Mika 6:5 - Ṅmãle̱ Kroṅkroṅ Le̱

⁵ Mimaṅ, kaimo̱ nõ yiṅ ni *Balak, Moab maṅtše̱ le̱, to, le̱ nõ hetõ ní Bileam, Beor bi le̱, hãle̱; kaimo̱ ke̱-dše̱ Šitim ke̱-yaši Gilgal tō̃, beni afe ní ole Iehowa dšale̱ nitšumo̱i le̱! *4 Mose 22-24.

ŊMALƐ KRƆŊKRƆŊ LƐ

⁵ Mimaŋbii, nyɛkaia nɔ yiŋ ni Moab maŋtsɛ Balak to yɛ nyɛhe, kɛ nɔ hetoo ni Bileam, Beor bi lɛ, hã lɛ. Nyɛkaia nibii ni ba yɛ gbɛ lɛ nɔ kɛjɛ Akasia shitoohe lɛ kɛtee Gilgal tɔ̃ɔ lɛ. Nyɛkaia nibii nɛɛ bɔ ni afee ni nyɛna nibii ni mi, Yehowa, mitsu ni mikɛhere nyɛyiwala lɛ.”

Mika 6:5 ပူးပေါင်းရင်းမြစ်များ

Lalai 111:4

Eto noni ake̱-kaio̱ enākpe̱ nitšumo̱i le̱; drolo̱ ke̱ mo̱bo̱nalo̱ dši Iehowa.

Lalai 143:11

Iehowa, ogbe̱i le̱ hewo̱ le̱ *hã miyi aná wala; odšale̱ le̱ hewo̱ le̱ dšiemo̱ misusuma ke̱-dše̱ haomo̱ mli. *Lal. 23.8; 119,26.

Lalai 36:10

Edšake̱ bo oṅõ *wala nubu yo̱; ola le̱ mlĩ wo̱naä la ye̱. *Ier. 2,13.

Lalai 71:19

Nyoṅmo̱, odšale̱ le̱ kwo̱ godšō, bo ni ofeo̱ nibii wudši le̱, Nānyoṅmo̱, namo tamo̱o? 2 Mose 15,11.

Yesaia 1:27

Ake̱ kodšomo̱ aakpõ Zion, ni ake̱ dšale̱ aakpõ emli mei ní aakũ ame̱se̱ le̱. 46,13.

4 Mose 22:41

Ni eba mli dšetše̱reno̱ le̱ ake̱ Balak ṅõ Bileam ni eke̱le̱ te *Baal gõdši le̱ ano̱, ni dše̱i edše̱ ena heni maṅ le̱ nā yakpa. *23,28.

4 Mose 23:27

Ni Balak kē̱ Bileam ake̱: Agbe̱ne̱ hã wo̱ya hekroko; ekole̱ aasa Nyoṅmo̱ hĩe, ni olomo̱ame̱ kẽ ye̱ dše̱i ohãmi!

4 Mose 25:1

Ni beni Israel yo̱ Šitim le̱, maṅ le̱ ke̱ Moab biyei le̱ bõi adſamaṅbō̱;

4 Mose 25:2

edšake̱ ame̱kpē *maṅ le̱ ke̱-te ame̱nyoṅmo̱i le̱ afo̱le niyenii le̱ ahe, ni maṅ le̱ ye nii le̱, ni ame̱dšá ame̱nyoṅmo̱i le̱. *31,16.

4 Mose 31:16

Na, mene̱mei noṅṅ tšṍ Bileam ṅāwō no̱ ame̱hã Israelbii le̱ tõ Iehowa wiemo̱ le̱ no̱ ye̱ Peor sane le̱ mli, ni gbĕle-hela ba Iehowa asafo le̱ mli le̱. 25,1. Kpods. 2,14.

4 Mose 31:8

Ni ame̱gbe Evi ke̱ Rekem ke̱ Zur ke̱ Hur ke̱ Reba, ni dši Midian maṅtše̱mei enumo̱ le̱, ame̱ši mei ní nyõnyõi le̱ ano̱; ni Bileam, Beor bi le̱, hũ ame̱ke̱ klante gbele̱. Ios. 18,21. 22. 4 Mose 22,5.

4 Mose 33:49

Ni ame̱bo̱ nsra ye̱ Iordan nā ke̱-dše̱ Bet-Iešimot ke̱-yaši Abel-Šitim ye̱ Moab ṅã kplenẽ le̱ no̱. 25,1.

Efesobii 2:11

Nohewo̱ le̱ nyekaia ake̱ nye ni *sá ni nyedši wo̱ṅdšálo̱i ye̱ helo gbefãṅ ni mei ni atšé̱o̱ame̱ ketiafolo̱i ni ake̱ nidši fe ye̱ helo mli le̱ tšé̱o̱nye fõlo̱i le̱, *5,8.

5 Mose 16:3

Oke̱ mãšanii akaye; gbĩĩ kpawo oye akpĩtĩ ní dši amanehũlũ abolo le̱, edšake̱ hedšodšōmo̱ nā odše kpo ke̱-dše̱ Mizraim šikpoṅ le̱ no̱, koni oṅo-kai gbĩ ní odše kpo ke̱-dše̱ Mizraim šikpoṅ le̱ no̱ le̱ owala gbĩĩ abo̱ fẽ.

5 Mose 23:6

Kātao ame̱hedšo̱le̱ lo ame̱ſeremo̱ gbĩkogbĩko.

