Kpojiemɔ 12:9 - Ṅmãle̱ Kroṅkroṅ Le̱

⁹ Ni *ašé̱ drako kpeteṅkple le̱ afõ, moni dši †blema onũfũ le̱ ní atšé̱o̱le̱ diabolo (nāflo̱lo̱ lo abonsam) le̱ ke̱ satan (henye̱lo̱) le̱ ní šišiuo̱ dšeṅ mū le̱ fẽ le̱, ašé̱le̱ afõ šikpoṅ le̱ no̱, ni aše̱re̱ ebo̱foi le̱ hũ aſie afata ehe. *Luk 10,18. Ioh 12,31. †1 Mose 3,1. 14.

ŊMALƐ KRƆŊKRƆŊ LƐ

⁹ Ni ashɛ drako kpeteŋkple lɛ ni ji blema onufu lɛ ni atsɛɔ lɛ Abonsam loo Satan lɛ ni shishiuɔ jeŋ muu lɛ fɛɛ lɛ afɔ̃ shikpɔŋ lɛ nɔ, ni ashɛrɛ ebɔfoi lɛ hu ashwie afata ehe.

Kpojiemɔ 12:9 ပူးပေါင်းရင်းမြစ်များ

1 Mose 3:1

Ši onũfũ le ṅā fè ṅãno̱ koloi fẽ ni Iehowa Nyoṅmo̱ fe le̱, ni ekē̱ yō le̱ ake̱: Le̱le̱ṅ, Nyoṅmo̱ kē̱ akē̱: Nyekaye trom le̱ mli tšeiayibii le̱ ſẽ eko le̱? Kpods. 12,9; 20,2.

1 Mose 3:13

Ni Iehowa Nyoṅmo̱ kē̱ yō le̱ ake̱: Mẽba ofe ene̱? Ni yō le̱ kē̱: Onũfũ le̱ lakami, ni miye. 2 Kor. 11,3.

1 Kronika 21:1

Ni satan te ši ewo Israel, ni etšire̱ David yi se̱, koni ekane Israel.

2 Kronika 18:21

Ni ekē̱: Madše kpo mate ni mayatšṍ amale mumo̱ ye̱ egbalo̱i le̱ fã nā! Ni ekē̱: Oolakale̱ ni onine aaše̱ eno̱ hũ; ya ni oyafe nakai!

Lalai 109:6

Fã mofõṅ ko oto eno̱, ni ohã henye̱lo̱ ko adamo̱ eninedšũrõ no̱.

Yesaia 14:12

Té fe tēṅ ní odše̱ ṅwei obagbē ši ne̱, bo tolō ni okpe̱o̱ he̱ṅṅ! Té fe tẽṅ ní afoö afõ šikpoṅ ne̱, bo ni obaã dšeṅmãdši le̱ aši le̱!

Yesaia 27:1

Nakai gbĩ le̱ no̱ le̱ Iehowa ke̱ eklante ní nā wa ni eda ni emli wa aawo leviatan ní dši onũfũ ní he yo̱ oyá ke̱ leviatan ni dši onũfũ lo̱go̱ligi le̱ nyõmo̱, ni eegbe drako ní yo̱ ṅšo̱ le̱ mli le̱. Kpods 12,3; 20,2. 10. Hiob 26,13.

Yesaia 65:25

*Klaṅ ke̱ tōgwanteṅbi aaye nii ye̱ hekome, ni dšata aaye dſe̱i tamo̱ tšina; ni onũfũ le̱, sũ aafe eniyenii: ayeṅ awui ni akpãtãṅ hĩe doṅṅ ye̱ migoṅ kroṅkroṅ le̱ no̱ fẽ, Iehowa kē̱. *11,6-9.

Ezekiel 28:16

Oguo̱yeli ní fá le̱ nā le̱ ame̱ke̱ amimyeli ewo omli obõ, ni ofe eša; nohewo̱ le̱ mabuleo maſieo ke̱-adše̱ Nyoṅmo̱ goṅ le̱ no̱, ni makpãtã ohĩe ke̱-adše̱ la te̱i le̱ ateṅ, bo kerub ní keteo̱ no̱.

Mateo 13:39

henye̱lo̱ ní dũame̱ le̱ dši abonsam; ṅmãkpamo̱be le̱ dši dše ne̱ṅ nāgbē le̱; ni ṅmā̃kpalo̱i le̱ dši ṅweibo̱foi.

