Mika 7:12 - Ṅmãle̱ Kroṅkroṅ Le̱

¹² Nakai gbĩ le̱ aadše̱ Ašur le̱ Mizraim mãdši le̱ amli aba; oṅõ, ni asaṅ aadše̱ Mizraim ke̱-yaši fā le̱ na, ke̱ ṅšo̱ nā ke̱-yaši ṅšo̱ nā, le̱ goṅ no̱ ke-yaši goṅ no̱.

ŊMALƐ KRƆŊKRƆŊ LƐ

¹² Nakai be lɛ mli lɛ nyɛmimɛi lɛ aaaku amɛsɛɛ kɛaaba. Aaajɛ Asiria ni yɔɔ bokã lɛ kɛ Ijipt ni yɔɔ wuoyigbɛ lɛ kɛaaba. Amɛaajɛ Eufrate Faa lɛ he kɛ ŋshɔi anaa kɛ gɔji anɔ kɛaaba.

Mika 7:12 ပူးပေါင်းရင်းမြစ်များ

Yesaia 11:11

Ni aaba mli ake̱ nakai gbĩ le̱ no̱ le̱, Nuṅtšo̱ le̱ aakpã enine mli noni dši ši enyo̱, koni ekpõ emã le̱ṅ mei ní eſe̱ le̱, mei ní eſe̱ ke̱-dše̱ Ašur ke̱ Mizraim ke̱ Patros ke̱ Kuš ke̱ Elam ke̱ Šinear ke̱ Hamat ke̱ ṅšo̱ṅkpo̱i le̱ ano̱ le̱.

Yesaia 11:16

Ni eetšṍ tempõṅ ehã emaṅ le̱ mli mei ní eſe̱ le̱, mei ní eſe̱ ni badše̱ Ašur le̱, tamo̱ bo̱ni etšṍ ehã *Israel gbĩ no̱ ni edše Mizraim le̱. *2 Mose 14,29.

Yesaia 43:6

makē̱ kōyigbe̱ ake̱: Dšiemō̱ ohã! ke̱ wuoyigbe̱ hũ ake̱: Kātšī nä! Ṅõ mibihĩĩ le̱ ke̱-dše̱ šoṅṅ ke̱-ba, ke̱ mibiyei le̱ hũ ke̱-dše̱ šikpoṅ le̱ nãgbēhe le̱;

Yesaia 49:12

Na, mene̱mei aadše̱ šoṅṅ aba, ni na, mene̱mei hũ aadše̱ kōyigbe̱ ke̱ anaigbe̱, ni mene̱mei hũ aadše̱ Sinim šikpoṅ le̱ no̱! Luk. 13,29.

Yeremia 23:3

Ni mabua mitōi ní eſe̱ le̱ anā ke̱-adše̱ šikpõdši fẽ ní miſieame̱ ke̱-te no̱ le̱ ano̱, ni mike̱ame̱ aaba ame̱lẽ̱̀hei ekoṅ, ni ame̱afo̱fo̱i ni ame̱yi aafá pī.

Yeremia 3:18

Nakai gbĩĩ le̱ amli le̱ Iuda we le̱ aate Israel we le̱ ṅõ, ni ame̱yi enyo̱ le̱ fẽ ame̱adše̱ kōyigbe̱ šikpoṅ le̱ no̱ ke̱-aba šikpoṅ ni miṅõ-hã ame̱tše̱mei le̱ ake̱ ame̱gbe̱fāṅnõ le̱ no̱. Ies. 11,11-13.

Yeremia 31:8

Na, mayaṅõame̱ ke̱-adše̱ kōyigbe̱ šikpoṅ le̱ no̱ ke̱-aba, ni mayabua ame̱-nā ke̱-adše̱ šikpoṅ le̱ nāgbē tō̃, ni ſilafoi ke̱ ošīfoi, yeiho̱lo̱i ke̱ yeifo̱yei fẽ-tſẽm ye̱ mli: asafo yū aakũ ame̱se̱ aba bie̱ ne̱ ekoṅ! Ies. 36,8-10.

Yeremia 46:27

Nohewo̱ le̱, kāše gbeyei, *mitšũlo̱ Iakob, ní otšui akafã, Israel! Ši na, mahere oyiwala ke̱-adše̱ šoṅṅ, ke̱ oseši hũ ke̱-adše̱ ame̱nomṅō̃ šikpoṅ le̱ no̱, ni Iakob aakũ ese̱ ke̱-aba ekoṅ, ni eebi ši kpō ni ehe aadšo̱le̱, ni moko woṅ ehe gbeyei. *30,10. Ies. 44,2.

Ezekiel 29:21

Nakai gbĩ le̱ no̱ le̱ mahã aklonto ko akwẽ ahã Israel we le̱, ni bo le̱ magble onābu ye̱ ame̱teṅ, ni ame̱aná ame̱le ake̱ midši Iehowa le̱.

Ezekiel 37:21

ni okē̱ame̱ ake̱: Bo̱ni Nuṅtšo̱ Iehowa kē̱ ne̱: Na, *mayaṅõ Israelbii le̱ ke̱-adše̱ dšeṅmãdši le̱ ateṅ heni ame̱te le̱, ni mabua ame̱nā ke̱-adše̱ hefẽhe ke-bakpe, ni mike̱ame̱ aate ame̱dientše̱ ame̱šikpoṅ le̱ no̱; *36,24.

Hosea 11:11

Ame̱ke̱ hekpokpomo̱ aadše Mizraim aba tamo̱ loflõ, ni ame̱adše̱ Ašur šikpoṅ le̱ no̱ ame̱aba tamo̱ okpo; ni mahã ame̱-bahī ame̱wei le̱! Iehowa kē̱.