Luka 17:30 - Ṅmãle̱ Kroṅkroṅ Le̱

³⁰ Nakai noṅṅ kẽ baba gbĩ ní aadšie gbomobi le̱ kpo le̱.

ŊMALƐ KRƆŊKRƆŊ LƐ

³⁰ Nakai nɔŋŋ kɛ̃ ebaaba gbi ni aaajie Gbɔmɔ Bi lɛ kpo lɛ.

Luka 17:30 ပူးပေါင်းရင်းမြစ်များ

Mateo 16:27

Edšake̱ gbomobi le̱ baba ye̱ etše̱ anumnyam le̱ mli ke̱ ebo̱foi le̱; ni no mli le̱ *eewo mofẽmo nyõmo̱ ye̱ enitšumo̱ nā. *Rom. 2,6.

Mateo 24:3

Ši beni etá ši ye̱ Mũgoṅ le̱ no̱ le̱, ekaselo̱i le̱ ba eṅõ ye̱ afã ame̱bakē̱: Tšõmo̱wo̱ beyino̱ ní aafe nii ne̱, ni meni dši obā le̱ ke̱ dše ne̱ṅ nāgbē le̱ he okadi?

Mateo 24:37

Ši bo̱ni Noa gbĩĩ le̱ fe le̱, nakai gbomobi le̱ bā le̱ hũ batamo̱. 1 Mose 6,11-13. Luk. 17,26. 27.

Mateo 24:39

ni ame̱hĩe be̱ ame̱he no̱ ke̱-yaši nuafua le̱ balōame̱ fẽ ke̱-te le̱, nakai noṅṅ gbomobi le̱ bā le̱ aatamo̱.

Mateo 26:64

Iesu kē̱le̱ ake̱: Okē̱. Ši mīkē̱nye ake̱: Ke̱-dše̱ be ne̱ no̱ ke̱-yaä le̱, nyeana gbomobi le̱ ake̱ *etá hewale̱ ninedšŭrõ no, ni †ēba ye̱ ṅwei atatui le̱ amli. *Lal. 110,1. †Mat. 16,27; 24,30.

Marko 13:26

Ke̱ke̱ le̱ aana gbomobi le̱ ake̱ ēba ye̱ atatui le̱ amli ke̱ hewale̱ ke̱ anumnyam babaō.

Luka 17:24

Edšake̱ take̱ boni srawa gbaä ní ehãa ṅwei šiši afã kome tšeo̱ ke̱-yaä ṅwei šiši afã kroko le̱, nakai noṅṅ gbomobi le̱ batamo̱ ye̱ egbĩ le̱ no̱. Mat. 24,26. 27.

Luka 17:29

ši gbĩ no̱ ní Lot dše Sodom le̱, Nyoṅmo̱ ne̱ la ke̱ swō̱ ke̱-dše̱ ṅwei, ni ekpãtã ame̱fẽ-kwa ame̱hĩe. 1 Mose 19,15. 24. 25.

Luka 21:22

Edšake̱ *oweletō̱ gbĩĩ le̱ ne̱, koni nibii fẽ ní aṅmã le̱ aba mli. *Ier. 5,29.

Luka 21:27

Ke̱ke̱ le̱ *ame̱ana gbomobi le̱ ake̱ ēba ye̱ atatuṅ ke̱ hewale̱ ke̱ anumnyam babaō. *Dan. 7,13.

1 Korintobii 1:7

ni dromo̱nikēnii ko eſe̱e̱nye ni *nyekwe̱o̱ wo̱-Nuṅtšo̱ Iesu Kristo kpodšiemo̱ le̱ gbe̱ le̱, *Tit. 2,13.

1 Korintobii 1:8

le̱ noṅṅ *eewadšenye ke̱-ate nāgbē ni nyehe akaba †kpa ko ye̱ wo̱-Nuṅtšo̱ Iesu Kristo gbĩ le no. *Fil. 1,3. †1 Tes. 3.13; 5.23.

Kolosebii 3:4

Beni Kristo, moni dši wo̱wala le̱, aapue le̱, no le̱ nye hũ nyeke̱le̱ aapue ye̱ *anumnyam mli, *1 Kor. 15,43.

2 Tesalonikabii 1:7

ni nye mei ni ahaoo̱nye le, eehã nyeke̱wo̱ fẽ hedšō̱mo̱, beni aadšie Nuṅtšo̱ Iesu kpo ke̱-adše̱ ṅwei *ke̱ ehewale̱ bo̱foi le, *Mat, 25,31.

1 Petro 1:13

Nohewo le̱ *nyefĩmo̱a nyedſẽṅmo̱ he̱, nyehĩe akãa ši, ni nyeṅõa nyehĩe nyefoa dromo̱ ní ake̱-bahãnye ye̱ Iesu Kristo kpodšiemo̱ mli le̱ no̱ kwrā. *Luk 12,35.

1 Petro 1:7

koni ana nyehemo̱-ke̱-yeli sale̱ le̱ ake̱ edšra wa āhũ *fè šika ní fiteo̱ ní aka ye̱ la mli le̱, ke̱-yahã yidšiemo̱ ke̱ wō ke̱ anumnyam ye̱ Iesu Kristo kpodšiemo̱ le̱ mli, *Abe̱i 17,3. Mat 3.3.

1 Petro 4:13

ši moṅ babaō ni *nyenaä Kristo amanehũlũi le̱ eko le̱, †nyemi aše̱a, koni enumnyam kpodšiemo̱ le̱ mli hũ nyemī aše̱ ni nyemli aflinye. *Rom. 8,17. †Bo̱f 5,41. Iak. 1,2.

1 Yohane 2:28

Ni agbe̱ne̱, bii bibii, nyehīa emli, koni beni eebapue le̱, ni wo̱ná *ekā̃ ní wo̱hīe akagboi ye̱ ehīe ye̱ ebã le̱ mli. *4,17.

1 Yohane 3:2

Suomo̱mei, agbe̱ne̱ le̱ Nyoṅmo̱ bii dšiwo̱, ni anáko adšie noni wo̱batšõmo̱ le̱ ši; ši *wo̱le ake̱, beni aadšie ši le̱, wo̱o̱tamo̱le̱, edšake̱ wo̱o̱nale̱ bo̱ni eyo̱ le̱. *Rom 8,17 Kol. 3,4.

Kpojiemɔ 1:7

Na, *ēba ke̱ atatui le̱, ni hĩṅme̱i-fẽ-hĩṅme̱i †aanale̱ ke̱ mei ní tšuro̱le̱ nii le̱ hũ, ni šikpoṅ le̱ no̱ akutšei le̱ fẽ aawo yăra ye̱ ehe-wo̱. Hē̃, amen. *Dan. 7,18. †Zak. 12.10. Ioh. 19,37.