Kolosebii 2:2 - Ṅmãle̱ Kroṅkroṅ Le̱

² koni ame̱tšé̱ ame̱tšuii ame̱ṅmẽ ame̱mli, ni ame̱fe ekome ye̱ suomo̱ mli ke̱-mõ šišinamo̱ ni ayo̱ hewale̱ ye̱ no̱ le̱ fále̱ le̱ fē mli, ni ame̱le tše̱ Nyoṅmo̱ le̱ ke̱ Kristo tẽmo̱sane le̱,

ŊMALƐ KRƆŊKRƆŊ LƐ

² Miifee enɛ koni amɛtsɛ amɛtsui amɛŋmɛ amɛmli ni amɛfee ekome yɛ suɔmɔ mli ni amɛna hewalɛ falɛ fɛɛ ni anaa kɛjɛɔ niiashishinumɔ mli lɛ ni amɛle Nyɔŋmɔ teemɔ sane lɛ ni ji Kristo.

Kolosebii 2:2 ပူးပေါင်းရင်းမြစ်များ

1 Maŋtsɛmɛi 3:28

Ni Israel fẽ nu kodšomo̱ ni maṅtše̱ le̱ kodšo le̱ he, ni ame̱še maṅtše̱ le̱ gbeyei; edšake̱ ame̱na ake̱ Nyoṅmo̱ nilē ye̱ emli, ni eke̱kodšoo̱.

Lalai 133:1

David no̱kwo̱le̱i alala. Kwe̱ bo̱ni ehĩ, bo̱ni eyo̱ fe̱o, ké̱ nyemimei fe ekome ke̱-hĩ ši le̱!

Yesaia 32:17

Ni nii ni dšale̱ le̱ aatšu dši hedšo̱le̱, ni dšale̱ le̱ mli se̱námo̱ dši hedšē̱mo̱ ke̱ toiṅdšo̱le̱ ke̱-ate nāno̱;

Yesaia 40:1

Nyeše̱dšea, nyeše̱dšea mimaṅ le̱ mī! nye-Nyoṅmo̱ le̱ kē̱!

Yesaia 53:11

Esusuma haomo̱ le̱ hewo̱ le̱ eena nii ní aahã etšui anyõ emli; enilē nā le̱ mitšũlo̱ dšalo̱ le̱ aaná *dšale̱ ahã mei pī, ni †eetĕre ame̱nišaianii le̱. *Rom. 10,4. 2 Kor. 5,21. †Ioh. 1,29.

Yeremia 9:24

ši moni ſãa le̱, *ene̱ moṅ no̱ eſã efõ, ake̱ eyo ni asaṅ elemi, ake̱ midši Iehowa, moni yeo̱ mlihĩle̱ ke̱ kodšomo̱ ke̱ dšale̱ sane ye̱ šikpoṅ le̱ no̱ le̱; edšake̱ ene̱ sa mihĩe, Iehowa kē̱. *1 Kor. 1,31. 2 Kor. 10,17.

Mateo 11:25

No be le̱ mli le̱ Iesu here no̱ ni ekē̱: Mīdšie oyi, Atā, ṅwei ke̱ šikpoṅ nuṅtšo̱, ake̱ oṅõ nii ne̱ otē ṅālo̱i ke̱ nilelo̱i, ni odšie otšõ abifabii; 1 Kor. 1,26-29.

Mateo 11:27

Mitše̱ *étu nii fẽ ewo mideṅ; ni mokomoko lee bi le̱, ake̱ dša tše̱ le̱ ke̱ke̱; asaṅ tše̱ le̱ hũ, mokomoko leele̱, ake̱ dša bi le̱, ke̱ moni bi le̱ snmoo̱ ake̱ edšieo̱le̱ etšõo̱ le̱. *28,18. Ioh. 8,35; 17,2. Fil. 2,9.

Mateo 13:11

Ši ehere no̱ ekē̱ame̱ ake̱: Edšake̱ nye le̱ aṅõ-hãnye ake̱ nyele ṅwei maṅtše̱yeli le̱ṅ tēmo̱sãdši le̱, ši ame̱ le̱ aṅõ-hãkoame̱.

Luka 1:1

Ake̱-ní mei pī eko̱ efõ ame̱no̱ ake̱ ame̱aṅmã sãdši ní éba mli ye̱ wo̱teṅ le̱,

Yohane 10:30

Mi ke̱ tše̱ le̱ fẽ le̱, ekomeṅ.

