Kpojiemɔ 20:9 - Ṅmãle̱ Kroṅkroṅ Le̱

⁹ Ni ame̱yiṅ ke̱-te šikpoṅ te̱trē̱ le̱ no̱, ni ame̱yabo̱le meikroṅkroṅi le̱ ansra le̱ ke̱ maṅ ní asumoo̱ le̱ ke̱-kpe. Ni *la dše̱ Nyoṅmo̱ ṅõ ke̱-dše̱ ṅwei, ni ebaša-ame̱ butū. *Ezek. 38,22; 39.6. Zak. 12,9.

ŊMALƐ KRƆŊKRƆŊ LƐ

⁹ Ni amɛyiŋ kɛtee kɛyaha shikpɔŋ lɛ nɔ fɛɛ, ni amɛyabɔle mɛi krɔŋkrɔŋi lɛ ansra lɛ kɛ maŋ ni asumɔɔ lɛ kɛkpe. Ni la jɛ ŋwɛi, ni ebashã amɛ butuu.

Kpojiemɔ 20:9 ပူးပေါင်းရင်းမြစ်များ

1 Mose 19:24

Ke̱ke̱ ni Iehowa hã swō̱ ke̱ la ne̱ ke̱-dše̱ Iehowa ṅõ ye̱ ṅwei eſie Sodom ke̱ Gomora no̱, 5 Mose 29,22. Lal. 11,6. Amos 4,11. Luk. 17,29. 2 Pet. 2,6. Ies. 1,9. 10; 13,19.

2 Maŋtsɛmɛi 6:15

Ni beni Nyoṅmo̱ gbomo le̱ tšũlo̱ le̱ hĩe tšẽ mrã ni ete ši ni edše kpo le̱, na, ta ke̱ okpo̱ṅo̱i ke̱ ſīlii ebo̱le maṅ le̱. Ni etšũlo̱ le̱ kē̱le̱ ake̱: Ao, minuṅtšo̱! té wo̱bafe tẽṅ ko?

Hiob 38:18

Ani onaä šikpoṅ le̱ lē̱mo̱ le̱ nā? ke̱dši ole fẽ le̱, dšadšemo̱!

Lalai 106:18

ni la dše ye̱ ame̱safo le̱ mli, lalile̱i šã meifõdši le̱.

Lalai 87:2

Iehowa sumoo̱ Zion agbói le̱ fè Iakob šihĩle̱hei le̱ fẽ.

Lalai 97:3

La nyieo̱ ehĩe ke̱-yaä, ni eyašãa ehenye̱lo̱i le̱ ke̱-kpeo̱. Hab 3,3-4.

Yesaia 30:33

Edšake̱ asā šā̃he ato dšeeṅmõ bē-be, asā ato maṅtše̱ le̱, ekwo̱, elē̱; laiku ní yo̱ dše̱i le̱ la ke̱ lai babaō ye̱ mli, ni Iehowa mumo̱ ní emũo̱ ní tamo̱ swō̱ fā le̱ aamã nā la. Kpods. 19,20.

Yesaia 37:36

Ke̱ke̱ ni Iehowa bo̱fo le̱ dše kpo ke̱-te Ašur nsra le̱ṅ ni eyagbe mei akpei-oha-ke̱-nyoṅmai-kpānyo̱-ke̱-enumo̱; ni beni ame̱te ši lebi mā̃ṅkpa le̱, na, ame̱fẽ-tſẽm ame̱tsṍmo̱ gbohĩĩ so̱ṅṅ. 17,14; 31,8.

Ezekiel 38:16

Ni oofă ke̱-aba mimaṅ Israel no̱, tamo̱ atatu ní baha šikpoṅ le̱ no̱. Nāgbē gbĩĩ le̱ amli le̱ eeba mli ake̱ mahã obatua mišikpoṅ le̱, koni dšeṅmãdši le̱ aná alemi, beni aafemi kroṅkroṅ ye̱ omli ye̱ ame̱hĩe le̱, ō Gog!

Ezekiel 38:22

Ni matšṍ gbĕle-hela ke̱ lá ne̱ mike̱le̱ aakodšo, ni mahã nyoṅmo̱ne̱me̱ ní lōo̱ nibii ke̱-yaä ke̱ nyoṅmo̱ṅte̱i ke̱ la ke̱ swō̱ *ane̱ aſie le̱ ke̱ etai le̱ ke̱ mãdšimãdši babaō ní fata ehe le̱ ano̱. *Kpods. 20,9.

Ezekiel 38:9

Ši oofã ke̱-aba tamo̱ ahum, oofe tamo̱ atatu ní baha šikpoṅ le̱ no̱, bo ke̱ otai le̱ fẽ, ni mãdšimãdši pī aafata ohe.

