Lalai 91:14 - Ṅmãle̱ Kroṅkroṅ Le̱

¹⁴ “Edšake̱ ēsumo̱mi, hewo̱ le̱ madšie-le̱, mawo eno̱ godšō, edšake̱ ele migbe̱i le̱.

ŊMALƐ KRƆŊKRƆŊ LƐ

¹⁴ Mɛi ni sumɔɔ mi lɛ, majie amɛ, ni mɛi ni le migbɛi lɛ mabu amɛhe.

Lalai 91:14 ပူးပေါင်းရင်းမြစ်များ

1 Kronika 29:3

Ni asaṅ mi-Nyoṅmo̱ le̱ we le̱ he tšui ní miyo̱ hewo̱ le̱ mīṅõ midientše̱ mišika ke̱ dſie̱te̱i ní miyo̱ le̱ hũ mihã ye̱ mi-Nyoṅmo̱ le̱ we le̱ hewo̱, esõro noni misā mito šĩa kroṅkroṅ le̱ kwrā:

Ezra 8:31

Ke̱ke̱ ni wo̱fã ye̱ Ahawa fã le̱ nā ye̱ kleṅkleṅ nyõṅ le̱ no̱ gbĩ ní dši gbĩ nyoṅma ke̱ enyo̱ le̱ ne̱, koni wo̱ya Ierusalem. Ni wo̱-Nyoṅmo̱ le̱ nine fata wo̱he, ni edšiewo̱ ke̱-dše̱ henye̱lo̱i le̱ adeṅ ke̱ mei abo̱ ni yawo ká ye̱ gbe̱teṅ le̱ hũ adeṅ.

Lalai 59:1

David lala ni eṅmã ni eke̱-hã lalatše̱ nukpa le̱, ni ake̱ “kãkpãtã hīe!” gbā ala; ela beni *Saul tšũ ayasra ewe le̱, koni agbele̱ le̱. *1 Sam. 19,11.

Lalai 9:10

Iehowa aatšṍ abobāhe aha moni awaäle̱ yi le̱, abobāhe ye̱ fīmo̱ bei amli.

Lalai 9:11

Ni mei ní le ogbe̱i le̱ aaṅõ ame̱hĩe ame̱afõ ono̱; edšake̱ bo, Iehowa, okwaa mei ní taoo̱ ose̱gbe̱ le̱.

Lalai 91:9

Edšake̱ bo, Iehowa, dši mibobāhe! Oṅõ Ṅweinyo le̱ ofe ošihĩle̱he.

Yesaia 33:16

le̱ le̱ eebi ṅwei šoṅṅ, te̱sāi amli mõdši aatšṍmo̱ ebobāhe; aaṅõ eniyenii ahãle̱, enu hũ emĩṅ.

Yeremia 39:17

Ši madšieo ye̱ nakai gbĩ le̱ no̱, Iehowa kē̱, ni aṅõṅ bo awoṅ hĩĩ ní ošeo̱ le̱ adeṅ;

Yohane 14:23

Iesu here no̱ ni ekē̱le̱ ake̱: Ke̱dši moko mīsumo̱mi le̱, eeye miwiemo̱ le̱ no̱, ni mitše̱ aasumo̱le̱, ni wo̱o̱ba eṅõ, ni wo̱ke̱ eṅõ aafe wo̱šihĩle̱he. K. 21; 13,34. Abe̱i 3,17. Ef. 3,17.

Yohane 16:27

edšake̱ *tše̱ le̱ dientše̱ mīsumo̱nye, edšake̱ nye hũ nyemīsumo̱mi, ni nyehe nyeye ake̱ Nyoṅmo̱ ṅõ mĩdšo̱. *14,21.

Yohane 17:3

Ši ene̱ dši nāno̱ wala le̱, ake̱ ame̱le ho, *ano̱kwa Nyoṅmo̱ kome le̱, ke̱ Iesu Kristo, moni otšũ le̱. *1 Ioh. 5,20.

Romabii 8:28

Ši wo̱le ake, mei ní sumoo̱ Nyoṅmo̱ le̱, nibii fiā yeo̱ buaäame̱ ní ahĩ ahãame̱, ame̱ mei ní atšé̱ame̱ ye̱ *yiṅtō nā le̱. *Ef. 1,11; 3,11.

Galatabii 4:9

Ši agbe̱ne̱, ni nyele Nyoṅmo̱, alo moṅ, ni Nyoṅmo̱ elenye le̱: té feo̱ tēṅ ni nyesā nyekũo̱ nyese̱ ke̱-ya šlšidšĕnibii ni nyẽẽ noko afe ni eye ohĩa le̱ aṅõ, ni nyesā nyetaoo̱ ake̱ nyedše šiši nye-súmo̱ame̱ ekoṅ le̱?

Yakobo 1:12

Adšō̱ nū ni ṅmẽo̱ etšui ši ye̱ kã mli le̱, edšake̱, ké̱ akale̱ ni esa le̱, *eená wala akekre, ci Nuṅtšo̱ le̱ ewo ši ehã mei ni sumoo̱le̱ le̱. *2 Tim. 4,8.

Yakobo 2:5

Minyemimei ni misumoo̱, nyeboa toi! Ani dšee dše ne̱ṅ ohĩafoi ni dši niiatše̱mei *ye̱ hemo̱-ke̱-yeli gbe̱fãṅ le̱ Nyoṅmo̱ †ehala, koni ame̱tšomo̱ maṅtše̱-yeli ni ewo ši ehã mei ni sumoo̱le̱ le̱ yelo̱i? *Luk. 12,21. †1 Kor. 1,26.