Nahum 2:10 - Ṅmãle̱ Kroṅkroṅ Le̱

¹⁰ Nyehaä dſie̱te̱i, nyekaä šika! edšake̱ nii ni abua nā ato ke̱ fe̱onibii sro̱toi babaō le̱ fẽ be̱ nāgbẽ.

ŊMALƐ KRƆŊKRƆŊ LƐ

¹⁰ Akpãtã Nineve hiɛ, afee lɛ butuu etsɔ̃ amaŋfɔ̃! Gbeyei emɔmɔ tsuii, nakutsei miikpokpo hewalɛ etã yɛ mɛi amli, ni hiɛiaŋ fɛɛ eshale.

Nahum 2:10 ပူးပေါင်းရင်းမြစ်များ

1 Mose 1:2

Ni šikpoṅ le̱ ye̱ ole̱ṅle̱ ni efe flóṅṅ, ni duṅ ha bu kwo̱ṅkwo̱ṅ le̱ hĩe; ni Nyoṅmo̱ Mumo̱ bu nui le̱ ahĩe.

Lalai 22:14

Ame̱gbe̱o̱ ame̱dāṅ ame̱woo̱mi tamo̱ dšata krãmãkrãmã ní hū̃o̱.

Yesaia 14:23

Asaṅ mahã etšṍ ko̱to̱ko̱i agbe̱fãṅnõ ke̱ nu kpākpoi so̱ṅṅ, ni mike̱ fitemo̱-blo̱ le̱ aabē̱le̱! Iehowa Zebaot kē̱.

Yesaia 21:3

Nohewo̱ le̱ mihe̱ mli eyi obõ ke̱ pĩmo̱; kō̃mo̱ eta mihe tamo̱ yō ní bafo̱ kō̃mo̱; mišõ kwekwēkwe, hewo̱ le̱ minuu nii; midšidšã, hewo̱ le̱ minaa nii.

Yesaia 24:1

Na, Iehowa mihã šikpoṅ le̱ mīkã eflo ni ēfele̱ kpatã, ni etšṍ ehĩe eba ši, ni ẽgbe̱ eno̱bii le̱ ēſã.

Yeremia 30:6

Nyebia ni nyekwe̱a ake̱ nū ekõmo̱ efo pẽṅ lo? Mẽhewo̱ mo̱ ni minaä nū-fẽ-nū ke̱ enidši mõmoo̱ ehe̱ *tamo̱ yō ní bafo, ni hĩeaṅ fẽ ešale ne̱? *Ies. 13,8.

Yeremia 49:23

*Damasko nõ. Ahã Hamat ke̱ Arpad hĩe eſie ši, edšake̱ ame̱nu sane fõṅ; ame̱tšui efã, tamo̱ ṅšo̱ ní efe hãmãhãmã, ame̱náá hedšo̱le̱. *Ies. 17,1. Amos 1,3-5.

Yeremia 51:62

ni okē̱: Iehowa! bo owie ye̱ bie̱ ne̱ he, ake̱ ooplenēle̱, ní mokomoko aka-hĩ mli doṅṅ, gbomo dšio, šĩa kolo dšio, ši moṅ etšṍ nāno̱ amaṅfõ!

Yeremia 8:21

Mimaṅ le̱ biyō le̱ hedšramo̱ le̱ hewo̱ lo̱ mi hũ mihe mīdšrami; mīye ṅko̱mo̱, mihe edšõ mihe.

Ezekiel 21:7

[2.] Gbomobi, tšṍ ohĩe ohã Ierusalem, ni ošie̱ otšõ hei kroṅkroṅi le̱, ni ogba oši Israel šikpoṅ le̱,

Ezekiel 31:15

Boni Nuṅtšo̱ Iehowa kē̱ ne̱: Gbĩ ní ekpleke ši ke̱-te gbohĩĩadše le̱, mihã bu kwo̱ṅkwo̱ṅ le̱ wo yăra ye̱ ehewo̱, ni mitšĩ efāi le̱ anā, ni asa nui babaō le̱ ayi, ni mihã Lebanon wo nidiṅ ye̱ ehewo̱, ni ṅãno̱ tšei le̱ fẽ to̱ biti ye̱ ehewo̱.

Daniel 5:6

Ke̱ke̱ ni maṅtše̱ le̱ hĩe tšake, ni edſẽṅmo̱i haole̱, ni ehe̱ talo̱i le̱ amli gbo̱dšo̱, ni enakutšei tſiatſia ame̱he.

Yoel 2:6

Mãdšimãdši ahe kpokpoo̱ ye̱ ame̱hĩe, mei fẽ hle šaleo̱.

Nahum 2:2

Hĩekpãtãlo̱ le̱ efã ebatuao! Bu gbogboi le̱ ahe, sramo̱ gbe̱ le̱, mĩamo̱ ohe̱, wadšemo̱ ohewale̱ le̱ ni awa!

Nahum 3:7

Ni aaba mli ake̱ mofēmo ní aanao le̱ aadšo onā foi, ni eekē̱ ake̱: Ninive etšṍ amaṅfõ! namo aayelē̱ ṅko̱mo̱? nẽgbe̱ matao mīše̱dšelo̱i mahão kē̱-adše̱?

Zefania 3:6

Miplenẽ dšeṅmãdši, ame̱mõdši ni kwō̱lo̱ le̱ etšṍmo̱ amaṅfõ; mihã ame̱blohũi le̱ amli ekãmo̱ efodši, ni mokomoko hoo ye̱ dše̱i: afite ame̱mãdši le̱, ni mokomoko be̱ mli, ni mokomoko ehĩṅ mli doṅṅ!

Yoshua 2:11

Ni amrõ ni wo̱nu le̱, *wo̱tšui fã, ni ekã be̱ nū ko nū ko mli doṅṅ ye̱ nyehewo̱; edšake̱ †Iehowa, nye-Nyoṅmo̱ le̱, le̱ dši Nyoṅmo̱ ye̱ ṅwei ní yo̱ ṅwei šoṅṅ le̱ ke̱ šikpoṅ ni yo̱ šiši le̱ no̱. *5,1. 2 Mose 15,14. 15. †5 Mose 4,39.

Yoshua 7:5

Ni Aibii le̱ gbe ame̱teṅ mei aafe nyoṅmai-etẽ ke̱ ekpa, ni ame̱woame̱ foi ke̱-dše̱ Ai agbó le̱ nä ke̱-te Šebarim, ni ame̱tſiaame̱ nii, beni ame̱kplekeo̱ ši le̱. Ni maṅ le̱ tšui fã, ni ame̱he dšo̱ ake̱ nu.