48:17

Bo̱ni Iehowa, okpõlo̱ le̱ ke̱ Israel Mokroṅkroṅ le̱, kē̱ ne̱: Midši Iehowa, o-Nyoṅmo̱ le̱, moni tšõo̱o nii ní hĩ hao, moni tšõo̱o gbe̱ ní onyie no̱ le̱.

Yesaia 49:7

Bo̱ni Iehowa, Israel kpõlo̱ ke̱ e-Mokroṅkroṅ le̱, kē̱ susuma ní agbeo ehe guo̱, ní dšeṅmaṅ hũ hĩo̱ ehĩe, moni dši no̱yelo̱i yiwalo̱i atšũlo̱ le̱ ne̱: Maṅtše̱mei aana ni ame̱ate ši, lume̱i hũ aana, ni ame̱akoto ši ame̱adšá ye̱ Iehowa ni dši ano̱kwafo ke̱ Israel Mokroṅkroṅ le̱ ni ehalao le̱ hewo̱.

Yesaia 54:5

Edšake̱ *owù dši ofelo̱ le̱: Iehowa Zebaot dši egbe̱i; ni okpõlo̱ dši Israel Mokroṅkroṅ le̱: aatšé̱le̱ šikpoṅ le̱ fẽ Nyoṅmo̱! *Hos. 2,21.

Yesaia 55:5

Na, ootšé̱ dšeṅmaṅ ní olee ke̱-aba, ni dšeṅmaṅ ní leeo hũ aadšo foi ke̱-aba oṅõ, ye̱ Iehowa, o-Nyoṅmo̱ le̱, ke̱ Israel Mokroṅkroṅ le̱ hewo̱, edšake̱ ewo ohĩe nyam!

Yesaia 6:3

Ni mone̱ *boo̱ kē̱o̱ mone̱ ake̱: Kroṅkroṅ, kroṅkroṅ, kroṅkroṅ dši Iehowa Zebaot le̱; †šikpoṅ mū le̱ fẽ eyi obõ ke̱ enumnyam le̱! *Kpods. 4,8. †Hab. 3,8.

Mateo 16:19

Ni maṅõ ṅwei maṅtše̱yeli le̱ nā samfei le̱ mahão; ni *nofẽno ní oofĩ ye̱ šikpoṅ le̱ no̱ le̱, aafĩ ye̱ ṅwei; ni nofẽno ni oofẽne ye̱ šikpoṅ le no̱ le̱, aafẽne ye̱ ṅwei. *18,18.

Mateo 24:35

Ṅwei ke̱ šikpoṅ baho aya; ši miwiemo̱i le̱ hoṅ eyaṅ. 5,18.

Marko 1:24

Fõmo̱! *mẽ sane wo̱ke̱o yo̱, Iesu Nazarenyo? Oba wo̱hĩekpãtãmo̱! Mile moni dsio, †bo dši Nyoṅmo̱ Mokroṅkroṅ le̱. *5,7. †Lal. 16,10.

Luka 1:32

Eetšṍ agbo, ni aatšé̱le̱ Ṅweinyo le̱ bi, ni Nuṅtšo̱ Nyoṅmo̱ aaṅõ *etše̱ David maṅtše̱sẽi le̱ ahãle̱. *2 Sam 7,12. 13.

Luka 4:34

ekē̱: Fõmo̱, mẽ sane wo̱ke̱o yo̱, bo Iesu Nazarenyo? Oba wo̱hĩekpãtãmo̱! mile moni dšio, bo dši Nyoṅmo̱ Mokroṅkroṅ le̱!

Yohane 14:6

Iesu kē̱le̱ ake̱: Mi noṅṅ dši *gbe̱ le̱ ke̱ †ano̱kwale le̱ ke̱ **wala le̱; ††moko baa tše̱ le̱ ṅõ, ake̱ dša etšṍ mino̱. *Heb. 10,20. †Mat. 11,27. **Ioh. 11,25. ††Rom. 5,1. 2.

Bɔfoi 3:14

Ši nye le̱, nyekwa mokroṅkroṅ ke̱ dšalo̱ le̱, ni *nyekpa fai ake̱ aṅõ gbomo awuyelo̱ moṅ akenye, *Mat 27,20. 21.

1 Yohane 5:20

ši wo̱le ake̱ Nyoṅmo̱ bi le̱ éba, ni ébahãwo̱ dſēṅmo̱ koni wo̱le ano̱kwafo le̱; ni wo̱ye̱ ano̱kwafo le̱ mli, ye̱ ebi Iesu Kristo le̱ mli; mone̱ dši *ano̱kwa Nyoṅmo̱ le̱ ke̱ nāno̱ wala le̱. *Ioh. 17,3. Rom. 9,5.

Kpojiemɔ 1:11

ní kē̱ ake̱: *[Midši Alfa le̱ ke̱ Omega le̱, kleṅkleṅmo le̱ ke̱ nāgbēmo le̱.] Noni onaä le̱, ṅmã owo wolo mli, ni oṅõ-mãdše asafoi kpawo ní yo̱ Asia le̱, ní ake̱-ya Efeso, ke̱ Smirna, ke̱ Pergamo, ke̱ Tiatira, ke̱ Sarde, ke̱ Filadelfia, ke̱ Laodikea. *K. 8. 17; 2,8; 22,13.

Kpojiemɔ 1:18

ke̱ hĩekãlo̱ le̱; ni migbo, ni na, mihĩe kā ke̱-mīya nāno̱i anāno̱, ni mihĩe gbohĩĩadše ke̱ gbĕle nā samfei le̱.

