Nehemia 9:30 - Ṅmãle̱ Kroṅkroṅ Le̱

³⁰ Kẽle̱ oto tšui ohãame̱ afii pī, ni otšṍ ogbalo̱i le̱ ano̱ oke̱ omumo̱ le̱ ye odase ošiame̱; ši ame̱boo toi. Nohewo̱ le̱ otuame̱ owo šikpõdši le̱ ano̱ bii le̱ adeṅ. Ier. 1,25, 26; 44,4-6.

ŊMALƐ KRƆŊKRƆŊ LƐ

³⁰ Kɛ̃lɛ oto otsui shi ohã amɛ afii pii; okɛ omumɔ lɛ wo gbalɔi lɛ amli, ni otsɔ̃ amɛnɔ obɔ obii lɛ kɔkɔ; shi amɛbooo toi; No hewɔ lɛ, ohã shikpɔji lɛ anɔ bii lɛ ye amɛnɔ.

Nehemia 9:30 ပူးပေါင်းရင်းမြစ်များ

2 Maŋtsɛmɛi 18:11

Ni Ašur maṅtše̱ le̱ ṅõ Israel nom ke̱-te Ašur, ni eṅõame̱ eyato Hala ke̱ Habor ke̱ Gozan fā le̱ nā ke̱ Media mãdši le̱ amli;

2 Maŋtsɛmɛi 21:10

Ši Iehowa tšṍ etšũdši ní dši gbalo̱i le̱ ano̱ ewie ake̱:

2 Kronika 24:19

Ši kẽle̱ etšũ gbalo̱i ke̱-ba ame̱ṅõ ní ame̱kpaleame̱ ke̱-ba Iehowa ṅõ ekoṅ, ni ame̱ye odase ame̱šiame̱; ši ame̱boo toi.

Ezra 9:10

Ni agbe̱ne̱, wo̱-Nyoṅmo̱, meni wo̱o̱kē̱ ye̱ ene̱ se̱? Edšake̱ wo̱kwa okitãi le̱,

Nehemia 9:20

Asaṅ *oṅō omumo̱ kpakpa le̱ ohā, koni etšõame̱ nii, ni o-mána le̱ hũ ohãã akpa ye̱ ame̱dāṅ, ni ame̱kũmai mli le̱ ohãame̱ nu kẽ. *4 Mose 11,25.

Nehemia 9:26

No moṅ se̱ le̱ ame̱toi gbo ni ame̱tše ohĩe atũa, ni ame̱se̱ omla le̱ ame̱fõ ame̱se̱, ni ame̱gbe ogbalo̱i ní yeo̱ odase šio̱ame̱ ní ame̱ke̱-kpaleame̱ ke̱-ba oṅõ le̱, ni ame̱bo̱ musu babaō.

Nehemia 9:29

Ni oyeo̱ odase ošio̱ame̱, koni okpaleame̱ ke̱-ba omla le̱ he ekoṅ. Ši ame̱ le̱ amehe moṅ ame̱tšṍo̱, ni ame̱boo okitãi le̱ atoi, ši ame̱fe eša ame̱ši omlai le̱ *ní kē̱ gbomo ye no̱, ni eyi aaná wala ye̱ mli le̱; ši ame̱w̌i ame̱kõṅ ke̱-dše̱ he, ni ame̱fe ame̱he kue̱ṅtilo̱i, ni ame̱boo toi. *5 Mose 18,6.

Lalai 86:15

Ši bo, Nuṅtšo̱, Mawu mũsũṅtšõlo̱ ke̱ drolo̱ dšio, omli fũũ mrã ni omo̱bo̱nale̱ ke̱ ono̱kwale fá. 2 Mose 34,5.

