Mateo 21:12 - Ṅmãle̱ Kroṅkroṅ Le̱

¹² Ni Iesu te Nyoṅmo̱ so̱lemo̱we le̱ ni eyaſie mei ní hõo̱ nii ke̱ mei ní heo̱ nii ye̱ so̱lemo̱we le̱, ni etšire̱ šikatšakelo̱i le̱ akplõi le̱ ke̱ mei ní hõo̱ okpoi le̱ amãṅõi le̱ etſiatſiā ši. Ioh. 2,14-16.

ŊMALƐ KRƆŊKRƆŊ LƐ

¹² Ni Yesu tee Sɔlemɔ we lɛ ni eyashwie mɛi ni hɔ̃ɔ nii kɛ mɛi ni heɔ nii yɛ Sɔlemɔ we lɛ, ni etsirɛ shikatsakelɔi lɛ akplɔ̃i lɛ kɛ mɛi ni hɔ̃ɔ okpoi lɛ asɛii lɛ etswiatswia shi.

Mateo 21:12 ပူးပေါင်းရင်းမြစ်များ

2 Mose 30:13

Noni ame̱hã ne̱: mei ní akaneo̱ le̱ ateṅ mofẽmo ní aaho le̱ ahã šekel fã ye̱ hekroṅkroṅ le̱ šekel le̱ nā (šekel kome feo̱ gerai nyoṅmai-enyo̱); šekel fã dši Iehowa no̱wómo̱-nikẽnii.

3 Mose 1:14

Ši ke̱dši loflõ eke̱-bašã šā̃-afo̱le ehã Iehowa le̱, eke̱ kose̱-okpoi lo šĩa-okpobii le̱ eko aba.

3 Mose 12:6

Ši ke̱dši egbe ehetšūmo̱ gbĩĩ le̱ anā ye̱ binū lo biyō hewo̱ le̱, eke̱ tōgwanteṅbi ní eye afi aba abahã ní ake̱-sã šā̃-afo̱le, ke̱ okpobi lo kose̱-okpo ní ake̱-šã *eša-afo̱le, ni eke̱-ba kpē-bū le̱ šĩnā le̱ nā eke̱-bahã oso̱fo le̱. *5,7.

3 Mose 12:8

Ši ké̱ enáá tōbi yinii le̱, no le̱ eṅõ kose̱-okpoi enyo̱ lo okpobii enyo ke̱-ba ebahã, ni ake̱ ekome afe šā̃-afo̱le, ni ekome hũ eša-afo̱le, ni oso̱fo le̱ akpãtã ahãle̱, ni ehe atše.

3 Mose 14:22

ke̱ kose̱-okpoi enyo̱ lo okpobii enyo̱ ní enine aše̱ no̱ le̱, ni aṅõ ekome afe eša-afo̱le, ni aṅõ ekome hũ afe šā̃-afo̱le; 5,7.

3 Mose 14:30

No se̱ le̱ eṅõ kose̱-okpoi lo okpobii le̱ ní enine še̱ no̱ le̱ ekome,

3 Mose 15:14

Ni gbĩ ní dši gbĩ kpānyo̱ le̱ no̱ le̱ eṅõ kose̱-okpoi enyo̱ lo okpobii enyo̱, ni eke̱-ba Iehowa hĩe ye̱ kpē-bū šĩnā le̱ nā, ni eke̱-bahã oso̱fo le̱. 5,7.

3 Mose 15:29

Ni gbĩ ní dši gbĩ kpānyo̱ le̱ no̱ le̱ eṅõ kose̱-okpoi enyo̱ lo okpobii enyo̱, ni eke̱-bahã oso̱fo le̱ ye̱ kpē-bū le̱ šĩnā le̱ nā. K. 14.

3 Mose 5:11

Ši ke̱dši ebe̱ kose̱-okpoi enyo̱ lo okpobii enyo̱ le̱ hũ yinii le̱, noni eke̱-bahã ye̱ eša ní efe le̱ hewo̱ ne̱: mā efa mlidšāi nyoṅma mli ekome ní ake̱-fe eša-afo̱le; *ekaṅõ mū ewo mli, ni ekaṅõ kro̱bo̱o efõ no̱, edšake̱ eša-afo̱le ni. *2,1.

3 Mose 5:7

Ši ke̱dši ebe̱ tō yinii le̱, eṅõ kose̱-okpoi enyo̱ alo okpobii enyo̱ ehã ake̱ sõ-afo̱le ye̱ eša ní efe le̱ hewo̱, ni eke̱-bahã Iehowa, ekome ake̱ eša-afo̱le, ni ekome hũ ake̱ šā̃-afo̱le.

Marko 11:11

Ni ebote Ierusalem ni ete so̱lemo̱we le̱; ni beni ekwe̱ dše̱i nibii fẽ ke̱-kpe ni še̱ gbe̱ke̱ le̱, edše dše̱i, ni eke̱ mei nyoṅma ke̱ enyo̱ le̱ te Betania.

Luka 2:24

ni ame̱yašã afo̱le, tamo bo̱ni akē̱ ye̱ *Nuṅtšo̱ le̱ mla le̱ mli ake̱: “Kose̱-okpoi enyo̱ alo šia-okpoi bibii enyo̱”. *3 Mose 12,8.

Yohane 2:13

Ni Iudafoi le̱ a-Hehō le̱ éše̱ étã, ni Iesu te Ierusalem.