Mateo 24:22 - Ṅmãle̱ Kroṅkroṅ Le̱

²² Ni ké̱ afoo no gbĩĩ le̱ ano̱ kpitiō le̱, kũle̱ ahereṅ helo ko helo ko yiwala; ši mei ni ahala le̱ ahewo̱ le̱ aafo no gbĩĩ le̱ ano̱ kpitiō.

ŊMALƐ KRƆŊKRƆŊ LƐ

²² Ni kɛ afooo nakai gbii lɛ anɔ lɛ, ahereŋ heloo ko heloo ko yiwala; shi mɛi ni ahala lɛ ahewɔ lɛ aaafo nɔ.

Mateo 24:22 ပူးပေါင်းရင်းမြစ်များ

Yesaia 6:13

Ši ké̱ ſe̱ emlidšāi nyoṅma mli ekome ye̱ no̱ tete le̱, aakũ se̱ akpãtã ame̱hĩe; tamo̱ tšo kple ko lo odum ko ni atō agbē ši ní eſe̱ ekuku; seši *kroṅkroṅ dši ekuku le̱, *4,8.

Zakaria 13:8

Ni aaba mli ake̱ šikpoṅ le̱ no̱ fẽ le̱, Iehowa ké̱, aaplenē mei ní yo̱ no̱ le̱ amlidšãi enyo̱, ni ame̱agboi, ši mlidšà ní dši etẽ le̱ aaſe̱ ye̱ no̱. Ies. 6,13.

Zakaria 14:2

Ni mabua *dšeṅmãdši fẽ nā mawo Ierusalem he ní ame̱ke̱le̱ abawu, ni aaṅõ maṅ le̱, ni aaha šĩai le̱, ni yei le̱, aatoame̱ kebonā, ni maṅ le̱ fã aadše kpo ke̱-ate nomṅō̃ mli, ni maṅ le̱ mli mei ní aaſe̱ le̱ aplenēṅame̱ ye̱ mã le̱ṅ. *12,3.

Mateo 22:14

Edšake̱ atšé̱ mei pī moṅ; ši mei flō ahala.

Mateo 24:24

Edšake̱ amalekristoi ke̱ amalegbalo̱i aate ši ni ame̱afe okadii wudši ke̱ aſãii ame̱tšō, ni aabo kũle̱, aalaka mei ní ahala le̱ tete. K. 5. 11. 5 Mose 13,2-4. 2 Tes. 2,3. 9.

Mateo 24:31

Ni eetšũ ebo̱foi le̱ ke̱ *te̱tre̱mantre̱ ní gbē wā, ni ame̱abua emei ní ahala le̱ anā ke̱-adše̱ kō̱yo̱i edſe̱ le̱ no̱, ke̱-adše̱ ṅwei nāgbēhe kome no̱ ke̱-yaši nāgbēhe kroko le̱ no̱. *1 Kor. 15,52. 1 Tes. 4,16. Kpods. 8,1. 2.

Marko 13:20

Ni dša Nuṅtšo̱ le̱ fo gbĩĩ le̱ ano̱, ké̱ dšee nakai le̱, ahereṅ helo ko helo ko yiwala; ši halamo̱bii ní ehala le̱ ahewo̱ le̱ efo gbĩĩ le̱ ano̱.

Luka 18:7

Ni ké̱ Nyoṅmo̱ aakũ ehĩe afõ ehalamo̱bii ṅi blo̱ō̱ tšé̱o̱le̱ ſane ke̱ nyōṅ le̱ no̱ āhũ tete le̱, aso ebafã́ṅ ame̱he?

Romabii 9:11

ši beni anáko afo̱ bii le̱ ni ame̱sā ame̱tšuko nōkpakpa ko alo nõfõṅ ko le̱, beni afe ni Nyoṅmo̱ yiṅ ní eto ye̱ halamo̱ nā le̱ amā ši,

2 Timoteo 2:10

Ene̱hewo̱ le̱ mimĩaä mihĩe ye̱ sãdši fẽ mli *ye̱ mei ni ahalaame̱ le̱ ahewo̱, koni ame̱ hũ ame̱nine aše̱ walaheremo̱ ni yo̱ Kristo Iesu mli le̱ ke̱ nāno̱ anumnyam le̱ no̱, *Kol, 1,24.

1 Petro 1:1

Petro, ni dši Iesu Kristo bo̱fo le̱, ṅmã yahã gboi ní egbe̱ eſã Ponto, Galata, Kapadokia, Asia ke̱ Bitinia le̱ ní dši mei ní ahala, Iak. 1,1.