Nehemia 9:34 - Ṅmãle̱ Kroṅkroṅ Le̱

³⁴ Ni wo̱maṅtše̱mei le̱ hũ ke̱ wo̱nukpai le̱ ke̱ wo̱so̱foi le̱ ke̱ wo̱tše̱mei le̱ yeko omla le̱ no̱, ni asaṅ ame̱boko okitãi le̱ ke̱ odasei ni oke̱-ye odase ošiame̱ le̱ atoi.

ŊMALƐ KRƆŊKRƆŊ LƐ

³⁴ Wɔmaŋtsɛmɛi lɛ hu kɛ wɔnukpai lɛ kɛ wɔsɔfoi lɛ kɛ wɔtsɛmɛi lɛ yeko omla lɛ nɔ, ni asaŋ amɛboko okitãi kɛ kɔkɔ ni obɔ amɛ lɛ toi.

Nehemia 9:34 ပူးပေါင်းရင်းမြစ်များ

2 Maŋtsɛmɛi 17:13

Tše̱ Iehowa tšṍ gbalo̱-fẽ-gbalo̱ ke̱ ninalo̱-fẽ̱-ninalo̱ no̱ eye odase etšṍ Israel ke̱ Iuda fẽ ake̱: Nyekpalea ke̱-dše̱a nyegbè̱i fõdši le̱ ano̱, ni nyeyea mikitãi le̱ ke̱ mikpo̱i le̱ ano̱, tamo̱ bo̱ni mla ni miwo nyetše̱mei le̱ fẽ ni mitšũ mitšũdši gbalo̱i le̱ ke̱-bahãnye le̱ yo̱ le̱.

2 Maŋtsɛmɛi 17:15

Ni ame̱kwa ekpo̱i le̱ ke̱ ekpãṅmo̱ ní eke̱ ame̱tše̱mei le̱ kpãṅ le̱ ke̱ edasei ni eye etšõame̱ le̱, ni ame̱yanyie yakayakanii ase̱ ni ame̱tšṍmo̱ yakagbomei, ni ame̱nyie dseṅmãdši ni ebo̱leame̱ ke̱-kpe ni Iehowa *woame̱ kitã ye̱ ame̱he ake̱ ame̱kafe ame̱nĩi tamo̱ame̱ le̱ ase̱. *2 Mose 23,24.

2 Kronika 29:6

Edšake̱ wo̱tše̱mei le̱ etõ ni ame̱fe efõṅ ye̱ Iehowa, wo̱-Nyoṅmo̱ le̱, hĩe, ni ame̱-kwale̱; ni ame̱tšṍ ame̱hĩe ke̱-dše̱ Iehowa šihīle̱he le̱, ni ame̱tšṍ ame̱kotose̱ ame̱hãle̱;

Ezra 9:10

Ni agbe̱ne̱, wo̱-Nyoṅmo̱, meni wo̱o̱kē̱ ye̱ ene̱ se̱? Edšake̱ wo̱kwa okitãi le̱,

Nehemia 9:30

Kẽle̱ oto tšui ohãame̱ afii pī, ni otšṍ ogbalo̱i le̱ ano̱ oke̱ omumo̱ le̱ ye odase ošiame̱; ši ame̱boo toi. Nohewo̱ le̱ otuame̱ owo šikpõdši le̱ ano̱ bii le̱ adeṅ. Ier. 1,25, 26; 44,4-6.

Nehemia 9:33

Ši bo le̱, sãdši ni eba wo̱no̱ le̱ fẽ mli le̱ onõ dša; edšake̱ oye ano̱kwa, ši wo̱ le̱ wo̱fe efõṅ. Ezra 9,15. Dan. 9,5. 7.

Nehemia 9:35

Edšake̱ ame̱maṅtše̱yeli le̱ ke̱ onii kpakpai babaō ni ohãame̱ le̱ ke̱ šikpoṅ kple̱lē̱ ní ewo fo̱ ní oṅõ-hā ye̱ ame̱hĩe le̱ mli le̱ ame̱súmo̱koö, ni ame̱kpaleko ke̱-dše̱ko eme̱nifõdíianii le̱ amli.

Yeremia 29:19

ake̱-ní ame̱boo miwiemo̱i le̱ atoi le̱, Iehowa kē̱, mi ní mitšũo̱ mitšũdši, gbalo̱i le̱, ke̱-baä ame̱ṅõ, ni miteo̱ ši lebi mā̃ṅkpa mitšũo̱ame̱, ši ame̱boo toi le̱, Iehowa kē̱. *25,4.

Yeremia 44:17

ši moṅ wiemo̱-fẽ-wiemo̱ ní edše wo̱nā le̱, no noṅṅ no̱ wo̱baye, ní wo̱šã tšofã-ke̱-ṅma wo̱hã *ṅwei maṅnye le̱, ní wo̱ye ṅkpai wo̱hãle̱, take̱ bo̱ni wo̱ ke̱ wo̱tše̱mei ke̱ wo̱maṅtše̱mei ke̱ wo̱lumei le̱ fe ye̱ Iuda mãdši le̱ ke̱ Ierusalem blohũi le̱ amli le̱; edšake̱ †no mli le̱ wo̱tŏ̱ro̱ö̱ ke̱ abolo, ni ehĩ hãwo̱, ni wo̱naa efõṅ ko; *7,17. 18. †Hos. 2,7.

Yeremia 44:4

Ni mitšũo̱ mitšũdši fẽ ní dši gbalo̱i le̱ ke̱-baã nyeṅõ, miteo̱ ši lebi mā̃ṅ-kpa mitšũo̱ame̱ ake̱: Nyekafea nihĩnii ní minye̱o̱ ne̱!

Ezekiel 5:6

Ši etše mimlai le̱ ahĩe atũa ni efe efõṅ fè dšeṅmãdši le̱ tete, ni etše mikpo̱i le̱ hũ ahĩe atũa fè šikpõdši ní ebo̱lele̱ ke̱-kpe le̱; edšake̱ ame̱kwa mimlai le̱, ni ame̱nyiee ye̱ mikpo̱i le̱ anā.

Daniel 9:6

ni wo̱boo otšũdši, gbalo̱i le̱, ni wie ye̱ ogbe̱i ano̱ tšõ wo̱maṅtše̱mei le̱ ke̱ wo̱lumei le̱ ke̱ wo̱tše̱mei le̱ ke̱ maṅ mū le̱ fẽ ní yo̱ šikpoṅ le̱ no̱ le̱ atoi.

5 Mose 31:21

Ni aaba mli ake̱, beni nifõdši babaō ke̱ fĩmo̱i eba ame̱no̱ le̱, no le̱ ne̱ke̱ lala ne̱ aaye ame̱he odase; edšake̱ ame̱sešibii le̱ ahĩe kpaṅ no̱ ní edšeṅ ame̱dāṅ. Edšake̱ *mile ame̱dſẽṅmo̱i ní ame̱dſãṅo̱ amrõmrõ ne̱ po, dãni mike̱ame̱ aayaše̱ šikpoṅ ní mikã he kitã le̱ no̱. *Lal. 139,2.