Kolosebii 3:23 - Ṅmãle̱ Kroṅkroṅ Le̱

²³ Ni nofẽno ni nyefeo̱ le̱, nyedšiea nyemũsũṅ nyetšua, take̱ Nuṅtšo̱ le̱ nyetšuo̱ nyehã ni dšee gbomei,

ŊMALƐ KRƆŊKRƆŊ LƐ

²³ Ni nɔ fɛɛ nɔ ni nyɛfeɔ lɛ, nyɛjiea nyɛmusuŋ nyɛtsua, tamɔ akɛ Nuŋtsɔ lɛ nyɛtsuɔ nyɛhã ni jeee gbɔmɛi,

Kolosebii 3:23 ပူးပေါင်းရင်းမြစ်များ

2 Kronika 31:21

Ni nitšumo̱ fẽ ni ebõi ye̱ Nyoṅmo̱ we lo̱ súomo̱ le̱ ke̱ mla le̱ ke̱ kitã le̱ he, ni eke̱-tao e-Nyoṅmo̱ le̱ se̱gbe̱ le̱, etšui mũ lo̱ fẽ eke̱-fe, *ni eſere. *Lal. 1,3.

Lalai 103:1

David lala. Dšiemo̱ Iehowa yi, misusuma, ni mimlinii fẽ, nyedšiea egbe̱i kroṅkroṅ le̱ yi!

Lalai 119:10

Bo ose̱gbe̱ mike̱ mitšui mū le̱ fẽ taoo̱: kāhã midũ gbe̱ ke̱-dše̱ okitãi le̱ ahe!

Lalai 119:145

Mike̱ mitšui mū le̱ fẽ blo̱o̱: Heremo̱mi no̱, Iehowa! ni maye ogbe̱nāi le̱ ano̱.

Lalai 119:34

Hãmi se̱yōmo̱, ní mihĩe akã omla le̱ he, ni maye no̱ ke̱ mitšui mū le̱ fẽ.

Jajelɔ 9:10

Nofẽno tšumo̱ ní onine aaše̱ no̱ le̱, oke̱ ohewale̱ atšu; edšake̱ nitšumo̱ lo yiṅſíemo̱ lo nilē lo ṅā ko be̱ gbohĩĩadše heni oyaä le̱.

Yeremia 3:10

Ši fẽ le̱, enyemiyō Iuda, kũtũmpo̱fo le̱, ekũũ ese̱ ke̱-baa miṅõ ke̱ etsui mū le̱ fẽ, ši moṅ, apasa mli ke̱ke̱, Iehowa kē̱.

Mateo 6:16

Ši ké̱ nyemīhĩ ṅmā̃ le̱, nyekafea nyehĩe mo̱bo̱mo̱bo̱ tamo̱ osatofoi le̱; ši ame̱feo̱ ame̱hĩe nyãnyãnyã, koni mei ana ake̱ ame̱mīhĩ ṅmā̃. Le̱le̱ṅ, mike̱onye ake̱: Ame̱nine eše̱ ame̱nyõmo̱wo no̱ momo. Ies. 58,5-9.

Romabii 14:6

Moni buo̱ gbĩ le̱, Nuṅtšo̱ le̱ ebuo̱ ehãa; ni moni ebuu gbĩ le̱, Nuṅtšo̱ le̱ hũ ebuu ehãã. Moni yeo̱ nii le̱, Nuṅtšo̱ le̱ eyeo̱ ehãa, edšake̱ edaä Nyoṅmo̱ ši; ni moni yee nii le̱, Nuṅtšo̱ le̱ eyee nii ehãã, ni edaä Nyoṅmo̱ ši hũ.

Romabii 14:8

Ši ke̱dši wo̱hĩe kã le̱, Nuṅtšo̱ le̱ wo̱hĩe kã wo̱hã; ni ke̱dši wo̱gboi hũ, Nuṅtšo̱ le̱ wo̱gboio̱ wo̱hãa. Nohewo̱ le̱ wo̱hĩe kã dšio, wo̱gboi dšio, Nuṅtšo̱ le̱ nii dšiwo̱. Gal. 2,20. 1 Tes. 5,10.

Efesobii 5:22

Nye yeigbãyei le̱, nyebaä nyehe ši nyehãa nyedientše̱ nyewùmei le̱, ta-mo boni nyefeo nyehãa Nuṅtšo̱ le̱, 1 Mose 3,16. Kol. 3,18. 1 Pet. 3,1.

Kolosebii 3:17

ni nofẽno ni nyefeo̱ ye̱ wiemo̱ lo nitšumo̱ gbe̱fãṅ le, nyefea fẽ ye̱ Iesu Kristo gbe̱i amli, ni nyetšōa eno̱ nyedaä Nyoṅmo̱ ke̱ tše̱ le̱ ši, 1 Kor. 10,31.

1 Petro 1:22

Ni ake̱ noni nyetšṍ mumo̱ le̱ no̱ nyetšū nyesusumai ahe ye̱ ano̱kwale le̱ toibō mli nyehã nyemimei ahedō̱ ní apasa be̱ mli hewo̱ le̱, nyeke̱ tšui kro̱ṅṅ asumo̱a nyehe dšogbāṅ,

1 Petro 2:13

Nohewo̱ le̱ *nyebaä nyehe ši nyehãa gbomei agbe̱dšiano̱tō-fẽ-gbe̱dšiano̱tō, ye̱ Nuṅtšo̱ le̱ hewo̱, maṅtše̱ moni yeo̱, no̱ le̱ dsio, *Rom 13,1-7. Tit. 3,1.

1 Petro 2:15

Edšake̱ nakai dši Nyoṅmo̱ suomo̱-nānii le̱, *ake̱ ekpakpafemo̱ nyeke̱-atšĩmo̱ gbomei ní be̱ yitšoṅ le akwašiafemo le̱ nā, *3,16.