Lalai 95:10

Afii nyoṅmai-edſe̱ so̱ṅṅ ne̱ke̱ yino̱bii ne̱ asane dše mitšine, ní mikē̱: Maṅ ko ni tšui dũo̱ gbe̱ ne̱, ni ame̱sumo̱o̱ ake̱ ame̱le migbè̱i le̱;

Yesaia 28:10

Edšake̱ [ame̱kē̱o̱ ake̱]: mla nyie mla se̱, mla nyie mla se̱; akpo̱ nyie akpo̱ se̱, akpo̱ nyie akpo̱ se̱; fiō ye̱ bie̱, ni fiō ye̱ bie̱ hũ!”

Yesaia 42:24

Namo ke̱ Iakob hã ní ahale̱, ni eke̱ Israel hã odsotſalo̱i? Ani dšee Iehowa ní wo̱fe eša wo̱šile̱ le̱ ni, moni ame̱kplẽẽ egbè̱i le̱ ano̱ nyiemo̱, ni ame̱boo emla le̱ toi le̱?

Yesaia 48:9

Migbe̱i le̱ hewo̱ le̱ matši mlifũ le̱ mato, ni miyidšiemo̱ le̱ hewo̱ le̱ mato mitsui ši mahão, koni mikakpãtã ohĩe.

Yesaia 63:10

Ši ame̱ le̱, ame̱tše atũa, ni amefe Emumo̱ kroṅkroṅ le̱ nidō̱nĩi, hewo̱ le̱ etšṍ ame̱henye̱lo̱, ni le̱dientše̱ eke̱ame̱ wu.

Yeremia 25:4

Ni asaṅ Iehowa etšũ etšũdši fẽ ní dši gbalo̱i le̱ ke̱-ba nyeṅõ, eteo̱ ši lebi mā̃ṅkpa etšũo̱ame̱, ši nyeboo toi ni asaṅ nyehãã nyetoi aba no̱ ní nyenu;

Yeremia 44:22

Iehowa nyẽẽ nyenifemo̱nii fõdši ke̱ nihĩnii ní nyefe le̱ doṅṅ le̱, nohewo̱ nyešikpoṅ le̱ etšṍ amaṅfõ ke̱ nākpe̱nõ ke̱ lōmo̱, ni mokomoko be̱ dše̱i, tamo̱ bo̱ni yo̱ ṅme̱ne̱ ne̱!

Yeremia 44:4

Ni mitšũo̱ mitšũdši fẽ ní dši gbalo̱i le̱ ke̱-baã nyeṅõ, miteo̱ ši lebi mā̃ṅ-kpa mitšũo̱ame̱ ake̱: Nyekafea nihĩnii ní minye̱o̱ ne̱!

Yeremia 44:5

Ši ame̱boo toi, ni asaṅ ame̱hãã ame̱-toi aba no̱ ní ame̱kpale ke̱-dše̱ amenifõdšianii le̱ ahe, ni ame̱kašã tšofã-ke̱-ṅma ame̱mīhã nyoṅmo̱i krokomei doṅṅ.

Yeremia 7:25

Ke̱-dše̱ gbĩ no̱ ni nyetše̱mei le̱ dše Mizraim āhũ ke̱-baši ṅme̱ne̱ gbĩ ne̱ no̱ le̱, mitšũo̱ mitšũdši ní dši gbalo̱i le̱ fẽ ke̱-baä nyeṅõ, miteo̱ ši le̱bi mā̃ṅkpa mitšũo̱ame̱ dā:

Yāfó 2:17

Iehowa yiṅ ní eto le̱ efe; ehã ewiemo̱ ní ewo he kitã ke̱-dse̱ blema bēbe le̱ eba mli; etšire̱ etſia ši ni enaa mo̱bo̱; ebo henye̱lo̱ le̱ eyeo yō̱; ewo haolo̱i le̱ aklonto le̱ no̱!

Daniel 9:6

ni wo̱boo otšũdši, gbalo̱i le̱, ni wie ye̱ ogbe̱i ano̱ tšõ wo̱maṅtše̱mei le̱ ke̱ wo̱lumei le̱ ke̱ wo̱tše̱mei le̱ ke̱ maṅ mū le̱ fẽ ní yo̱ šikpoṅ le̱ no̱ le̱ atoi.

