Nehemia 10:37 - Ṅmãle̱ Kroṅkroṅ Le̱

³⁷ [36.] ke̱ wo̱bihĩĩ ke̱ wo̱koloi akromo̱bii hũ, take̱ bo̱ni *aṅmã ye̱ mla le̱ṅ le̱, ke̱ wo̱tšinai ke̱ wo̱tōi akromo̱bii, ní wo̱ke̱-ba wo̱-Nyoṅmo̱ le̱ we le̱ wo̱ke̱-bahã oso̱foi le̱ ní súmoo̱ ye̱ wo̱-Nyoṅmo̱ le̱ we le̱; *2 Mose 13,2.

ŊMALƐ KRƆŊKRƆŊ LƐ

³⁷ Wɔkɛ mã ni ana yɛ abele ni akpa klɛŋklɛŋ lɛ mli kɛ tso fɛɛ tso klɛŋklɛŋ yibii, kɛ klɛŋklɛŋ wain kɛ klɛŋklɛŋ mu aaaba abahã osɔfoi lɛ koni akɛwo wɔNyɔŋmɔ lɛ we lɛ nitoohe lɛ mli. Wɔkɛ wɔŋmɔshi nibaanii amlijai nyɔŋma mli ekome kome baahã Levibii lɛ, ejaakɛ amɛ ji mɛi ni baŋɔɔ nibaanii amlijaa nyɔŋma mli ekome kome lɛ yɛ akrowai ni wɔhuɔ yɛ mli lɛ fɛɛ mli lɛ.

Nehemia 10:37 ပူးပေါင်းရင်းမြစ်များ

2 Kronika 31:6

Ni Israelbii ke̱ Iudabii ni yo̱ Iuda mãdši le̱ amli le̱ hũ ke̱ tšinai ke̱ tôi amlidšāi nyoṅma mli ekomekome, ke̱ nii kroṅkroṅi ní ame̱dšō̱ no̱ ame̱ke Iehowa, ame̱-Nyoṅmo̱ le̱, amlidšāi nyoṅma mli ekomekome ba, ni ame̱batoame̱ kuikui.

Nehemia 13:10

Ni minu ake̱ Levibii le̱ agbe̱nānii le̱ ahãkoame̱; nohewo̱ le̱ Levibii le̱ ke̱ lalatše̱mei le̱ fẽ ni tšuo̱ nii le̱, ame̱teṅ mofẽmo edšo foi ete ekōse̱.

Nehemia 13:12

Ke̱ke̱ ni Iuda mū le̱ fẽ ke̱ able ke̱ wein ke̱ mũ mlidšāi nyoṅma mli ekomekome le̱ ba ame̱bawo nitōhei le̱. 4 Mose 18,21.

Nehemia 13:5

Ni esā tšũ kpeteṅkple ko ehãle̱, ni sá le̱ dše̱i ame̱ṅõo̱ niyenii-afo̱lei ke̱ kro̱bo̱o ke̱ nibiinibii le̱ ame̱too̱, ke̱ able ke̱ wein ke̱ mũ mlidšāi nyoṅma mli ekomekome ní awo he kitã ake̱ aṅõ-hã Levibii le̱ ke̱ lalatše̱mei le̱ ke̱ agbónākwe̱lo̱i le̱, ke̱ oso̱foi le̱ ano̱wómo̱-afo̱lei le̱ hũ.

Nehemia 13:9

Ke̱ke̱ ni mifã́ ake̱ ašā flasei le̱ amli, ni miṅõ *Nyoṅmo̱ we le̱ nibii le̱ ke̱-ba dše̱i ekoṅ, ke̱ niyenii-afo̱lei le̱ ke̱ kro̱bo̱o le̱ hũ. *10,40.

2 Mose 13:12

odšie nofẽno ní gbleo̱ mũsũ nā le̱ ohã Iehowa, ke̱ ošĩa koloi le̱ amli bi-fẽ-bi ní aafo kleṅkleṅ le̱ hũ; hĩĩ le̱ Iehowa nii ni.