Mateo 24:24

Edšake̱ amalekristoi ke̱ amalegbalo̱i aate ši ni ame̱afe okadii wudši ke̱ aſãii ame̱tšō, ni aabo kũle̱, aalaka mei ní ahala le̱ tete. K. 5. 11. 5 Mose 13,2-4. 2 Tes. 2,3. 9.

Mateo 25:41

Ke̱ke̱ le̱ eekē̱ mei ní yo̱ ebe̱ku no̱ le̱ hũ ake̱: Nyedšea mino̱, nye mei ní alomo̱nye, nyeyaä nāno̱ la le̱ ni asā ato abonsam ke̱ ebo̱foi le̱ mli! 7.28. Kpods. 20,10. 15.

Mateo 4:1

Agbe̱ne̱ *Mumo̱ le̱ ṅõ Iesu ke̱-te ṅãno̱, koni abonsam ayakale̱. *Heb. 4,15.

Mateo 4:10

Ke̱ke̱ ni Iesu kē̱le̱ ake̱: Ho mise̱, satan! edšake̱ *aṅmã ake̱: “Nuṅtšo̱, o-Nyoṅmo̱ le̱, odšá, ni le̱ ke̱ke̱ osúmo̱!” *5 Mose 6,13.

Mateo 4:5

Agbe̱ne̱ abonsam le̱ ṅõle̱ ke̱-te *maṅ kroṅkroṅ le̱ mli, ní eke̱le̱ yadamo̱ so̱lemo̱we le̱ yiteṅ šõšō̃šõ le̱ no̱, *27,53.

Mateo 4:8

Asaṅ abonsam le̱ ṅõle̱ ke̱-te goṅ kpeteṅkple ní kwo̱ ko no̱, ni eṅõ dšeṅ maṅtše̱yelihei fẽ ke̱ ame̱numnyam le̱ etšõle̱;

Luka 10:18

Ši ekē̱ame̱ ake̱: Mina satan tamo̱ srawa dše̱ ṅwei bagbe ši. Ioh. 12,31. Kpods. 12,8. 9.

Luka 13:16

Ši ne̱ke̱ yō ne̱ ní dši *Abraham biyō ni satan efĩle̱, na, ne̱ke̱ afii nyoṅma ke̱ kpānyo̱ ne̱ le̱, ani edšaa ake̱ afẽneo̱le̱ ye̱ ne̱ke̱ kpã ne̱ mli ye̱ hedšō̱mo̱gbĩ le̱ no̱ lo? *19,9.

Luka 22:3

Ši *satan yabote Iuda moni atšé̱o̱le̱ Iskariot le̱ ní dši mei nyoṅma ke̱ enyo le̱ ateṅ mokome le̱ mli. *Ioh. 13,2. 27.

Luka 22:31

Ši Nuṅtšo̱ le̱ kē̱: Simon. Simon, na, satan etao nyehegbe̱, koni eša nyemli take̱ ṅmā̃; 2 Kor. 2,11,

Luka 8:12

Ši mei ní yo̱ gbe̱ toi le̱ dši mei ní nuo̱; ke̱ke̱ ni abonsam baä ni abašaä wiemo̱ le̱ ye̱ ame̱tšuiiaṅ, koni ame̱kahe ame̱ye ní ahere ame̱yiwala.

Yohane 12:31

Agbe̱ne̱ dše ne̱ṅ kodšomo̱ le̱ eše: kpāko abafã dše ne̱ṅ lumo̱ le̱ aše̱ afõ; 14,30; 16,11. Luk. 10,18.

Yohane 14:30

Mike̱nye ewieṅ nibii pī doṅṅ, edšake̱ *dše le̱ṅ lumo̱ le̱ mība, ni ebe noko ye̱ mimli; *12,31. Ef. 2,2.

Yohane 16:11

kodšomo̱ hewo̱, edšake̱ akodšo dše ne̱ṅ lumo̱ le̱. 12,31; 14,30.

Yohane 8:44

Nye le̱ *nyetše̱ ní nyedše̱ emli dši abonsam, ni nyetše̱ le̱ tšinebānii nyesumoo̱ ake̱ nyefe. Le̱ le̱ †gbomogbelo̱ dšile̱ ke̱-dše̱ tetēte, ni **edamo̱o̱ ano̱kwale le̱ mli, edšake̱ ano̱kwale be̱ emli. Ké̱ ēmale le̱, le̱dientše̱ enii ahe ewieo̱, edšake̱ amalelo̱ ke̱ malemo̱tše̱ dšile̱. *1 Ioh. 5,8-10. †1 Mose 3,4. **2 Pet. 2,4.