Zakaria 7:12

ni ame̱fe ame̱tšui *tamo̱ diamentete̱, koni ame̱kanu mla le̱ ke̱ wiemo̱i ke̱ ni Iehowa Zebaot tšṍ Emumo̱ le̱ no̱ eke̱tšũ kleṅkleṅ gbalo̱i le̱; nohewo̱ ni mlifũ kpeteṅkple dše̱ Iehowa Zebaot ṅõ be ke̱. *Ies. 48,4.

Zakaria 7:13

Ni eba mli ake̱, bo̱ni eblo̱ ni ame̱-boo toi le̱, nakai ame̱blo̱, ni mi hũ miboo toi, Iehowa Zebaot kē̱.

4 Mose 11:26

Ni hĩĩ enyo̱ ſe̱ ye̱ nsra le̱ṅ, mokome gbe̱i dši Eldad ni mokome hũ Medad; ni mumo̱ le̱ yi ame̱ hũ ame̱no̱, edšake̱ ame̱ye̱ mei ní aṅmã ame̱gbe̱i le̱ ateṅ, ši ame̱náá ame̱dše kpo ke-ya kpē-bū le̱ he, ni ame̱gba ye̱ nsra le̱ṅ.

Bɔfoi 13:18

Ni ehĩeame̱ ni elè̱ame̱ ye̱ ṅã le̱ no̱ aafe afii nyoṅmai-edſe̱, 2 Mose 16,35. 4 Mose 14,34. 5 Mose 1,31.

Bɔfoi 28:25

Ni ake̱-ní ame̱yakpãã gbē hewo̱ le̱, ame̱yĩṅ ame̱te, beni Paulo wie wiemo̱ kome ne̱: Odšogbāṅ ní Mumo̱ kroṅkroṅ le̱ wie ye̱ gbalo̱ Iesaia le̱ nā etšõ wo̱tše̱mei le̱,

Bɔfoi 7:51

Nye *kue̱ṅwalo̱i ke̱ †tšuiiaṅ ke̱ toiiaṅ fōlo̱i! nye le̱, dāne̱ nyekũo̱ Mumo̱ kroṅkroṅ le̱ nā; bo̱ni nyetše̱mei le̱ fe le̱, nakai nye hũ nyefeo̱. *2 Mose 32,9. †5 Mose 26,41.

Romabii 2:4

Alo gbe ogbeo̱ emlihīle̱ ke̱ eyišiṅmē̃ ke̱ etšuišitō babaō le̱ he guo̱, ši olee ake̱ Nyoṅmo̱ mlihīle̱ le̱ wa ewaäo ní oſa ohe? 2 Pet. 8,15.

1 Petro 1:11

ni ame̱sā ame̱bi be le̱ ši, beni ke̱ bo̱ni Kristo Mumo̱ ní yo̱ ame̱mli le̱ dšie tšõ, beni eyeo̱ *amanehũlũi ní baba Kristo no̱ ke̱ anumnyamii ní baba ye̱ nomei ase̱ le̱ ahe odase etoo̱ le̱. *Lal. 22. Ies. 58.

2 Petro 1:21

Edšake̱ gbale̱ ko bako ye̱ gbomo suomo̱ nā pẽṅ, ši moṅ Mumo̱ kroṅkroṅ le̱ tšire̱o̱ Nyoṅmo̱ gbomei kroṅkroṅi le̱ ni ame̱wieo̱. 2 Tim. 3,16. 17.

2 Petro 3:9

Dšee *tšē̱ Nuṅtšo̱ le̱ hãa ešiwō le̱ se̱ tšè̱o̱, take̱ bo̱ni meikomei buo̱ ake̱ ese̱ etše̱ le̱, ši moṅ etšui ši etoo̱ ehãawo̱, edšake̱ esumo̱o̱ ake̱ meikomei alãdše, †ši moṅ ake̱ mei fẽ atšake ame̱tšui, *Hab 2,3. †1 Tim. 2,4.