Mateo 5:12 - Ṅmãle̱ Kroṅkroṅ Le̱

¹² Nyenyã́a ni nyemli aflianye; ši nyenyõmo̱wo fá ye̱ ṅwei; edšake̱ nakai ame̱wa gbalo̱i ní tšṍ nyehĩe le̱ ayi. Iak. 5,10. Heb. 11,33-38.

ŊMALƐ KRƆŊKRƆŊ LƐ

¹² nyɛnyaa ni nyɛmli afilia nyɛ ejaakɛ nyɛnyɔmɔwo fa yɛ ŋwɛi; shi nakai amɛwa gbalɔi ni tsɔ̃ nyɛhiɛ lɛ ayi.”

Mateo 5:12 ပူးပေါင်းရင်းမြစ်များ

1 Mose 15:1

Sädši ne̱ ase̱ le̱ Iehowa wiemo̱ ba Abram ṅõ ye̱ ninā mli ake̱: Kāše gbeyei, Abram; midši *otše̱ṅ ke̱ oṅyõmo̱wo ni fá naakpa. *Lal. 3,4; 84,12; 119,114.

1 Maŋtsɛmɛi 18:13

Ani agbako minuṅtšo̱ noni mife, beni Izebel gbe Iehowa gbalo̱i le̱, bo̱ni miṅõ Iehowa gbalo̱i le̱ oha mitē te̱kploi amli nyoṅmai-enumo̱-enumo̱, ní mike̱ abolo ke̱ nu lē̱ame̱ le̱?

1 Maŋtsɛmɛi 18:4

edšake̱ ebaba mli ake̱, beni Izebel kpãtãa Iehowa gbale̱i le̱ ahĩe le̱, Obadia ṅõ gbaloi oha, ni eṅōame̱ etē te̱kploi amli mei nyoṅmai-enumo̱-enumo̱, ni eke̱ abolo ke̱ nu lē̱ame̱.)

1 Maŋtsɛmɛi 19:2

Ke̱ke̱ ni Izebel tšũ bo̱fo ke̱-te Elia ṅã ekē̱: Nyoṅmo̱i le̱ afemi ne̱ke̱ ke̱ ne̱ke̱, kē̱ wó̱ bene̱ yino̱ ní mihãko osusuma atšṍ tamo̱ ame̱teṅ moko susuma ſĩ!

1 Maŋtsɛmɛi 21:20

Ni Ahab kē̱ Elia ake̱: Mõ obamẽ-mi ne̱, mihenye̱lo̱? Ši ehere no̱ ake̱: Mimõo; edšake̱ ohõ ohe ohã efõṅfemo̱ ye̱ Iehowa hĩe!

1 Maŋtsɛmɛi 22:8

Ni Israel maṅtše̱ le̱ kē̱ Iehošaſat ake̱: Mokome ye̱, ni kũle̱ wo̱o̱yabi Iehowa dāṅgbē ye̱ eṅõ, le̱ dši Mikaia, Imla bi le̱, ši misumo̱o̱ esane, edšake̱ egbaa ekpakpa ko ye̱ mihe, ake̱ dša efõṅ. Ši Iehošafat kē̱: Maṅtše̱ akakē̱ nakai!

2 Maŋtsɛmɛi 1:9

Ke̱ke̱ ni etšũ mei nyoṅmai-enumo̱ no̱ asafoiatše̱ ke̱ emei nyoṅmai-enumo̱ le̱ ke̱-te eṅõ. Ni eyiṅ ke̱-te eṅõ, ni na, etá goṅ le̱ yiteṅ. Ni ekē̱le̱ ake̱: Bo Nyoṅmo̱ gbomo! maṅtše kē̱: Okpleke ši ni oba!

2 Kronika 16:10

Ši Asa mli fũ ninalo̱ le̱, ni *ewole̱ tšũṅ; edšake̱ sane ne̱ hewo̱ le̱ emli ewole̱ la. Asaṅ Asa wa mã le̱ṅ bii le̱ ekomei ayi ye̱ nakai be le̱ mli. *18,26. Mat. 14,3.

2 Kronika 36:16

Ši ame̱ le̱, Nyoṅmo̱ bo̱foi le̱ ahe fe̱o moṅ ame̱yeo̱, ni ame̱gbeo̱ ewiemo̱i le̱ ahe guo̱ ni ame̱lio̱ egbalo̱i le̱ āhũ ke̱-yaši beyino̱ ni Iehowa mlifũ te ši wo emaṅ le̱ ní tšábā ko be̱ doṅṅ. Luk. 20,10-12. Bo̱f. 7,52.

Nehemia 9:26

No moṅ se̱ le̱ ame̱toi gbo ni ame̱tše ohĩe atũa, ni ame̱se̱ omla le̱ ame̱fõ ame̱se̱, ni ame̱gbe ogbalo̱i ní yeo̱ odase šio̱ame̱ ní ame̱ke̱-kpaleame̱ ke̱-ba oṅõ le̱, ni ame̱bo̱ musu babaō.