Bɔfoi 26:18

ní oyagble ame̱hĩṅme̱ii, koni ame̱kpale ke̱-dše̱ duṅ mli ke̱-ba la he, ke̱-dše̱ abonsam hewale̱ mli ke̱-ba Nyoṅme̱ ṅõ, ni ame̱ná ame̱he ešai fã ke̱ *gbošinii ye̱ mei ní ake̱ mino̱ hemo̱-ke̱-yeli efeame̱ kroṅkroṅ le̱ ateṅ. *20,32.

Bɔfoi 5:3

Ši Petro kē̱: Anania, mẽba *satan yi otšuiṅ obõ, ni omale otšõ Mumo̱ kroṅkroṅ le̱, ni oke̱ šikpoṅ le̱ yinii le̱ fã ko to se̱? *Ioh. 13,2.

Romabii 16:18

Edšake̱ mei ní yo̱ ne̱ke̱ le̱, dšee wo̱-Nuṅtšo̱ Iesu Kristo ame̱súmoo̱, ši moṅ ame̱dientše̱ *ame̱mũsũ; ni ame̱ke̱ †nāṅõmo̱ ke̱ nādo̱ko̱mo̱ wiemo̱i lakaä mei ni lee fõṅ le̱ atšui. *Fil. 3,19. †Ezek. 13,18. Kol. 2,4.

Romabii 16:20

Ši etše̱ṅ ni *hedšo̱le̱ Nyoṅmo̱ le̱ aanānā satan no̱ kwrā ye̱ nyenãdši ašiši. Wo̱-Nuṅtšo̱ Iesu Kristo dromo̱ le̱ kenye ahĩ ši! 15,33.

2 Korintobii 11:14

Ni ene̱ be̱ nākpe̱ tete; edšake̱ satan dientše̱ tšakeo̱ ehe etšṍo̱ la bo̱fo;

2 Korintobii 11:3

Ši mīše gbeyei ake̱ aleenõ, take̱ bo̱ni *onũfũ le̱ ke̱ ekũtũmpo̱o le̱ laka Hawa le̱, nakai noṅṅ aafite nye hũ nyedſẽṅmo̱i ke̱-dše̱ kro̱ṅṅfemo̱ ní nyedšie nyetšõ Kristo le̱ mli. *1 Mose 3,4. 13.

2 Korintobii 12:7

Ši beni afe ní mikawó mihe no̱ tūtu ko ye̱ kpodšiemo̱i ní dăra naakpa le̱ ahewo̱ le̱, ahãmi ṅmei ko ye̱ mihelo mli, ní dši *satan bo̱fo, koni egblami mãi, ní mikawó mihe no̱ tūtu ko. *Hiob 2,6.

2 Korintobii 2:11

koni *satan akayewo̱ amim, edšake̱ edſẽṅmo̱i le̱ aṅõ-tẽẽwe̱. *Luk. 22,31.

2 Korintobii 4:4

mei amli ní dše ne̱ṅ nyoṅmo̱ le̱ eſila mei ní hee yee le̱ adſẽṅmo̱i le̱ ye̱, koni Kristo, ní dši *Nyoṅmo̱ subãṅ le̱, anumnyam sanekpakpa le̱ la ní tšoo̱ le̱ akakpé̱ mīhãame̱. *Heb. 1,3.

Efesobii 4:14

koni *wo̱kakã he wo̱fe abifabii ni tšõmo̱-kō̱yo̱-fẽ-tšõmo̱-kō̱yo̱ †bosoo̱ame̱, ni ekpláäame̱ ke̱-yaä ke̱-baä ye̱ gbomei aṅā-fõṅ-tō mli, ye̱ šišiumo̱ ṅā le̱ mli kũtũm-po̱o nā; *1 Kor. 14.20. †Heb. 13,9.

2 Tesalonikabii 2:3

Nyekahāa moko *mīšišiuanye ye̱ gbe̱-ko-gbe̱-ko no̱; edšake̱ dša Nyoṅmo̱ dšāmo̱ kwamo̱ le̱ eba fẽdã, ni adšie eša-gbomo le̱ ni dši †hĩekpātamo̱ bi le̱ kpo, *1 Tim. 4,1. †1 Ioh. 2,18; 4,8.

1 Timoteo 2:14

Ni dšee Adam alaka le̱, ši yō le̱ alaka, ni ebote no̱tõmo mli. 1 Mose 3,6. 2 Kor. 11,3.

2 Timoteo 3:13

Ši gbomei fõdši ke̱ šišiulo̱i aawo wu ye̱ efõṅ mli; ame̱lakaā mei ni ame̱ hũ alakaäame̱. 1 Tim. 4,1.

