Luka 1:6 - Ṅmãle̱ Kroṅkroṅ Le̱

⁶ Ni ame̱yi enyo̱ le̱ fẽ le̱, dšalo̱i dšiame̱ ye̱ Nyoṅmo̱ hĩe, ni ame̱yeo̱ Nuṅtšo̱ le̱ kitãi ke̱ ekpo̱i le̱ fẽ no̱ ni kpa ko be̱ ame̱he.

ŊMALƐ KRƆŊKRƆŊ LƐ

⁶ Amɛyi enyɔ lɛ fɛɛ lɛ, jalɔi ji amɛ yɛ Nyɔŋmɔ hiɛ ni amɛyeɔ Nuŋtsɔ lɛ kitãi kɛ ekpɔi lɛ fɛɛ anɔ ni shwamɔ ko bɛ amɛhe.

Luka 1:6 ပူးပေါင်းရင်းမြစ်များ

1 Mose 17:1

Ni beni Abram eye afii nyo̱ṅmai-ne̱hũ ké̱ ne̱hũ le̱, Iehowa dšie ehe kpo etšõ Abram, ni ekē̱le̱ ake̱: *Midši Mawu Ofe le̱, †nyiemo̱ mihĩe, ni oye emū. *35,11. 2 Mose 6,8. †1 Mose 48,15.

1 Mose 6:9

Mene̱mei dši Noa sešibii le̱: Noa dši *dšalo̱, ni eye emū ye̱ eyino̱bii le̱ ateṅ; ni Noa ke †Nyoṅmo̱ nyie. *Heb. 11,7. †1 Mose 5,22. 24.

1 Mose 7:1

Ni Iehowa kē̱ Noa akē̱: Bo ke̱ owe lē̱ fẽ abote adeka le̱ mli; edšake̱ bo mina ake̱ dšalo̱ dšio ye̱ mihĩe ye̱ ne̱ke̱ yino̱ ne̱ṅ.

1 Maŋtsɛmɛi 15:5

edšake̱ David fe noni sa Iehowa hĩe, ni nofẽno ní ewole̱ he kitã le̱ egbáá afã ke̱-dšee eko he ewala gbĩĩ abe̱ fẽ, ake̱ *dša Uria, Hitnyo le̱, sane le̱ mli pe̱. *2 Sam. 11,27; 12,9.

1 Maŋtsɛmɛi 9:4

Ni bo le̱, ke̱dši oonyie ye̱ mihĩe, tamo̱ bo̱ni otše̱ David nyie, ye̱ tšui ni eye emū ke̱ dšale̱ mli, ni oofe be̱ni miwoö kitã le̱ pe̱pē̱pe̱, ni ooye mikpo̱i le̱ ke̱ mimlai le̱ ano̱ le̱:

2 Maŋtsɛmɛi 20:3

Ō Iehowa, mīkpao fai, kaimo̱ bo̱ni minyie ye̱ ohĩe ye̱ ano̱kwale ke̱ tšui ní eye emū mli, ni mife noni hĩ ye̱ ohĩe le̱! Ni Hezekia fó babaō dientše̱.

2 Kronika 17:4

ši moṅ etše̱ Nyoṅmo̱ le̱ se̱gbe̱ etao, ni ekitãi le̱ amli enyie, ni dšee Israel nifemo̱nii le̱ anā.

Hiob 1:1

Nū ko hĩ *Uz šikpoṅ le̱ no̱, ni egbe̱i dši †Hiob; ni nakai nū le̱ kpa ko be̱ ehe ni edša, ni ešeo̱ Nyoṅmo̱ gbeyei, ni eso̱leo̱ ehe ye̱ efõṅ he. *1 Mose 10.23; 22,21; 36,28. Ier. 25,20. Yāfó 4,21. †Ezek. 14,14. 20.

Hiob 1:8

Ni Iehowa kē̱ satan ake̱: Ani oṅõ otšui ofõ mitšũlo̱ Hiob bü no̱? Edšake̱ mokomoko be̱ ni tamo̱le̱ ye̱ šikpoṅ le̱ no̱, edši nū ni kpa ko be̱ ehe ni edša, ešeo̱ Nyoṅmo̱ gbeyei, ni eso̱leo̱ ehe ye̱ efõṅ he.

Hiob 9:2

Le̱le̱ṅ, mile ake̱ eye̱ mli nakai, ši te ádesã aafe tẽṅ adša ye̱ Mawu hĩeṅ? 35,4.

Lalai 119:6

Ké̱ mihĩe kã okitãi le̱ fẽ he le̱, mihĩe gboṅ.

Luka 1:7

Ši ame̱be̱ bi, edšake̱ Elisabet le̱ kene ni, ni ame̱yi enyo̱ le̱ fẽ amé̱dăra.

Luka 16:15

Ni ekē̱ame̱ ake̱: Nye dši mei ní *nyebuo̱ nyehe bem ye̱ gbomei ahĩe; ši Nyoṅmo̱ le̱, †ele nyetšuiiaṅ; edšake̱ noni dši godšō ye̱ gbomei ateṅ le̱, Nyoṅmo̱ mīhĩ. *18,9-14. †Lal. 7,10. Abe̱i 6,16. 17.

Luka 2:25

Ni na, nū ko ye̱ Ierusalem ní atšé̱o̱le̱ ake̱ Simeon, ni nakai nū le̱ dšalo̱ dšile̱ ni ešeo̱ Nyoṅmo̱ gbeyei, ēkwe̱ *Israel mīše̱dšemo̱ le̱ gbe̱, ni Mumo̱ kroṅkroṅ ye̱ eno. *Ies 40,1; 49,13.