Lalai 19:11

Ame̱ye̱ ako̱no̱ fè šika, fè šika kro̱ṅṅ babaō, ni ame̱ṅõ fè wó ke̱ šẽ. Lal. 119,72.

Lalai 58:11

Dšalo̱ aanyã́ ake̱ ena oweletō̱, eefo̱ enãdši ahe ye̱ meifõdši alá mli!

Abe̱i 11:18

Mofõṅ náa šišiumo̱ nyõmo̱wo; ši moni duo̱ dšale̱ le̱, enáa ano̱kwale nyõmo̱wo.

Yesaia 3:10

Nyekē̱a dšalo̱i le̱ ake̱ aahĩ ahãame̱, edšake̱ ame̱aye ame̱nifemo̱nii le̱ amli yibii. 32,17.

Yeremia 2:30

Yakatſā po mitſia nyebii le̱ anii; *ame̱kplẽẽ tšo̱semo̱. Nyedientše̱ nyeklante yeo̱ nyegbalo̱i le̱, take̱ dšata hĩekpãtãlo̱! *Ies. 1,5.

Yeremia 26:8

Ni eba mli ake̱, beni Ieremia ewie wiemo̱ fẽ ní Iehowa fã́le̱ ake̱ ewie etšõ maṅ mū le̱ fẽ le̱ egbe nā le̱, oso̱foi le̱ ke̱ gbalo̱i le̱ ke̱ maṅ mū le̱ fẽ mõle̱ ame̱kē̱: Dša ogbo!

Yeremia 37:14

Ši Ieremia kē̱: Ebe̱ mli! dšee Kaldeabii le̱ aṅõ mitšeo̱ ke̱-ya! Ši eboole̱ toi. Ni Iiria mõ Ieremia ni eke̱le̱ ba lume̱i le̱ aṅõ.

Mateo 16:27

Edšake̱ gbomobi le̱ baba ye̱ etše̱ anumnyam le̱ mli ke̱ ebo̱foi le̱; ni no mli le̱ *eewo mofẽmo nyõmo̱ ye̱ enitšumo̱ nā. *Rom. 2,6.

Mateo 6:16

Ši ké̱ nyemīhĩ ṅmā̃ le̱, nyekafea nyehĩe mo̱bo̱mo̱bo̱ tamo̱ osatofoi le̱; ši ame̱feo̱ ame̱hĩe nyãnyãnyã, koni mei ana ake̱ ame̱mīhĩ ṅmā̃. Le̱le̱ṅ, mike̱onye ake̱: Ame̱nine eše̱ ame̱nyõmo̱wo no̱ momo. Ies. 58,5-9.

Luka 13:34

Ierusalem, Ierusalem, bo moni ogbeo̱ gbaloi le̱ ní otfiaä mei ní atšũo̱ame̱ oṅõ le̱ ate̱i, šii enyie mitao ake̱ mibuaä obii le̱ anā, take̱ bo̱ni wuo̱ buaä ebii anã ewoo̱ efĩdši ašiši le̱, ni nyekplẽẽ!

Luka 6:23

Nyenyã́a ye̱ nakai gbĩ le̱ no̱ ni nyetũmo̱a; edšake̱ na, nyenyõmo̱wo fá ye̱ ṅwei; edšake̱ nakai noṅṅ ame̱tše̱mei le̱ fe gbaloi le̱.

Luka 6:35

Moṅ nyesumo̱a nyehenye̱lo̱i, ni nyefea edšŭrõ ni nyefaä ní nyehĩe kãã noko no̱ doṅṅ, ni nyenyõmo̱wo aafá, ni nyeatšṍmo̱ Ṅweinyo le̱ bii, ši le̱ le̱ emli hĩ ye̱ trumui ke̱ meifõdši ano̱.

Bɔfoi 16:25

Ši nyōṅ teṅ le̱ Paulo ke̱ Sila mīso̱le ni ame̱mīla ame̱mīdsie Nyoṅmo̱ yi; ni gbokle̱foi le̱ mīboame̱ toi.

Bɔfoi 5:41

Ke̱ke̱ ni ame̱dše akuašoṅ le̱ hĩe ame̱te *ke̱ mīše̱, ake̱ egbe̱i le̱ ahewo le̱ abuame mei ní sa ake abo̱ame̱ ahora. *Mat. 5,10-12. 1 Pet. 4,13.

Romabii 5:3

Ši dšee no ke̱ke̱, ši moṅ *wo̱ſãa ye̱ amanehũlũi amli hũ, edšake̱ wo̱le ake̱ amanehūlũ le̱ tšé̱o̱ tšuišiṅmē̃ ke̱-baä, *Iak. 1,2. 3.

