Nehemia 9:17 - Ṅmãle̱ Kroṅkroṅ Le̱

¹⁷ Ni ame̱kplẽẽ toibō, asaṅ ame̱kaii onãkpe̱nii ní ofe ye̱ ame̱teṅ le̱, ši moṅ ame̱fe ame̱he kue̱ṅtĩlo̱i, ni ame̱tũatšemo̱ le̱ mli le̱ ame̱wo *asafoĩatše̱ ye̱ ame̱no̱, beni afe ni ame̱kũ ame̱se̱ ke̱-ya ame̱nyṍṅyeli le̱ mli ekoṅ. Ši bo le̱ ešaifã Nyoṅmo̱ dšio, †odomfoo̱ ke̱ mũsũṅtšõlo̱, ni otoo̱ tšui ni omo̱bo̱nale̱ fá, hewo̱ le̱ okwaa-ame̱, *4 Mose 14,4. †2 Mose 34,6.

ŊMALƐ KRƆŊKRƆŊ LƐ

¹⁷ Amɛbooo bo toi, ni asaŋ amɛkaiii onaakpɛɛnii ni ofee yɛ amɛteŋ lɛ; shi moŋ amɛfee amɛhe kuɛŋtilɔi. Amɛtse atua, ni amɛto asafoiatsɛ ni ekɛ amɛ aku sɛɛ kɛya nyɔŋyeli mli ekoŋŋ yɛ Ijipt. Shi bo lɛ oji Nyɔŋmɔ ni kɛ eshai faa, durolɔ kɛ musuŋtsɔlɔ ni toɔ etsui shi ni emɔbɔnalɛ fa, hewɔ lɛ oshiii amɛ.

Nehemia 9:17 ပူးပေါင်းရင်းမြစ်များ

1 Maŋtsɛmɛi 6:13

ni mabi ši ye̱ Israelbii le̱ ateṅ, ni mišīṅ mimaṅ Israel. 2 Mose 29,45.

1 Maŋtsɛmɛi 8:57

Iehowa, wo̱-Nyoṅmo̱ le̱, ke̱wo̱ ahĩ ši, take̱ bo̱ni eke̱ wo̱tše̱mei le̱ hĩ ši le̱ Ekašīwo̱ ni esā ekakwawo̱ hũ!

2 Kronika 36:13

Ni etše maṅtše̱ Nebukadnezar hũ hĩe atũa, tše̱ ehã ekã Nyoṅmo̱ kitã; ni efe ehe kue̱ṅtilo̱, ni ewadše etšui, hewo̱ le̱ ekpalee ke̱-baa Iehowa, Israel Nyoṅmo̱ le̱, ṅõ.

Ezra 9:9

Edšake̱ nyṍdši dšiwo̱; ši kẽle̱ wo̱nyṍṅyeli le̱ mli le̱ wo̱-Nyoṅmo̱ le̱ kwakowo̱, ši moṅ ehã mo̱bo̱nale̱ eše̱ wo̱no̱ ye̱ Persia maṅtše̱mei le̱ ahĩe, ni ehã wo̱yi aná wala, koni wo̱mã wo̱-Nyoṅmo̱ le̱ šĩa le̱, ni wo̱sā emli tšũkoi le̱, ní ehãwo̱ *afãbaṅ ko ye̱ Iuda ke̱ Ierusalem. *Ies. 5,5.

Nehemia 9:31

Ši kẽle̱ omo̱bo̱nale̱ babaō le̱ nā le̱ oplenēēame̱ kwrakwra ni asaṅ okwaaame̱; edšake̱ Mawu odomfoo̱ ke̱ mo̱bo̱nalo̱ dšio! Yāfō 3,22.