Bɔfoi 2:25

Edšake̱ *David wie ye̱ ehe ekē̱: “Minaä Nuṅtšo̱ le̱ ye̱ mihĩe dā, edšake̱ eye̱ mininedšŭrõ no̱, koni mikadĩdã. *Lal. 16,8-11.

Bɔfoi 23:1

Ni Paulo tẽdše ehĩe ekwe̱ akuašoṅ le̱ hĩe ke̱-kpe ni ekē̱: Atāmei ke̱ *anyemĩmei, mi le̱, †henilē kpakpa so̱ṅṅ mike̱ba midšeṅ ye̱ Nyoṅmo̱ hĩe ke̱-baši ṅme̱ne̱ gbĩ ne̱. *22,1. †24,16.

Bɔfoi 24:16

Ene̱hewo̱ mike̱ mihe efõõ ši le̱, beni afe ní maná henilē ní sõ ko wulaale̱ ye̱ Nyoṅmo̱ ke̱ gbomei ahĩe ye̱ nibii fẽ mli. 23,1.

Bɔfoi 8:21

Obe̱ gbe̱nã lo gbe̱fãṅnõ ko ye̱ ne̱ke̱ sane ne̱ mli; edšake̱ otšui edšaa ye̱ Nyoṅmo̱ hĩe.

Romabii 8:4

koni agbe mla le̱ dšale̱ le̱ nā ye̱ wo̱mli, wo̱ mei ní *wo̱nyiee helo nā, ši moṅ mumo̱ nā wo̱nyieo̱ le̱. *Gal. 5,16. 25.

1 Korintobii 11:2

Ši, anyemimei, mīdšie nyeyi, ake̱ nyekaio̱mi ye̱ nibii fẽ mli, ni sãdši ní mike̱-hãnye le̱, nyehĩe mli bo̱ pe̱ ni mike̱-hãnye le̱.

2 Korintobii 1:12

Ši wo̱ſā̃ le̱ ne̱: *wo̱henilē odase ní eyeo̱, ake̱ Nyoṅmo̱ kro̱ṅṅfemo̱ ke̱ hetšemo̱ mli wo̱ba wo̱dšeṅ ye̱ dše ne̱ṅ, titri le̱ ye̱ nyeteṅ, ni dšee †heloṅ nilē nā, ši moṅ Nyoṅmo̱ dromo̱ nā. *2,17. Heb. 13,18. †1 Kor. 1,17.

5 Mose 5:33

Gbe̱ ní Iehowa, nye-Nyoṅmo̱ le̱, ewonye he kitã le̱ fẽ no̱ nyenyiea, koni nyeyi aná wala, ni ahĩ ahãnye, ni nyegbĩĩ ase̱ atše̱ ye̱ šikpoṅ ní nyeyaṅõ le̱ no̱!

Filipibii 2:15

koni nyehe akahĩ ſamo̱, ni nyefe mei *kro̱ṅi, Nyoṅmo̱ bii ni he be̱ kpa ko ye̱ yino̱ kõdõṅ ni be̱ eṅe̱le̱no̱ ne̱ teṅ, mei ateṅ ni †nyetšoo̱ tamo̱ kanei ye̱ dše ne̱ṅ; *1,10. †Mat. 5,14. EF. 5,3.

Kolosebii 1:22

agbe̱ne̱ eke̱ ehelo gbomotšo le̱ etšō gbĕle mli eṅõ-kpãtãnye, ni *eke̱nye adamo̱ ši ake̱ meikroṅkroṅi ni he be̱ kpa ko lo nāflo̱mo̱ ko ye̱ ehĩe; *Ef. 5,27.

1 Tesalonikabii 3:13

beni afe ni ehã nyetšuii afĩ ši ye̱ kroṅkroṅfemo̱ mli ni *ſamo̱ ko akahī nyehe, ye̱ Nyoṅmo̱ ke̱ wo̱tše̱ le̱ hĩe, ye̱ wo̱-Nuṅtšo̱ Iesu Kristo ke̱ emeikroṅkroṅi le̱ fẽ abābe le̱ mli. *Fil. 1,10.

2 Petro 3:14

Nohewo̱ le, suomo̱mei, ake̱-ni nye-kwe̱o̱ nii ne̱ agbe̱ ne̱, nye̱bo̱a mo̱deṅ, koni ananye ni mũdši lo kpa ko be̱ nyehe ye̱ ehĩe, ye̱ hedšo̱le̱ mli; 1 Kor. 1,7. 8.

1 Yohane 2:29

Ke̱dši nyele ake̱ dšalo̱ dšile̱ le̱, nyenáa nyelea ake̱ mofẽmo ni *tšuo̱ dšale̱nii le̱ áfó̱le̱ ke̱-dše̱ emli. *3,7. 10.

1 Yohane 2:3

Ni ene̱ wo̱ke̱-yoo̱ ake̱ wo̱lele̱, ke̱dši wo̱yeo̱ ekitāi le̱ ano̱ le̱.

1 Yohane 3:7

Bii bibii, nyekahãa moko mīšišiuanye, Moni tšuo̱ dšale̱nii le̱, dšalo̱ dšile, take̱ bo̱ni le̱ hũ edši dšalo̱ le̱, 2,29.