Yohane 10:38

ši ke̱dši mitšuo̱, ni kẽle̱ nyeheemi nyeyee le̱, nyehea nitšumo̱i le̱ nyeyea mo̱, koni nyele ni nyehe nyeye ake̱ tše̱ le̱ ye̱ mimli, ni mi hũ miye̱ tše̱ le̱ mli.

Yohane 16:15

Nii fiā *ni dši tše̱ le̱ nõ le̱, minõṅ; nohewo̱ ni mikē̱ ake̱: Ebaṅõ minõ le̱ eko, ní etšĩ tã etšõnye le̱, *17,10.

Yohane 17:3

Ši ene̱ dši nāno̱ wala le̱, ake̱ ame̱le ho, *ano̱kwa Nyoṅmo̱ kome le̱, ke̱ Iesu Kristo, moni otšũ le̱. *1 Ioh. 5,20.

Yohane 5:17

Ši Iesu hereame̱ no̱ ekē̱: Mitše̱ mītšu nii ke̱-baši be ne̱, nohewo̱ ni mi hũ mitšuo̱ le̱. 9.4.

Yohane 5:23

koni mei fẽ abu bi le̱, tamo̱ bo̱ni ame̱buo̱ tše̱ le̱. Moni ebuu bi le̱, ebuu tše̱ le̱ ní tšũle̱ le̱ hũ. Fil. 2,10. 11. 1 Ioh. 2,23.

Yohane 6:69

ni wo̱ le̱ wó̱he wó̱ye ni asaṅ wo̱ná wo̱le ake̱ *bo dši Kristo, Nyoṅmo hĩekãlo̱ le bi le̱! *1,49; 11,27. Mat 16,16.

Bɔfoi 4:32

Ši mei babaō le̱ ní heo̱ yeo̱ le̱ fẽ hĩe tšui kome ke̱ susuma kome, ní ame̱teṅ mokomoko tšé̱é̱ enii ni eyo̱ le̱ amli eko ake̱ le̱dientše̱ enõ, ši moṅ ame̱ṅõ fẽ amefe ekome. 2.44.

Romabii 15:13

Ši no̱hĩekãmo̱ Nyoṅmo̱ le̱ ke̱ mīše̱ ke̱ hedšo̱le̱ fẽ awonye obõbō̃bõ ye̱ hemo̱-ke̱-yeli mli, koni nyená hĩeno̱kãmo̱ ní ateke no̱ ye̱ Mumo̱ kroṅkroṅ hewale̱ mli.

Romabii 16:25

Ši moni aanyē ahã nyefĩ ši šiṅṅ ye̱ misanekpakpa le̱ ke̱ Iesu Kristo šie̱mo̱ le̱ nā, ye̱ *tēmo̱sane ní aṅõ-tē †ke̱-dše̱ nāno̱ bēbe le̱ kpodsiemo̱ nā, *Ef. 1,9. †Ef. 3,5. 9.

Romabii 2:4

Alo gbe ogbeo̱ emlihīle̱ ke̱ eyišiṅmē̃ ke̱ etšuišitō babaō le̱ he guo̱, ši olee ake̱ Nyoṅmo̱ mlihīle̱ le̱ wa ewaäo ní oſa ohe? 2 Pet. 8,15.

1 Korintobii 14:31

Edšake̱ ké̱ afe mokomekome le̱, nyefẽ nyeanyẽ nyegba, koni mei fẽ akase nii ni awie atšõ mei fẽ.

1 Korintobii 2:12

Ši wo̱ le̱, dšee dše ne̱ṅ mumo̱ le̱ wo̱ná, ši moṅ Mumo̱ ní dše̱ Nyoṅmo̱ mli le̱, koni wo̱le nii ní Nyoṅmo̱ eṅõ-drowo̱ le̱;

Galatabii 3:28

Iudanyo be̱ le̱, Helanyo hũ be̱ doṅṅ; nyõṅ be̱ le̱, odehe hũ be̱ doṅṅ; nō be̱ le̱, yō hũ be̱ doṅṅ: edšake̱ nyefẽ, mokome dšinye ye̱ Kristo Iesu mli, Rom. 10,12. 1 Kor 12,13.

Efesobii 1:7

le̱ emli noṅṅ wo̱ná *kpõmo̱ le̱ ye̱, ni dši no̱tõmo̱i afā le̱, ye̱ elá le̱ hewo̱, ye̱ edromo †fále̱ le̱ nā, *Kol. 1.14, †Ef. 2,7; 3,8. 16.

