Luka 16:16 - Ṅmãle̱ Kroṅkroṅ Le̱

¹⁶ Mla le̱ ke̱ gbalo̱i le̱ gba ke̱-baši Iohane no̱; ke̱-dše̱ nakai be le̱ no̱ ne̱ āšie̱ Nyoṅmo̱ maṅtše̱yeli le̱ he sanekpakpa le̱, ni mofẽmo boteo̱ mli ekā̃ nā. Mat 11,12. 13.

ŊMALƐ KRƆŊKRƆŊ LƐ

¹⁶ “Mla lɛ kɛ gbalɔi lɛ yɔɔ nɔ kɛbashi Yohane nɔ; kɛjɛ nakai be lɛ nɔ nɛɛ aashiɛ Nyɔŋmɔ maŋtsɛyeli lɛ he Sanekpakpa lɛ, ni mɔ fɛɛ mɔ boteɔ mli ekãa naa.

Luka 16:16 ပူးပေါင်းရင်းမြစ်များ

Mateo 10:7

Ši ní nyeyaä ne̱, nyešie̱a nyekē̱a ake̱: Ṅwei maṅtše̱yeli le̱ eše̱ ši etã. 4,17. Luk. 10,9.

Mateo 15:11

Dšee noni *boteo̱ mo dāṅ le̱ buleo̱ gbomo; ši moṅ noni †dšeo̱ mo dāṅ le̱, no buleo̱ gbomo. *1 Tim. 4,4. †Mat. 12,34.

Mateo 21:32

Edšake̱ Iohane ba nyeṅõ ye̱ dšale̱ gbe̱ le̱ no̱, ni nye le̱ nyeheele̱ nyeyee; ši ntōhelo̱i le̱ ke̱ adſamaṅi le̱ hele̱ ye. Ni fe se̱, beni nyeyo hũ le̱, nyeſaa nyehe tete, koni nyehele̱ nyeye. Luk. 7,29.

Mateo 3:2

ni ekē̱ ake̱: Nyetšakea nyetšuii; ši ṅwei maṅtše̱yeli le̱ ebe̱ṅke̱. 4,17.

Mateo 4:17

Ke̱-dše̱ no no̱ le̱ Iesu bōi šie̱mo̱ ni ekē̱: Nyetšakea nyetšuii; ši ṅwei maṅtše̱yeli le̱ ebe̱ṅke̱! 3,2.

Mateo 4:23

Ni *Iesu kpa Galilea mū le̱ fẽ, etšõo̱ nii ye̱ ame̱kpēhei le̱, ni ešie̱o̱ maṅtše̱yeli le̱ he sanekpakpa le̱ etšõo̱, ni etšáa hela-fẽ-hela ke̱ hedšramo̱-fẽ-hedšramo̱ ye̱ mā le̱ṅ. *Mar. 1,39. Luk. 4,15. 44. Bo̱f. 10,38.

Marko 1:14

Agbene beni amõ Iohane se̱ le̱, Iesu ba Galilea, ni ebašie̱ Nyoṅmo̱ maṅtše̱yeli le he sanekpakpa le̱,

Marko 1:45

Ši le̱ le̱, beni edše kpo le̱, ebõĩ sane le̱ gbā ni ehã egbe̱ eſã boni Iesu nyẽẽ adše faṅṅ abote maṅ ko mli doṅṅ; ši ehĩ ṅã le̱ no̱ heikomei, ni mei dše̱o̱ hefẽhe baä eṅõ.

Luka 10:11

Nyemã ne̱ṅ mlu tete ni kpe̱te̱ wo̱nãdši ahe le̱ no̱ wo̱kplaä wo̱ſieo̱ nyeno̱ ne̱; ši kẽle̱ nyenáa nyelea ake̱, Nyoṅmo̱ maṅtše̱yeli le̱ ébe̱ṅke̱nye.

Luka 10:9

ni nyetšáa helatše̱mei ní yo̱ mli le̱, ni nyekē̱aame̱ ake̱: Nyoṅmo̱ maṅtše̱yeli le̱ ébe̱ṅke̱nye.

Luka 16:29

Ni Abraham kē̱le̱ ake̱: Mose ke̱ gbalo̱i le̱ ye̱ ame̱deṅ; hã ame̱bo nomei atoi! 2 Tim. 3,16.

Luka 16:31

Ši ekē̱le̱ ake̱: Ké̱ ame̱boo Mose ke̱ gbaloi le̱ atoi le̱, no le̱ ke̱dši moko te ši ke̱-dše̱ gbohĩĩ ateṅ tete le̱, ame̱yiṅ tšṍṅ.

Luka 9:2

Ni etšũame̱ Nyoṅmo̱ maṅtše̱yeli le̱ šie̱mo̱ ke̱ helatše̱mei atšámo̱.

Yohane 1:45

Filipo hũ na Natanael, ni ekē̱le̱ ake̱: Wo̱na moni Mose ṅmã ehe sane ye̱ mla le̱ mli, ke̱ gbalo̱i le̱ hũ le̱, Iesu, Iosef bi ní dše̱ Nazaret le̱. 5 Mose 18,18. Ies. 7,14; 58,2. Ier. 23,5. Ezek. 34,23.

Yohane 11:48

Ke̱dši wo̱ṅmẽle̱ gbe ne̱ke̱ le̱, mei fẽ aahe eno̱ aye; ni Romabii le̱ aaba ni ame̱abašõ wo̱maṅ ke̱ wo̱sikpoṅ le̱ fẽ.

Yohane 12:19

Nohewo̱ le̱ Farisifoi le̱ kē̱ ye̱ ame̱teṅ ake̱: Té nyena ake̱ nyenyẽẽ fē̱i nyefe; na, *dše le̱ efã ke̱-nyie ese le̱. 11,48.

Yohane 5:4

Edšake̱ bei komei amli le̱ ṅweibo̱fo ko kplekeo̱ ši ke̱-baä kpākpo le̱ mli ni ebataä nu le̱ mli; ke̱ke̱ le̱ emlitā le̱ se̱ le̱ mofẽmo ní yagbēo̱ nu le̱ mli tšutšu le̱, hela-fẽ-hela ní eyeo̱ le̱ ehe tãa.

Bɔfoi 3:18

ši nii ní Nyoṅmo̱ ekē̱ eto momo ye̱ *egbalo̱i le̱ fẽ nā, ake̱ Kristo aana amanehũlũ le̱, ehã eba mli nakai. *Luk. 24,27.