Mateo 15:31 - Ṅmãle̱ Kroṅkroṅ Le̱

³¹ Ni asafoi le anā kpe̱ ame̱he, beni ame̱na ake̱ mumuii miwie ni kpadšelo̱i eye emū ni obubuafoi minyie ni ſilafoi mīna nii le̱; ni ame̱wo Israel Nyoṅmo̱ le̱ hĩe nyam. Mar. 7,37.

ŊMALƐ KRƆŊKRƆŊ LƐ

³¹ Ni asafoi lɛ anaa kpɛ amɛhe, be ni amɛna akɛ mumuii miiwie, ni obubuafoi ahe ewa amɛ, ni akpaketsɛmɛi miinyiɛ, ni shwilafoi miina nii lɛ; ni amɛwo Israel Nyɔŋmɔ lɛ hiɛ nyam.

Mateo 15:31 ပူးပေါင်းရင်းမြစ်များ

1 Mose 32:28

Ni ebile̱ ake̱: Té ogbe̱iṅ? Ni ekē̱: Iakob.

1 Mose 33:20

Ni emã afo̱lešãlate̱ ye̱ dše̱i, ni ewole̱ gbe̱i ake̱ Israel Nyoṅmo̱ Mawu le nõ. 12,7. 8.

Lalai 50:15

Ni otšé̱mi ye̱ fīmo̱ gbĩ le̱ no̱: madšieo, ni oowo mihĩe nyam! Lal. 81,8; 91,15. Hiob 22,27.

Lalai 50:23

Moni šãa šidā-afo̱le le̱ ēwo mihĩe nyam, ni ēdše gbe̱ ni matšṍ no̱ matšõle̱ Nyoṅmo̱ yiwalaheremo̱ le̱!

2 Mose 24:10

ni ame̱na Israel Nyoṅmo̱ le̱; ni enanemā̃he le̱ fe *tamo̱ heni ake̱ safiro-te̱ eka, ni emli tše keṅkeṅ tamo̱ ṅwei dientše̱. *Ezek. 1,26.

Mateo 15:30

Ni asafoi pī ba eṅõ ame̱hĩe obubuafoi ke̱ ſilafoi ke̱ mumuii ke̱ kpadšelo̱i ke̱ meikrokomei pī; ni ame̱ke̱ame̱ baſie Iesu nādši anā; ni etšáame̱.

Mateo 18:8

Ši ke̱dši onine lo onane mītõtõ onane le̱, fo ye̱ ohe ni ošé̱ ofõ; fãṅ noni oke̱ nine kuku lo nane kuku bote wala mli fè noni oyo̱ nidši enyo̱ lo nãdši enyo̱ ni aašé̱o afõ nāno̱ la le̱ mli le̱. 5,29. 30.

Mateo 21:14

Ni ſilafoi ke̱ obubuafoi ba eṅõ ye̱ so̱lemo̱we le̱, ni etšáame̱.

Mateo 8:10

Ši beni Iesu nu ene̱ le̱, ehĩe fele̱ yā, ni ekē̱ mei ní nyie ese̱ le̱ ake̱: Le̱le̱ṅ, mīkē̱nye ake̱, Israel mli tete minako hemo̱-ke̱-yeli ní da tamo̱ ene̱ dã! 15,28.

Mateo 9:32

Ši beni nomei dšeo̱ kpo le̱, na, ake̱ mumui ko ní daimonio yo̱ emli ba eṅõ.

Mateo 9:33

Ni beni efa daimonio le̱, mumui le̱ wie. Ni mei le̱ anā kpe̱ ame̱he ame̱kē̱: Anako ne̱ke̱ noko pẽṅ ye̱ Israel!

Mateo 9:8

Ši beni mei le̱ na le̱, ame̱nã kpe̱ ame̱he, ni ame̱wo Nyoṅmo̱ hĩe nyam ake̱ éṅõ ne̱ke̱ hegbe̱ éhã gbomei.

Marko 2:12

Ni amrõ le̱ ete ši, ni ewó esā le̱ ni edše kpo ye̱ ame̱fẽ ame̱hĩe, ni ame̱fẽ ame̱nā kpe ame̱he, ni ame̱wo Nyoṅmo̱ hĩe nyam ame̱ke̱: Wo̱nako ene̱ eko dã!

Marko 7:37

Ni ame̱he dšõ ame̱he babaō dientše̱, ni ame̱kē̱: Efe nii fẽ dšogbāṅ! Ehãa toimũlo̱i nuo̱ nii, ni mumuii hũ wieo̱.

Marko 9:43

Ni ké̱ onine mītõtõ onane le̱, fṍ; fãṅ noni oke nine kome bote wala mli fè noni oke̱ nidsi enyo̱ ate gehena mli, ye̱ la ni gboo le̱ mli le̱ Mat. 5,30.

Luka 14:13

Ši ké̱ oṅmẽ okplõ le̱, kpēmo̱ ohĩafoi ke̱ kpadšelo̱i ke̱ akpakei ke̱ ſilafoi moṅ, 5 Mose 14,29.

Luka 14:21

Ni ne̱ke̱ tšũlo̱ ne̱ ba ni ebadšadše nii ne̱ fẽ etšõ enuṅtšo̱ le̱. Ke̱ke̱ ni šĩatše̱ le̱ mli fũ, ni ekē̱ tšũlo̱ le̱ ake̱: Dše kpo mrãmrã ke̱-ya mã le̱ṅ blohũi le̱ ke̱ fo̱dši le̱ amli, ni oyaṅõ ohĩafoi ke̱ kpadšelo̱i ke̱ ſilafoi ke̱ akpakei ke̱-ba bie̱.

Luka 18:43

Ni amrō le̱ noṅṅ ena nii, ni enyie ese̱ ni ewo Nyoṅmo̱ hĩe nyam; ni beni asafo le̱ fẽ na le̱, ame̱dšie Nyoṅmo̱ yi.

Luka 7:16

Ši gbeyei mõmo̱ame̱ fẽ, ni ame̱wo Nyoṅmo̱ hĩe nyam ame̱kē̱: Gbalo̱ kpeteṅkple éte ši ye̱ wo̱teṅ, ni *Nyoṅmo̱ ebasra emaṅ le̱. *1,68.

Yohane 9:24

Ke̱ke̱ ni ame̱tšé̱ nū ní sá ni edši ſilafo le̱, noni dši ši enyo̱, ni ame̱kē̱le̱ ake̱: Ṅõ anumnyam *ohã Nyoṅmo̱; ši wo̱ le̱ wo̱le ake̱ gbomo ne̱ ešafelo dšile̱. *Ios. 7,19.