Luka 10:21 - Ṅmãle̱ Kroṅkroṅ Le̱

²¹ Nakai ṅmle̱tſā le̱ no̱ noṅṅ le̱ Iesu mli flile̱ ye̱ Mumo̱ kroṅkroṅ le̱ mli ni ekē̱: Mīdšie oyi, Atā, ṅwei ke̱ šikpoṅ Nuṅtšo̱, ake̱ oṅõ nii ne̱ otē nilelo̱i ke̱ ṅālelo̱i, ni odšie otšõ abifabii; hẽ, Atā, edšake̱ nakai sa ohĩe.

ŊMALƐ KRƆŊKRƆŊ LƐ

²¹ Nakai ŋmɛlɛtswaa lɛ nɔ lɛ Yesu mli fili lɛ yɛ Mumɔ Krɔŋkrɔŋ lɛ mli ni ekɛɛ, “Miijie oyi, Ataa; ŋwɛi kɛ shikpɔŋ Nuŋtsɔ, akɛ oŋɔ nii nɛɛ otee nilelɔi kɛ jwɛŋlɔi, ni ojie otsɔ̃ɔ abifabii; hɛɛ, Ataa, ejaakɛ nakai sa ohiɛ.

Luka 10:21 ပူးပေါင်းရင်းမြစ်များ

Lalai 24:1

David lala. Iehowa *nõ dši šikpoṅ le̱ ke̱ emlinii le̱, dše le̱ ke̱ mei ní yo̱ mli le̱. *Lal. 50,12. 1 Kor. 10,26.

Lalai 25:14

Iehowa dšĩeo̱ *eyitšoṅsane etšõo̱ mei ni šeo̱le̱ le̱, ni ekpãṅmo̱ le̱ hũ ehãa ame̱leo̱. *Hiob 29,4.

Lalai 8:2

Iehowa, wo̱-Nuṅtšo̱, kwe̱ bo̱ni ogbe̱i le̱ dše agbo ye̱ šikpoṅ le̱ no̱ fẽ, bo ni oṅõo̱ onumnyam le̱ ohaä ṅwei!

Yesaia 29:14

hewo̱ le̱, na, mike̱ ne̱ke̱ maṅ ne̱ aaye nākpe̱ sane, nākpe̱ sane ke̱ sane ní hãa mo he dšõo̱ ehe, ni ame̱nilelo̱i le̱ anilē aafite, ni ame̱hĩetẽlo̱i le̱ ahĩetē̃ le̱ aalādše! 44,25. 1 Kor. 1,19.

Yesaia 35:8

Ni aadše *gbe̱dšegbe̱ ye̱ dše̱i ke̱ gbe̱ ko ní aatšé̱le̱ gbe̱ kroṅkroṅ le̱; moko ní he tšee enyieṅ no̱; edšake̱ ame̱ adše ahã, ni mei ní nyieo̱ no̱ le̱, kē̱ kwašiai tete ni le̱, ame̱dũṅ gbe̱. *62,10.

Yesaia 53:11

Esusuma haomo̱ le̱ hewo̱ le̱ eena nii ní aahã etšui anyõ emli; enilē nā le̱ mitšũlo̱ dšalo̱ le̱ aaná *dšale̱ ahã mei pī, ni †eetĕre ame̱nišaianii le̱. *Rom. 10,4. 2 Kor. 5,21. †Ioh. 1,29.

Yesaia 62:5

Edšake̱ take̱ bo̱ni oblanyo kpēo̱ oblayō le̱, nakai noṅṅ obii le̱ aakpẽo; ni tamo̱ bo̱ni ayemforowu nyã́a eyemforo he le̱, nakai o-Nyoṅmo le aanyã́ ohe. Zef. 3,17.

Yesaia 66:1

Bo̱ni Iehowa kē̱ ne̱: *Ṅwei le̱, misẽi ni, ni šikpoṅ le̱, minaneši māṅō ni: mẽ tšũ nyeamã nyehãmi mo̱, lo nẽgbe̱ dši mihedšō̱mo̱he? *1 Maṅ. 8,27. Bo̱f. 7,49; 17,24.

Zefania 3:17

Iehowa, o-Nyoṅmo̱ le̱, ye̱ oteṅ, nū ekãlo̱ ní aanyẽ oyiwala ahere ni; *eenyã́ ohe ke̱ mīše̱, eefe diō ye̱ esuomo̱ le̱ mli, emli aaflile̱ ye̱ ohe ke̱ nyã́mo̱ lala. *Ies. 62,5.

Mateo 16:17

Ni Iesu here no̱ ekē̱le̱ ake̱: Adšŏ̱o, Simon, Iona bi; edšake̱ *dšee helo ke̱ lá dšie ene̱ tšõo, ši moṅ mitše̱ ní yo̱ ṅwei le̱ ni. *Gal. 1,15. 16.

Mateo 21:16

ni ame̱ke̱le̱ ake̱: Ōnu noni mene̱mei kē̱o̱ ne̱ lo? Ni Iesu kē̱ame̱ ake̱: Hē̃, ani nyekaneko dã ake̱: *“Abifabii ke̱ fufo̱bii anā ni osā yidšiemo oto ye̱?” *Lal. 8.5.

Mateo 3:7

Ši beni ena Farisifoi ke̱ Sadukifoi le̱ ateṅ mei pī baä ebaptisimo̱ le̱ he le̱, ekē̱ame̱ ake̱: *Šinõi aſïei, namo tšõnye ake̱ nyedšo mlifũ ní baba le̱ nā foi? *23,33.

Marko 10:15

Le̱le̱ṅ, mīkē̱nye ake̱: Mofẽmo ni hee Nyoṅmo̱ maṅtše̱yeli le̱ tamo̱ gbekẽ bibiō le̱, eboteṅ mli kwrā. Mat 18,3.

Luka 15:5

Ni kē̱ enale̱ le̱, ewóo̱le̱ etſaä ekõṅ, ni enáa mīše̱;

Luka 15:9

Ni ké̱ ena le̱, etšé̱o̱ ešientše̱mei ke̱ ekūṅbii ke̱-kpeo̱ ni ekē̱o̱ ake̱: Nyeke̱mi anáa mīše̱, edšake̱ mina midſie̱te̱i kuku ní lādše le̱.

Yohane 11:41

Ke̱ke̱ ni ame̱dšie te̱ le̱ ye̱ heni gbonyo le̱ kã le̱. Ni Iesu hole ehĩṅme̱ii ano̱ ke̱-te ṅwei ni ekē̱: Atā, mīdao ši ake̱ obomi toi le̱.

2 Korintobii 4:3

Ši ké̱ ha aha wo̱sanekpakpa le̱ no̱ tete le̱, mei ní lādšeo̱ le̱ amli ke̱ke̱ aha no̱ ye̱, 1 Kor. 1,18.

Efesobii 1:11

le̱ emli noṅṅ wo̱ná *gbošinii le̱ bũ ye̱, wo̱ mei ni adšiewo̱ ato ye̱ moni tšuo̱ nibii fiã le̱ †yiṅtō nā, bo̱ni sa le̱-dientše̱ esuomo̱ ṅãwõ le̱ hĩe le̱, *Kol. 1,12. †Rom. 8,28.

Efesobii 1:5

ni edšiewo̱ ye̱ suomo̱ mli eto ehã ehe ni wo̱tšõmo̱ *ebii ye̱ Iesu Kristo hewo̱, take̱ bo̱ni sa ehīe ye̱ esuomo̱ nā le̱; *Ioh 1.12