Mateo 12:34 - Ṅmãle̱ Kroṅkroṅ Le̱

³⁴ Nye šinõi aſiei! té aafe tēṅ ní nye mei ní nyedši meifõdši le̱, ní nyeanyẽ ekpakpa nyewieṅ? edšake̱ noni eyi tšui obõ ke-teke no̱ le̱, no noṅṅ nābu wieo̱.

ŊMALƐ KRƆŊKRƆŊ LƐ

³⁴ Nyɛ shinɔi ashwiei! Te aaafee tɛŋŋ ni nyɛ mɛi ni nyɛ ji mɛi fɔ̃ji lɛ, ni nyɛaanyɛ ekpakpa nyɛwieŋ? Ejaakɛ nɔ ni eyi tsui obɔ kɛteke nɔ lɛ, no nɔŋŋ naabu wieɔ.

Mateo 12:34 ပူးပေါင်းရင်းမြစ်များ

Lalai 53:1

David se̱yōmo̱ lala ni eke̱-hã lalatše̱ nukpa le̱, ní ake̱ “ṅko̱mo̱yeli” gbē ala.

Lalai 64:3

Nomi otē ye̱ efõṅfelo̱i adšina ni ame̱yaã ye̱ tēmo̱ mli le̱ hewo̱, ye̱ nõšafelo̱i asafo ní feo̱ hõ le̱ hewo̱:

Lalai 64:5

koni ame̱yatšẽrẽ moni eye emū le̱ ye̱ dudšiaṅ, ame̱tšẽrẽo̱le̱ trukā, ni ame̱šee gbeyei. Lal. 11,2.

Abe̱i 16:23

Nilelo̱ tšui tšõo̱ edā nii, ni ehãa enabu nitšõmo̱ le̱ fáa.

Abe̱i 4:23

Ohĩe akã otšui he fè nii fẽ; edšake̱ no mli wala dše̱o̱.

Yesaia 32:6

Ši kwašia wieo̱ kwašiai awiemo̱, ni etšui hũ tšuo̱ nišaianii, ni ayeo̱ kũtũmpo̱o sane, ni ewieo̱ sakasaka ešio̱ Iehowa, ni ehãa moni hõmo̱ yeo̱le̱ le̱ susuma kãa eflo, ni moni kũmai yeo̱le̱ le̱ ehãã ená nu enu.

Yesaia 59:14

Ni akpale kodšomo̱ ke̱-te, ni dšale̱ hũ eyadamo̱ se̱ fle̱ṅṅ; edšake̱ ano̱kwale egbē ši ye̱ blohũ le̱ṅ, ni noni dša nyẽẽ mli abote;

Yesaia 59:4

Moko be̱ ní wieo̱ ye̱ dšale̱ nā, ni moko be̱ hũ ní yeo̱ sane ye̱ ano̱kwale nā: aṅõo̱ hĩe afõo̱ yakayakanii ano̱, ni amaleo̱; ahĩeo̱ haomo̱ mũsũ ni afo̱ö̱ nõša!

Yesaia 9:17

[18.] Ši efõṅfemo̱ tšoo̱ tamo̱ la, ešãa kpitikpitii ke̱ ṅmeii, ehereo̱ ye̱ kõ-hayīi amli, ni elasũ teo̱ ši kpī ke̱-yaä ṅwei.

Mateo 12:35

Gbomo kpakpa dšieo̱ nikpakpai ke̱-dše̱o̱ etšuiṅ dſetri kpakpa le̱ mli; ni gbomo fõṅ hũ dšieo̱ nifõdši ke̱-dše̱o̱ etšuiṅ dſetri fõṅ le̱ mli.

Mateo 15:18

Ši nii ní dše̱o̱ dāṅ dšeo̱ kpo le̱ tšui mli dše̱o̱, ni nomei buleo̱ mo le̱.

Mateo 23:33

*Onũfũi, šikpãi aſīei! Té nyeafe tēṅ nyedšo gehena fo̱bũ le̱ nā foiṅ? *8,7.

Mateo 3:7

Ši beni ena Farisifoi ke̱ Sadukifoi le̱ ateṅ mei pī baä ebaptisimo̱ le̱ he le̱, ekē̱ame̱ ake̱: *Šinõi aſïei, namo tšõnye ake̱ nyedšo mlifũ ní baba le̱ nā foi? *23,33.

Luka 3:7

Ke̱ke̱ ni ekē̱ asafoi le̱ ní ba eṅõ ní ebaptisiame̱ le̱ ake̱: *Šikpãi aſĩei, namo wie tšõnye ake̱ nyédšo mlifũ ní baä le̱ nā foi? *Mat. 23,33.

Luka 6:45

Gbomo kpakpa dšieo̱ nõkpakpa ke̱-dše̱o̱ etšui mli dſetri kpakpa le̱ṅ, ni gbomo fõṅ hũ dšieo̱ nõfõṅ ke̱-dše̱o̱ etšui mli dſetri fõṅ le̱ mli, edšake̱ noni eyi tšui eteke no̱ le̱, no enãbu wieo̱.

Yohane 8:44

Nye le̱ *nyetše̱ ní nyedše̱ emli dši abonsam, ni nyetše̱ le̱ tšinebānii nyesumoo̱ ake̱ nyefe. Le̱ le̱ †gbomogbelo̱ dšile̱ ke̱-dše̱ tetēte, ni **edamo̱o̱ ano̱kwale le̱ mli, edšake̱ ano̱kwale be̱ emli. Ké̱ ēmale le̱, le̱dientše̱ enii ahe ewieo̱, edšake̱ amalelo̱ ke̱ malemo̱tše̱ dšile̱. *1 Ioh. 5,8-10. †1 Mose 3,4. **2 Pet. 2,4.

Efesobii 4:29

*Wiemo̱-ša-ko-wiemo̱-ša-ko akadše nyenã kwrã; ši moṅ †wiemo̱ ni hī ni ehīa, koni ehã mo nane amõ ši, ni ake̱-dro mei ni nuo̱ le̱. *5,4. †Kol. 3,16. 17; 4,6.

Efesobii 5:4

ke̱ hĩegbedšianitšumo̱ ke̱ *yaka-yakawiemo̱ ke̱ fe̱oyeli hũ ni esaa le̱; ši moṅ šidã, *4,29.

Yakobo 3:2

Edšake̱ wo̱fẽ wo̱tõo̱ babaō; ké̱ moko tõõ ye̱ wiemo̱ mli le̱, le̱ le̱ nū ni hĩ ke̱wula ši dšile̱, ni eye̱ hewale̱ ake̱ eke̱awo gbomotšo mū le̱ fẽ manyofle̱.

1 Yohane 3:10

Ene̱ mli Nyoṅmo̱ bii le̱ ke̱ abonsam bli le̱ dšie̱o̱ ame̱he ši faṅṅ ye̱, Mofẽmo ni tšuu dšale̱nii le̱, edše̱e̱ Nyoṅmo̱ mli, ke̱ moni sumo̱o̱ enyemi hũ.

1 Samuel 24:13

Iehowa akodšo mike̱o teṅ, ni Iehowa noṅṅ ato̱ mihe owele ye̱ one̱; ši mi le̱ minine esaṅ ohe! Rom. 12,19. 1 Pet. 2,23.