Efesobii 3:16

koni ye̱ enumnyam *fále̱ nā le̱ ehã nyetšõ Emumo̱ le̱ no̱ †nyehe awa kpintiṅṅ ye̱ nyemligbomo le̱ gbe̱fãṅ, *1,7. †6,10.

Efesobii 3:3

ake̱ kpodšiemo̱ no̱ etšõ ehã mile *tẽmo̱sane le̱, take̱ beni miṅmãnye fiõ mo̱mo le̱, *1,9. 10.

Efesobii 6:22

edšake̱ ene̱ noṅṅ hewo̱ mitšũle̱ nyeṅõ le̱, beni afe ni nyele *bo̱ni wo̱yo̱, ni etše̱ nyetšuii eṅmẽ nyemli. *Kol. 4,7. 8.

Filipibii 2:1

Nohewo̱ le̱ ké̱ Kristo mli wiemo̱-ke̱-tšõmo̱ ko ye̱, ké̱ suomo̱ mĩše̱dšemo̱ ko ye̱, ké̱ mumo̱ṅ nanyobó̱ ko ye̱, ké̱ mũ-sũṅtšõle̱ ke̱ mo̱bo̱nale̱ ko ye̱ le̱,

Filipibii 3:8

Ši le̱le̱ṅ ake̱ mibuo̱ fẽ lãdšeme̱nii ye̱ Kristo Iesu, mi-Nuṅtšo̱ le̱, he nilẽ ni fé fẽ ie̱ hewo̱, le̱ ehewo̱ ni nii fẽ ebo̱mi, ni mibuo̱ame̱ ake̱ tumuno̱nii, koni Kristo moṅ afe minõ,

Kolosebii 1:26

noni dši tēmo̱sane ni aṅõ-tē ke̱-dše̱ tetĕte ke̱ yino̱i le̱ ano̱ le̱, ši agbe̱ne̱ le̱ adšie kpo atšõ emeikroṅkroṅi le̱, Rom. 16,25. 26.

Kolosebii 1:27

mei ni Nyoṅmo̱ *sumoo̱ ake̱ ahã ame̱le noni dši ne̱ke̱ tēmo̱sane ne̱ anumnyam fále̱ le̱ ye̱ dšeṅmãdši le̱ ateṅ, ni dši Kristo ye̱ nyemli, anumnyam le̱ *no̱hĩekãmo̱ le̱; *1 Tim. 1,1.

Kolosebii 1:9

Ene̱hewo̱ le̱ wo̱ hũ, ke̱-dše̱ gbĩ no̱ ni wo̱nu le̱, *wo̱fõko so̱lemo̱ ke̱ faikpamo̱ ke̱ nye hãmo̱, koni nyeyimo̱ obõbõ ke̱ esuomo̱nānii alē ye̱ mumo̱ṅ nilē ke̱ šišinamo̱ fē mli; *Ef. 1,16. 17.

Kolosebii 2:19

ni ehĩee yitšo le̱ mli, nõ mli noṅṅ ni gbomotšo le̱ fẽ tšoo̱ talo̱i ke̱ fāi le̱ ano̱ enáa nii ni hĩaäle̱, ni etšratšraä ehe ke̱-daä Nyoṅmo̱ dale̱ le̱. Ef. 4,15. 16.

Kolosebii 3:14

ši ene̱mei fẽ se̱ le̱ nyewoa suomo̱ ni dši emūyeli kpã le̱. Rom. 13,8. 10.

Kolosebii 4:3

ni nyesā *nyeso̱lea nyehãa wo̱ hũ, koni Nyoṅmo̱ †agble wiemo̱ le̱ šĩnā ahãwo̱ ni wo̱ke̱-wie Kristo tēmo̱sane le̱, nõ hewo hũ ni mikã kpã mli ne̱, *Rom 15,30 Ef. 8,19. 2 Tes, 3,1. †1 Kor, 16,9.

Kolosebii 4:8

mo hũ ni mitšũ nyeṅõ ye̱ ene̱ noṅṅ hewo̱, koni male nyehe sãdši le̱, ni etšé̱ nyetšui eṅmẽ nyemli, Ef. 6,22.

