Lalai 71:16 - Ṅmãle̱ Kroṅkroṅ Le̱

¹⁶ Magba Nuṅtšo̱ Iehowa hewale̱ nitšumo̱i le̱, matšĩ bo okometō odšale̱ le̱ tã.

ŊMALƐ KRƆŊKRƆŊ LƐ

¹⁶ Maba mabagba naakpɛɛnii wuji ni Nuŋtsɔ Nyɔŋmɔ efee lɛ; mibakafo bo okoome too ojalɛ lɛ.

Lalai 71:16 ပူးပေါင်းရင်းမြစ်များ

Lalai 106:2

Namo aanyẽ Iehowa hewale̱ nitšumo̱i le̱ agba, ní ehã anu eyidšiemo̱ le̱ fẽ?

Lalai 29:11

Iehowa *aahã emaṅ le̱ hewale̱; Iehowa aadšō̱ emaṅ le ke̱ hedšole̱. *Lal. 28,8. 9.

Lalai 51:14

Oke̱ oyiwalaheremo̱ le̱ he nyã́mo̱ le̱ akũ se̱ ahãmi, ni toibō mumo̱ le̱ amõ mimli!

Lalai 71:15

Minābu aagba odšale̱ le̱ ke̱ oyiwalaheremo̱ le̱ he sane dāne̱, edšake̱ milee ame̱yibo̱! K. 8. Lal. 40,6.

Lalai 71:19

Nyoṅmo̱, odšale̱ le̱ kwo̱ godšō, bo ni ofeo̱ nibii wudši le̱, Nānyoṅmo̱, namo tamo̱o? 2 Mose 15,11.

Lalai 71:2

Oke̱ odšale̱ le̱ adšiemi ni oheremi; ba otoi ši ohãmi, ni ohere miyiwala!

Lalai 71:24

Milile̱i hũ aagba odšale̱ le̱ he sane dā; edšake̱ mei ní taoo̱mi efõṅ-le̱ ahĩe egboi ni ame̱hĩe eſie ši.

Yesaia 26:13

Iehowa, wo̱-Nyoṅmo̱, nuṅtšo̱mei krokomei ebaye wo̱no̱, ni dšee bo ke̱ke̱; ši bo okome ogbe̱i le̱ atã wo̱o̱tšĩ!

Yesaia 40:31

ši mei ní hĩe kã Iehowa no̱ le̱ náa hewale̱ hē, ame̱holeo̱ ame̱fĩdši ano̱ tamo̱ *okropoṅi, ame̱dšoo̱ foi, ni eto̱o̱amo̱, ame̱nyieo̱ hũ, nĩ ame̱gbo̱dšo̱o̱. *Lal. 103,5.

Yesaia 63:7

Matšī Iehowa mlihĩle̱ le̱ ke̱ Iehowa yidšiemo̱ le̱ tã matšõ, ye̱ nibii fẽ ni Iehowa efe ehãwo̱ le̱ ke̱ edšŭrõ pī ní efe Israel we le̱ ye̱ emũsũṅtšõle̱ ke̱ emlihĩle̱ ni fá le̱ nā le̱ hewo̱.

Zakaria 10:12

Ni mawoame̱ hewale̱ ye̱ Iehowa mli, ni egbe̱i le̱ṅ ame̱anyie ye̱, Iehowa kē̱.

Mateo 6:33

Ši nyetaoa *Nyoṅmo̱ maṅtše̱yeli le̱ ke̱ edšale̱ le̱ tšutšu, †ni ake̱ nii ne̱ fẽ aafata he ahãnye. *Rom. 14,17. †1 Maṅ. 3,13. 14. Lal. 37,4. 25.

Romabii 1:17

Edšake̱ no mli adšieo̱ *Nyoṅmo̱ dšale̱ kpo ye̱, ke̱-dše̱o̱ hemo̱-ke̱-yeli mli ke̱-yaã hemo̱-ke̱-yeli mli; †take̱ bo̱ni aṅmã ake̱: “Ši dšalo̱ ní tšṍ heme̱-ke̱-yeli no̱ le̱ yi aaná wala.” *8,21. 22. †Hab. 2,4.

Romabii 10:3

Edšake̱ ní ame̱lee Nyoṅmo̱ dšale̱ le̱, ši ame̱dientše̱ ame̱dšale̱ moṅ ame̱taoo̱ ame̱ṅõ-mã ši hewo̱ le̱, ame̱baa ame̱he ši ame̱hãã Nyoṅmo̱ dšale̱ le̱. 9,31. 32.

Romabii 3:21

Ši agbe̱ne̱ le̱ aši mla le̱ se̱ adšie Nyoṅmo̱ dšale̱ le̱ kpo faṅṅ, ni no he odase mla le̱ ke̱ gbaloi le̱ yeo̱; Bo̱f. 10,45.

Efesobii 3:16

koni ye̱ enumnyam *fále̱ nā le̱ ehã nyetšõ Emumo̱ le̱ no̱ †nyehe awa kpintiṅṅ ye̱ nyemligbomo le̱ gbe̱fãṅ, *1,7. †6,10.

Efesobii 6:10

Noni eſe̱ le̱, minyemimei, nye-he awaä ye̱ Nuṅtšo̱ le̱ ke̱ ehewale̱ nyẽmo̱ le̱ mli. 1 Kor. 16,13. 1 Ioh. 2,14.

5 Mose 33:25

Otokotai afe dade ke̱ akō̱ble, ni bo̱ni ogbĩĩ le̱ yo̱ le̱, nakai ohewale̱ aafe!

Filipibii 3:9

ni anami ye̱ emli, ake̱ mibe̱ midientše̱ midšale̱ ni dše̱ mla mli, ši moṅ noni tšõ Kristo no̱ hemo̱-ke̱-yeli no̱ ni dši dšale̱ ni dše̱ Nyoṅmo̱ deṅ ye̱ hemo̱-ke̱-yeli nā miyo̱, Rom. 3,21. 22.

Filipibii 4:13

Minyẽo̱ nii fẽ mifeo̱ ye̱ moni wadšeo̱mi ni dši Kristo le̱ mli. 2 Kor. 12,10.

2 Tesalonikabii 1:6

ke̱dši eye̱ mli nakai ake̱ edša ye̱ Nyoṅmo̱ hĩe ake̱ mei ni haoo̱nye le̱ eehaoame̱ eto nãdšiaṅ, Kpods. 18,6. 7.

2 Timoteo 2:1

Agbe̱ne̱ bo le̱, mibi, ohe awa ye̱ dromo̱ ni ye̱ Kristo Iesu mli le̱ mli;