5 Mose 8:18

Ši moṅ kaimo̱ Iehowa, o-Nyoṅmo̱ le̱, edšake̱ le̱ dši moni hãao hewale̱ ní oke̱-náa nii, koni ehã *ekpãṅmo̱ ní ekã otše̱mei le̱ akitã ye̱ he le̱ amã ši, take̱ bo̱ni eyo̱ ṅme̱ne̱ ne̱. *4,31.

5 Mose 8:2

Ni okai gbe̱ fẽ ní Iehowa, o-Nyoṅmo̱ le̱, ehã onyie no̱ ye̱ ṅã le̱ no̱ afii nyoṅmai-edſe̱ so̱ṅṅ ne̱, koni eke̱-bao ši ni *eke̱-kao ekwe̱, beni afe ní ele noni yo̱ otšui mli, ake̱ ooye ekitãi le̱ ano̱ lo oyeṅ no̱. *13,4. Kods. 2,22.

5 Mose 9:7

Kaimo̱, ni ohĩe akakpa no̱, bo̱ni otšṍ owo Iehowa, o-Nyoṅmo̱ le̱, mlifũ ohã ye̱ ṅã le̱ no̱; ke̱-dše̱ gbĩ no̱ ní nyedše̱ Mizraim šikpoṅ le̱ no̱ nyedše kpo le̱ ke̱-baši beyino ní nyebaše̱ bie̱ ne̱, Iehowa hĩe atũa so̱ṅṅ nyetšeo̱.

Yoshua 2:1

Ni Iošua, Nun bi le̱, tšũ hĩĩ sralo̱i enyo̱ ke̱-dše̱ Šitim nĩgī̃, ni ekē̱: Nyeyaä ní nyeyakwe̱a šikpoṅ le̱ ke̱ Ieriko! Ni ame̱yiṅ ame̱te, ni ame̱ba *yō adſamaṅ ko ni atšē̱o̱le̱ Rahab le̱ we, ni ame̱yato dše̱i. *Iak. 2,26. Heb. 11,31.

Yoshua 3:1

Ke̱ke̱ ni Iošua te ši lebi mā̃ṅkpa, ni ame̱fã ke̱-dše̱ *Šitim ni ame̱ba Iordan nā, le̱ ke̱ Israelbii le̱ fẽ, ni ame̱wo̱ dše̱i dãni ame̱fo fā le̱. *4 Mose 25,1.

Yoshua 4:19

Ni maṅ le̱ dše kpo ke̱-dše̱ Iordan mli ye̱ kleṅkleṅ nyõṅ le̱ no̱ gbĩ ni dši gbĩ nyoṅma le̱ no̱, ni ame̱yabo̱ nsra *ye̱ Gilgal ye̱ Ieriko bokãgbe̱ hũsũ le̱ no̱. *5,9.

2 Petro 2:15

Ame̱dše gbe̱ ni dša le̱ no̱, ni ame̱dũ gbe̱ ke̱-yanyie Bosor bi *Bileam, moni sumo̱ nõšafemo̱ mli nyõmo̱wo le̱, gbe̱ le̱ no̱; *4 Mose 22.7. Kpods. 2,14.

1 Yohane 1:9

Ke̱dši wo̱dšadše *wo̱he ešai le̱, ano̱kwafo ke̱ dšalo̱ dšile̱, koni eke̱ wo̱he ešai le̱ afawo̱ ni etšumo̱ wo̱he ke̱-dše̱ nii ni edšaa ghe̱ fiã mli. *Abe̱i 28,13.

Yuda 1:11

Kpōo hãame̱! edšake̱ ame̱ko̱ *Kain gbe̱ le̱, ni †Bileam šišiumo̱ he nyōmo̱wo le̱ mli ame̱ke̱ ame̱he eyawo, ni Kora **atũatšemo̱ le̱ mli ame̱hĩe ekpãtã ye̱. *1 Mose 4.8. †4 Mose 31,16. **4 Mose 16.

Kpojiemɔ 2:14

Ši kẽle̱ mikeo ye̱ sane fiō ko: ake oye̱ mei ye̱ dše̱i ní hĩe *Bileam moni tšõ Balak ake̱ etšõ Israelbii le̱ atšõne ní ame̱ye wo̱dši afo̱lešãnii ni ame̱bo̱ adſamaṅ le̱ tšõmo le̱ mli. *4 Mose 31,16. Iuda 11.

Kojolɔi 11:25

Bĕle̱ oye̱ hewale̱ ye̱ šikpoṅ le̱ no̱ fè *Balak, Zipor bi le̱, ní dši Moab maṅtše̱ le̱ lo? Ani eke̱ Israel ebé pẽṅ, lo eke̱ame̱ ewu pẽṅ? *4 Mose 22,2.

Kojolɔi 5:11

Heni anuu gãitšẽlo̱i ablo̱mo̱ ye̱, ye̱ nuyē̱hei le̱, dše̱i noṅṅ ame̱agba Iehowa dšale̱ nitšumo̱i le̱ ye̱, ke̱ eno̱yelo̱i le̱ adšale̱ nitšumo̱i ní ame̱tšu ye̱ Israel le̱. No mli ni Iehowa maṅ le̱ kpleke ši ke̱-te agbói le̱ anā.

1 Samuel 12:7

Nohewo̱ le̱ agbe̱ne̱ nyedamo̱a ši, ní mike̱nye akodšo ye̱ Iehowa hĩe ye̱ Iehowa dšale̱nii fẽ ní efe ehănye ke̱ nyetše̱mei le̱ ahewo̱.