Kojolɔi 9:54 - Ṅmãle̱ Kroṅkroṅ Le̱

⁵⁴ Ke̱ke̱ ni etšē̱ oblanyo ní hĩe etawūnii le̱ oyá, ni ekē̱le̱ ake̱: *Gblamo̱ oklante ní ogbemi, koni akakē̱ ye̱ mihe ake̱: Yō po gbele̱! Ni oblanyo le̱ tšule̱ nõ ní egbo. *1 Sam. 31,4.

ŊMALƐ KRƆŊKRƆŊ LƐ

⁵⁴ Oya nɔŋŋ ni Abimelek tsɛ oblanyo ni hiɛ lɛ Abimelek lɛ etawuunii lɛ, ni efã oblanyo lɛ akɛ, “Gbalamɔ oklante ni ogbe mi, koni akakɛɛ yɛ mihe akɛ, ‘Yoo po gbe lɛ.’ ” No hewɔ lɛ, oblanyo lɛ tsu Abimelek nɔ, ni egbo.

Kojolɔi 9:54 ပူးပေါင်းရင်းမြစ်များ

2 Samuel 1:10

Ke̱ke̱ ni mitši mibe̱ṅke̱le̱ ni migbele̱, edšake̱ mile ake̱ eyi náṅ wala ye̱ ešigbēmo̱ ne̱ se̱; ni midšie maṅtše̱ akekre ni fī eyitšo le̱ ke̱ kõnga ní yo̱ ekõṅ le̱, ní mike̱ba bie̱ mibahã minuṅtšo̱.

2 Samuel 1:7

Ni beni ekwe̱ ese̱ ní enamĩ le̱, etšē̱mi, ni mihere no̱ mikē̱: Nami!

2 Samuel 1:9

Ni ekē̱mi ake̱: Tši oba ni obagbemi; edšake̱ ṅmiṅmi emõmi, tše̱ misusuma ye̱ mimli ſēſe!

2 Samuel 23:37

Zelek, Amonnyo le̱; Naharai, Beerotnyo le̱, moni dši Zeruia bi Ioab tawūniihĩelo̱ le̱;

1 Kronika 10:4

Ke̱ke̱ ni Saul kē̱ etawūniihĩelo̱ le̱ ake̱: Gblamo̱ oklante ni oke̱-dũmi, koni ne̱ke̱ fõlo̱i ne̱ akaba ni ame̱bafemi niseniianii. Ši etawūniihĩelo̱ le̱ ekplẽẽ; edšake̱ ēše gbeyei naakpa dientše̱. Nohewo le̱ Saul ko̱ eklante ni eho egbẽ no̱.

1 Kronika 10:5

Ni beni etawūniihĩelo̱ le̱ na ake̱ Saul egbo le̱, le̱ hũ eho egbē eklante no̱ ni egbo.

1 Kronika 11:39

Zelek, Amonnyo le̱; Naharai, Berotnyo, ni dši Ioab, Zeruia bi le̱, tawūniihĩelo̱ le̱;

Kojolɔi 4:9

Ni ekē̱le̱ ake̱: Mike̱o aate; ši kẽle̱ gbe̱ ni oyaä ne̱ mli anumnyam le̱ efeṅ onõ; edšake̱ yō ko deṅ Iehowa baṅõ Sisera awo! Ni Debora te ši, ni eke̱ Barak te Kedeš.

Kojolɔi 9:55

Ni beni Israel hĩĩ le̱ na ake̱ Abimelek enyõ le̱, ame̱teṅ mofẽmo te emaṅ.

1 Samuel 14:12

Ni asrafoi le̱ here Ionatan ke̱ eta-wūniihlelo̱ le̱ no̱ ake̱: Nyekwo̱a ke̱-baä wo̱ṅõ ni wo̱tšõnye noko! Ke̱ke̱ ni Ionatan kē̱ etawūniihĩelo̱ le̱ ake̱: Kwo̱ ke̱-nyie mise̱ ke̱-ba; ši Iehowa eṅõame̱ ewo Israel deṅ!

1 Samuel 14:13

Ni Ionatan nyie enidši ke̱ enãdši ano̱ ke̱-kwo̱, ni etawūniihĩelo̱ le̱ hũ nyie ese̱. Ni *ame̱ſieſie ši ye̱ Ionatan hĩe; bĕle̱ etawūniihĩelo̱ mīgbegbẽame̱ ke̱-nyie ese̱. *3 Mose 23,7. 8.

1 Samuel 14:14

Ni mei ni Ionatan ke̱ etawūniihĩelo̱ le̱ gbe kleṅkleṅ le̱ aafe mei nyoṅmai-enye̱, ye̱ šikpoṅ ni dale̱ aafe tšinai nta hũme̱ mlidšã no̱.

1 Samuel 14:17

Ke̱ke̱ ni Saul kē̱ mei ni fata ehe le̱ ake̱: Nyekanea mei le̱ ni nyekwe̱a moni edše wo̱teṅ! Ni ame̱kane, ni na, Ionatan ke̱ etawūniihĩelo̱ le̱ be̱.

1 Samuel 14:7

Ni etawūniihĩelo̱ le̱ kē̱le̱ ake̱: Femo̱ nofẽno ni yo̱ otšui mli; tšṍ ohe; na, mifata ohe bo̱ni osumoo̱.

1 Samuel 16:21

Ni David ba Saul ṅõ, ni ebasúmo̱le̱, ni esumo̱le̱ naakpa, ni etšṍ etawūniihĩelo̱.

1 Samuel 31:6

Bo̱ni Saul ke̱ ebihĩĩ etẽ le̱ ke̱ etawūniihĩelo̱ le̱ ke̱ ewebii le̱ fẽ gboi šikome ye̱ nakai gbĩ le̱ no̱ ne̱.