Lalai 119:2 - Ṅmãle̱ Kroṅkroṅ Le̱

² Adšō̱ mei ní yeo̱ edasei le̱ ano̱, ni ame̱ke̱ ame̱tšui mū fẽ taoo̱ ese̱gbe̱ le̱,

ŊMALƐ KRƆŊKRƆŊ LƐ

² Ajɔɔ mɛi ni yeɔ ekpɔi lɛ anɔ ni amɛkɛ amɛtsui muu fɛɛ taoɔ esɛɛgbɛ lɛ,

Lalai 119:2 ပူးပေါင်းရင်းမြစ်များ

1 Maŋtsɛmɛi 2:3

ni oye Iehowa, o-Nyoṅmo̱ le̱, gbe̱nānii le̱ ano̱, ní onyie egbē̱i le̱ ano̱, ni oye ekpo̱i le̱ ke̱ ekitãi le̱ ke̱ emlai le̱ ke̱ edasei le̱ ano̱, take̱ bo̱ni *aṅmã ye̱ Mose mla le̱ mli le̱, koni nofẽno ni ofeo̱ ke̱ hefẽhe ní oyaã le̱ oſere; *5 Mose 17,14-20; Ios. 1,7. 23,6.

1 Kronika 22:19

Nohewo̱ le̱ agbe̱ne̱ nyeṅõa nyetšuii ke̱ nyesusuma! le̱ nyetaoa Iehowa, nye-Nyoṅmo̱ le̱, se̱gbe̱; ni nyetea ši ni nyeyamãa Iehowa Nyoṅmo̱ hekroṅkroṅ le̱, koni ake̱ Iehowa kpãṅmo̱ adeka le̱ ke̱ Nyoṅmo̱ nibii kroṅkroṅi le̱ aba šĩa ni abamã ahã Iehowa gbe̱i le̱!

2 Kronika 31:21

Ni nitšumo̱ fẽ ni ebõi ye̱ Nyoṅmo̱ we lo̱ súomo̱ le̱ ke̱ mla le̱ ke̱ kitã le̱ he, ni eke̱-tao e-Nyoṅmo̱ le̱ se̱gbe̱ le̱, etšui mũ lo̱ fẽ eke̱-fe, *ni eſere. *Lal. 1,3.

Lalai 105:45

beni afe ní ame̱to ekpo̱i le̱, ni ame̱ye emlai le̱ ano̱. Haleluya!

Lalai 119:10

Bo ose̱gbe̱ mike̱ mitšui mū le̱ fẽ taoo̱: kāhã midũ gbe̱ ke̱-dše̱ okitãi le̱ ahe!

Lalai 119:101

Miko̱ minane ke̱-dše̱ gbe̱ fõṅ-fẽ-gbe̱ fõṅ no̱, koni maye owiemo̱ le̱ no̱.

Lalai 119:115

Nyedšea mino̱ nyeyaã, nye efõṅfelo̱i, koni maye mi-Nyoṅmo̱ le̱ kitãi le̱ ano̱.

Lalai 119:146

Mīblo̱ mītšé̱o, heremo̱ miyiwala, ni maye odasei le̱ ano̱.

Lalai 119:17

Oke otšũlo̱ aye mlihĩle̱ nā, ní miyi aná wala, koni maye owiemo̱ le̱ no̱!

Lalai 119:22

Dšiemo̱ ahorabō̱ ke̱ heguo̱gbē ke̱-dše mino̱; edšake̱ miye odasei le̱ ano̱.

Lalai 119:33

Iehowa, tšõmo̱mi ogbe̱nāi le̱ agbe̱ le̱, ni manyie ne̱ ke̱-yaši nāgbē.

Lalai 119:34

Hãmi se̱yōmo̱, ní mihĩe akã omla le̱ he, ni maye no̱ ke̱ mitšui mū le̱ fẽ.

Lalai 119:57

Mikē̱ ake̱: Bo, Iehowa, dši migbe̱fãṅnõ, maye owiemo̱i le̱ ane̱.

Lalai 119:69

Hewolo̱i flo̱ö̱ apasa sãdši ſieo̱ mino̱; ši mi le̱ mike̱ mitšui mū le̱ fẽ yeo̱ okpo̱i le̱ ano̱. K. 78.

Lalai 119:88

Hã miyi aná wala ye̱ omlihĩle̱ nā, koni maye odase ní dše̱ odāṅ le̱ no̱. K. 149.

Lalai 25:10

Iehowa tempõṅi le̱ fẽ le̱, mlihĩle̱ ke̱ ano̱kwale so̱ṅṅ ni hã mei ni yeo̱ ekpãṅmo̱ le̱ ke̱ edasei le̱ ano̱ le̱.

Abe̱i 23:26

Mibi, ṅõ otšui ohãmi, ni ohã migbè̱i le̱ asa ohĩe!

Yeremia 29:13

ni nyeataomi, ni nyeanami, ke̱-dši nyetao mise̱gbe̱ ke̱ nyetšui fẽ le̱; 5 Mose 4,29. Ies. 55,6.

Ezekiel 36:27

ni maṅõ Mimumo̱ le̱ mawo nyemli, ni mahã nyenyie mikpo̱i le̱ amli, ni nyeato mimlai le̱ ní nyeye no̱. 37,24; 39,29. Ies. 44,9.

Yohane 14:23

Iesu here no̱ ni ekē̱le̱ ake̱: Ke̱dši moko mīsumo̱mi le̱, eeye miwiemo̱ le̱ no̱, ni mitše̱ aasumo̱le̱, ni wo̱o̱ba eṅõ, ni wo̱ke̱ eṅõ aafe wo̱šihĩle̱he. K. 21; 13,34. Abe̱i 3,17. Ef. 3,17.

5 Mose 4:29

Ši ke̱dši nyetao Iehowa, o-Nyoṅmo̱ le̱, ye̱ dše̱i le̱, no le̱ oonale̱, ke̱dši otao ese̱gbe̱ ke̱ otšui fẽ ke̱ osusuma fẽ le̱. Lal. 27,8. Ies. 29,13. 14.

5 Mose 6:17

Ši moṅ nyeyea Iehowa, nye-Nyoṅmo̱ le̱, kitãi le̱ ke̱ edasei le̱ ke̱ ekpo̱i le̱ ní ewoö le̱ ano̱;

5 Mose 6:5

Ni suomo̱ Iehowa, o-Nyoṅmo̱ le̱, ke̱ otšui fẽ ke̱ osusuma fẽ ke̱ ohewale̱ fẽ! 10,12. Mat. 22,37.

1 Yohane 3:20

ake̱, ke̱dši wo̱tšuii buo̱wo̱ fo̱ le̱, Nyoṅmo̱ da fē wo̱tšui, ni ele nii fiā.