Mateo 8:17 - Ṅmãle̱ Kroṅkroṅ Le̱

¹⁷ Koni noni gbalo̱ *Iesaia wie le̱ aba mli ake̱: “Le̱dientše̱ ewo wo̱hedšramo̱i le̱, ni etĕre wo̱helai le.” *Ies. 53,4.

ŊMALƐ KRƆŊKRƆŊ LƐ

¹⁷ Koni nɔ ni gbalɔ Yesaia wie lɛ aba mli akɛ, “Lɛ diɛŋtsɛ ewo wɔhejaramɔi lɛ, ni etere wɔhelai lɛ.”

Mateo 8:17 ပူးပေါင်းရင်းမြစ်များ

1 Mose 22:6

Ni Abraham ṅõ afo̱lešā̃ lai le̱ etĕre ebi Isak, ni eṅõ la le̱ ke̱ kakla le̱ ehĩe edẽ; ni ame̱yi enyo̱ le̱ fẽ ame̱yiṅ ame̱te.

Yesaia 53:4

Le̱le̱ṅ, *wo̱helai le̱, le̱ etĕre, ni wo̱hedsramo̱i le̱, le̱ ehole; ši wo̱ le̱, wo̱bule̱ ake̱ moko ní ayile̱ ní Nyoṅmo̱ pĩle̱ ni ewole̱ amaneṅ. *Mat. 8,17.

Mateo 1:22

Ši afe ene̱ fẽ, koni noni Nuṅtšo̱ le̱ wie ye *gbalo̱ le̱ nā le̱ aba mli ake̱: *Ies. 7,14.

Mateo 2:15

Ni ehĩ dše̱i ke̱-yaši Herode gbĕle mli, koni noni Nuṅtšo̱ le̱ wie ye̱ *gbalo̱ le̱ nā le̱ aba mli ake̱: “Mizraim mitšé̱ mibi le̱ ke̱-dše̱.” *Hos. 11,1.

Mateo 2:23

Ni eba ebahĩ maṅ ko ni atšé̱o̱le̱ *Nazaret le̱ mli; koni noni gbalo̱ le̱ wie le̱ aba mli ake̱: “Aatšé̱le̱ Nazarenyo.” *Luk. 1,36; 2,39. (Ies. 11,1; 53,2.) Ioh. 1,46.

Marko 1:32

Ni gbe̱ke̱, beni hũlũ enyõ ši le̱, ame̱ke̱ helatše̱mei ke̱ mei ní daimonioi yo̱ ame̱mli fẽ ba eṅõ.

Luka 4:40

Ni beni hũlũ nyo ši le̱, mei fẽ ní yo̱ mei ní helai sro̱toi hĩeame̱ le̱ ke̱ame̱ ba eṅõ; ni eṅõ enidši eſie ame̱fẽ ame̱no̱ ekomekome ni etšáame̱.

2 Korintobii 12:10

Nohewe̱ le̱ ye̱ Kristo hewo̱ le̱ mimī še̱o̱ ye̱ gbedēfemo̱i amli, ye̱ hĩenāno̱nii-namo̱i amli, ye̱ haomo̱i amli, ye̱ yiwale̱i amli, ye̱ fĩmo̱i amli; edšake̱ ké̱ mife gbedē le̱, no moṅ mináa hewale̱. Fil. 4,18.

1 Petro 2:24

moni le̱dientše̱ etĕre *wo̱he ešai le̱ ye̱ egbomotšo le̱ mli ke̱-te (se̱ṅmo̱-) tšo le̱ no̱, koni †wo̱gboi wo̱hã eša ní wo̱hĩe akãmo̱ aha dšale̱, mo he fadši ní aṅõ-tšánye le̱. *1 Ioh. 3,5. †Rom. 6,11.