1 Korintobii 3:8

Ši moni te̱oo̱ le̱ ke̱ moni ſieo̱ no̱ nu le̱ fẽ le̱ ekomeṅ; ši *mofẽmo aana le̱dientše̱ euyõmo̱wo, ye̱ le̱dientše̱ enitšumo̱ nā. 4,5.

2 Korintobii 4:17

Edšake̱ wo̱-mrõmrõ-amanehũlũ, ní dšraa ne̱, mītšu nāno̱ anumnyam babaō ní teke no̱ ní dšra wa āhũ ehãwo̱. Rom. 8,17. 18.

Filipibii 1:29

edšake̱ nye le̱ adronye ye̱ Kristo hewo̱, dšee eno̱ hemo̱-ke̱-yeli ke̱ke̱, ši moṅ ake̱ nyena nõ ye̱ ehewo̱ hũ:

Filipibii 2:17

Ši ke̱dši *afo̱se milá aſie nyehemo̱-ke̱-yeli afo̱le ke̱ dšámo̱ le̱ no̱ tete le̱, miye̱ he tšuidšũrõ ni mike̱nye fẽ aaná tšuidšũrõ; *2 Tim 4,6.

Kolosebii 1:24

Agbe̱ne̱ mimī še̱o̱ ye̱ mimanehũlũi ni minaä ye̱ nyehewe̱ le̱ amli, ni mihãa nii ni ſe̱ ye̱ Kristo amanehũlũi le̱ amli le̱ yio̱ obõ ye̱ mihelo le̱ mli hã egbomotšo ni dši asafo le̱, Ef. 3,13.

Kolosebii 3:24

ni nyele ake̱ Nuṅtšo̱ le̱ deṅ nyenine baše̱ gbošinii le̱ ano̱ ye̱ ake̱ nyenyõmo̱wo; edšake̱ Nuṅtšo̱ Kristo nyesúmoo̱.

1 Tesalonikabii 2:15

mei ni gbe Nuṅtšo̱ Iesu ke̱ ame̱-dientše̱ ame̱gbalo̱i le̱ hũ, ni ame̱waä wo̱ hũ yi, ni ame̱saa Nyoṅmo̱ hĩe, ni ame̱ke̱ gbomei fẽ yee, Bof. 2,23; 7,52.

Hebribii 10:34

edšake̱ nyemũsũṅ šãnye ye̱ mei ní awoame̱ gbokle̱i le̱ ahewo̱, ni nyenii ni aha le̱ hũ nyeke̱ mīše̱ kplẽ, ake̱-ni *nyele ake̱ nyeye̱ dſetri ní hĩ fè no āhũ ní hĩo̱ ši dā ye̱ ṅwei le̱. *Mat. 6,20; 19,21. 29.

Hebribii 11:26

ebuo̱ Kristo hewo̱ *ahorabō̱ le̱ ake̱ nii babaō fè Mizraim dſetrii le̱, edšake̱ †nyomo̱wo le̱ ekwe̱o̱. *13,13; †10,34. 35.

Hebribii 11:33

mei ní tšṍ hemo̱-ke̱-yeli no̱ ame̱ye maṅtše̱yelii ano̱ kũnim, ame̱tšu dšalenii, amenine še̱ šiwōi ano̱, *ame̱tšĩmo̱ dšatai anā, *Kods. 14,6. 1 Sam. 17,34. 35, Dan. 6,23.

Hebribii 11:6

ši ké̱ hemo̱-ke̱-yeli be̱ le̱, anyẽṅ Nyoṅmo̱ hĩe asa; edšake̱ moni baä Nyoṅmo̱ ṅõ le̱, dša ehe eye ake̱ eye̱, ni edši mei ní taoo ese̱gbe̱ le̱ anyõmo̱wolo̱ hũ.

Yakobo 1:2

Minyemimei, ke̱dši nyegbē kāi sro̱toi pī amli le̱, *nyebuale̱ mĩše̱ so̱ṅṅ; *Rom. 5,3-5.

Yakobo 5:10

Minyemimei, nyeṅõa gbalo̱i ni wie ye̱ Nuṅtšo̱ le̱ gbe̱i amli le̱ nyefea amanehũlũ ke̱ tšuišiṅmĕ he okadi. Mat. 5,12.

1 Petro 4:13

ši moṅ babaō ni *nyenaä Kristo amanehũlũi le̱ eko le̱, †nyemi aše̱a, koni enumnyam kpodšiemo̱ le̱ mli hũ nyemī aše̱ ni nyemli aflinye. *Rom. 8,17. †Bo̱f 5,41. Iak. 1,2.

Rut Wolo Lɛ 2:12

Iehowa atoö onii ní otšu le̱ nã-dšiaṅ, ni Iehowa, Israel Nyoṅmo̱ le̱, mo fĩdši ašiši abo ni obaba ne̱, awoö nyõmo̱ šišīši!