Mateo 13:52 - Ṅmãle̱ Kroṅkroṅ Le̱

⁵² Ši ekē̱ame̱ ake̱: Nohewo̱ le̱, woloṅmãlo̱-fẽ-woloṅmãlo̱ ní afele̱ kaselo̱ aha ṅwei maṅtše̱yeli le̱, etamo̱ šĩatše̱ ko ní dšieo̱ nii hēi ke̱ nii memedši ke̱-dše̱o̱ edſetri le̱ṅ.

ŊMALƐ KRƆŊKRƆŊ LƐ

⁵² Ni ekɛɛ amɛ akɛ, “No hewɔ lɛ, mlatsɔɔlɔ fɛɛ mlatsɔɔlɔ ni afee lɛ kaselɔ, ahã ŋwɛi maŋtsɛyeli lɛ, etamɔ shĩatsɛ ko ni jieɔ nii hei kɛ nii memeji kɛjeɔ ejwetri lɛ mli.”

Mateo 13:52 ပူးပေါင်းရင်းမြစ်များ

Ezra 7:10

Edšake̱ Ezra ke̱ etšui efõ no̱ ake̱ eetao Iehowa mla le̱ se̱gbe̱ ni eye no̱, ni etšõ mei akpo̱i le̱ ke̱ mlai le̱ ye̱ Israel.

Ezra 7:21

Ni mi, maṅtše̱ Artašasta, mīwo dſetritolo̱i fẽ ní yo̱ fā le̱ se̱ le̱ akpo̱ ake̱ nofẽno ní oso̱fo Ezra, ní dši ṅwei Nyoṅmo̱ le̱ mla le̱ ṅmãlo̱ le̱, aabinye le̱, abo̱ mo̱deṅ ni afe,

Ezra 7:6

ne̱ke̱ Ezra ne̱ yiṅ ke̱-dše̱ Babel ke̱-ba; ni edši woloṅmãlo̱ ni le Mose mla le̱ ni Iehowa, Israel Nyoṅmo̱ le̱, wo le̱ mli dšogbãṅ; ni Iehowa, e-Nyoṅmo̱ le̱, *nine ni fata ehe hewo̱ le̱, nibii ni etaoe̱ fẽ le̱, maṅtše̱ le̱ hãle̱ hegbe̱. *K. 9. 28; 8,18. 32. Neh. 2,8.

Abe̱i 11:30

Dšalo̱ yibii le̱ *walatšo ni, ni moni le nii le̱, enine še̱o̱ susumai ano̱. *3,18; 15,4.

Abe̱i 15:7

Nilelo̱i anābu gbe̱o̱ nilē ſãa; ši kwašiai atšui le̱, efĩĩ ši.

Abe̱i 18:4

Gbomo dāṅ wiemo̱i tamo̱ nui ní mli kwō̱lo̱ ke̱ fā ní hoo̱ ke̱ nilē nubu.

Salomo Lalai 7:13

[12.] hã wo̱te ši mãṅkẽ mrã ní wo̱ya weintromi le̱ amli, ni wo̱yakwe̱, ake̱ *weintšo le̱ mīfro̱ke ni ēgba afofro, ní granatatšei le̱ hũ, fo̱fo̱i ye̱ no̱ lo: dše̱i maṅõ misuomo̱ le̱ mahão ye̱. *6,11.

Mateo 12:35

Gbomo kpakpa dšieo̱ nikpakpai ke̱-dše̱o̱ etšuiṅ dſetri kpakpa le̱ mli; ni gbomo fõṅ hũ dšieo̱ nifõdši ke̱-dše̱o̱ etšuiṅ dſetri fõṅ le̱ mli.

Mateo 13:51

Iesu kē̱ame̱ ake̱: Nyéna nii ne̱ fẽ šiši lo? Ame̱kē̱le̱ ake: Hē̃, Nuṅtšo̱!

