Mateo 22:16 - Ṅmãle̱ Kroṅkroṅ Le̱

¹⁶ Ni ame̱tšũ ame̱kaselo̱i le̱ ke̱ *Herodebii le̱ ke̱-ba eṅõ ame̱bakē̱: Tšõlo̱, wo̱le ake̱ ano̱kwafo dšĩo ni otšõo̱ Nyoṅmo̱ gbe̱ le̱ ye̱ ano̱kwale mli, ni okpaa gbomei amli; edšake̱ okwe̱e̱ gbomei ahĩeaṅ; *Mar. 8,6.

ŊMALƐ KRƆŊKRƆŊ LƐ

¹⁶ Ni amɛtsu amɛkaselɔi lɛ kɛ Herodebii lɛ kɛba eŋɔɔ amɛbakɛɛ, “Tsɔɔlɔ, wɔle akɛ anɔkwafo ji bo, ni otsɔ̃ɔ Nyɔŋmɔ gbɛ lɛ yɛ anɔkwale mli, ni osheee mɔ ko gbeyei, ejaakɛ okwɛɛɛ gbɔmɛi ahiɛiaŋ;

Mateo 22:16 ပူးပေါင်းရင်းမြစ်များ

1 Maŋtsɛmɛi 22:14

Ši Mikaia kē̱: Gbĩĩabo̱ ni Iehowa hĩe kã ne̱, noni Iehowa aakē̱mi le̱, no mawie!

Lalai 12:2

Buamo̱wo̱, Iehowa! edšake̱ hetšelo̱i mītã, edšake̱ ano̱kwafoi ase̱ mīfo ye̱ gbomei abii ateṅ.

Lalai 5:9

Iehowa, wami ye̱ odšale̱ le̱ mli ye̱ mei ni he tšẽo̱mi le̱ ahewo̱; dšadšemo̱ ogbe le̱ ye̱ mihĩe!

Lalai 55:21

Ewó enine no̱ ye̱ mei ni dši enanemei kpakpai ano̱, ebuleo̱ ekpãṅmo̱ le̱.

Abe̱i 29:5

Moni do̱ko̱ö̱ enā ehãa enanyo le̱, ēṅmẽ yā ehã enãdšifãmo̱i.

Maleaki 2:6

Ano̱kwale mla le̱ kã edāṅ, ni anaa sane ní edšaa ye̱ enãbu, hedšo̱le̱ ke̱ dšale̱ mli eke̱mi nyie ye̱, ni ekpale mei babaō ke̱-dše̱ nõša mlì.

Maleaki 2:9

Nohewo̱ le̱ mi hũ mihã nyehe guo̱ egbo, ni nyeba ši ye̱ maṅ mũ le̱ fẽ hĩe, take̱ bo̱ noṅṅ ni nyenyiee migbe̱i le̱ ano̱, ši moṅ mei ahĩeaṅ nyekwe̱o̱ ye̱ mla le̱ mli le̱.

Mateo 22:24

Tšõlo̱, *Mose kē̱ ake̱: Ke̱dši moko gbo ní ešĩĩ bii ye̱ ese̱ le̱, enyemi aṅõ eṅã le̱, koni ewo ſĩei ehã enyemi le̱. *5 Mose 25,5. 6.

Mateo 22:26

Nakai noṅṅ kã no̱ ke̱-tšṍ moni dši enyo̱ le̱ ke̱ moni dši etẽ le̱ no̱ ke̱-yaši moni dši kpawo le̱ no̱.

Mateo 26:18

Ni ekē̱: Nyeyaä mā le̱ṅ ni nyeyakē̱a ašimaši ake̱: Tšõlo̱ le̱ kē̱: Mihe le̱ eše̱ etã; owe le̱ mike̱ mikaselo̱i le̱ baye Hehō le̱ ye̱. 21,8.

