Mateo 17:3 - Ṅmãle̱ Kroṅkroṅ Le̱

³ Ni na, Mose ke̱ Elia badšie ame̱he kpo tšõame̱, ni ame̱ke̱le̱ wie.

ŊMALƐ KRƆŊKRƆŊ LƐ

³ Ni naa, Mose kɛ Elia bajie amɛhe kpo amɛtsɔ̃ɔ amɛ ni amɛkɛ lɛ miiwie.

Mateo 17:3 ပူးပေါင်းရင်းမြစ်များ

1 Maŋtsɛmɛi 17:1

Ni Elia, Tišbinyo le̱, ni dše̱ Gileadbii le̱ ateṅ le̱, bakē̱ Ahab ake̱: Gbĩĩabo̱ ní Iehowa, Israel Nyoṅmo̱ le̱, mo hĩe ni midamoo̱ le̱, hĩe kã ne̱, *ke̱dši bó̱ lo nyoṅmo̱ aane̱ ye̱ afii ne̱ amli fĩ, dša mi miwie! *Iak. 6,17. Kpods. 11,6.

Mateo 17:2

Ni esu tšake ye̱ ame̱hĩe, ni ehĩe kpe̱ tamo̱ hũlũ, ni etadei le̱ yé̱ tamo̱ la. 2 Pet. 1,16-18.

Mateo 17:4

Ni yadše Petro nā le̱, ekē̱ Iesu ake̱: Nuṅtšo̱, ehĩ hãwo̱ ake̱ wo̱o̱hĩ bie̱; ke̱dši ōsumo̱ le̱, hã ní wo̱fe būi etẽ ye̱ bie̱, onõ ekome, ke̱ Mose nõ ekome, ke̱ Elia nõ ekome.

Marko 9:4

Ni Elia ke̱ Mose dšĩe ame̱he kpo ame̱tšõame̱, ni ame̱ke̱ Iesu bawie.

Luka 1:17

Ni eetšṍ ehĩe ye̱ Elia mumo̱ ke̱ ehewale mli, ni eyadro̱ tše̱mei atšuii ke̱-ba bii abe, ke̱ toigbolo̱i hũ ke̱-ba dšalo̱i anilē mli, ni esā maṅ ní éfe klalo eto Nuṅtšo̱ le̱. Mat. 17,11-13. Mal. 3,1. 23. 24.

Luka 16:16

Mla le̱ ke̱ gbalo̱i le̱ gba ke̱-baši Iohane no̱; ke̱-dše̱ nakai be le̱ no̱ ne̱ āšie̱ Nyoṅmo̱ maṅtše̱yeli le̱ he sanekpakpa le̱, ni mofẽmo boteo̱ mli ekā̃ nā. Mat 11,12. 13.

Luka 24:27

Ni ebõi ke̱-dše̱ Mose ke̱ gbalo̱i le̱ fẽ no̱, ni etšõame̱ nibii ní yo̱ ṅmãle̱i le̱ fẽ mli ye̱ ehewo̱ le̱ ašiši. 5 Mose 18,15. Lal. 22. Ies. 53.

Luka 24:44

Ni ekē̱ame̱ ake̱: Ene̱mei dši *miwiemo̱i ni mike̱nye wie beni mike̱nye yo̱ lolo le̱, ake̱ dša nibii fẽ ní aṅmã ye̱ †Mose mla le̱ ke̱ gbalo̱i le̱ ke̱ lalai le̱ amli ye mihewo̱ le̱ ná ba mli. *9,22; 18,31-33. †K. 27.

Luka 9:33

Ni beni ame̱kpaä ame̱he ke̱-dše̱o̱ eṅõ le̱, Petro kē̱ Iesu ake̱: Nuṅtšo̱, ehĩ ake̱ wo̱hĩo̱ bie̱, ni hã ní wo̱fe būi etẽ, onõ ekome ke̱ Mose nõ ekome ke̱ Elia nõ ekome; ši elee noni ekē̱o̱ le̱.

Yohane 1:17

Edšake̱ mla le̱, Mose no̱ atšṍ aṅõhã; ši dromo̱ ke̱ ano̱kwale le̱, Iesu Kristo ke̱-ba. Rom. 10,4.

5 Mose 18:18

Mibatē gbalo̱ ko ši mahãame̱ ke̱-adše̱ ame̱nyemime̱i le̱ ateṅ tamo̱ bo, ni mike̱ miwiemo̱i le̱ aawo enā, ni eewie nii fẽ ní mawole̱ he kitã le̱ etšoame̱.

5 Mose 34:10

Ni gbalo̱ ko etee ši doṅṅ ye̱ Israel ni tamo̱ Mose ní Iehowa ke̱le̱ kpe *hĩe ke̱ hĩe, *2 Mose 33,11. 4 Mose 12,6-8.