Kpojiemɔ 1:5

ni ke̱-dše̱ Iesu Kristo, ní dši *odasefonyo ano̱kwafo le̱, gbohĩĩ ateṅ †kromo̱bi ke̱ šikpoṅ le̱ no̱ maṅtše̱mei le̱ **ano̱yelo̱ le̱ deṅ. Moni sumoo̱wo̱, ní eke̱ le̱dientše̱ elá ††etšū wohe ke̱-dše̱ wohe ešai le̱ amli, — *3,14. Ioh. 18,37. †Kpods. 1,18. Koi. 1,18. **Kpods. 19.16 ††7,14. Heb. 9,14.

Kpojiemɔ 15:3

Ni ame̱la Nyoṅmo̱ tšũlo̱ *Mose lala le̱ ke̱ †tōbi le̱ lala le̱ ame̱kē̱: **Onitšumo̱i le̱ dăra ni ame̱ye̱ nākpe̱, Nuṅtšo̱ Nyoṅmo̱ Ofe; ogbe̱i le̱ dša ni ano̱kwa dšiame̱, bo dšeṅmãdši le̱ amaṅtše̱. *2 Mose 15,1. 11. †Kpods. 5,9. 12. **Lal. 145,17. Ier 10.6. 7.

Kpojiemɔ 16:7

Ni minu *afo̱lesãlate̱ le̱ mīkē̱: Hē̃, Nuṅtšo̱ Nyoṅmo̱ Ofe, †ano̱kwa ke̱ dšale̱ dši okodšomoi le̱. *9,13. †19,2.

Kpojiemɔ 19:11

Ni mina ní agble ṅwei nā, ni na, *okpo̱ṅo̱ ye̱ṅ, ni moni tá no̱ le̱, atšé̱o̱le̱ ake̱: †Heyelilo̱ ke̱ Ano̱kwafo; ni **dšale̱ nā ekodšoo̱ ni ewuo̱ ta. *6,2; †1,5; 3,14. **Ies. 11.4. 5.

Kpojiemɔ 19:2

Edšake̱ *ano̱kwa ke̱ dšale̱ dši ekodšomo̱i le̱, ake̱-ní ekodšo adſamaṅ kpeteṅkple le̱ ní ke̱ edſamaṅbō̱ le̱ efite šikpoṅ le̱, ni †eto̱ etšũdši le̱ alá le̱ he owele ye̱ eno̱ le̱. *16,7. †6,10. 5 Mose 32,13.

Kpojiemɔ 2:1

Efeso asafo le̱ bo̱fo le̱, ṅmã oyahãle̱ ake̱: Nii ní moni *hĩe ṅulamii kpawo le̱ ye̱ eninedšŭrõ ní enyieo̱ šikakanetšei kpawo le̱ ateṅ le̱ kē̱ ne̱: *1,13. 16. 20.

Kpojiemɔ 21:5

Ni moni *tá maṅtše̱sẽi le̱ no̱ le̱ kē̱: †Na, mife nii fẽ ehē. Ni ekē̱mi ake̱: Ṅmã, edšake̱ ne̱ke̱ wiemo̱i ne̱ ano̱kwa wiemo̱i ní mã ši šiṅṅ ni. *4,2; 5,1. †2 Kor. 5,17.

Kpojiemɔ 3:14

Ni Laodikea asafo le̱ bo̱fo le̱, ṅmã oyahãle̱ ake̱: Nii ni Amen le̱ ni dši *odasefonyo ano̱kwafo le̱ ke̱ ano̱kwayelo̱ le̱ ke̱ Nyoṅmo̱ nibō̱ le̱ †šišidšē le̱ kē̱ ne̱: *1,5. †Ioh. 1.3. Kol. 1,15.

Kpojiemɔ 4:8

Ni hĩekãlo̱i edſe̱ le̱ ateṅ mofẽmo ye̱ fĩdši ekpa-ekpa, ni ame̱hewo̱ ke̱ ame̱-mli eyimo̱ obõbõ ke̱ hĩṅme̱ii so̱ṅṅ, ni ame̱dšo̱o̱ ame̱he nyōṅ ke̱ ſane ni ame̱kē̱o̱ ake̱: *Kroṅkroṅ, kroṅkroṅ, kroṅkroṅ dši Nuṅtšo̱ Nyoṅmo̱ Ofe le̱, moni ye̱ le̱ ke̱ moni yo̱ le̱ ke̱ moni baba le. *Ies. 6,3.

Kpojiemɔ 5:9

ni ame̱la *lala hē ko ame̱kē̱: Sa osa ake̱ oheo̱ wolo le̱ ni otšere̱o̱ enā-so̱omo̱i le̱, edšake̱ agbeo, ni oke̱ olá le̱ ekpõwo̱ ohã Nyoṅmo̱ ke̱-dše̱ akutšo-fẽ-akutšo ke̱ wiemo̱-fẽ-wiemo̱ ke̱ maṅ-fẽ-maṅ ke̱ dšeṅmaṅ-fẽ-dšeṅmaṅ mli, *Lal. 33,3.

Kpojiemɔ 6:10

ni *ame̱blo̱ ke̱ gbē wā ake̱: Owura kroṅkroṅ ke̱ ano̱kwafo, †mẽ beyino̱ po ookodšo ní ooto̱ wo̱lá le̱ he owele ye̱ mei ní hĩo̱ šikpoṅ le̱ no̱ le̱ ano̱? *1 Mose 4,10. †Kpods. 18,10.