Luka 5:24 - Ṅmãle̱ Kroṅkroṅ Le̱

²⁴ Ši beni afe ní nyele ake̱ gbomobi le̱ ye̱ hegbe̱ ye̱ šikpoṅ le̱ no̱ ake̱ eṅõo̱ ešai efaä le̱ (ekē̱ moni ekũmo̱ le̱ ake): Mīkē̱o ake̱: Te ši ni owó osā le̱ ni oya owe!

ŊMALƐ KRƆŊKRƆŊ LƐ

²⁴ Shi be ni afee ni nyɛle akɛ Gbɔmɔ Bi lɛ yɛ hegbɛ yɛ shikpɔŋ lɛ nɔ akɛ ekɛ eshai faa lɛ” — ekɛɛ mɔ ni ekumɔ lɛ akɛ, “Miikɛɛ bo akɛ tee shi ni owo osaa lɛ ni oya owe!”

Luka 5:24 ပူးပေါင်းရင်းမြစ်များ

Yesaia 53:11

Esusuma haomo̱ le̱ hewo̱ le̱ eena nii ní aahã etšui anyõ emli; enilē nā le̱ mitšũlo̱ dšalo̱ le̱ aaná *dšale̱ ahã mei pī, ni †eetĕre ame̱nišaianii le̱. *Rom. 10,4. 2 Kor. 5,21. †Ioh. 1,29.

Daniel 7:13

Misā mina ye̱ nyōṅ ninā le̱ mli, ni na, moko tamo̱ *gbomobi ke̱ ṅwei atatui mība, ni oba moni eye gbĩĩ pī le̱ ṅõ, ni ake̱le̱ ba ehĩe; *Luk. 21,27.

Mateo 16:13

Ši beni Iesu ba Kaisaria Filipi niiaṅ le̱, ebi ekaselo̱i le̱ ake̱: Namo mei kē̱o̱ ake̱ gbomobi le̱ dši?

Mateo 25:31

Ši beni gbomobi le̱ aaba ye̱ enumnyam le̱ mli, ni bo̱foi kroṅkroṅi le̱ fẽ aafata ehe le̱, no mli le̱ eetá enumnyam sẽĩ le̱ no̱; 16,27. Kpods. 20,11-13.

Mateo 26:64

Iesu kē̱le̱ ake̱: Okē̱. Ši mīkē̱nye ake̱: Ke̱-dše̱ be ne̱ no̱ ke̱-yaä le̱, nyeana gbomobi le̱ ake̱ *etá hewale̱ ninedšŭrõ no, ni †ēba ye̱ ṅwei atatui le̱ amli. *Lal. 110,1. †Mat. 16,27; 24,30.

Mateo 28:18

Ni Iesu ba eke̱ame̱ bawie ekē̱: *Aṅõ hegbe̱ fẽ ahãmi ye̱ ṅwei ke̱ šikpoṅno̱. *11,27. Ef. 1,20-22.

Mateo 4:24

Ni ehe sane dšidše ye̱ Siria fẽ, ni *ame̱ke̱ mei ni be̱ dšogbāṅ ní helai ke̱ pīmo̱i sro̱toi hĩeame̱ ke̱ mei ni daimonioi yo̱ ame̱mli ke̱ mei ní yeo̱ gbligbli ke̱ mei ní egbo̱dšo̱ ba eṅõ, ni etšáame̱. *Mar. 6,55.

Mateo 9:6

Ši beni afe ní nyená nyele ake̱ gbomobi le̱ ye̱ hegbe̱ ye̱ šikpoṅ le̱ no̱ ake̱ eṅõo̱ ešai efaä le̱, — ke̱ke̱ le̱ ekē̱ helatše̱ le̱ ake̱: Te ši, wó osā le̱, ni oya owe!

Luka 5:13

Ni ekpã enine mli eta ehe ni ekē̱: Mīsumo̱, ohe átše! Ni amrõ le̱ kpiti le̱ kpla ye̱ ehe.

Luka 5:18

Ni na, meikomei ke̱ nū ko ní kã sā no̱ ni ekũmo̱ ba; ni ame̱mītao ake̱ ame̱ke̱le̱ baä šĩa le̱ ni ame̱ke̱le̱ abaṅmẽ ehĩe.

Luka 5:23

Té noni kē̱mo̱ dšraaṅ? noni aakē̱: “Aṅõ ohe ešai afao” le̱? alo noni aakē̱: “Te ši ni onyie” le̱?

Luka 7:14

Ni eba ebata adeka le̱ he; ni mei ni tĕrele̱ le̱ wa-damo̱ ši. Ni ekē̱: Oblanyo, mīkē̱o ake̱: Te ši!

Luka 8:54

Ši eſieame̱ fẽ, ni emõ enine ši, ni ebo ake̱: Gbekẽ, te ši!

Yohane 11:43

Ni beni éwie ne̱ke̱ le̱, ebo ke̱ gbē wā ake̱: Lazaro ē, dše kpo!

Yohane 17:2

take̱ bo̱ni ohãle̱ *hegbe̱ ye̱ helo fẽ no̱, koni mei fẽ ní oṅō-hãle̱ le̱, ehã-ame̱ nāno̱ wala le̱. *Mat. 11,27.

Yohane 3:13

Ni moko ekwo̱ko ke̱-yako ṅwei, ake̱ dša moni dše̱ ṅwei kpleke ši le̱, gbomobi le̱ ní yo̱ ṅwei le̱. Ef. 4,9.

Yohane 5:27

Ni ehãle̱ hegbe̱ ake̱ *ekodšo hũ, edšake̱ gbomobi dšile̱. *K. 22.

Bɔfoi 14:10

eke̱ gbē wale̱ kē̱le̱ ake̱: Te ši odamo̱ onãdši le̱ ano̱ trõmō̃! Ni ehuru eyi ši ni enyie.

Bɔfoi 5:31

le̱ eno̱ Nyoṅmo̱ *wó ke̱-te eninedšŭrõ no̱, ni ewole̱ lumo̱ ke̱ walaherelo̱, koni eṅõ tšuitšakemo̱ ke̱ ešaifā ehã Israel. *2,38.

Bɔfoi 9:34

Ni Petro kē̱le̱ ake̱: Ainea, Iesu Kristo mītšáo; te ši ni bodientše̱ oṅmẽ osa le̱! Ni amrõ le̱ ete ši.

Bɔfoi 9:40

Ni Petro ſie ame̱fẽ ke̱-dše kpo, ni ekũla ši eso̱le, ni etšṍ ebe ke̱-te gbonyo le̱ ṅõ ekē̱: Tabita, *te ši! Ni egble ehĩṅme̱ii, ni beni ena Petro le̱, eho etá ši. *Mar. 5,41.

Kpojiemɔ 1:13

ke̱ moko ye̱ kanetšei kpawo le̱ *ateṅ ni tamo †gbomo bi, ní **ewo atade yū ni eke̱ šikakpã éfĩ etšitši; *2,1. †Dan. 7,13. **Dan 10,5. 6.