Luka 9:48 - Ṅmãle̱ Kroṅkroṅ Le̱

⁴⁸ ni ekē̱ame̱ ake̱: Mofẽmo ní aaṅõ gbekẽ fiō ne̱ ye̱ migbei ano̱ le̱, eṅõo̱mi; ni moni aaṅõmi le̱, eṅõo̱ moni tšũmi le̱; edšake̱ moni dši bibiō ye̱ nyefẽ nyeteṅ le̱, le̱ noṅṅ dši agbo. Mat. 10,40.

ŊMALƐ KRƆŊKRƆŊ LƐ

⁴⁸ ni ekɛɛ amɛ akɛ, “Mɔ fɛɛ mɔ ni hereɔ gbekɛ fioo nɛɛ yɛ migbɛi mli lɛ, ehereɔ mi; ni mɔ ni hereɔ mi lɛ, ehereɔ mɔ ni tsu mi lɛ; ejaakɛ mɔ ni ji bibioo yɛ nyɛ fɛɛ nyɛteŋ lɛ, lɛ ji agbo fe fɛɛ.”

Luka 9:48 ပူးပေါင်းရင်းမြစ်များ

Abe̱i 18:12

Dãni *hĩekpãtãmo̱ aaba le̱, gbomo tšui wóo̱ ehe no̱, ni †hešibā nyieo̱ no̱wómo̱ hĩe. *16,18. †16,33.

Mateo 18:10

Nyekwe̱a dšogbāṅ koni nyekagbe meibibii ne̱ ateṅ mokome he guo̱; edšake̱ mīkē̱nye ake̱, *ame̱bo̱foi ní yo̱ ṅwei le̱ kwe̱o̱ mitše̱ ní yo̱ ṅwei le̱ hĩe dā. *Heb. 1,14.

Mateo 18:14

Nakai noṅṅ ni nyetše̱ ni yo̱ ṅwei le̱ sumo̱o̱ ake̱ bibii ne̱ ateṅ mokome ladšeo̱.

Mateo 19:28

Ši Iesu kē̱ame̱ ake̱: Le̱le̱ṅ, mīkē̱nye ake̱, nye mei ní nyenyie mise̱ ne̱, beni gbomobi le̱ aatá enumnyam sẽi le̱ no̱ ye̱ dšeṅ hē le̱ mli le̱, nye hũ nyeatrá sẽii nyoṅma ke̱ enyo̱ no̱, ni nyeakodšo Israel akutšei nyoṅma ke̱ enyo̱ le̱. Luk. 22,30.

Mateo 25:40

Ni maṅtše̱ le̱ aahere no̱ ekē̱ame̱ ake: Le̱le̱ṅ, mīkē̱nye ake̱: Gbĩĩabo̱ kẽ ní nyefe nyehã minyemimei ne̱ ateṅ bibiō kome le̱, mi noṅṅ nyefe nyehã le̱. Abe̱i 19,17. Heb. 2,11.

Mateo 25:45

Ke̱ke̱ le̱ eehereame̱ no̱ eekē̱ ake̱: Le̱le̱ṅ, mīkē̱nye ake̱: Gbĩĩabo̱ kẽ ní nyefee nyehãã mei bibii kwrā ne̱ ateṅ mokome le̱, nyefee nyehããmi hũ!

Marko 9:37

Mofẽmo ní ṅõo̱ ne̱ke̱ gbekẽbii bibii ne̱ ateṅ mokome ye̱ migbei ano̱ le̱, eṅõo̱mi; ni moni ṅõo̱mi le̱, dšee mi eṅõo̱, ši moṅ moni tšũmi le̱ṅ. Mat. 10,40.

Luka 10:16

Moni boo̱nye toi le̱, mi toi eboo̱ le̱; ni moni kwaänye le̱, mi ekwaä le̱; ni moni kwaämi le̱, moni tšũmi le̱ ekwaä le̱. Mat 10,40.

Luka 14:11

Edšake̱ mofẽmo ní wóo̱ ehe no̱ le̱, aabale̱ ši, ni moni baä ehe ši le̱, aawó eno̱. 18,14. Mat. 23,12.

Luka 22:26

Ši nye le̱ ebe̱nye nakai; ši moṅ moni dši agbo ye̱ nyeteṅ le̱, hã ni etšṍ tamo̱ gbekẽ, ni moni dši onukpa hũ tamo̱ moni súmoo̱.

Luka 22:30

koni nyeye nii ni nyenu ye̱ mikplõ le̱ he ye̱ mimaṅtše̱yeli le̱ mli, ni nyetrá sẽii ano̱ ni nyekodšo Israel akutšei nyonma ke̱ enyo̱ le̱. Mat 19,28.

Luka 7:28

Edšake̱ mīkē̱nye ake̱: Mei ní yei fo̱ame̱ le̱ ateṅ le̱ *gbalo̱ ko be̱ ni fè Iohane, baptisilo̱ le̱; ši moni dši bibiō ye̱ Nyoṅmo̱ maṅtše̱yeli le̱ mli le̱ fèle̱. *1,15.

Yohane 13:20

Le̱le̱ṅ, le̱le̱ṅ, mīkē̱nye ake̱: Moni hereo̱ moni mitšũo̱ le̱, mi noṅṅ ehereo̱ le̱; šĩ moni hereo̱mi le̱, ehereo̱ moni tšũmi le̱ hũ. Mat. 10,40.

Yohane 14:21

Moni mikitãi le̱ yo̱ edeṅ ni eyeo̱ no̱ le̱, le̱ dši moni sumoo̱mi; ni moni sumoo̱mi le̱, mitše̱ aasumo̱le̱, ni mi hũ masumo̱le̱, ni *madšie mihe ši matšõle̱. *2 Kor. 3,18.

1 Tesalonikabii 4:8

Hewo̱ le̱ agbe̱ne̱, moni kwáa le̱, dšee gbomo ko ekwáa, ši moṅ Nyoṅmo̱, moni ṅõ Emumo̱ kroṅkroṅ le̱ ewo nyemli le̱. Luk. 10,16.

1 Petro 5:6

Hewo̱ le̱ nyebaä nyehe ši ye̱ Nyoṅmo̱ nine ní wa le̱ šiši, koni ewó nyeno̱ ye̱ he ní sa mli. Hiob 22,29. Iak. 4,10.

Kpojiemɔ 21:14

Ni maṅ le̱ gbogbo le̱ ye̱ šišitōi (alo fanesii) nyoṅma ke̱ enyo̱, ni tōbi le̱ bo̱foi nyoṅma ke̱ enyo̱ le̱ gbe̱ii ye̱ ame̱-mli.

Kpojiemɔ 3:21

Kũnimyelo̱ le̱, mahãle̱ gbe̱ ní eke̱mi atá mimaṅtše̱sẽi le̱ no̱, take̱ bo̱ noṅṅ ni mi hũ miye kũnim, ni mike̱ mitše̱ tá emaṅtše̱sẽi le̱ no̱ le̱. Mat. 19,28.