2 Mose 13:2

*Kromo̱bii fẽ, nofẽno ní gbleo̱ mũsũ nā ye̱ Israelbii le̱ ateṅ le̱, gbomo dšio, šĩa kolo dšio, femo̱ame̱ kroṅkroṅ ohãmi; ši minõṅ. *4 Mose 8,17. 18; 18,15. Luk. 2,23.

3 Mose 23:17

Nyeke̱ fō̃-aboloi enyo̱ adše̱a nye-šihĩle̱hei le̱ abahãa; efa mlidšāi nyoṅma mli enyo̱ ṅmā̃ mã nyeṅõ-fea aboloi enyo̱ le̱ ní akē̱ mãša ašã ni ake̱-fe kleṅkleṅ-yibii-afo̱le ahà Iehowa.

Maleaki 3:10

Nyeke̱ mlidšāi nyoṅma mli ekomekome le̱ fẽ abaä fiase le̱, koni niyenii ahĩ miwe le̱! ni nyeke̱-kaämi nyekwe̱a, Iehowa Zebaot kē̱, ake̱ migbleṅ ṅwei samfe̱dši le̱ mihãṅnye, ni mifo̱seṅ dšō̱mo̱ mihãṅnye ni ateke no̱ lo?

Maleaki 3:8

Aso gbo̱mo̱ ko šišiuo̱ Nyoṅmo̱? ši nye le̱ nyešišiuo̱mi. Ši nythē̱o̱ abe̱: Meni mli wo̱šišiuo̱o ye̱? ye̱ mlidšāi nyoṅma mli ekomekome le̱ ke̱ no̱wómo̱-afo̱lei le̱ amli!

4 Mose 18:15

Helo-ſẽ-helo ní gbleo̱ mũsũ nā ní ake̱-bahãa Iehowa le̱, gbomo dšio, šĩa kolo dšio, atšṍ onõ; ši gbomo kromo̱bi le̱ ohã akpõle̱, ni šĩa koloi ní be tšee le̱ akromo̱bii le̱ hũ ohã akpõ. 2 Mose 13,12. 13; 34,19. 20.

4 Mose 18:18

Ši ame̱lō le̱ atšṍ onõ, take̱ boni fō̃-tšitši le̱ ke̱ nine dsŭrõ le̱ dši onõ le̱.

4 Mose 18:21

Ši Levibii le̱, na, miṅõ Israel *nibii amlidšāi nyoṅma mli ekomekome le̱ fẽ mihãame̱ ake̱ ame̱gbošinii, ye̱ nii ní ame̱tšuo̱ ye̱ kpē-bū le̱ he nitšumo̱ le̱ mli le̱ hewo̱; *3 Mose 27,30.

Romabii 11:16

Ši ke̱dši kaka le̱ ye̱ kroṅkroṅ le̱, bĕle̱ nakai mãsui le̱ fẽ hũ yo̱; ni ké̱ tšošišĩfã le̱ ye̱ kroṅkroṅ le̱, bĕle̱ nakai nidši le̱ hũ yo̱.

5 Mose 14:22

Odũmo̱nii amli nibānii ní ba ye̱ oṅmõši le̱, dšiemo̱ mlidšāi nyoṅma mli ekome dā afi, 3 Mose 27,30.

5 Mose 18:4

Oble ke̱ o̱wein ke̱ omũ mli kleṅkleṅnii ke̱ otōi ahetšo̱i ní ooku kleṅkleṅ le̱, ṅõ-hãle̱.

5 Mose 26:2

*oṅõ šikpoṅ le̱ no̱ kleṅkleṅ nibanii ní ookpa ye̱ ošikpoṅ ní Iehowa, o-Nyoṅmo̱ le̱, ṅõ-hãao le̱ no̱ le̱ eko, ni oṅõ-wo kafũ mli ni oke̱-ya heni Iehowa, o-Nyoṅmo̱ le̱, ehala, koni ehã egbe̱i ahĩ dše̱i le̱; *2 Mose 23,19; 34,23. 3 Mose 2,14.