Mateo 21:5 - Ṅmãle̱ Kroṅkroṅ Le̱

⁵ “Nyekē̱a *Zion biyō le̱ ake̱: Na, omaṅtše̱ le̱ miba oṅõ, ehe dšo̱ ni etá tedši no̱ ke̱ tedši ní dši nitšumo̱kolo le̱ bi no̱.” *Zak. 9,9. Ies. 62,11.

ŊMALƐ KRƆŊKRƆŊ LƐ

⁵ “Nyɛkɛa Zion biyoo lɛ akɛ, naa, omaŋtsɛ lɛ miiba oŋɔɔ. Ehe jɔ, ni eta teji nɔ kɛ teji ni ji nitsumɔ kooloo lɛ bi nɔ.”

Mateo 21:5 ပူးပေါင်းရင်းမြစ်များ

1 Mose 49:10

Maṅtše̱tšo edšeṅ Iuda deṅ, ni no̱yelitšo hũ edšeṅ enãdši ateṅ, ke̱-yaši beyino̱ ni mo nõ ni dši le̱ aaba, ni le̱ toi mãdšimãdši le̱ aabo. 4 Mose 24,17; 1 Kron. 5,2; 28,4. Heb. 7,14.

2 Samuel 16:2

Ni maṅtše̱ le̱ kē̱ Ziba ake̱: Meni oyafe ene̱mei ahe? Ni Ziba kē̱: Tedšii le̱ aṅõ-hã maṅtše̱ we le̱ ní ame̱trá no̱, ni abolo ke̱ tšeiayibii le̱ oblahĩĩ le̱ anõṅ ní ame̱ye, ní wein le̱, ké̱ eto̱ moko ye̱ ṅã le̱ no̱ le̱ ní enu.

1 Maŋtsɛmɛi 1:33

Ni maṅtše̱ le̱ kē̱ame̱ ake̱: Nyeṅõa nyenuṅtšo̱ tšũdši le̱ nyefataã nyehe, ni nyeke̱ Salomo atá midientše̱ mitedšiokpo̱ṅe̱ le̱ no̱ ni nyeke̱le̱ aya Gihon.

1 Maŋtsɛmɛi 10:26

Ni Salomo bua ſīlii ke̱ okpo̱ṅo̱i-atše̱mei anā; ni ená ſīlii akpe ke̱ ohai-edſe̱, ke̱ *okpo̱ṅo̱iatše̱mei akpei-nyoṅma-ke̱-enyo̱; ni eṅõame̱ eto ſīlii amãdši le̱ amli ke̱ maṅtše̱ le̱ ṅõ ye̱ Ierusalem, *5,6.

Lalai 9:14

Iehowa, nami mo̱bo̱! Kwe̱mo̱ mi-manehũlũ ní minaä ye̱ mei ní nye̱o̱mi le̱ adeṅ, bo moni owóo̱ mino̱ ke̱-dše̱o̱ gbĕle agbói le̱ amli,

Yesaia 12:6

Bo Zion biyō, blo̱mo̱ wā ni onyã́! edšake̱ Israel Mokroṅkroṅ le̱ ní yo̱ oteṅ le̱ da!

Yesaia 40:9

Kwo̱ ke̱-ya goṅ ni kwo̱ ko no̱, bo sanekpakpadšadšelo̱ Zion! wó ogbē no̱ ke̱ hewale̱, sanekpakpadšadšelo̱ Ierusalem! Wó no̱, kāše gbeyei; kē̱mo̱ Iuda mãdši le̱ ake̱: Na, nye-Nyoṅmo̱ le̱ ne̱!

Yesaia 62:11

Na, Iehowa ehã ašie̱ ke̱-te šikpoṅ le̱ nāgbēhe le̱ ake̱: *Nyekē̱a Zion biyō le̱ ake̱: Na, oyiwalaheremo̱ le̱ miba! na, ehĩe †enyõmo̱wo ke̱-mība, ni enãdšiaṅtō le̱ nyie ehĩe! *Zak. 9,9. †Ies. 40,10. Kpods 22,12.

Ezekiel 34:24

Ni mi, Iehowa, matšṍ ame̱-Nyoṅmo̱, ni mitšũlo̱ David aafe lumo̱ ye̱ ame̱teṅ; mi, Iehowa, miwie!

