Lalai 29:11 - Ṅmãle̱ Kroṅkroṅ Le̱

¹¹ Iehowa *aahã emaṅ le̱ hewale̱; Iehowa aadšō̱ emaṅ le ke̱ hedšole̱. *Lal. 28,8. 9.

ŊMALƐ KRƆŊKRƆŊ LƐ

¹¹ Yehowa aaahã ewebii lɛ hewalɛ; Yehowa aaajɔɔ emaŋ lɛ kɛ toiŋjɔlɛ.

Lalai 29:11 ပူးပေါင်းရင်းမြစ်များ

Yesaia 40:31

ši mei ní hĩe kã Iehowa no̱ le̱ náa hewale̱ hē, ame̱holeo̱ ame̱fĩdši ano̱ tamo̱ *okropoṅi, ame̱dšoo̱ foi, ni eto̱o̱amo̱, ame̱nyieo̱ hũ, nĩ ame̱gbo̱dšo̱o̱. *Lal. 103,5.

2 Tesalonikabii 3:16

Ši le̱ hedšo̱le̱ Nuṅtšo̱ le̱ dientše̱ ahãnye hedšo̱le̱ dã ye̱ nofẽno gbe̱fāṅ. Nuṅtšo̱ le̱ ke̱ nyefẽ ahĩ šĩ!

Yesaia 41:10

Kāše gbeyei, ši mi, mike̱o yo̱! Kākwe̱kwē̱ ohe, ši midsi o-Nyoṅmo̱ le̱! Mawadšeo, ni maye mabuao; ni mahĩe omli ke̱ midšale̱ ninedšŭrõ le̱. 43,1.

Yohane 16:33

Mikē̱nye nii ne̱, koni *nyewonyetšui ye̱ mimli. Dše le̱ṅ le̱, hedšramo̱ nyenáa, ši kẽle̱ nyetšui anyõa nyemli: miye dše le̱ no̱ †kũnim. 14,27. Rom. 5,1. †1 Ioh. 5,4.

Yesaia 40:29

Le̱ ehãa moni egbo̱dšo̱ lo̱ hewale̱, ni moni be̱ nyẽmo̱ le̱ ehãa ehewale̱ fáa.

Lalai 68:35

Nyeke̱ hewale̱ *ahãa Nānyoṅmo̱! Egbodšē le̱ yeo̱ Israel no̱, ni ebewale̱ le̱ ye̱ atatuiaṅ. *Lal. 29,1.

Lalai 37:11

Ši mei ni he dšo̱ le̱, šikpoṅ le̱ aatšṍ ame̱nõ, ni ame̱mī aaše̱ ame̱he ye̱ hedšo̱le̱ babaō mli. K. 9. Mat. 5,5.

1 Korintobii 1:3

Dromo̱ ke̱ hedšo̱le̱ ní dše̱ wo̱tše̱ Nyoṅmo̱ le̱ ke̱ Nuṅtšo̱ Iesu. Kristo deṅ ahãnye. Rom 1,7

Romabii 14:17

Edšake̱ Nyoṅmo̱ maṅtše̱yeli le̱ dšee niyeli ke̱ numo̱ ni, ši moṅ dšale̱ ke̱ hedšo̱le̱ ke̱ Mumo̱ kroṅkroṅ mli mīše̱ ni; Luk. 17,20.

Yohane 14:27

*Hedšo̱le̱ mišīo̱ mahãnye, hedšo̱le̱ ní dši minõ le̱ miṅõhãanye, dšee bo̱ni dše le̱ hãa le̱, mihãanye ne̱. Nyetšui akayea, ni asaṅ ekafãa. *16,38. Fil. 4,7.

Zakaria 10:12

Ni mawoame̱ hewale̱ ye̱ Iehowa mli, ni egbe̱i le̱ṅ ame̱anyie ye̱, Iehowa kē̱.

Efesobii 3:16

koni ye̱ enumnyam *fále̱ nā le̱ ehã nyetšõ Emumo̱ le̱ no̱ †nyehe awa kpintiṅṅ ye̱ nyemligbomo le̱ gbe̱fãṅ, *1,7. †6,10.

Lalai 138:3

Gbĩ ní mibo mitšó̱o le̱, oheremi no̱; owomi ekā̃, ni misusuma ná hewale̱.

Zakaria 10:6

Ni mawo Iuda we le̱ hewale̱, ni mahere Iosef we le̱ yiwala, ni mike̱ame̱ aakũ se̱ ke̱-aba ekoṅ; edšake̱ mimũsũṅ etšõmi ye̱ ame̱he, ni ame̱afe tamo̱ mei ní miſiekoame̱; edšake̱ midši Iehowa, ame̱-Nyoṅmo̱ le̱, ni mato he mahãame̱.

Lalai 72:3

Gõdši le̱ aawo hedšo̱le̱ ahã maṅ le̱, ni ṅmeṅmei le̱ hũ ke̱ dšale̱ aaba. Lal. 85,9-14.

Efesobii 2:17

Ni eba ebadšadše hedšo̱le̱ sanekpakpa le̱ etšõ nye ni nyeyo̱ šoṅṅ le̱ ke̱ mei ni be̱ṅke̱ le̱ hũ, Ies. 57,19. Zak. 9,10.

Lalai 85:8

Iehowa, dšiemo̱ omo̱bo̱nale̱ le̱ otšõ-wo̱, ni oke̱ oyiwalaheremo̱ le̱ adrowo̱!

Lalai 84:7

Ké̱ ame̱tšṍ yāfó dšō̱ le̱ṅ le̱, ame̱hãa etšṍo̱ heni nubui yo̱; agbee̱nā nyoṅmo̱ne̱mo̱ le̱ ṅõo̱ dšō̱mo̱i so̱nṅ ehaä no̱.

Kpojiemɔ 1:4

Iohane ṅmã yahã asafoi kpawo ní yo̱ Asia le̱: Dromo̱ ke̱ hedšo̱le̱ ahãnye, ke̱-dše̱ moni *yo̱ le̱ ke̱ moni ye̱ le̱ ke̱ moni baba le̱ deṅ, ni ke̱-dše̱ †mumo̱i kpawo ni yo emaṅtšesẽi le̱ hĩe le̱ ṅõ, *K. 8. 2 Mose 3,14. 15 †Kpods 3,1; 5,6.

Lalai 85:10

Le̱le̱ṅ eyiwalaheremo̱ be̱ṅke̱ mei ni šeo̱le̱ gbeyei le̱, koni anumnyam ahĩ wo̱-šikpoṅ le̱ no̱.

2 Timoteo 4:17

Ši Nuṅtšo̱ le̱ *fĩ mise̱ ni ewomi hewale̱, koni atšṍ mino̱ amã šie̱me̱ le̱ no̱ mi, ni dšeṅmãdši le̱ fẽ anu; ni adšiemi ye̱ dšata le̱ dáṅ, *Bof. 23,11; 27,23.

Lalai 72:7

Dšalo̱ aafro̱ke ye̱ egbĩĩ le̱ amli, ni hedšo̱le̱ aafá ke̱-yaši beyino̱ ní nyoṅtsĕre be̱ doṅṅ.

Yesaia 26:12

Iehowa, ooṅõ hedšo̱le̱ ohãwo̱; edša-ke̱ otšu wo̱nitšumo̱i le̱ fẽ ohãwo̱.