Lalai 147:2 - Ṅmãle̱ Kroṅkroṅ Le̱

² Iehowa dši moni too̱ Ierusalem, ehuaä Israelbii ní agbe̱ame̱ aſã le̱ anā.

ŊMALƐ KRƆŊKRƆŊ LƐ

² Yehowa ji mɔ ni maa Yerusalɛm maŋ lɛ; ebuaa Israelbii ni agbɛ amɛ ashwã lɛ anaa.

Lalai 147:2 ပူးပေါင်းရင်းမြစ်များ

Nehemia 6:15

Ni gbĩĩ nyoṅmai-enumo̱ ke̱ enyo̱ se̱ le̱ agbe gbogbo le̱ nā ye̱ Elul nyõṅ le̱ no̱ gbĩ ní dši gbĩ nyoṅmai-enyo̱ ke̱ enumo̱ le̱ no̱.

Nehemia 6:16

Ni eba mli ake̱, beni wo̱henye̱lo̱i le̱ fẽ nu le̱, dšeṅmãdšĩ ní bo̱lewo̱ le̱ fẽ še gbeyei, ni ame̱hĩe gboi wo ame̱yitseiaṅ; edšake̱ ame̱yo ake̱ ne̱ke̱ nitšumo̱ ni atšu ne̱, wo̱-Nyoṅmo̱ le̱ deṅ dše̱.

Nehemia 7:4

Ši mã le̱ mli le̱ ni eda hũ, ši mei ni yo̱ mli le̱ fáá, ni tšũi le̱ hũ amãmo̱ko.

Lalai 102:17

edšake̱ Iehowa esā Zion ekoṅ, edšie ehe kpo ye̱ enumnyam le̱ mli.

Lalai 51:18

Edšake̱ dšee afo̱le otaoo̱, kũle̱ mahã; šã-afo̱le hũ, onáá he tšui. Lal. 40,7; 50,8-13.

Yesaia 14:32

Ni mẽ hetõ aahã dšeṅmaṅ le̱ bo̱-foi le̱? No dši ake̱ Iehowa to Zion šiši, ni emaṅ le̱ mli šitſialo̱i le̱ aababa abo ye̱ dše̱i!

Yesaia 27:13

Ni aaba mli ye̱ nakai gbĩ le̱ no̱ ake̱ aakpã te̱tre̱mantre̱ wulu, ni mei ni elādše ye̱ Ašur šikpoṅ le̱ no̱ le̱ ke̱ mei ni aše̱re̱ame̱ aſie Mizraim šikpoṅ le̱ no̱ le̱ aaba, ni ame̱abadšá Iehowa ye̱ goṅ kroṅkroṅ le̱ no̱ ye̱ Ierusalem. 11,10-16.

Yesaia 56:8

Nuṅtšo̱ Iehowa, ní buaä Israel mei ní aše̱re̱ame̱ aſie le̱ anā le̱, wiemo ne̱. Masā mabua mei anā maši mei ní abua ame̱nā le̱ ano̱!

Yesaia 62:7

ni nyekahãale̱ hedšō̱mo̱, ke̱-yaši beyino̱ ní eeṅõ Ierusalem emã ši, ni eehã etšṍ yidšiemo̱ ye̱ šikpoṅ le̱ no̱!

Yeremia 31:10

Nyeboa Iehowa wiemo̱ toi, nye dšeṅmãdši, ni nyegbaã ye̱ ṅšo̱kpo̱i ni ye̱ šoṅṅ le̱ ano̱ nyekē̱a ake̱: Moni gbe̱ Israel eſã le̱, eebua ame̱nā ni eekwe̱ame̱ take̱ tōkwe̱lo̱ kwe̱o̱ etōiku le̱!

Yeremia 31:4

Masā mamāo ekoṅ, ni oomã ši, Israel oblayōl Ootšotšŏro omĩdši le̱ ekoṅ ni oodše kpo ye̱ mei ni mli efliame̱ le̱ adšõ̀ le̱ mli!

Yeremia 32:37

Na, mi noṅṅ mabua ame̱nā ke̱-adše̱ šikpõdši fẽ ni miſieame̱ ke̱-te no̱ ye̱ mimlifũ ke̱ mlila ke̱ grimo̱ babaō nā le̱ ano̱, ni mike̱ame̱ aakũ se̱ ke̱-aba bie̱ ne̱ ekoṅ, ni mahã ame̱hĩ ší ſeſēſe.

Ezekiel 38:8

Gbĩĩ pī ase̱ le̱ aabasrao, ni nāgbe afii le̱ amli le̱ ooba šikpoṅ ní adšie ke̱-dše̱ klante nā ke̱-kũ se̱ ke̱-ba, ni abua nā ke̱-dše̱ mãdšimãdši babaō mli ke̱-ba Israel gõdši le̱ ní kãmo̱ ši efodši dā le̱ ano̱; ši adšiele̱ ke̱-dše̱ mãdšimãdši le̱ amli, ni ame̱fẽ-tſẽm ame̱ahĩ ši ſeſēſe.

Daniel 9:25

Nohewo̱ le̱ ná ole, ni odſēṅ he, ake̱ ke̱-dše̱ beyino ní wiemo̱ aadše̱ kpo ake̱ akũ se̱ ayatſa Ierusalem ekoṅ le ke̱-yaši moni afo̱le̱ mũ ní dši lumo̱ le̱ no̱ le̱, efeo̱ otšii kpawo, ni otšii nyoṅmai-ekpa ke̱ enyo̱ mli le̱ aakũ se̱ ayatſale̱ akoṅ blohũ ke̱ gbogbo fẽ ye̱ fĩmo̱ bei amli.

Mika 4:6

Nakai gbĩ le̱ no̱ le̱, Iehowa kē̱, mabua mei ni tšo̱ö̱ le̱ anā, ni makpla mei ní aſieame̱ le̱ ke̱ mei ní mihao le̱ fẽ ke̱-aba. Ier. 31,8.

Zakaria 8:7

Bo̱ni Iehowa Zebaot kē̱ ne̱: Na, mahere mimaṅ le̱ yiwala ke̱-adše̱ bokã šikpoṅ le̱ no̱ ke̱ anai šikpoṅ le̱ no̱ hũ,

Mateo 16:18

Ni mi hũ mīkē̱e ake̱: Bo dši Petro le̱, ni ne̱ke̱ *te̱sā ne̱ no̱ matſa misafo le̱ mamã, ni gbohĩĩadše agbói le̱ nyẽṅ eno̱ aye. *Ioh. 1,42. Ef. 2,20.

5 Mose 30:3

no le̱ Iehowa, o-Nyoṅmo̱ le̱, *aahã okũ ose̱ ke̱-dše̱ onomṅō̃ le̱ mli ni emũsũṅ aatšõle̱ ye̱ ohe, ni esa †eebua ona ke̱-adše̱ mãdši fẽ ní Iehowa, o-Nyoṅmo̱ le̱, egbeo eſã ame̱teṅ le̱ mli. *Ier. 29,14. Amos 2,14. †Ier. 32,57.