Mateo 11:5 - Ṅmãle̱ Kroṅkroṅ Le̱

⁵ ſilafoi mīna nii, ni obubuafoi mīnyie; kpitiyelo̱i ahe mītše, ni toimũlo̱i mīnu nii; gbohĩĩ mīte ši, ni ohĩafoi le̱, ădšadše sanekpakpa ātšõame̱. Ies. 35,5. 6; 61,1.

ŊMALƐ KRƆŊKRƆŊ LƐ

⁵ shwilafoi miina nii, ni obubuafoi miinyiɛ; kpitiyelɔi ahe miitse, ni toimulɔi miinu nii, gbohii miite shi, ni ohiafoi lɛ aajaje sane kpakpa lɛ aatsɔ̃ɔ amɛ.

Mateo 11:5 ပူးပေါင်းရင်းမြစ်များ

2 Maŋtsɛmɛi 5:14

Ke̱ke̱ ni ekpleke ši, ni eke̱ ehe yatšo̱ Iordan mli šii kpawo ye̱ Nyoṅmo̱ gbomo le̱ wiemo̱ le̱ nā; *ni ehewolo hĩ ekoṅ tamo gbekẽ fiõ hewolo, ni ehe tše. *Luk. 4,27.

2 Maŋtsɛmɛi 5:7

Ni eba mli ake̱, beni Israel maṅ-tše̱ le̱ kane wolo le̱, egbla etadei ni ekē̱: Ani Nyoṅmo̱ dšimi ni migbeo̱ mo ni mihãa mo yi náa wala, hewo̱ ni mone̱ tšũo̱ miṅõ ake̱ mitšá moko kpiti mihãle̱ ne̱? Ši *nyedſẽṅa he ni nyeana ake̱ minā bēi etaoo̱ ne̱. *1 Maṅ. 20,1.

Lalai 146:8

Iehowa gbleo̱ ſilafoi ahĩṅme̱ii; Iehowa *holeo̱ mei ní edro̱ ko̱mō̱ le̱ ano̱; Iehowa sumoo̱ dšalo̱i; *Lal. 145,14.

Lalai 22:26

Bo dše̱ ni midšieo̱ oyi ye̱ asafo kple mli; *maye mišiwōi le̱ ano̱ ye̱ mei ní šeo̱le̱ le̱ ahĩe. Lal. 116,14.

2 Mose 4:11

Ni Iehowa kē̱le̱ ake̱: Namo fe nābu hã gbomo? alo namo bo̱ mumui lo toi-mũlo̱, lo ninalo̱ lo fĩlafo? Ani dšee mi, Iehowa, ne̱ noṅṅ? Lal. 94,9

Yesaia 29:18

Nakai gbĩ le̱ no̱ le̱ toimulo̱i tete aanu wolo le̱ mli wiemo̱i le̱, ni *ſilafoi ahĩṅme̱ii hũ aadše̱ kusūfemo̱ ke̱ duṅ mli ana nii; *35,5.

Yesaia 29:19

ni mei ní nii yo̱ mo̱bo̱ le̱ hũ aaná mīše̱ ye̱ Iehowa mli, ni gbomei ateṅ ohĩafoi amli aafliame̱ ye̱ Israel Mokroṅkroṅ le̱ mli.

Yesaia 43:8

Oke̱ maṅ ſilafo ní yo̱ hĩṅme̱ii le̱ aba, ke̱ toimũlo̱i hũ ni yo̱ toii le̱! 42,18.

Yesaia 66:2

Ši ene̱mei fẽ le̱, minine fe, ni nakai afe nii ne̱ fẽ, Iehowa ke̱. Ši moni *makwe̱ ne̱: moni nii yo̱ mo̱bo̱ ni emumo̱ tſiaä ši ke̱ do̱le̱, ni ehe kpokpoo̱ ye̱ miwiemo̱ le̱ nā le̱. *57,15.

Zakaria 11:7

Ni milè̱ tōiku ní abagbe ke̱ ní dši tōi le̱ ateṅ nii *ní nii yo̱ mo̱bo̱ le̱le̱ṅ le̱; ni mikŏ̱lo̱ dẽhĩemo̱tšei enyo̱ mihã mihe: ekome le̱ mitšé̱le̱ Mlihĩle̱, ni ekroko le̱ mitšé̱le̱ Kpãṅmo̱; ni milè̱ tōiku le̱. *K. 11.

Mateo 10:8

Nyetšáa helatše̱mei, nyehãa kpitiyelo̱i ahe atšea, nyetēa gbohĩĩ aši, nyefãmo̱a daimonioi; yaka nyená, yaka nyeṅõ-hãa! Bo̱f. 20,33.