Lalai 106:13

Ši etše̱e̱ ni ame̱hĩe kpa enitšumo̱i le̱ ano̱, ni ame̱mẽẽ eṅāwō doṅṅ;

Lalai 106:7

Wo̱tše̱mei le̱ yoo onākpe̱nii le̱ ase̱ ye̱ Mizraim, ame̱kaii omo̱bo̱nale̱ babaō le̱, ši moṅ ame̱tše atũa ye̱ ṅšo̱ ní dši Ṅšo̱-tšuru le̱ nā. 2 Mose 14,11. 12.

Lalai 130:4

Ši bo odeṅ *ešaifā yo̱, beni afe ní ašeo gbeyei. *Ies. 66,7. Rom. 6,1. 2.

Lalai 78:10

Ame̱yee Nyoṅmo̱ kpãṅmo̱ le̱ no̱, ni ame̱kplẽẽ ake̱ ame̱anyie ye̱ emla le̱ nā,

Lalai 78:11

ni ame̱hĩe kpa enifemo̱i le̱ ke̱ enākpe̱nii ní eṅõ-tšõame̱ le̱ ano̱.

Lalai 78:38

Ši le̱ le̱, emũsũṅ tšōo̱le̱ kẽ eke̱ ame̱nõša le̱ faame̱, ni efiteeame̱, ni bei pī etšĩo̱ emlifũ le̱ nā, ni etēē emlila le̱ fiã ši,

Lalai 86:15

Ši bo, Nuṅtšo̱, Mawu mũsũṅtšõlo̱ ke̱ drolo̱ dšio, omli fũũ mrã ni omo̱bo̱nale̱ ke̱ ono̱kwale fá. 2 Mose 34,5.

Lalai 86:5

Edšake̱ bo, Nuṅtšo̱, ohĩ ni oṅõ-faä mrã, ní omo̱bo̱nale̱ fá hã mei fẽ ní blo̱ö̱ tšé̱o̱o le̱. K. 15.

2 Mose 32:9

Ni Iehowa kē̱ Mose ake̱: Mina ne̱ke̱ maṅ ne̱, ni na, maṅ ní kue̱ṅ ti dšiame̱;

Abe̱i 1:24

Ake̱-ni mitšé̱, ni nyekwa, mikpã minidši amli, ni mokomoko efoo mli, Ies. 65,2. 12.

Yeremia 18:15

Edšake̱ mimaṅ le̱ hĩe ekpa mino̱, yakayakanii ame̱šãa tšofã-ke̱-ṅma ame̱-hãa; ni nomei hãa ame̱tĕ̱re̱tĕ̱re̱o̱ ye̱ ame̱-gbè̱i le̱ ano̱, ye̱ nāno̱ tempõṅi le̱ ano̱, ni ame̱yanyĩeo̱ gbè̱i ní ehĩĩ ke̱ gbe̱ ní adšeko no̱!

Yeremia 19:15

Bo̱ni Iehowa Zebaot, Israel Nyoṅmo̱ le̱, kē̱ ne̱: Na, mike̱ efõṅ fẽ ní miwie ye̱ ne̱ke̱ maṅ ne̱ ke̱ ehe mãdšimãdši le̱ fẽ he le̱ baba ame̱no̱, edšake̱ ame̱fe ame̱he kue̱ṅtilo̱i, koni ame̱kabo miwiemo̱i le̱ atoi.

Yeremia 7:26

ši kẽle̱ ame̱boomi toi, ni asaṅ ame̱hãã ame̱toi aba no̱ hũ, ši moṅ amefe ame̱he kue̱ṅtilo̱i, ni ame̱fe efõṅ fè ame̱tše̱mei le̱. 16,12.

Ezekiel 5:6

Ši etše mimlai le̱ ahĩe atũa ni efe efõṅ fè dšeṅmãdši le̱ tete, ni etše mikpo̱i le̱ hũ ahĩe atũa fè šikpõdši ní ebo̱lele̱ ke̱-kpe le̱; edšake̱ ame̱kwa mimlai le̱, ni ame̱nyiee ye̱ mikpo̱i le̱ anā.