Mateo 26:49

Ni amrō le̱ eba Iesu ṅō ebakē̱: Oſĩē, Rabi! ni eſo̱ enā.

Marko 10:17

Ni beni edše kpo eyaä gbe̱ le̱ no̱ le̱, moko hīe foi ke̱-baninale̱ ni ebakũla ehĩe, ni ebile̱ ake̱: Tšõlo̱ kpakpa, meni mafe ni maná nāno̱ wala?

Marko 12:13

Ni ame̱tšũ Farisifoi le̱ ke̱ *Herodebii le̱ ateṅ meikomei ke̱-ba eṅõ, koni ame̱bamõ enā enyo̱ṅ ye̱ wiemo̱ mli. *3,6.

Marko 12:14

Ši beni ame̱ba le̱, ame̱kē̱le̱ ake̱: Tšõlo̱, wo̱le ake̱ ano̱kwafo dšio, ni okpaa gbomei amli; edšake̱ okwe̱e̱ gbomei ahĩeṅtšei ano̱, ši moṅ otšõo̱ Nyoṅmo̱ gbe̱ le̱ ye̱ ano̱kwale mli: Ani edša ake̱ atšũo̱ onĩa ahãa Kaisare, alo edšaa? Wó̱hã, lo wo̱kahã?

Marko 3:6

Ni Farisifoi le̱ dše kpo, ni amrõ le̱ ame̱ke̱ *Herodebii le̱ te eyi no̱ apãm, bo̱ni ame̱afe ni ame̱kpãtã ehĩe. *Mat. 22,16.

Marko 8:15

Ni efã́ame ekē̱: Nyekwe̱a dšogbāṅ, *ni nyehĩe ahĩa nyehe no̱ ye̱ Farisifoi le̱ amõša ke̱ †Herode mãša le̱ hewo̱! *Luk. 12,1. †3,6.

Luka 20:21

Ni ame̱bile̱ ake̱: Tšõlo̱, wo̱le ake̱ owieo̱ ni otšõo̱ nii dšale̱ nā, ni asaṅ okwe̱e̱ gbomei ahĩeaṅ, ši moṅ ano̱kwale mli otšõo̱ Nyoṅmo̱ gbe̱ le̱ ye̱:

Luka 7:40

Nĩ Iesu here no̱ ni ekē̱le̱ ake̱: Simon, miye̱ sane ko ní mibakē̱o. Ni ekē̱: Tšõlo̱, kē̱mo̱!

Yohane 14:6

Iesu kē̱le̱ ake̱: Mi noṅṅ dši *gbe̱ le̱ ke̱ †ano̱kwale le̱ ke̱ **wala le̱; ††moko baa tše̱ le̱ ṅõ, ake̱ dša etšṍ mino̱. *Heb. 10,20. †Mat. 11,27. **Ioh. 11,25. ††Rom. 5,1. 2.

Yohane 18:37

Nohewo̱ le̱ Pilato kē̱le̱ ake̱: Bĕle̱ maṅtše̱ dšio kẽ? Iesu here no̱ ake̱: Oke; edšake̱ maṅtše̱ dšimi. Mi le̱, ene̱hewo̱ afo̱mi ni ene̱hewo̱ noṅṅ miba dše le̱ mli, koni mibaye ano̱kwale le̱ he odase. Mofẽmo ní dše̱ ano̱kwale le̱ mli le̱ nuo̱ migbē. 1 Tim 6,13.

Yohane 7:18

Moni too̱ le̱dientše̱ eyi ewieo le̱, le̱dientše̱ *enumnyam etaoo̱, ši moni taoo̱ moni tšũle̱ le̱ anumnyam le̱, le̱ le̱ ano̱kwafo dšile̱, ni kũtũmpo̱o sane ko be̱ emli. *5,41. 44.