Mateo 13:53

Ni eba mli ake̱, beni Iesu egbe abe̱buai ne̱ anā le̱, edše dše̱i;

Mateo 23:34

Nohewo̱ le̱, na, mi mītšũ gbalo̱i ke̱ nilelo̱i ke̱ *woloṅmãlo̱i ke̱-ba nyeṅõ, ní nyeagbe ame̱teṅ meikomei ni nyease̱ṅ meikomei, ni meikomei le̱ nyeayiame̱ kplebii ye̱ nyekpēhei le̱, ni nyeawaame̱ yi ke̱-adše̱ maṅ mli ke̱-ate maṅ mli. *13,52.

Mateo 28:19

Nohewo̱ le *nyeyaä ní nyeyafea dšeṅmãdši fẽ mikaselo̱i, nyebaptisiaame̱ nyewoa Tše̱ le̱ ke̱ Bi le̱ ke̱ Mumo̱ kroṅkroṅ le̱ gbe̱i amli, *Mar. 16,15. 16.

Luka 11:49

Ene̱hewo̱ noṅṅ ni Nyoṅmo̱ nilē le̱ kē̱: Mibatšũ gbaloi ke̱ bo̱foi ke̱-ya ame̱ṅõ, ni ame̱agbe ame̱teṅ meikomei ni ame̱awa ame̱teṅ meikomei ayi,

Yohane 13:34

Kitã hē miṅõ-hãanye, ake̱ nyesumo̱ nyehe; take̱ bo̱ni misumo̱nye le̱, nakai nye hũ nye-sumo̱a nyehe. 15,12. 13. 17.

2 Korintobii 6:10

tamo̱ ṅko̱mo̱yelilo̱i, ši wo̱mī še̱o̱ dā; tamo̱ ohĩafoi, ši wo̱tšakeo̱ mei pī wo̱feo̱ame̱ niiatše̱mei; tamo̱ mei ní be̱ noko, ni kẽle̱ wo̱ye̱ nii fiā. Fil. 4,12. 13.

Efesobii 3:4

noni, ké̱ nyekane le̱, nyeanyẽ nyeke̱ yo mišišinamo̱ ni miyo̱ ye̱ Kristo tẽmo̱-sane le̱ mli;

Efesobii 3:8

mi ni midši *bibiõ fẽ hetšelo̱i le̱ fẽ le̱, aṅõ ne̱ke̱ dromo̱ ne̱ ahãmi, ake̱ midšadše Kristo †nifále̱ ni anyẽẽ šiši ana ke̱-gbe nā le̱ he sanekpakpa le̱ mitšõ **dšeṅmãdši le̱, *1 Kor. 15,9. 10. †Ef. 1,7. **Gal. 1,16

Kolosebii 1:7

take̱ bo̱ni nyekase hũ ye̱ *Epafra, moni dši wo̱nanyo-tšũlo̱ ni wo̱sumoo̱, ni dši Kristo anokwa-sũolo hãnye le̱ nā le̱, *4,12.

Kolosebii 3:16

Nyehãa Kristo wiemo̱ le̱ ahĩa nyemli babaō ye̱ nilē-fē-nilē mli; ni nyetšõa nyehe nii ni nyewiea nyetšõa nyehe ye̱ *saṅkũtſãi ke̱ yidšiemo̱lalai ke̱ mumo̱ṅ-lalai amli, ni nyeke̱ šidã alaā ye̱ nyetšuii amli nyehãa Nyoṅmo̱; *Ef. 5,19.

1 Timoteo 3:6

Asaṅ dšee moni bote Nyoṅmo̱ dšámo̱ mli etše̱ko, koni ekawo ehe no̱ ní egbē abonsam kodšomo̱ mli.

Tito 1:9

moni hīeo̱ tšõmo̱ le̱ nā ano̱kwa wiemo̱ le̱ mli, koni enyẽ ewie etšõ mei ye̱ nitšõmo̱ ni tšáa mo le̱ mli, ni mei ni kũo̱ wiemo̱ nā le̱ hũ, ekā ame̱hìe.