Mateo 12:41 - Ṅmãle̱ Kroṅkroṅ Le̱

⁴¹ Ninivehĩĩ le̱ aate ši awo ne̱ke̱ yino̱bii ne̱ ye̱ kodšomo̱ le̱ mli, ni ame̱abuame̱ fo̱; edšake̱ ame̱tšake ame̱tšuii ye̱ Iona šie̱mo̱ le̱ nā; ni na, moni fẽ Iona ye̱ bie̱. Iona 3,5.

ŊMALƐ KRƆŊKRƆŊ LƐ

⁴¹ Nineve hii lɛ kɛ nɛkɛ yinɔbii nɛɛ aaate shi yɛ kojomɔ lɛ mli, ni amɛaabu amɛ fɔ; ejaakɛ amɛtsake amɛtsui yɛ Yona shiɛmɔ lɛ naa; ni naa, nɔ ko ni fe Yona shiɛmɔ lɛ yɛ biɛ.

Mateo 12:41 ပူးပေါင်းရင်းမြစ်များ

Yesaia 54:17

Tawūnii ní asõo̱ ašio̱o le̱ eko eko nyẽṅ noko afe, ni lile̱i-fē-lile̱i ní aate ši ni eke̱o akodšo le̱, oobule̱ fo̱. Ene̱ dši Iehowa tšũdši le̱ agbošinii, ke̱ ame̱-dšale̱ ní dše̱ mideṅ, Iehowa kē̱!

Yeremia 3:11

Ni Iehowa kē̱mi ake̱: Se̱se̱yalo̱ Israel etšõ ehe ake̱ dšalo̱ fè kũtũmpo̱fo Iuda.

Yona 1:2

Te ši ni oya Ninive maṅ kpeteṅ-kple le̱ṅ, ni oyašie̱ ošile̱, edšake̱ ame̱nifõdšianii le̱ ehaše̱ mihĩe!

Yona 3:4

Ni Iona bõi maṅ le̱ mli botemo̱ gbĩ kome gbe̱nyiemo̱, ni ešie̱ ni ekē̱: Bie̱ gbĩĩ nyoṅmai-edſe̱ se̱ le̱ ababutu Ninive!

Mateo 12:39

Ši ehere no̱ ekē̱ame̱ ake̱: Yino̱bii fõdši ke̱ gblãfitelo̱i mītao okadi; ši ahãṅame̱ okadi ko, ake̱ dša gbalo̱ Iona okadi le̱.

Mateo 12:42

Wuoyigbe̱ maṅnye le̱ aate ši awo ne̱ke̱ yino̱bii ne̱ ye̱ kodšomo̱ le̱ mli, ni eebuame fo̱; edšake̱ *edše̱ šikpoṅ le̱ nāgbēhe ebabo Salomo nilē le̱ toi; ni na, moni fè Salomo ye̱ bie̱. *1 Maṅ. 10,1-10.

Mateo 12:45

Ke̱ke̱ le̱ eyaä ni eyaṅõo̱ mumo̱i krokomei kpawo ní dši meifõdši fēle̱ eke̱-fataä ehe; ni ame̱haã ame̱bahĩo̱ dše̱i; *ni nakai gbomo le̱ nāgbēšihĩle̱ le̱ tšṍo̱ eſõṅ fè kleṅkleṅnõ le̱. Nakai noṅṅ aafe yino̱ fõṅ ne̱ hũ. *2 Pet. 2,20.

Mateo 12:6

Ši mīkē̱nye ake̱, moni fè so̱lemo̱we le̱ ye̱ bie̱.

Mateo 16:4

Yino̱bii fõdši ke̱ gblãfitelo̱i mītao okadi, ši *ahãṅame̱ okadi ko, ake̱ dša gbalo̱ Iona okadi le̱. Ni ešĩame̱ eyiṅ ete. *12,39. 40.

Mateo 17:17

Ši Iesu here no̱ ni ekē̱: Ō yino̱bii ní hee yee ní *be̱ ame̱ṅe̱le̱no̱! Mẽ beyino̱ mike̱nye aahĩ ši ke̱-yaši? Mẽ beyino̱ noṅṅ mahĩenye ke̱-yaši? Nyeke̱le̱ abaä miṅō ye̱ bie̱! *5 Mose 32,5.

Mateo 23:36

Le̱le̱ṅ, mīkē̱nye ake̱: Ene̱mei fẽ aaba yino̱bii ne̱ ano̱.

Luka 11:32

Ninivebii le̱ ke̱ ne̱ke̱ yino̱bii ne̱ aate ši ye̱ kodšomo̱ le̱ mli ni ame̱abuame̱ fo̱, edšake̱ ame̱tšake ame̱tšui ye̱ Iona šie̱mo̱ le̱ nā; ni na, moni fè Iona ye̱ bie̱. Iona 3,5.

Yohane 3:31

Moni *dše̱ ṅwei ba le̱, efè mei fẽ. Moni dše̱ šikpoṅ no̱ le̱, šikpoṅ le̱ no̱ edše̱, ni šikpoṅ le̱ he ewieo̱. Moni dše̱ ṅwei ba le̱, efè mei fẽ, *8,23.

Yohane 4:12

Ani ofè wo̱tše̱ Iakob ni hãwo̱ nubu le̱, ni le̱dientše̱ enu mli nu, ke̱ ebii ke̱ ekoloi le̱?

Romabii 2:27

ni fo̱mo̱ṅ fõlo̱ le̱ ní yeo̱ mla le̱ no̱ le̱ aakodšo bo ní otšṍ ṅmãle̱-okadi ke̱ ketiafō no̱ ofe ohe mlatõlo̱ le̱.

Hebribii 11:7

Hemo̱-ke̱-yeli Noa hũ *ke̱-bu Nyoṅmo̱, beni efãle̱ ye̱ nii ni anako le̱ ahewo̱ le̱, ni eke̱-sā adeka ehã ewe le̱ yiwalaheremo̱, no no̱ hũ etšṍ ni ebu dše neṅ fo̱, ni etšṍ hemo̱-ke̱-yeli nā †dšale̱ le̱ yelo̱ le̱. *1 Mose 6,8. 9. 13-22. Rom. 4,20. †Rom 3,22. 24.