Ezekiel 37:24

Ni mitšũlo̱ *David aaye ame̱no̱ maṅtše̱, ni ame̱fẽ ame̱aná tōkwe̱lo̱ kome, ni †ame̱anyie mimlai le̱ amli, ni ame̱ato mikpo̱i le̱ ní ame̱ye no̱. *34,23. †36,27.

Hosea 1:7

Ši mimũsũṅ aatšõmi ye̱ Iuda we le̱ he, ni matšṍ Iehowa, ame̱-Nyoṅmo̱ le̱, no̱ mahere ame̱yiwala; ši dšee gãi lo klante lo ta lo okpo̱ṅo̱i lo okpo̱ṅo̱i-atše̱mei mike̱-ahere ame̱yiwala.

Mika 5:2

Nohewo̱ le̱ eeṅõame̱ ehã ke̱-yaši beyino̱ ni *yōfo̱yō le̱ aafo̱, ni enyemimei le̱ ateṅ mei ni eſe̱ le̱ †aakũ ame̱se̱ ke̱-aba Israelbii le̱ aṅõ. *Ies. 7,15. †Ies. 11,12.

4 Mose 24:19

Ni moko aadše̱ Iakob mli *aye no̱, ni eekpãtã mei ní aaſe̱ ye̱ mã le̱ṅ le̱ ahĩe. *Mika 5,1. 7. 8.

Mateo 11:29

Nyewoa mipã le̱ nyefõa nyeno̱, ni nyekaseami; ši mihe dšo̱, ni mibaã mihe ši ke̱-dše̱ mitsui mli; ni nyeaná hedšō̱mo̱ nyeahã nyesusumai le̱.

Mateo 2:2

Nẽgbe̱ Iudafoi amaṅtše̱ ní afo̱ le̱ yo̱? ši wo̱na eṅulami ye̱ bokã le̱, ni wo̱bale̱ dšámo̱ ne̱. 4 Mose 24,17.

Mateo 2:6

“Ni bo, Betlehem, Iuda šikpoṅ le̱, dšee bo dši bibiō fè fẽ ye̱ Iuda lume̱i le̱ ateṅ kwrā, ši omli lumo̱ ní aalē̱ mimaṅ Israel le̱ aadše̱.”

Mateo 21:6

Ni kaselo̱i le̱ te yafe bo̱ni Iesu fãame̱ le̱.

Luka 24:27

Ni ebõi ke̱-dše̱ Mose ke̱ gbalo̱i le̱ fẽ no̱, ni etšõame̱ nibii ní yo̱ ṅmãle̱i le̱ fẽ mli ye̱ ehewo̱ le̱ ašiši. 5 Mose 18,15. Lal. 22. Ies. 53.

Yohane 1:49

Natanael here no̱ ni ekē̱le̱ ake̱: Rabi, bo dši Nyoṅmo̱ bi le̱, bo dši Israel maṅtše̱ le̱. 2 Sam. 7,14. Lal. 2,7. Ioh. 6,69. Mat. 14,33; 16,16.

2 Korintobii 10:1

Ši mi Paulo dientše̱ mīkpanye fai ye̱ Kristo mlidšo̱le̱ ke̱ kpōfemo̱ le̱ hewo̱: mi, ni nyehĩe le̱ midši *hũmi ye̱ nyeteṅ, ši ke̱ mibe̱ nyeṅõ le̱, midšeo̱ ekã miwoo̱nye le̱. *1 Kor. 2,3.

5 Mose 17:16

Ši ekahĩ okpo̱ṅo̱i pī, ni asaṅ eke̱ maṅ le̱ akakũ se̱ ke̱-mīya Mizraim ye̱ okpo̱ṅo̱i *ayifále̱ hewo̱; edšake̱ Iehowa ekē̱nye ake̱: Nyekakũa nyese̱ nyeyatšṍa nakai gbe̱ le̱ no̱ gbĩkogbĩko doṅṅ! *1 Maṅ. 10,25. 28.

Kojolɔi 12:14

Ni eye̱ bihĩĩ nyoṅmai-edſe̱ ke̱ nã-bii hĩĩ hũ nyoṅmai-etẽ ní tráa tedšibii nyoṅmai-kpawo no̱. Ni ekodšo Israel afii kpānyo̱.

Kojolɔi 5:10

Nye mei ni nyetrá *tedšiyei ye̱dši ano̱, nye mei ní nyetrá kentei fe̱fe̱dši ano̱, nye mei ní nyenyie gbe̱ le̱ no̱, nyelaä! *10,4; 12,14.