Ezekiel 39:6

Ni matšũ la ke̱-ate Magog ke̱ ṅšo̱kpo̱i ano̱ bii ní hĩo̱ ši ſeſēſe le̱ ateṅ, ni ame̱aná ame̱le ake̱ midši Iehowa le̱!

Mika 2:13

Dſãralo̱ aafã ke̱-atšṍ ame̱hĩe; ame̱adſāra ni ame̱atšṍ agbó le̱ mli, ni ame̱sā ame̱adše kpo ekoṅ, ni ame̱maṅtše̱ ie̱ aatšṍ ame̱hĩe, ni *Iehowa aafe ame̱safokaṅ. *Ies. 52,12.

Habakuk 1:6

Edšake̱ na, mitẽ Kaldeabii aši, dšeṅmaṅ ko ní yi wa ní he yo̱ oyá hũ, ní ſãa nyiemo̱ ke̱-kpaä šikpoṅ le̱ lē̱mo̱ no̱, beni afe ní ame̱yaṅõ šihĩle̱hei ní dšee ame̱nõ le̱.

4 Mose 11:1

Ni maṅ le̱ wie hũhū̃hũ tamo̱ mei ní mīna nõ ye̱ Iehowa toiiaṅ, ni Iehowa nu, ni emli wo la, ni Iehowa *la le̱ here ye̱ ame̱teṅ ní ekpãtã nii ahĩe ye̱ nsra le̱ nā nā. *3 Mose 10,2.

4 Mose 16:35

Ni *la dše̱ Iehowa ṅõ ni ebašã hĩĩ ohai-enyo̱ ke̱ nyoṅmai-enumo̱ le̱ ni ke̱ tšofã-ke̱-ṅma ba le̱. *3 Mose 10,1. 2. Lal. 106,18.

Luka 17:29

ši gbĩ no̱ ní Lot dše Sodom le̱, Nyoṅmo̱ ne̱ la ke̱ swō̱ ke̱-dše̱ ṅwei, ni ekpãtã ame̱fẽ-kwa ame̱hĩe. 1 Mose 19,15. 24. 25.

Luka 19:43

Ši ogbĩī mība, ní ohenye̱lo̱i le̱ aatša bu awo ohe, ni ame̱abo̱leo kpula ni ame̱asa oyi ye̱ hefẽhe,

Luka 21:20

Ši ké̱ nyena ake̱ abo̱ nsra awo Ierusalem he le̱, bĕle̱ nyenáa nyelea ake̱ efitemo̱ le̱ éše̱.

Luka 9:54

Ni beni Iakobo ke̱ Iohane, ekaselo̱i le̱, na ene̱ le̱, ame̱kē̱: Nuṅtšo̱, ōsumo̱ ake̱ wo̱kē̱ ní la adše̱ ṅwei aba abašãame̱, tamo̱ bo̱ni Elia hũ fe le̱? 2 Maṅ 1,10. 12.

5 Mose 23:14

Edšake̱ Iehowa, o-Nyoṅmo̱ le̱, *nyieo̱ osra le̱ mli, koni eye ebuao ni eṅõ ohenye̱le̱i le̱ ewo odeṅ; nohewo̱ le̱ osra le̱ afe kroṅkroṅ ni ekana mũdši noko ye̱ nyeteṅ ní ekpa ye̱ nyese̱. *3 Mose 26,12.

2 Tesalonikabii 1:8

moni ke̱ lalile̱i aato̱ owele ye̱ mei ni lee Nyoṅmo̱ ke̱ mei ni boo wo̱-Ṅuntšo̱ Iesu Kristo sanekpakpa le̱ toi le̱ ano̱ le̱, Rom. 2,8.

Hebribii 13:13

Nohewo̱ le̱ agbene, nyehãa wo̱dšea kpo ke̱-yaä eṅõ ye̱ nsra le̱ se̱ ni wo̱tẽre *ehorabō̱ le̱. *11,26; 12,2.

Kpojiemɔ 11:5

Ni ke̱ moko mītao afeame̱ efõṅ le̱, *la dše̱o̱ ame̱dāṅ ni emĩo̱ ame̱henye̱lo̱i le̱; ni ké̱ moko mītao afeame̱ efõṅ le̱, ne̱ke̱ noṅṅ sa ake̱ agbeo̱le̱. *2 Maṅ. 1,10.

Kpojiemɔ 13:13

Ni efeo̱ *okadii wudši, ni ehãa la po dše̱o̱ ṅwei baä šikpon ye̱ gbomei ahĩe; *Mat 24,24. 2 Tes. 2,9. 10. 1 Maṅ. 18,24-39.