Hebribii 2:14

Nohewo le̱ ake̱-ní bii le̱ hĩe helo ke̱ lá hewo̱ le̱, le̱ hũ eṅõ no noṅṅ eko *tamo̱ame̱, koni etšṍ gbĕle no̱ ekpãtã moni yo̱ gbĕle no̱ †hewale̱ ní dši abonsam le̱ hĩe, *K. 17. †2 Tim. 1,10. Ioh. 12,31.

1 Petro 5:8

*Nyehĩe akãa ši, nyesraä; edšake̱ nyehenye̱lo̱, abonsam le̱, nyie tamo̱ dšata ní hũo̱ ētao moni eemĩ; *1 Tes. 5,6.

1 Yohane 5:19

Wo̱le ake̱ wo̱dše̱ Nyoṅmo̱ mli, ni *dšeṅ mũ le̱ fẽ kã mofõṅ le mli; *Gal. 1,4.

Yuda 1:9

Ši *bo̱fonukpa Mikael le̱, beni eke̱ abonsam kodšoo̱ ni eke̱le̱ tāa nā ye̱ Mose gbonyo le̱ hewo̱ le̱, ekaa lōmo̱ kodšomo̱ ko ke̱ eno̱fõ, ši moṅ ekē̱: †Kā, Nuṅtšo̱ le̱ aakã obīe! *Dan. 12.1 †Zak. 3.2.

Kpojiemɔ 12:12

Nohewo le̱ nye ṅweii ke̱ nye mei ní nyeyo̱ dše̱i nyenáa tšuidšŭrõ! Kpóo hã mei ní yo̱ šikpoṅ le̱ no̱ ke̱ ṅšo̱ hĩe le̱! edšake̱ abonsam le̱ ekpleke ši ke̱-ba nyeṅõ, egri naakpa, ni ele ake̱ be fiō ke̱ke̱ eyo̱.

Kpojiemɔ 12:3

Ni ana okadi kroko ye̱ ṅwei, ni na, *drako tšuru kpeteṅkple ní yo̱ yitšei kpawo ke̱ aklontoi nyoṅma, ní maṅtše̱faii kpawo bumo̱ ayitsei le̱ ano̱. *K. 9.

Kpojiemɔ 12:7

Ni ta te ši ye̱ ṅwei: *Mikael ke̱ ebo̱foi le̱ fã drako le̱ no̱ ta. Ni drako le̱ bo̱foi le̱ fata ehe ke̱-wu, *Dan. 10,13. 21; 12,1.

Kpojiemɔ 12:8

ni ame̱nyẽẽ, ni asaṅ ame̱náá gbe̱ doṅṅ ye̱ ṅwei.

Kpojiemɔ 13:14

ni *eke̱ okadii ni ená hegbe̱ ake̱ efe ye̱ kolo le̱ hĩe le̱ ešišiuo̱ mei ni yo̱ šikpoṅ le̱ no̱ le̱, ni ekē̱o̱ mei ní yo̱ šikpoṅ le̱ no̱ le̱ ake̱ amé̱fe amãgã ame̱hã kolo le̱ ní yo̱ klante nā pilamo̱ ní ehĩe kã le̱. *5 Mose 13,2-4.

Kpojiemɔ 16:14

edšake̱ daimonioi amumo̱i dšiame̱, ni *ame̱feo̱ okadii, ni ame̱yaä maṅtše̱mei ní yo̱ dšeṅ mū le̱ fẽ le̱ aṅõ, koni ame̱yabua ame̱nā †ke̱-ya Nyoṅmo̱ Ofe le̱ gbĩ wulu le̱ no̱ ta le̱. *13.13. †19,19.

Kpojiemɔ 18:2

ni ekẽ ehe ši ebo ke̱ gbē wulu eke: *Edſa, Babilon kpeteṅkple le̱ edſa, ni †etšṍ daimonioi ašihĩle̱he, ke̱ mumo̱i fõdši fẽ atšũ, ke̱ loflõ-fẽ-loflõ ní he tšee ní he yo̱ tãṅ hũ tšũ. *14,8. †Ies 13,21; 34.11. 13. Ier. 50.39.

Kpojiemɔ 18:23

ni kane la etšoṅ kwrā doṅṅ ye̱ omli, ni *anuṅ ayemforowu ke̱ ayemforo gbẽ kwrā doṅṅ ye̱ omli; edšake̱ †odšrayelo̱i le̱ dši šikpoṅ le̱ no̱ gbomei wudši, edšake̱ okũnyãyeli le̱ ake̱-šišiu dšeṅmādši le̱ fẽ; *Ier. 7,34; 16,9, 25,10. †Ies. 23,8.