Mateo 11:4

Ni Iesu here no̱ ekē̱ame̱ ake̱: Nyeyaä ní nyeyagbaä Iohane noni nyenuo̱ ke̱ noni nyenaä ne̱:

Mateo 12:13

Ke̱ke̱ ni ekē̱ nū le̱ ake̱: Kpa onine le̱ mli! Ni ekpã mli, ni eye emū tamo̱ ekome le̱.

Mateo 21:14

Ni ſilafoi ke̱ obubuafoi ba eṅõ ye̱ so̱lemo̱we le̱, ni etšáame̱.

Mateo 5:3

Adšō̱ mumo̱ le̱ṅ ohĩafoi le̱; ši ame̱nõ dši ṅwei maṅtše̱yeli le̱. Ies. 57,15.

Mateo 9:30

Ni ame̱hĩṅme̱ii le̱ gble. Ni Iesu bo̱ame̱ ko̱ko̱ ake: Nyekakwe̱a ní moko mile! 8,4.

Marko 7:37

Ni ame̱he dšõ ame̱he babaō dientše̱, ni ame̱kē̱: Efe nii fẽ dšogbāṅ! Ehãa toimũlo̱i nuo̱ nii, ni mumuii hũ wieo̱.

Marko 9:25

Ši beni Iesu na ake̱ asafo le̱ hĩe foi ke̱-mība eṅõ le̱, efã́ mumo̱ fõṅ le̱ yi ni ekē̱le̱ ake̱: Bo mumo̱ mumui ke̱ toimũlo̱, mīfã́o ake̱ odše emli ní okabote emli doṅṅ!

Luka 4:18

“Nuṅtšo̱ le̱ Mumo̱ le̱ ye̱ mino̱, nohewo̱ le̱ efo̱mi mũ, koni midšadše sanekpakpa le̱ mitšõ ohĩafoi; etšũmi koni mibatšá mei ní ame̱tšui ekũmo̱ le̱,

Yohane 10:25

Iesu hereame̱ no̱ ake̱: Mikē̱nye, ni nyehee nyeyee. *Nitšumo̱i ní mitšuo̱ ye̱ mitše̱ gbe̱i ano̱ le̱, nomei mīye mihe odase; *5,36.

Yohane 10:38

ši ke̱dši mitšuo̱, ni kẽle̱ nyeheemi nyeyee le̱, nyehea nitšumo̱i le̱ nyeyea mo̱, koni nyele ni nyehe nyeye ake̱ tše̱ le̱ ye̱ mimli, ni mi hũ miye̱ tše̱ le̱ mli.

Yohane 2:23

Agbe̱ne̱, beni eyo̱ Ierusalem ye̱ Hehō gbĩĩ dšudši le̱ amli le̱, mei pī na okadii ni efe le̱, ni ame̱hé egbe̱i le̱ no̱ ame̱ye.

Yohane 3:2

le̱ eba Iesu ṅõ nyõṅ, ni ebakē̱le̱ ake̱: Rabi, wo̱le ake̱ tšõlo̱ ní dše̱ Nyoṅmo̱ ṅõ ba dšio; edšake̱ moko nyẽṅ afe okadii ní ofeo̱ ne̱, ake̱ dša Nyoṅmo̱ ke̱ mo le̱ ye̱.

Yohane 5:36

Ši mi le̱, miye̱ odase ní fè Iohane nõ le̱; edšake̱ nitšumo̱i le̱ ni tše̱ le̱ ehãmi ake̱ migbe nā le̱, nakai nitšumo̱i ni mitšuo̱ le̱ noṅṅ yeo̱ mihe odase ake̱ tše̱ le̱ tšũmi. 1 Ioh. 5,9. Ioh 1,33; 3,2.

Yohane 9:7

ni ekē̱le̱ ake̱: Yadšu ye̱ Siloam (ešiši dši: moni atšũle̱) kpākpo le̱ mli. Ke̱ke̱ ni ete eyadšu, ni eba ní ēna nii.

Bɔfoi 2:22

Atāmei Israelbii, nyeboa ne̱ke̱ wiemoi ne̱ atoi: Iesu Nazarenyo le̱, nū ni Nyoṅmo̱ ke̱ hewale̱nitšumo̱i ke̱ nākpe̱nii ke̱ okadii ni etšṍ enine no̱ efe ye̱ nyeteṅ le̱ ye ehe odase etšõnye, tamo̱ bo̱ni nyedientše̱ nyele le̱,

Yakobo 2:5

Minyemimei ni misumoo̱, nyeboa toi! Ani dšee dše ne̱ṅ ohĩafoi ni dši niiatše̱mei *ye̱ hemo̱-ke̱-yeli gbe̱fãṅ le̱ Nyoṅmo̱ †ehala, koni ame̱tšomo̱ maṅtše̱-yeli ni ewo ši ehã mei ni sumoo̱le̱ le̱ yelo̱i? *Luk. 12,21. †1 Kor. 1,26.