2 Korintobii 2:17

Edšake̱ wo̱fee tamo̱ mei pī ni futuo̱ Nyoṅmo̱ wiemo̱ le̱, ši moṅ wo̱wieo̱le̱ ṅmīṅmi bo̱ni edše̱ Nyoṅmo̱ mli le̱ ye̱ Nyoṅmo̱ hĩe, ye̱ Kristo mli. 1,12.

2 Korintobii 4:2

ši wo̱gu hĩegbedšianii ní aṅõ-tē le̱, ni wo̱baa wo̱dšeṅ *ye̱ kũtũmpo̱o mli, ni asaṅ wo̱futuu Nyoṅmo̱ wiemo̱ le̱, ši moṅ wo̱ke̱ ano̱kwale le̱ kpodšiemo̱ le̱ dšieo̱ wo̱he wo̱tšõo̱ gbomei ahenilē fẽ ye̱ Nyoṅmo̱ hĩe. *2,17. 1 Tes. 2,5.

2 Korintobii 5:16

Nohewo̱ le̱, ke̱-dše̱o̱ ṅme̱ne̱ no̱ ke̱-yaä ne̱, wo̱lee mokomoko doṅṅ ye̱ helo mli; ni ké̱ helo mli wo̱le Kristo ye̱ tete le̱, kẽle̱ agbe̱ne̱ le̱ wo̱leele̱ nakai doṅṅ.

Galatabii 1:10

Edšake̱ be ne̱ le̱, *gbomei ahīe gbe̱ mitaoo̱ alo Nyoṅmo̱ hĩe gbe̱? alo mĩtao gbomei ahīe masa? Edšake̱, ké̱ mikã he mĩsa gbomei ahĩe lolo le̱, dšee Kristo tšũlo̱ dšimi. *1 Tes. 2,4.

Galatabii 2:6

Ši mei ni abuo̱ame̱ ake̱ ame̱yo̱ gbe̱i le̱, — bo̱fẽbo̱ ni ame̱yo̱ sá le̱, dšee mihe sane ko, Nyoṅmo̱ kwe̱e̱ gbomo hĩe ehalaa le̱, — edšake̱ mi le̱, mei ni abuo̱ame̱ le̱, ame̱tšõõmi noko ame̱fataa he;

5 Mose 33:9

Moni *kē̱ ye̱ etše̱ ke̱ enye he ake̱: Minakole̱! ni enyemimei le̱, ekwe̱e̱ ame̱hĩe, ní ebii le̱, eleeame̱ le̱; edšake̱ ame-kpe̱te̱ owiemo̱ le̱ he, ni ame̱ye okpãṅmo̱ le̱ no̱; *Mat. 10,37. 2 Mose 32,26-29.

1 Tesalonikabii 2:4

ši moṅ take̱ bo̱ni Nyoṅmo̱ ebuwo̱ mei ni sa ake̱ *atu sanekpakpa le̱ awo wo̱deṅ le̱, nakai wo̱wieo̱, †dšee bo̱ni sa gbomei ahĩe, ši moṅ bo̱ni sa Nyoṅmo̱ ni kaã wotšuii kweo le̱ hĩe. *1 Tim. 1,11. †Gal. 1,10.

Yakobo 3:17

Ši nilē ni dše̱ ṅwei le̱, tšutšu le̱ ehe tše, no se̱ le̱ ehe dšo̱, ehíe kã ši, eboo̱ toi, eyi obõ ke̱ mo̱bo̱nale̱ ke̱ yibii kpakpai, edšee ṅwane, efee osato.

1 Yohane 5:20

ši wo̱le ake̱ Nyoṅmo̱ bi le̱ éba, ni ébahãwo̱ dſēṅmo̱ koni wo̱le ano̱kwafo le̱; ni wo̱ye̱ ano̱kwafo le̱ mli, ye̱ ebi Iesu Kristo le̱ mli; mone̱ dši *ano̱kwa Nyoṅmo̱ le̱ ke̱ nāno̱ wala le̱. *Ioh. 17,3. Rom. 9,5.