Kpojiemɔ 19:20

Ni amõ *kolo le̱ ke̱ †amalegbalo̱ le̱ ni fe okadii ye̱ ehĩe ni eke̱-šišiu mei ni he kolo le̱ okadi le̱ ke̱ mei ní dšáa emãgã le̱ afata ehe; aṅõ mei enyo̱ ne̱ fẽ hĩekãlo̱i awo **la kpākpo le̱ ní tšoo̱ ke̱ swō̱ le mli. *13,1. †13,11-17. **20,10. Dan. 7,11. 26.

Kpojiemɔ 2:13

Mile onitšumo̱i le̱ ke̱ heni oyo̱ le̱, heni *satan maṅtše̱sẽi yo̱ le̱; ni †ohĩe migbe̱i le̱ amli, ni okwako mihemo̱-ke̱-yeli le̱ ye̱ no gbĩĩ le̱ amli tete, beni Antipa dši midasefonyo ano̱kwafo, ní agbele̱ ye nyeteṅ, heni satan yo le. *13,2. †3,8.

Kpojiemɔ 2:24

Ši mīkē̱nye, nye mei ni nyefe̱ ye̱ Tiatira le̱, mei abo̱ ní ehĩee tsõmo̱ ne̱ mli, ni ame̱lee satan bui ní mli kwo̱ le̱ (bo̱ni ame̱kē̱o̱ le̱), ake̱: Mike̱ dšatsu kroko eṅmẽṅ nyeno̱;

Kpojiemɔ 2:9

Mile onitšumo̱i le̱ ke̱ omanehũlũ le̱ ke̱ ohĩa le̱ (ši kẽle̱ *niiatše̱ dsio), ni mile mei ní †kē̱o̱ ake̱ Iudafoi dšiame̱, ni ame̱dšee, ši ame̱dši **satan kpēhe moṅ le̱ amusubō̱ le̱. *Iak. 2,5. †Kpods. 3,9. **2 Kor. 11,14. 15.

Kpojiemɔ 20:10

Ni abonsam le̱ ní šišiuo̱ame̱ le̱, aṅõle̱ awo la ke̱ swō̱ kpākpo le̱ mli, heni *kolo le̱ ke̱ amalegbalo̱ le̱ hũ yo̱ le̱, ni †aapĩame̱ nyōṅ ke̱ ſane ke̱-ate nāno̱i anāno̱. *19.20. †14,10. 11.

Kpojiemɔ 20:8

ni eedše kpo, ni eyašisiu dšeṅmãdši le̱ ní yo̱ šikpoṅ kodši edſe̱ le̱ mli le̱, *Gog le̱ ke̱ Magog le̱, koni ebua ame̱nā ke̱-kpe ni ameya ta; mei ayibo̱ ni †tamo̱ ṅšo̱ nā šia le̱. *Ezek. 38,2. †Ezek. 38,9. 15.

Kpojiemɔ 3:9

Na, mike̱ meikomei ni dše̱ satan kpēhe le̱ ni kē̱o̱ ake̱ *Iudafoi dšiame̱ ši ebe̱ mli ši malemo̱ moṅ ame̱maleo̱ le̱ mīhã; na, mahã †ameba ni ameba koto onãdši anā, ní ame̱le ake̱ mi le̱ mīsumo̱o. *2,9. †Ies. 60,14; 49,23.

Kpojiemɔ 9:1

Ni bo̱fo ní dši enumo̱ le̱ kpã́, ni mina *ṅulami ko dše̱ ṅwei bagbē šikpoṅ le̱ no̱, ni aṅõ †bu kwo̱ṅkwo̱ṅ le̱ nā samfe le̱ ahãle̱. *8,10. †20,1.

Kpojiemɔ 9:20

Ni gbomei ní ſe̱ ní agbeeame̱ ye̱ ne̱ke̱ haomo̱i ne̱ amli le̱, *ame̱tsakee ame̱tšui ke̱-dše̱e̱ amenine nā nitšumo̱i le̱ ahe, koni †ame̱fõ daimonioi ke̱ šika ke̱ dſie̱te̱i ke̱ ayawa ke̱ te̱ ke̱ tšo-amãgãi ní enaa nii ni ame̱nuu nii ni ame̱nyẽẽ amenyie le̱ adšámo̱; *16,9. 11. 21. †1 Kor. 10,20.