1 Tesalonikabii 1:5

ake̱ wo̱sanekpakpa le̱ baa nyeṅõ ye̱ wiemo̱ mli ke̱ke̱, ši moṅ ye̱ *hewale̱ ke̱ Mumo̱ kroṅkroṅ ke̱ no̱mimā babaō mli, take̱ bo̱ni nyele, bo̱ni wo̱tšõ wo̱ba wo̱dšeṅ ye̱ nyeteṅ ye̱ nyehewo̱ le̱, *1 Kor. 2,5.

1 Tesalonikabii 3:2

ni wo̱tšũ wo̱nyemi *Timoteo, ni dši Nyoṅmo̱ súolo̱ ke̱ wo̱nanyo-nitšulo̱ ye̱ Kristo sanekpakpa le̱ mli le̱, ni eba-wonye hewale̱, ni etšē̱ nyetšui eṅmẽ nyemli ye̱ nyehemo̱-ke̱-yeli le̱ hewo̱, *Bof. 16,1-3.

1 Tesalonikabii 5:14

Ši wo̱mĩkpanye fai, anyemimei, *nyewiea nyetšõa mei ni be̱ gbé̱dšiano̱ le̱; nyeše̱dšea mei ni tšui fãa le̱ amĩ; nyeherea mei ni feo̱ gbedē le̱; nyetoa nyetšui ši nyehãa mei fẽ. *2 Tes. 3,15.

1 Timoteo 3:16

Ni noko ní agba mli faṅṅ ake̱ eda kpeteṅkple dši Nyoṅmo̱-dšámo̱ tēmo̱sane le̱: *Nyoṅmo̱ dšie ehe ši faṅṅ ye̱ helo mli, †eye bem ye̱ mumo̱ mli, epue ehã bo̱foi, ašie̱le̱ ye̱ dšeṅmãdši ateṅ, ahe eno̱ aye ye̱ dšeṅ, **aṅõle̱ ke̱-te ṅwei ye̱ anumnyam mli. *Ioh. 1,15. †Ioh. 16,10. Rom. 1,4. **Mar. 16,19.

Hebribii 10:22

*nyehāa wo̱ke̱ ano̱kwa tšui ababe̱ṅke̱a ye̱ hemo̱-ke̱-yeli ni wo̱-yo̱ hewale̱ ye̱ no̱ le̱ mli, ke̱ tšui hũ ní atšū he ní ebe̱ henilē fõṅ ko doṅṅ, ke̱ gbomotšo ní †ake̱ nu ní mli tše edšu he, *4,16. †Ef. 5,26.

Hebribii 6:11

Ši wo̱mītao ake̱ nyeteṅ mofẽmo atšõ ne̱ke̱ mo̱deṅbō̱ ne̱ noṅṅ, koni *amã no̱hĩekãmo̱ le̱ no̱ mĩ ke̱-yaši nāgbē, 3,14. Fil. 1,6.

2 Petro 1:10

Nohewo̱ le̱, anyemimei, nyebo̱a mo̱deṅ ni nyewadšea nyetšé̱mo̱ ke̱ ha-lamo̱ le̱; edšake̱, ké̱ nyefe ene̱ le, nyetē̱re̱ṅ gbĩkogbĩko.

2 Petro 1:3

Gbīīabo̱ ni enyoṅmo̱hewale̱ le̱ eṅõ nii fiã ni hĩ hã wala ke̱ Nyoṅmo̱-dšámo̱ le̱ ekewo̱ ye̱ moni tšõ le̱dientše̱ enumnyam ke̱ enikpakpai anifemo̱ no̱ *etšé̱wo̱ le̱ he nilẽ mli le̱, *1 Pet. 2,9.

2 Petro 3:18

ši nyeſerea ye̱ wo̱-Nuṅtšo̱ ke̱ yi-walaherelo̱ Iesu Kristo dromo̱ ke̱ nilẽ le̱ mli. Le̱ noṅṅ aṅõ anumnyam ahã agbene̱ ke̱ dā! Amen.

1 Yohane 3:19

Ni no̱ wo̱ke̱-ale̱, ake̱ ano̱kwale̱ le̱ mli wo̱dše̱, ni wo̱o̱tšé̱ wo̱tšuii wo̱ṅmẽ wo̱mli ye̱ ehīe,

1 Yohane 5:7

Ši mei etẽ dši mei ni yeo̱ odase (ye̱ ṅwei: Tše̱ le̱, wie̱mo̱ le̱, ke̱ Mumo̱ kroṅkroṅ le̱, ni mei etẽ ne̱ ekomeṅ.