Daniel 9:9

Ši *Nuṅtšo̱ wo̱-Nyoṅmo̱ le̱ nõ dši mũsũṅtšõle̱ ke̱ ešaifā. Edšake̱ wo̱tše ehĩe atŭa, *Lal. 130,4.

Yoel 2:13

Ni nyetšere̱a nyetšui, ši dšee nyetadei, ni nyekpalea ke̱-baä Iehowa, nye-Nyoṅmo̱ le̱, ṅõ! ši *drolo̱ ke̱ mlitšõlo̱ dšile̱, emli fūũ mrã, ni emo̱bo̱nale̱ ſá, ni eſaä ehe ye̱ nõfõṅ hewo̱. *2 Mose 34,6.

3 Mose 26:44

Ni kẽle̱, ké̱ ame̱ye̱ ame̱henye̱lo̱i le̱ ašikpoṅ le̱ no̱ tete dšiṅṅ, mikwaṅame̱, ni asaṅ minyãṅeṅame̱, bo̱ni makpãtã amehĩe kwrā, koni makũ mike̱ame̱ teṅ kpãṅmo̱ le̱ mli; edšake̱ midši Iehowa, ame̱-Nyoṅmo̱ le̱.

Nahum 1:3

Iehowa mli fũũ mrā, ni ehewale̱ le̱ da kple, ni *ehãã no̱tõlo̱ aṅõ ehe aye. Iehowa le̱, ahum ke̱ lasũogbĕle mli egbe̱ le̱ kã, ni atatu le̱, enaneši mlu ni. *2 Mose 34,7.

4 Mose 14:11

Ni Iehowa kē̱ Mose ake̱: Mẽ beyino ne̱ke̱ maṅ ne̱ aafõ mihe guo gbē? ni mẽ beyino̱ ame̱ahe mino̱ ame̱ye ye̱ okadii fẽ ní mife ye̱ ame̱teṅ le̱ ahewo̱?

4 Mose 14:41

Ni Mose kē̱: Mẽba nyetaoo̱ ake̱ nyekũ Iehowa wiemo̱ le̱ mli ne̱? Ši ene̱ ebahoṅ.

4 Mose 16:14

Asaṅ dšee *šikpoṅ ní hoo̱ fufo̱ ke̱ wò no̱ oke̱wo̱ ba, ni oke̱ ṅmõdši ke̱ weintromi hãkowo̱ ake̱ wo̱nii. Aso ne̱ke̱ hĩĩ ne̱ ahĩṅme̱ii oba fā̃mo̱? Wo̱baa heko! *2 Mose 3,8. 17.

Bɔfoi 7:39

ni wo̱tše̱mei le̱ ekplẽẽ ní ame̱bole̱ toi, ši moṅ ame̱fele̱ sōisōi, ni ame̱tšuii kpale ke̱-te Mizraim ekoṅ;

Romabii 9:15

Edšake̱ *akē̱ Mose ake̱: “Moni minaäle̱ mo̱bo̱ le̱, le̱ noṅṅ mo̱be̱ mibana, ni moni mimũsũṅ tšṍo̱mi hãale̱ le̱, le̱ noṅṅ mimũsũṅ aatšṍmi ahã.” *2 Mose 33,19.

Hebribii 12:25

Nyekwe̱a ni ahĩa, koni nyekakwa moni wieo̱ le̱; edšake̱, ké̱ *mei ní kwa moni wie tšõame̱ ye̱ šikpoṅ le̱ no̱ le̱ ahe edšee mli le̱, bĕle̱ ke̱dši wo̱kpale ke̱-dše̱ moni dše̱o̱ ṅwei wieo̱ le̱ he le̱, wo̱ moṅ wo̱he edšeṅ mli ko̱kō̱ko̱; *2,2; 10,28. 29.

1 Samuel 12:22

Edšake̱ Iehowa gbe̱i kpeteṅkple le̱ hewo̱ le̱ ekwaṅ emaṅ le̱; edšake̱ esa Iehowa hĩe ake̱ *eke̱nye aafe emaṅ. *2 Mose 19,6.